Revised Common Lectionary (Semicontinuous)

^(A)Awit ni David, nang siya'y nasa ilang ng Juda.

Nagpadala ng tiktik sa Canaan.

13 At sinalita ng Panginoon kay Moises, na sinasabi,

^2 (A)Magsugo ka ng mga lalake na makakapaniktik sa lupain ng Canaan, na aking ibibigay sa mga anak ni Israel: isang lalake sa bawa't isa sa mga lipi ng kanilang mga magulang ay susuguin ninyo, na bawa't isa'y prinsipe sa kanila.

¹⁷ At sinugo sila ni Moises upang tiktikan ang lupain ng Canaan, at sinabi sa kanila, Sumampa kayo rito sa dakong Timugan at ^(A)umakyat kayo sa mga bundok:

¹⁸ At tingnan ninyo ang lupain, kung ano; at ang bayan na tumatahan doon, kung sila'y malakas o mahina, kung sila'y kaunti o marami;

¹⁹ At kung ano ang lupain na kanilang tinatahanan, kung mabuti o masama; at kung ano ang mga bayan na kanilang tinatahanan, kung sa mga kampamento, o sa mga nakukutaan;

²⁰ At kung ano ang lupain, kung mataba o payat, ^(B)kung mayroong kahoy o wala. At ^(C)magpakatapang kayo, at magdala kayo rito ng bunga ng lupain. Ngayon ang panahon ay panahon ng mga unang hinog na ubas.

²¹ Sila nga'y umakyat, at kanilang tiniktikan ang lupain mula sa ^(D)ilang ng Zin hanggang sa ^(E)Rehob, sa pagpasok sa Emath.

²² At sila'y umakyat sa dakong Timugan, at sila'y dumating sa Hebron; at si ^(F)Aimen, si Sesai at si Talmai, na mga anak ni Anac, ay nangaroon. (Ngayon ang Hebron ay ^(G)natayong pitong taon bago ang Zoan ^(H)sa Egipto).

^23 (I)At sila'y dumating sa libis ng Escol, at sila'y pumutol doon ng isang sangang may isang kumpol na ubas, at dinala sa isang pingga ng dalawa; sila'y nagdala rin ng mga granada, at mga igos.

²⁴ Ang dakong yaon ay tinawag na libis ng Escol, dahil sa kumpol na kinitil ng mga anak ni Israel doon.

Masamang balita ng mga tiktik.

²⁵ At sila'y nagbalik pagkatiktik sa lupain, sa katapusan ng apat na pung araw.

²⁶ At sila'y nagsiyaon at nagsiparoon kay Moises, at kay Aaron at sa buong kapisanan ng mga anak ni Israel, sa ilang ng Paran, ^(J)sa Cades; at kanilang binigyang sagot sila, at ang buong kapisanan, at kanilang ipinakita sa kanila ang bunga ng lupain.

²⁷ At kanilang isinaysay sa kaniya, at sinabi, Kami ay dumating sa lupaing yaong pinaparoonan mo sa amin, at tunay na binubukalan ng ^(K)gatas at pulot; at ito ang ^(L)bunga niyaon.

²⁸ Gayon man ^(M)ang bayan na tumitira sa lupaing yaon ay malakas, at ang mga bayan ay nakukutaan, at napakalalaki: at saka aming nakita ang mga anak ni Anac doon.

^29 (N)Si Amalec ay tumatahan sa lupain ng Timugan: at ang Hetheo, at ang Jebuseo, at ang Amorrheo ay tumatahan sa mga bundok: at ang Cananeo ay tumatahan sa tabi ng dagat, at sa mga pangpang ng Jordan.

³⁰ At pinatahimik ni ^(O)Caleb ang bayan sa harapan ni Moises, at sinabi, Ating akyating paminsan, at ating ariin; sapagka't kaya nating lupigin.

^31 (P)Nguni't sinabi ng mga lalaking nagsiakyat na kasama niya, Hindi tayo makaaakyat laban sa bayan; sapagka't sila'y malakas kay sa atin.

