Revised Common Lectionary (Semicontinuous)

³⁵ Kwa sasa ilikuwa imekwisha kuwa jioni sana. Kwa hiyo wanafunzi wake walimwijia na kusema, “Hapa ni mahali palipojitenga na sasa hivi saa zimeenda. ³⁶ Uruhusu watu waende zao, ili kwamba waende kwenye mashamba na vijiji vinavyozunguka na waweze kujinunulia kitu cha kula.”

³⁷ Lakini kwa kujibu aliwaambia, “Ninyi wenyewe wapeni kitu cha kula.”

Wao Wakamwambia, “Je, twende kununua mikate yenye thamani ya mshahara wa mtu mmoja^[a] wa miezi minane na kuwapa wale?”

³⁸ Yesu akawambia, “Ni mikate mingapi mliyonayo? Nendeni mkaone.”

Walienda kuhesabu, wakarudi kwa Yesu na kusema, “Tunayo mikate mitano na samaki wawili.”

³⁹ Kisha akawaagiza wakae chini kila mmoja kwenye majani mabichi kwa vikundi. ⁴⁰ Nao wakakaa kwa vikundi vya watu mia na mmoja na vya watu hamsini.

⁴¹ Akachukua ile mikate mitano na samaki wawili, akatazama juu mbinguni, akashukuru na akaimega. Akawapa wanafunzi wake ili wawape watu. Pia aligawanya samaki wawili miongoni mwao wote.

⁴² Wakala na wote wakatosheka. ⁴³ Wakachukua mabaki ya vipande vya mikate na samaki na kujaza vikapu kumi na viwili. ⁴⁴ Na idadi ya wanaume waliokula ile mikate ilikuwa 5,000.