Chronological

⁴ “మురికి దానిలో నుండి శుభ్రమైన దాన్ని ఎవరు తీయగలరు? ఎవ్వరూ తీయలేరు.
⁵ నరుని జీవితం పరిమితం.
    దేవా, నరుని మాసాల సంఖ్య నీవు నిర్ణయం చేశావు.
    నరుడు మార్చజాలని హద్దులు నీవు ఉంచావు.
⁶ కనుక దేవా, నరునికి దూరంగా చూడు. వానిని ఒంటరిగా విడిచిపెట్టు.
    అతని కాలం తీరేవరకు అతని కష్టజీవితం అతణ్ణి అనుభవించనివ్వు.

⁷ “అయితే ఒక చెట్టుకు నీరీక్షణ ఉంది.
    దాన్ని నరికివేస్తే, అది మరల పెరుగుతుంది.
    అది కొత్త కొమ్మలు వేస్తూనే ఉంటుంది.
⁸ భూమిలో దాని వేర్లు పాతవైపోవచ్చును.
    దాని మొద్దు మట్టిలో చీకిపోవచ్చును.
⁹ కానీ నీళ్లు ఉంటే అది కొత్త చిగుళ్లు వేస్తుంది.
    మొక్కల్లా అది కొమ్మలు వేస్తుంది.
¹⁰ అయితే మనిషి మరణిస్తాడు.
    అతని శరీరం పాతి పెట్టబడుతుంది. మనిషి చనిపోయినప్పుడు, అతుడు వెళ్లిపోయాడు.
¹¹ సముద్రంలో నీరు ఇంకిపోయినట్టు,
    ఒక నది నీరు ఎండిపోయినట్టు
¹² సరిగ్గా అదే విధంగా ఒక వ్యక్తి మరణించినప్పుడు,
    అతడు పండుకొని, మళ్లీ లేవలేడు.
మరణించే మనుష్యులు, ఆకాశాలు ఉండకుండా పోయేంత వరకు
    మేల్కొనరు, నిద్రించటం మానుకోరు.

¹³ “నీవు నన్ను నా సమాధిలో దాచిపెడితే బాగుండునని నా (యోబు) ఆశ.
    నీ కోపం పోయేవరకు, నీవు నన్ను అక్కడ దాచిపెడితే బాగుండుననిపిస్తుంది నాకు.
అప్పుడు నన్ను జ్ఞాపకం చేసుకొనేందుకు నీవు ఒక సమయాన్ని ఏర్పరచుకోవచ్చు
¹⁴ ఒక మనిషి మరణిస్తే, అతడు మరల బ్రతుకుతాడా?
    నేను వేచి ఉంటాను, నేను విడుదల అయ్యేంత వరకు కష్టపడి పోరాడుతాను.
¹⁵ దేవా, నీవు నన్ను పిలుస్తావు,
    నేను (యోబు) నీకు జవాబు ఇస్తాను.
నన్ను నీవు చేశావు,
    నన్ను నీవు కోరుతావు
¹⁶ అప్పుడు నేను వేసే ప్రతి అడుగూ నీవు గమనిస్తావు.
    కానీ, నేను చేసిన పాపాలు నీవు జ్ఞాపకం చేసుకోవు.
¹⁷ నీవు నా పాపాలు ఒక సంచిలో కట్టివేసి, దూరంగా పారవేయి.

¹⁸ “సరిగ్గా ఒక పర్వతం కూలిపోయినట్టు
    ఒక బండదాని స్థలం నుండి తొలగించబడినట్టు
¹⁹ నీళ్లు రాళ్లను కడిగివేసి వాటిని అరగ దీసినట్టు,
    నీళ్లు నేలమీద మట్టిని కొట్టుకుపోవునట్లు,
    అదే విధంగా, దేవా నీవు ఒక మనిషి ఆశను నాశనం చేస్తావు.
²⁰ నీవు మనిషిని ఒకసారి ఓడించి ముగిస్తే
    మనిషి పోయినట్టే.
నీవు వాని ముఖాన్ని చావు ముఖంగా మార్చివేసి
    శాశ్వతంగా వానిని పంపించివేస్తావు.
²¹ వాని కుమారులు గౌరవించబడినా అది ఎన్నటికీ అతనికి తెలియదు.
    అతని కుమారుడు చెడు చేస్తే అతడు ఎన్నటికీ దానిని చూడడు.
²² మనిషి తన స్వంత శరీరంతో బాధ అనుభవిస్తాడు.
    అతడు తన కోసమే ఎక్కువగా దుఃఖిస్తాడు.”

