Revised Common Lectionary (Semicontinuous)

Sa Pangulong Manunugtog; itinugma sa Mahalath. Masquil ni David.

¹⁰ Nang magkagayo'y dumating ang salita ng Panginoon kay Samuel, na sinasabi,

^11 (A)Ikinalulungkot ko na aking inilagay na hari si Saul; sapagka't siya'y tumalikod na hindi sumunod sa akin, at hindi tinupad ang aking mga utos. At si Samuel ay nagalit, at siya'y dumaing sa Panginoon buong gabi.

¹² At si Samuel ay bumangong maaga upang salubungin si Saul sa kinaumagahan; at nasaysay kay Samuel, na sinasabi, Si Saul ay ^(B)naparoon sa Carmel, at, narito, ipinagtayo niya siya ng isang monumento, at siya'y lumibot at nagpatuloy, at lumusong sa Gilgal.

¹³ At naparoon si Samuel kay Saul, at sinabi ni Saul sa kaniya, ^(C)Pagpalain ka nawa ng Panginoon, aking tinupad ang utos ng Panginoon.

¹⁴ At sinabi ni Samuel, Anong kahulugan nga nitong iyak ng tupa sa aking pakinig, at ng ungal ng mga baka na aking naririnig?

¹⁵ At sinabi ni Saul, Sila'y dinala mula sa mga Amalecita: ^(D)sapagka't ang bayan ay nagligtas ng pinakamabuti sa mga tupa at sa mga baka, upang ihain sa Panginoon mong Dios; at ang natira ay aming lubos na nilipol.

¹⁶ Nang magkagayo'y sinabi ni Samuel kay Saul, Tumigil ka, at aking sasaysayin sa iyo kung ano ang sinabi ng Panginoon sa akin nang gabing ito. At sinabi niya sa kaniya, Sabihin mo.

¹⁷ At sinabi ni Samuel, ^(E)Bagaman ikaw ay maliit sa iyong sariling paningin, hindi ka ba ginawang pangulo sa mga lipi ng Israel? At pinahiran ka ng langis ng Panginoon na maging hari sa Israel;

¹⁸ At sinugo ka ng Panginoon sa isang paglalakbay, at sinabi, Ikaw ay yumaon, at iyong lubos na lipulin ang mga makasalanang Amalecita, at labanan mo sila hanggang sa sila'y malipol.

¹⁹ Bakit nga hindi mo sinunod ang tinig ng Panginoon, kundi ikaw ay ^(F)dumaluhong sa pananamsam, at ikaw ay gumawa ng masama sa paningin ng Panginoon?

²⁰ At sinabi ni Saul kay Samuel, Oo, aking sinunod ang tinig ng Panginoon, at ako'y yumaon sa daan na pinagsuguan sa akin ng Panginoon, at aking dinala si Agag na hari ng Amalec, at aking lubos na nilipol ang mga Amalecita.

²¹ Nguni't ang bayan ay kumuha sa samsam ng mga tupa at mga baka, ng pinakamabuti sa mga itinalagang bagay, upang ihain sa Panginoon mong Dios sa Gilgal.

²² At sinabi ni Samuel, ^(G)Nagtataglay kaya ang Panginoon ng napakadakilang pagkatuwa sa mga handog na susunugin at sa mga hain, na gaya sa pagsunod ng tinig ng Panginoon? Narito, ^(H)ang pagsunod ay maigi kay sa hain, at ang pagdinig kay sa taba ng mga tupang lalake.

²³ Sapagka't ang panghihimagsik ay gaya ng kasalanan ng panghuhula, at ang katigasan ng ulo ay gaya ng pagsamba sa mga diosdiosan at sa mga terap. Sapagka't dahil sa iyong itinakuwil ang salita ng Panginoon, ay ^(I)kaniya namang itinakuwil ka upang huwag ka nang maging hari.

²² At hindi ako nakakita ng templo doon: ^(A)sapagka't ang Panginoong Dios, ang Makapangyarihan sa lahat, at ang Cordero ay siyang templo doon.

²³ At ang bayan ay ^(B)hindi nangangailangan ng araw, o ng buwan man, upang lumiwanag sa kaniya: sapagka't nililiwanagan ng kaluwalhatian ng Dios, at ang ilaw doon ay ang Cordero.

²⁴ At ^(C)ang mga bansa ay lalakad sa pamamagitan ng liwanag nito: at ang mga ^(D)hari sa lupa ay mangagdadala ng kanilang karangalan sa loob niyaon.

²⁵ At ^(E)ang mga pintuan niyaon ay hindi ilalapat kailan man sa araw (sapagka't hindi magkakaroon ^(F)doon ng gabi):

²⁶ At dadalhin nila sa loob niyaon ang karangalan at kapurihan ng mga bansa:

²⁷ At ^(G)hindi papasok doon sa anomang paraan ang anomang bagay na karumaldumal, o siyang gumagawa ng kasuklamsuklam at ng kasinungalingan: kundi yaon lamang na mga nakasulat ^(H)sa aklat ng buhay ng Cordero.

22 At ipinakita niya sa akin ang ^(I)isang ilog ng tubig ng buhay, na maningning na gaya ng bubog, na lumalabas sa luklukan ng Dios at ng Cordero,

² Sa gitna ng ^(J)lansangang yaon. ^(K)At sa dako rito ng ilog, at sa ibayo nito, naroon ^(L)ang punong kahoy ng buhay, na namumunga ng labingdalawang iba't ibang bunga, na namumunga sa bawa't buwan: at ang mga dahon ng punong kahoy ay pangpagaling sa mga bansa.

³ At ^(M)hindi na magkakaroon pa ng sumpa: ^(N)at ang luklukan ng Dios at ng Cordero ay naroroon: at siya'y paglilingkuran ng kaniyang mga alipin;

⁴ At makikita nila ang ^(O)kaniyang mukha; at ang ^(P)kaniyang pangalan ay sasa kanilang mga noo.

^5 (Q)At hindi na magkakaroon pa ng gabi, at sila'y hindi nangangailangan ng liwanag ng ilawan, ni ng liwanag man ng araw; sapagka't liliwanagan sila ^(R)ng Panginoong Dios: at sila'y maghahari magpakailan kailan man.