Revised Common Lectionary (Complementary)
Dee 121 Psalm
En leet fonn nehejcht gone.
1 Ekj woa miene Uage nehejcht häwe no dee Boaj; fonn wua saul miene Help kome?
2 Miene Help kjemt fonn däm Herr Gott, dee de Himmels un dee Ead muak.
3 Hee woat nijch erlaube daut dien Foot jleppe sull; dee die bewoat, woat nijch schlope.
4 See, dee Iesrael bewoat, woat nijch schlope!
5 Dee Herr Gott es dien Bewoara; dee Herr Gott es dien Schaute aun diene rajchte Haunt.
6 Dee Sonn woat die nijch stäakje bie Dach, uk nijch de Mon bie Nacht.
7 Dee Herr Gott woat die bewoare fonn aulet Beeset; Hee woat diene Seel bewoare.
8 Dee Herr Gott woat dien rut gone un dien enenn kome bewoare; fonn nu aun un wieda bott enne Eewijchkjeit.
3 Ekj dank Gott, daem ekj fonn miene Faeafodasch aunjebaet ha met en reinet Jewesse, en denk aun die oone Enj enn miene Jebaed Dach en Nacht.
4 Ekj ha en felang die to seene, en denkj aun diene Trone, daut ekj met Freid mucht jefelt woare,
5 Wan ekj denkj aun daen woarhauftje Gloowe dee eascht enn diene Grootmutta Lois wea, en uk en diene Mutta Eunika, en ekj sie mie aewazeicht, uk enn die.
6 Doaromm halp ekj die denkje daut du dee Gow fonn Gott kloa aum brenne helst, dee enn die es doaderch daut ekj miene Henj opp die laed.
7 Dan Gott haft onns nich en Forcht Jeist jejaeft, oba fonn Macht, en Leew, en Selfstbeharsche.
Copyright © 2001 by Elmer Reimer