⁷ “యోబూ! మొట్ట మొదట పుట్టింది నీవే అని తలుస్తున్నావా?
    కొండలు చేయబడక ముందే నీవు జన్మించావా?
⁸ దేవుని రహస్య పథకాలు నీవు విన్నావా?
    నీ మట్టుకు నీవు ఒక్కడవు మాత్రమే జ్ఞానం గలవాడవని తలుస్తున్నావా?
⁹ యోబూ! నీకు తెలిసిన దానికంటే మాకు ఎక్కువ తెలుసు.
    నీవు గ్రహించలేని విషయాలు మేము గ్రహిస్తాం.
¹⁰ తల నెరసిన మనుష్యులు మరియు వృద్ధులు మాతో ఏకీభవిస్తారు.
    అవును, చివరికి నీ తండ్రికంటే పెద్ద వాళ్లు కూడా మా పక్షంగా ఉన్నారు.
¹¹ దేవుడు నిన్ను ఆదరించేందుకు ప్రయత్నిస్తాడు
    కానీ నీకు అది మాత్రమే చాలదు.
సౌమ్యమయిన పద్ధతిలో దేవుని సందేశం మేము నీకు చెప్పాము.
¹² యోబూ! నీవెందుకు అర్థం చేసుకోవు?
    సత్యాన్ని ఎందుకు చూడలేక పోతున్నావు?
¹³ నీవు ఈ కోపపు మాటలు చెప్పినప్పుడు
    నీవు దేవునికి విరోధంగా ఉన్నావు.

¹⁴ “ఒక మనిషి వాస్తవంగా పరిశుద్ధంగా ఉండలేడు.
    స్త్రీ నుంచి జన్మించిన మనిషి, దేవునితో సరిపడి ఉండ జాలడు.
¹⁵ దేవుడు కనీసం తన దూతలను కూడ నమ్మడు.
    దూతలు నివసించే ఆకాశం కూడా పవిత్రమైనది కాదు.
¹⁶ మానవుడు అంతకంటే దౌర్భాగ్యుడు.
    మానవుడు అసహ్యమైనవాడు మరియు పాడైపోయాడు.
    అతడు మంచి నీళ్లు త్రాగినట్టుగా కీడును త్రాగుతాడు.