³² At sila'y nagdala ng masamang balita tungkol sa lupaing kanilang tiniktikan, sa mga anak ni Israel, na sinasabi, Ang lupain na aming pinaroonan upang tiktikan ay isang lupain na kinakain ang mga tumatahan doon; at ^(Q)lahat ng bayan na aming nakita roon, ay mga taong malalaki.

^33 (R)At doo'y aming nakita ang mga Nefilim, ang mga anak ni Anac, na mula sa mga Nefilim: at kami sa aming sariling paningin ay naging ^(S)parang mga balang, at gayon din kami sa kanilang paningin.

Tumutol ang buong kapisanan.

14 At ang buong kapisanan ay naglakas ng kanilang tinig, ^(T)at humiyaw; at ang bayan ay umiyak ng gabing yaon.

^2 (U)At inupasala ng lahat ng mga anak ni Israel si Moises at si Aaron: at sinabi sa kanila ng buong kapisanan, Nangamatay na sana tayo sa lupain ng Egipto! o kaya'y nangamatay na sana tayo sa ilang na ito!

³ At bakit kaya tayo dinala ng Panginoon sa lupaing ito, upang tayo'y mabuwal sa tabak? Ang ating mga asawa at ang ating mga anak ay magiging mga huli: hindi ba magaling sa atin na tayo'y magbalik sa Egipto?

⁴ At nagsang-usapan sila, ^(V)Tayo'y maglagay ng isang kapitan at tayo'y ^(W)magbalik sa Egipto.

⁵ Nang magkagayon, si ^(X)Moises at si Aaron ay nagpatirapa sa harap ng buong kapulungan na kapisanan ng mga anak ni Israel.

⁶ At hinapak ni Josue na anak ni Nun, at ni Caleb na anak ni Jephone, na mga kasamang tumiktik sa lupain, ang kanilang mga suot:

⁷ At sinalita nila sa buong kapisanan ng mga anak ni Israel, na sinasabi, ^(Y)Ang lupain na aming dinaanan upang tiktikan ay isang napakainam na lupain.

⁸ Kung ^(Z)kalulugdan tayo ng Panginoon ay dadalhin nga niya tayo sa lupaing yaon, at ibibigay niya sa atin; na yao'y ^(AA)lupaing binubukalan ng gatas at pulot.

⁹ Huwag lamang kayong manghimagsik laban sa Panginoon, ^(AB)ni matakot sa bayan ng lupaing yaon, ^(AC)sapagka't sila'y tinapay sa atin; ang kaniyang kalinga ay inilayo sa kanila, at ang Panginoon ay ^(AD)sumasaatin: huwag kayong matakot sa kanila.

²² At ^(A)samantalang sila'y nangakahimpil sa Galilea, ay sinabi sa kanila ni Jesus, ^(B)Ang Anak ng tao ay ibibigay sa mga kamay ng mga tao;

²³ At siya'y papatayin nila, at ^(C)sa ikatlong araw ay siya'y muling ibabangon. At sila'y lubhang nangamanglaw,

²⁴ At ^(D)pagdating nila sa Capernaum, ay nangagsilapit kay Pedro ang mga maniningil ng kalahating siklo, at nangagsabi, Hindi baga ^(E)pinagbabayaran ng inyong guro ang kalahating siklo?

²⁵ Sinabi niya, Oo. At nang pumasok siya sa bahay, ay pinangunahan siya ni Jesus, na nagsasabi, Anong akala mo, Simon? ang mga hari sa lupa, kanino baga sila nanganiningil ng ^(F)kabayaran ng ^(G)buwis? sa kanilang mga anak baga o sa nangaiiba?

²⁶ At nang sabihin niya, Sa nangaiiba, ay sinabi sa kaniya ni Jesus, Kung gayo'y hindi nangagbabayad ang mga anak.

²⁷ Datapuwa't, baka katisuran tayo nila, ay pumaroon ka sa dagat, at ihulog mo ang kawil, at kunin mo ang unang isdang lumitaw; at pagka naibuka mo na ang kaniyang bibig, ay masusumpungan mo ang isang siklo: kunin mo, at ibigay mo sa kanila sa ganang akin at sa iyo.