Old/New Testament

11 Nu, en jewessa Maun wea Krank met nome Latsarus fonn Betanean, de Staut wua Marie en aere Sesta Marta wonde.

² Dit wea dee Marie dee daem Herr daen deare Perfum aeware Feet jegote haud en donn met aeare Hoa aufdreajd - aea Broda wea dee waut Krank wea.

³ Dee Sestra schekjte am Norecht en saede: "Herr, Kjikj, dee daem du goot best, es krank."

⁴ Aus Jesus daut head, saed hee: "Dise Krankheit es nich toom Doot, oba omm Gott to feharliche, daut dee Gottes Saen doaderch mucht feharlicht woare."

⁵ Oba Jesus wea Marta en aere Sesta, en Latsarus goot.

⁶ En doch, aus hee daut head daut hee Krank wea, bleef hee noch twee Doag enne naemelje Staed.

⁷ Donn no daem saed hee to siene Jinja: "Nu wel wie wada no Judaea gone."

⁸ De Jinja saede to am: "Meista, nich lang trigj fesochte de Jude die to steenje, en nu west du doa wada hangone?"

⁹ Jesus auntwuad: "Sent doa nich Twalf Stund en een Dach? Wan en Mensch em Dache jeit dann stolpet hee nich wiel hee sit daut Licht fa dise Welt.

¹⁰ Waea oba enne Nacht jeit, stolpet, wiel doa kjeen Licht en am es."

¹¹ Aus hee dit jesajcht haud, saed hee: "Onns Frint Latsarus es enjeschlope, oba ekj go han am upptowakje."

¹² Donn saede dee Jinja to am: "Herr, wan hee schlapt dan woat hee Jesunt woare."

¹³ Oba Jesus haud jeraet fonn sien Doot; see oba dochte daut hee meend daut hee ruhe deed em Schlop.

¹⁴ Donn saed Jesus kloa en dietlich: "Latsarus es jestorwe;

¹⁵ En ekj frei mie um junet haulwe daut ekj nich doa wea. Oba wel wie nu han gone."

¹⁶ Donn saed Toomas, waut uk Tweelinj jenant wort, to dee aundre Jinja: "Wel wie uk gone daut wie met am stoawe."

¹⁷ Aus see han kjeeme funje see daut hee aul feeha Doag wea em Grauf jewast.

¹⁸ Nu Betanean wea dicht bie Jerusalem, bie Dree Kilomeetasch.

¹⁹ Fael fonn dee Jude weare no Marta en Marie jekome daen to treeste waeajen aea Brooda.

²⁰ Aus Marta donn head daut Jesus kjeem, jinkj see am entjaejen: oba Marie blef emm Hus sete.

²¹ Donn saed Marta to Jesus: "Herr, wan du weascht hia jewast wea mien Brooda nich jestorwe.

²² En nu weet ekj daut no wautemma du Gott froage woascht, daut woat Gott die jaewe."

²³ Jesus saed to aea: "Dien Broda woat oppstone."

²⁴ Marta saed to am: "Ekj weet daut hee woat oppstone aum Jingste Dach."

²⁵ Jesus saed to aea: "Ekj sie dee Oppperstoninj, en ekj sie daut Laewe; Dee waut enn mie jleeft, wan hee uk noch stoaft, woat hee doch laewe.

²⁶ En Jiedre waut laeft en enn mie jleeft woat niemols stoawe: jleefst du daut?"

²⁷ See saed to am: "Jo, Herr, ekj jleew daut du dee Christus, dee Gottes Saen best dee enne Welt kome sull."

²⁸ Aus see dit jesajcht haud, jinkj see en roopt heemlich aere Sesta Marie en saed: "Dee Leare es hia en lat die roope."

²⁹ Soboolt aus see daut head, stunnt see schwind opp en kajeem no am.