¹⁷ “యోబూ, నా మాట విను. నేను దానిని నీకు వివరిస్తాను.
    నాకు తెలిసిన దానిని నేను నీతో చెబుతాను.
¹⁸ జ్ఞానం గల మనుష్యులు నాతో చెప్పిన విషయాలు నేను నీతో చెబుతాను.
    ఆ జ్ఞానం గల మనుష్యుల పూర్వీకులు ఈ విషయాలను వారితో చెప్పారు.
    ఆ జ్ఞానులు రహస్యాలేమీ నా దగ్గర దాచిపెట్టలేదు.
¹⁹ వారికే (జ్ఞానులకే) దేశం ఇవ్వబడింది.
    వారిని ఇబ్బంది పెట్టేందుకు పరాయివాళ్లు ఎవరూ ఆ దేశంలో లేరు.
²⁰ దుర్మార్గుడు తన జీవితకాలమంతా బాధతో శ్రమ పడతాడు.
    క్రూరమైన మనిషి తన కోసం దాచ బడిన సంవత్సరాలన్నింటిలో శ్రమపడతాడు,
²¹ భయంకర శబ్దాలు అతని చెవులకు వినిపిస్తాయి
    మరియు అతడు క్షేమంగా ఉన్నానని అనుకొన్నప్పుడు శత్రువు అతని మీద దాడి చేస్తాడు.
²² దుర్మార్గపు వ్యక్తి చాలా విసిగిపోతాడు. చీకటి నుండి తప్పించుకొనే ఆశ అతనికి ఉండదు.
    అతణ్ణి చంపివేసేందుకు ఎక్కడో ఒక ఖడ్గం కనిపెడుతూనే ఉంటుంది.
²³ అతడు అటూ ఇటూ ఆహారం కోసం ‘ఎక్కడ అది’ అంటూ సంచరిస్తూనే ఉంటాడు.
    కాని అతని శరీరం రాబందులకు ఆహారం అవుతుంది. అతనికి చావు మూడిందని అతనికి తెలుసు.
²⁴ చింత, శ్రమ అతణ్ణి భయపెడుతున్నాయి. అతణ్ణి నాశనం చేసేందుకు
    ఒక రాజు సిద్ధంగా ఉన్నట్టు ఈ విషయాలు అతనిపై దాడి చేస్తాయి.
²⁵ ఎందుకంటే దుర్మార్గుడు దేవుని మీద తన పిడికిలి బిగిస్తాడు కనుక దుర్మార్గుడు దేవునికి విధేయుడయ్యేందుకు నిరాకరిస్తాడు.
    సర్వశక్తిమంతుడైన దేవునికి విరోధంగా దుర్మార్గుడు బలవంతునిగా ఉండేందుకు ప్రయత్నిస్తాడు.
²⁶ ఆ మనిషి చాలా మొండివాడు.
    దుర్మార్గుడు తన బలమైన లావుపాటి కేడెముతో దేవుని మీద దాడి చేస్తాడు.
²⁷ దుర్మార్గుడు ధనవంతుడై ముఖం కొవ్వుతో నిండి వుండవచ్చు.
వాని నడుము కొవ్వు పొరలతో బలిసి ఉండవచ్చు.
²⁸     కానీ శిథిలమైన పట్టణాల్లో వాడు నివసిస్తాడు.
    ఎవరూ నివసించని ఇండ్లలో ఆ దుర్మార్గుడు నివసిస్తాడు.
    అవి పడిపోయేట్టు ఉన్న శిథిల గృహాలు.
²⁹ దుర్మార్గుడు ధనికుడుగా ఉండవచ్చు.
    అతని ఐశ్వర్యం ఎక్కువ కాలం ఉండదు.
    అతని పంటలు ఎక్కువగా పండవు.
³⁰ దుర్మార్గుడు చీకటిని తప్పించుకోలేడు.
    అగ్నిచేత కొమ్మలు కాలిపోయిన చెట్టులా అతడు ఉంటాడు.
    దేవుని శ్వాస దుర్మార్గుని తుడిచివేస్తుంది.
³¹ దుర్మార్గుడు పనికిమాలిన వాటిని నమ్ముకొని తనను తానే మోసం చేసుకోకూడదు.
    ఎందుకంటే, వానికి ఏమీ దొరకదు కనుక.
³² దుర్మార్గుని ఆయుష్షు తీరిపోకముందే
    వాడు ముసలివాడై, ఎండిపోతాడు. మళ్లీ ఎన్నటికి పచ్చగా ఉండని ఎండిపోయిన కొమ్మలా అతడు ఉంటాడు.
³³ ద్రాక్షాపండ్లు పక్వానికి రాకముందే రాలిపోతున్న ద్రాక్షావల్లిలా దుర్మార్గుడు ఉంటాడు.
    ఆ వ్యక్తి పూలు రాలిపోయిన ఒలీవ చెట్టులా ఉంటాడు.
³⁴ ఎందుకంటే, దేవుడు లేని ప్రజల పని వ్యర్థము.
    డబ్బును ప్రేమించే మనుష్యుల ఇండ్లు అగ్నిచేత నాశనం చేయబడతాయి.
³⁵ వారు కష్టాలకు పథకం వేసి దుర్మార్గపు పనులు చేస్తారు.
    మనుష్యులను మోసం చేసేందుకు వారు ప్రయత్నం చేస్తారు.”

