Revised Common Lectionary (Semicontinuous)

Pagpuri sa Panginoon dahil sa kaniyang kahabagan sa Israel.

²² Si Eli nga ay totoong matanda na; at kaniyang nababalitaan ang lahat ng ^(A)ginagawa ng kaniyang mga anak sa buong Israel, at kung paanong sila'y sumisiping sa mga babae na naglilingkod sa pintuan ng tabernakulo ng kapisanan.

²³ At sinabi niya sa kanila, Bakit ginagawa ninyo ang mga ganiyang bagay? sapagka't aking nababalitaan sa buong bayang ito ang inyong mga masamang kilos.

²⁴ Huwag, mga anak ko; sapagka't hindi mabuting balita ang aking naririnig: inyong pinasasalangsang ang bayan ng Panginoon.

²⁵ Kung ang isang tao ay magkasala laban sa iba, ay hahatulan siya ng ^(B)Dios; nguni't kung ang isang tao ay magkasala laban sa Panginoon, sino ang mamamagitan sa kaniya? Gayon ma'y hindi nila dininig ang tinig ng kanilang ama, ^(C)sapagka't inakalang patayin sila ng Panginoon.

²⁶ At ang batang si Samuel ay lumalaki, at ^(D)kinalulugdan ng Panginoon at ng mga tao rin naman.

Ang hula laban sa sangbahayan ni Eli.

²⁷ At ^(E)naparoon ang isang lalake ng Dios kay Eli, at sinabi sa kaniya, Ganito ang sabi ng Panginoon, ^(F)Napakita ba ako ng hayag sa sangbahayan ng iyong ama, nang sila'y nasa Egipto sa pagkaalipin sa sangbahayan ni Faraon?

^28 (G)At pinili ko ba siya sa lahat ng mga lipi ng Israel upang maging saserdote ko, upang maghandog sa aking dambana, upang magsunog ng kamangyan, at upang ^(H)magsuot ng epod sa harap ko? at ^(I)ibinigay ko ba sa sangbahayan ng iyong ama ang lahat ng mga handog ng mga anak ni Israel na pinaraan sa apoy?

^29 (J)Bakit nga kayo'y tumututol sa aking hain at sa aking handog, na aking iniutos sa aking ^(K)tahanan, at iyong pinararangalan ang iyong mga anak ng higit kaysa akin, upang kayo'y magpakataba sa mga pinakamainam sa lahat ng mga handog ng Israel na aking bayan?

³⁰ Kaya't sinasabi ng Panginoon, ng Dios ng Israel, ^(L)Aking sinabi nga na ang iyong sangbahayan, at ang sangbahayan ng iyong ama, ay lalakad sa harap ko magpakailan man: nguni't ^(M)sinasabi ngayon ng Panginoon, Malayo sa akin; sapagka't yaong mga nagpaparangal sa akin ay aking pararangalin, at yaong mga humahamak sa akin ay mawawalan ng kabuluhan.

³¹ Narito, ang mga araw ay ^(N)dumarating, na aking ihihiwalay ang iyong bisig, at ang bisig ng sangbahayan ng iyong ama, upang huwag magkaroon ng matanda sa iyong sangbahayan.

³² At iyong mamasdan ang kadalamhatian sa aking tahanan, sa buong kayamanan na ibibigay ng Dios sa Israel; ^(O)at mawawalan ng matanda sa iyong sangbahayan magpakailan man.

³³ At ang lalaking iyo, na hindi ko ihihiwalay sa aking dambana, ay magiging upang lunusin ang iyong mga mata at papanglawin ang iyong puso; at ang madlang mararagdag sa iyong sangbahayan ay mamamatay sa kanilang kabataan.

³⁴ At ito ang magiging tanda ^(P)sa iyo, na darating sa iyong dalawang anak, kay Ophni at kay Phinees: ^(Q)sa isang araw, sila'y kapuwa mamamatay.

³⁵ At ^(R)ako'y magbabangon para sa akin ng isang tapat na saserdote, na gagawa ng ayon sa nasa aking puso at nasa aking pagiisip: ^(S)at ipagtatayo ko siya ng panatag na sangbahayan; at siya'y lalakad sa harap ^(T)ng aking pinahiran ng langis, magpakailan man.

³⁶ At mangyayari, na bawa't isa na naiwan sa iyong sangbahayan, ay paroroon at yuyukod sa kaniya dahil sa isang putol na pilak at sa isang putol na tinapay, at magsasabi, Isinasamo ko sa iyong ilagay mo ako sa isa sa mga katungkulang pagkasaserdote, upang makakain ako ng isang subong tinapay.

5 Pagkatapos ng mga bagay na ito'y nagkaroon ng pista ang mga Judio; at umahon si Jesus sa Jerusalem.

² Sa Jerusalem nga'y may isang tangke sa tabi ng pintuan ng mga tupa, na sa wikang Hebreo ay tinatawag na Betesda, na may limang portiko.

³ Na sa mga ito ay nangaghandusay ang marami sa kanilang mga maysakit, mga bulag, mga pilay, mga^[a]natutuyo.

⁵ At naroon ang isang lalake, na may tatlongpu't walong taon nang maysakit.

⁶ Nang makita ni Jesus na siya'y nakahandusay, at mapagkilalang siya'y malaon nang panahong maysakit, ay sinabi niya sa kaniya, Ibig mo bagang gumaling?

⁷ Sumagot sa kaniya ang lalaking maysakit, Ginoo, wala ng taong maglusong sa akin sa tangke, pagkalawkaw sa tubig: datapuwa't samantalang ako'y naparoroon, ay nakalusong na muna ang iba bago ako.

⁸ Sinabi sa kaniya ni Jesus, ^(A)Magtindig ka, buhatin mo ang iyong higaan, at lumakad ka.

⁹ At pagdaka'y gumaling ang lalake, at binuhat ang kaniyang higaan at lumakad. ^(B)Noon nga'y araw ng sabbath.

¹⁰ Kaya sinabi ng mga Judio sa kaniya na pinagaling, Ito'y araw ng sabbath, at ^(C)hindi matuwid na buhatin mo ang iyong higaan.

¹¹ Nguni't sila'y sinagot niya, Ang nagpagaling sa akin, ang siya ring sa akin ay nagsabi, Buhatin mo ang iyong higaan, at lumakad ka.

¹² Tinanong nila siya, Sino ang taong sa iyo'y nagsabi, Buhatin mo ang iyong higaan, at lumakad ka?

¹³ Nguni't hindi nakikilala ng pinagaling kung sino siya; sapagka't si Jesus ay humiwalay, palibhasa'y may isang karamihan sa dakong yaon.

¹⁴ Pagkatapos ay nasumpungan siya ni Jesus sa templo, at sa kaniya'y sinabi, Narito, ikaw ay gumaling na: ^(D)huwag ka nang magkasala, baka mangyari pa sa iyo ang lalong masama.

¹⁵ Umalis ang tao, at sinaysay sa mga Judio na si Jesus ang sa kaniya'y nagpagaling.

¹⁶ At dahil dito'y pinagusig ng mga Judio si Jesus, sapagka't ginagawa niya ang mga bagay na ito sa araw ng sabbath.

¹⁷ Datapuwa't sinagot sila ni Jesus, Hanggang ngayo'y gumagawa ang ^(E)aking Ama, at ako'y gumagawa.

¹⁸ Dahil dito nga'y lalo nang pinagsikapan ng mga Judio na siya'y patayin, sapagka't hindi lamang sinira ang araw ng sabbath, kundi tinatawag din naman na kaniyang sariling Ama ang Dios, ^(F)na siya'y nakikipantay sa Dios.