Revised Common Lectionary (Semicontinuous)

“Nanm mwen beni non Bondye.
⁴⁷     Lespri m rejwi nan Bondye sovè mwen.
⁴⁸ Malgre mwen pa gen enpòtans,
    Senyè a manifeste favè li anvè mwen, pòv sèvant li a.
Depi kounye a pou jouktan sa fini,
    tout moun ap sonje kijan Bondye beni m anpil.
⁴⁹ Wi, Bondye ki gen tout pouvwa a fè anpil gwo bagay pou mwen.
    Non li sen anpil.
⁵⁰ Li toujou gen konpasyon
    pou moun ki gen krentif pou li.
⁵¹ Li manifeste pouvwa li nan sa li fè ak men li.
    Moun ki ògeye yo epi ki panse se yon pakèt afè yo ye, li fè yo wont.
⁵² Li ranvèse wa yo sou twòn yo
    epi li leve tèt moun ki bese byen ba devan li.
⁵³ Li bay moun ki grangou yo manje pou plen vant yo,
    men li voye moun rich yo ale san anyen.
⁵⁴ Bondye ede Izrayèl pèp li chwazi pou sèvi l la.
    Li pa t janm bliye mizerikòd li.
⁵⁵ Jan li te di zansèt nou yo,
    Abraram ansanm ak desandan l yo,
    li t ap fè l la, pou tout tan gen tan.”