Revised Common Lectionary (Semicontinuous)

Pagpapasalamat sa pagliligtas ng Panginoon.

²⁰ At sinabi ng Dios, Bukalan ng sagana ang tubig ng mga gumagalaw na kinapal na may buhay, at magsilipad ang mga ibon sa itaas ng lupa sa luwal na kalawakan ng himpapawid.

²¹ At ^(A)nilikha ng Dios ang malalaking hayop sa dagat, at ang bawa't may buhay na kinapal na gumagalaw, na ibinukal na sagana ng tubig, ayon sa kanikaniyang uri at ang lahat na may pakpak na ibon, ayon sa kanikaniyang uri: at nakita ng Dios na mabuti.

²² At mga binasbasan ng Dios, na sinabi, Kayo'y ^(B)magpalaanakin, at magpakarami, at inyong punuin ang tubig sa mga dagat, at magpakarami ang mga ibon sa lupa.

²³ At nagkahapon at nagkaumaga ang ikalimang araw.

²⁴ At sinabi ng Dios, Bukalan ang lupa ng mga may buhay na kinapal, ayon sa kanikaniyang uri ng hayop at ng mga kinapal na umuusad, at ng mga ganid sa lupa, ayon sa kanikaniyang uri: at nagkagayon.

²⁵ At nilikha ng Dios ang ganid sa lupa ayon sa kaniyang uri, at ang hayop ayon sa kaniyang uri, at ang bawa't umuusad sa ibabaw ng lupa ayon sa kanikaniyang uri: at nakita ng Dios na mabuti.

²⁶ At sinabi ng Dios, ^(C)Lalangin natin ang tao sa ating larawan, ayon sa ating wangis: ^(D)at magkaroon sila ng kapangyarihan sa mga isda sa dagat, at sa mga ibon sa himpapawid, at sa mga hayop, at sa buong lupa, at sa bawa't umuusad, na nagsisiusad sa ibabaw ng lupa.

²⁷ At nilalang ng Dios ang tao ayon sa kaniyang sariling larawan, ayon sa larawan ng Dios siya nilalang; nilalang niya sila na ^(E)lalake at babae.

^28 (F)At sila'y binasbasan ng Dios, at sa kanila'y sinabi ng Dios, Kayo'y magpalaanakin, at magpakarami, at kalatan ninyo ang lupa, at inyong supilin; at magkaroon kayo ng kapangyarihan sa mga isda sa dagat, at sa mga ibon sa himpapawid, at sa bawa't hayop na gumagalaw sa ibabaw ng lupa.

²⁹ At sinabi ng Dios, Narito, ibinigay ko sa inyo ang bawa't pananim na nagkakabinhi, na nasa ibabaw ng balat ng lupa, at ang bawa't punong kahoy na may bunga ng punong kahoy na nagkakabinhi; sa inyo'y ^(G)magiging pagkain:

^30 (H)At sa bawa't hayop sa lupa, at sa bawa't ibon sa himpapawid; at sa bawa't nagsisiusad sa ibabaw ng lupa na may buhay ay ibinigay ko ang lahat na pananim na sariwa na pinakapagkain; at nagkagayon.

^31 (I)At nakita ng Dios ang lahat ng kaniyang nilikha, at, narito, napakabuti. At nagkahapon at nagkaumaga ang ikaanim na araw.

2 At nayari ang langit at ang lupa, ^(J)at ang lahat na natatanaw sa mga iyon.

^2 (K)At nang ikapitong araw ay nayari ng Dios ang kaniyang gawang ginawa; at nagpahinga ng ikapitong araw sa madlang gawa niyang ginawa.

³ At binasbasan ng Dios ang ikapitong araw at kaniyang ipinangilin, sapagka't siyang ipinagpahinga ng Dios sa madlang gawang kaniyang nilikha at ginawa.

^4 (L)Ito ang pinangyarihan ng langit at ng lupa, nang likhain noong araw, na gawin ng Panginoong Dios ang lupa't langit.

⁵⁰ Sinasabi ko nga ito, mga kapatid, na ^(A)ang laman at ang dugo ay ^(B)hindi makapagmamana ng kaharian ng Dios; ni ^(C)ang kasiraan ay magmamana ng walang kasiraan.

⁵¹ Narito, sinasaysay ko sa inyo ang isang hiwaga: hindi ^(D)tayong lahat ay mangatutulog, ^(E)nguni't tayong lahat ay babaguhin,

⁵² Sa isang sangdali, sa isang kisap-mata, ^(F)sa huling pagtunog ng pakakak: sapagka't tutunog ang pakakak, at ang mga patay ay mangabubuhay na maguli na walang kasiraan, at tayo'y babaguhin.

⁵³ Sapagka't kinakailangan na itong may kasiraan ay magbihis ng walang kasiraan, at ^(G)itong may kamatayan ay magbihis ng walang kamatayan.

⁵⁴ Datapuwa't pagka itong may kasiraan ay mabihisan ng walang kasiraan, at itong may kamatayan ay mabihisan ng walang kamatayan, kung magkakagayon ay mangyayari ang wikang nasusulat, ^(H)Nilamon ng pagtatagumpay ang kamatayan.

⁵⁵ Saan naroon, ^(I)Oh kamatayan, ang iyong pagtatagumpay? Saan naroon, Oh kamatayan, ang iyong tibo?

⁵⁶ Ang tibo ng kamatayan ay ang kasalanan; at ^(J)ang kapangyarihan ng kasalanan ay ang kautusan:

⁵⁷ Datapuwa't salamat sa Dios, ^(K)na nagbibigay sa atin ng pagtatagumpay sa pamamagitan ng ating Panginoong Jesucristo.

⁵⁸ Kaya nga, mga kapatid kong minamahal, kayo'y magsitatag, huwag makilos, na laging sumasagana sa ^(L)gawa ng Panginoon, yamang nalalaman ninyo ^(M)na hindi walang kabuluhan ang inyong gawa sa Panginoon.