⁶ “అయితే నేను చెప్పేది ఏదీ నా బాధ పోయేట్టుగా చేయలేదు.
    కానీ నేను మాట్లాడకపోతే నాకు ఆదరణ లేదు.
⁷ నిజంగా దేవా, నీవు నా బలం తీసివేశావు.
    నా కుటుంబం మొత్తాన్ని నీవు నాశనం చేశావు.
⁸ నీవు నన్ను కట్టివేశావు. అది ప్రతి ఒక్కరూ చూడగలరు.
    నా శరీరం రోగంతో ఉంది, నేను భయంకరంగా కనబడుతున్నాను.
    దాని అర్థం నేను దోషిని అని ప్రజలు తలస్తున్నారు.

⁹ “దేవుడు నా మీద దాడి చేస్తున్నాడు,
    ఆయన నా మీద కోపంగా ఉండి నా శరీరాన్ని చీల్చి వేస్తున్నాడు.
దేవుడు నా మీద తన పళ్లు కొరుకుతున్నాడు.
    నా శత్రువుల కళ్లు ద్వేషంతో చూస్తున్నవి.
¹⁰ మనుష్యులు నన్ను చూచి నవ్వుతారు.
    వాళ్లంతా నా చుట్టూ చేరి నన్ను అవమానించి నా ముఖం మీద కొట్టడానికి సమ్మతిస్తారు.
¹¹ దేవుడు నన్ను దుర్మార్గులకు అప్పగించాడు.
¹² నా విషయం అంతా బాగానే ఉంది. నేను నెమ్మదిగా జీవిస్తూ వచ్చాను.
    కాని దేవుడు నన్ను చితుకగొట్టేశాడు.
అవును ఆయన నన్ను మెడపట్టి లాగి,
    నన్ను ముక్కలు ముక్కలుగా విరుగగొట్టాడు.
గురి చూసి కొట్టడం అభ్యసించడానికి దేవుడు నన్ను ప్రయోగిస్తున్నాడు.
¹³     దేవుని విలుకాండ్లు నా చుట్టూరా ఉన్నారు.
    నా మూత్రపిండాలలో ఆయన బాణాలు కొడుతున్నాడు.
    ఆయన దయ చూపించడు. ఆయన నా పైత్య రసాన్ని నేలమీద ఒలకబోస్తాడు.
¹⁴ మరల మరల దేవుడు నా మీద దాడి చేస్తాడు.
    యుద్ధంలో సైనికునిలా ఆయన నా మీదకు పరుగెత్తుతాడు.

¹⁵ “నేను (యోబు) చాలా విచారంగా ఉన్నాను,
    కనుక గోనెపట్టతో చేయబడిన బట్టలు నేను ధరిస్తాను.
నేను ఇక్కడ దుమ్ములో, బూడిదలో కూర్చొని
    ఓడిపోయినట్టుగా భావిస్తున్నాను.
¹⁶ ఏడ్చుట మూలంగా నా ముఖం ఎర్రబడింది.
    ఛాయలు నా కళ్ల చుట్టూరా ఉంగరాల్లా ఉన్నాయి.
¹⁷ నేను ఎన్నడూ క్రూరమైన నేరం ఏది చేయలేదు.
    నా ప్రార్థన నిర్మలమయినది.

¹⁸ “భూమీ, నా రక్తాన్ని దాచి పెట్టకు. (నాకు జరిగిన చెడుగులను కప్పి పెట్టకు).
    న్యాయం కోసం అరిచే నా అరుపులను (ప్రార్థనలను) ఆగిపోనీయకు.
¹⁹ ఇప్పుడు కూడ ్ర ఉండి నాకు సాక్షిగా ఉన్నాడు.
²⁰ నా స్నేహితులు నాకు విరోధంగా ఉన్నారు.
    కాని నా కన్నులు దేవుని కోసం కన్నీళ్లు కారుస్తున్నాయి.
²¹ ఒక మనిషి తన స్నేహితుని కోసం బ్రతిమలాడినట్టుగా,
    నా కోసం దేవునిని బ్రతిమలాడే ఒక మనిషి నాకు కావాలి.

²² “నేను ఏ చోట నుండి (మరణం) తిరిగి రానో ఆ చోటికి నేను వెళ్లేందుకు ఇంకా కొద్ది సంవత్సరాలే జరగాల్సి ఉంది.