Revised Common Lectionary (Semicontinuous)

^4 (A)At sila'y naglakbay mula sa bundok ng Hor na napasa daang patungo sa Dagat na Mapula ^(B)upang lumiko sa lupain ng Edom; at ang damdamin ng bayan ay nainip dahil sa daan.

^5 (C)At ang bayan ay nagsalita laban sa Dios at laban kay Moises: ^(D)Bakit ninyo kami pinasampa mula sa Egipto, upang mamatay sa ilang? sapagka't walang tinapay at walang tubig; at ang aming kaluluwa ay nasusuya na sa manang ito.

⁶ At ^(E)ang Panginoon ay nagsugo ng mababangis na ahas sa gitna ng bayan, at kanilang kinagat ang bayan: at maraming tao sa Israel ay namatay.

^7 (F)At ang bayan ay naparoon kay Moises, at nagsabi, Kami ay ^(G)nagkasala, sapagka't kami ay nagsalita laban sa Panginoon, at laban sa iyo; ^(H)idalangin mo sa Panginoon, na kaniyang alisin sa amin ang mga ahas. At idinalangin ni Moises ang bayan.

⁸ At sinabi ng Panginoon kay Moises, Gumawa ka ng isang mabagsik na ahas at ipatong mo sa isang tikin: at mangyayari, na bawa't taong makagat, ay mabubuhay pag tumingin doon.

⁹ At ^(I)si Moises ay gumawa ng isang ahas na tanso at ipinatong sa isang tikin: at nangyari, na pag may nakagat ng ahas ay nabubuhay pagtingin sa ahas na tanso,

IKALIMANG AKLAT

Ang Panginoon ay nagliligtas ng tao sa maraming mga sakuna.

2 At kayo'y binuhay niya, ^(A)nang kayo'y mga patay dahil sa inyong mga pagsalangsang at mga kasalanan,

² Na inyong nilakaran ^(B)noong una ayon sa ^(C)lakad ng sanglibutang ito, ayon ^(D)sa pangulo ng mga kapangyarihan ng hangin, ng espiritu na ngayon ay gumagawa sa ^(E)mga anak ng pagsuway;

³ Sa gitna ng mga yaon, tayo rin naman, ng ibang panahon ay nangabubuhay sa ^(F)mga kahalayan ng ating laman, na ating ginagawa ang mga pita ng laman at ng pagiisip, at ^(G)tayo noo'y katutubong mga anak ng kagalitan, gaya naman ng mga iba:—

⁴ Nguni't ang Dios, palibhasa'y mayaman sa awa, dahil sa kaniyang malaking pagibig na kaniyang iniibig sa atin,

⁵ Bagama't ^(H)tayo'y mga patay dahil sa ating mga kasalanan, ^(I)tayo'y binuhay na kalakip ni Cristo (sa pamamagitan ng biyaya kayo'y nangaligtas),

⁶ At tayo'y ibinangong kalakip niya, at pinaupong kasama niya ^(J)sa sangkalangitan, kay Cristo Jesus:

⁷ Upang sa mga panahong darating ay maihayag niya ang dakilang kayamanan ng kaniyang biyaya sa kagandahang-loob sa atin kay Cristo Jesus:

⁸ Sapagka't sa biyaya ^(K)kayo'y nangaligtas ^(L)sa pamamagitan ng pananampalataya; at ito'y hindi sa inyong sarili, ^(M)ito'y kaloob ng Dios;

⁹ Hindi sa pamamagitan ng mga gawa, ^(N)upang ang sinoman ay huwag magmapuri.

¹⁰ Sapagka't tayo'y kaniyang gawa, na nilalang kay Cristo Jesus para sa mabubuting gawa, ^(O)na mga inihanda ng Dios nang una upang siya nating lakaran.

¹⁴ At ^(A)kung paanong itinaas ni Moises sa ilang ang ahas, ay gayon kinakailangang ^(B)itaas ang Anak ng tao;

¹⁵ Upang ang sinomang sumampalataya ay ^(C)magkaroon sa kaniya ng buhay na walang hanggan.

¹⁶ Sapagka't gayon na lamang ^(D)ang pagsinta ng Dios sa sanglibutan, na ^(E)ibinigay niya ang kaniyang ^(F)bugtong na Anak, upang ang sinomang sa kaniya'y sumampalataya ay huwag mapahamak, kundi magkaroon ng buhay na walang hanggan.

¹⁷ Sapagka't hindi sinugo ng Dios ^(G)ang Anak sa sanglibutan upang hatulan ang sanglibutan; ^(H)kundi upang ang sanglibutan ay maligtas sa pamamagitan niya.

¹⁸ Ang sumasampalataya sa kaniya ay ^(I)hindi hinahatulan; ang hindi sumasampalataya ay hinatulan na, sapagka't hindi siya sumampalataya sa pangalan ng bugtong na Anak ng Dios.

¹⁹ At ito ang kahatulan, ^(J)na naparito ang ilaw sa sanglibutan, at inibig pa ng mga tao ^(K)ang kadiliman kay sa ilaw; sapagka't masasama ang kanilang mga gawa.

²⁰ Sapagka't ang ^(L)bawa't isa na gumagawa ng masama ay napopoot sa ilaw, at hindi lumalapit sa ilaw, upang huwag masaway ang kaniyang mga gawa.

²¹ Datapuwa't ang gumagawa ng katotohanan ay lumalapit sa ilaw, upang mahayag na ang kaniyang mga gawa ay ginawa sa Dios.