M’Cheyne Bible Reading Plan

Pinatay si Saul at ang kaniyang anak.

31 Ang mga ^(A)Filisteo nga ay lumaban sa Israel: at ang mga lalake sa Israel ay tumakas sa harap ng mga Filisteo, at nangabuwal na patay sa bundok ng ^(B)Gilboa.

² At hinabol ng panunod ng mga Filisteo si Saul at ang kaniyang mga anak; at pinatay ng mga Filisteo si ^(C)Jonathan, at si Abinadab, at si Melchisua, na mga anak ni Saul.

³ At ang pagbabaka ay lumubha laban kay Saul, at inabutan siya ng mga mamamana; at siya'y totoong nahirapan dahil sa mga mamamana.

^4 (D)Nang magkagayo'y sinabi ni Saul sa kaniyang tagadala ng sandata, Bunutin mo ang iyong tabak at palagpasan mo ako niyaon; baka dumating ang mga ^(E)hindi tuling ito at ako'y palagpasan, at ako'y kanilang pahirapan. Nguni't ayaw ang kaniyang tagadala ng sandata; sapagka't siya'y totoong natakot. ^(F)Kaya't kinuha ni Saul ang kaniyang tabak, at nagpakabuwal sa kaniyang tabak.

⁵ At nang makita ng kaniyang tagadala ng sandata na si Saul ay patay, siya naman ay nagpakabuwal sa kaniyang tabak, at nagpakamatay na kasama niya.

⁶ Gayon namatay si Saul, at ang kaniyang tatlong anak, at ang kaniyang tagadala ng sandata, at ang ^(G)lahat niyang mga lalake nang araw na yaon na magkakasama.

Si Saul at ang kaniyang mga anak ay nalibing sa Jabes-galaad.

⁷ At nang makita ng mga lalake sa Israel na nasa kabilang dako ng libis, at ng mga nasa dako roon ng Jordan, na ang mga lalake sa Israel ay tumakas, at si Saul at ang kaniyang mga anak ay namatay, kanilang iniwan ang mga bayan, at nagsitakas; at naparoon ang mga Filisteo, at tumahan sa mga yaon.

⁸ At nangyari nang kinabukasan nang ang mga Filisteo ay dumating upang hubaran ang mga patay, ay kanilang nasumpungan si Saul at ang kaniyang tatlong anak na nabuwal sa bundok ng Gilboa.

^9 (H)At kanilang pinugot ang kaniyang ulo, at hinubad ang kaniyang mga sakbat, at ipinadala sa lupain ng mga Filisteo sa palibot ^(I)upang ibalita sa mga bahay ng kanilang mga diosdiosan at sa bayan.

¹⁰ At kanilang inilagay ang kaniyang sakbat, sa bahay ni ^(J)Astaroth: at kanilang ^(K)ibinitin ang bangkay niya sa kuta ng Beth-san.

^11 (L)At nang mabalitaan ng mga tumatahan sa Jabes-galaad ang tungkol sa ginawa ng mga Filisteo kay Saul,

^12 (M)Lahat ng matapang na lalake ay bumangon at nagsilakad sa buong gabi at kinuha ang bangkay ni Saul at ang mga bangkay ng kaniyang mga anak sa kuta ng Beth-san; at sila'y naparoon sa Jabes, at kanilang pinagsunog doon.

¹³ At kanilang kinuha ang kanilang mga buto at ^(N)ibinaon sa ilalim ng isang ^(O)puno ng tamarisko sa Jabes, at ^(P)nagayuno silang pitong araw.

11 ^(A)Maging taga tulad kayo sa akin, na gaya ko naman kay Cristo.

^2 (B)Kayo'y aking pinupuri nga, na sa lahat ng mga bagay ay naaalaala ninyo ako, ^(C)at iniingatan ninyong matibay ang ^(D)mga turo, na gaya ng ibinigay ko sa inyo.

³ Datapuwa't ibig ko na inyong maalaman, ^(E)na ang pangulo ng bawa't lalake ay si Cristo, at ^(F)ang pangulo ng babae ay ang lalake, at ^(G)ang pangulo ni Cristo ay ang Dios.

⁴ Ang bawa't lalaking nanalangin, o ^(H)nanghuhula na may takip ang ulo, ay niwawalan ng puri ang kaniyang ulo.

⁵ Datapuwa't ang ^(I)bawa't babaing nananalangin o nanghuhula na walang lambong ang kaniyang ulo, niwawalan ng puri ang kaniyang ulo; sapagka't gaya rin ng kung kaniyang inahitan.

⁶ Sapagka't kung ang babae ay walang lambong, ay pagupit naman; nguni't kung ^(J)kahiyahiya sa babae ang pagupit o paahit, ay maglambong siya.

⁷ Sapagka't katotohanang ang lalake ay hindi dapat maglambong sa kaniyang ulo, palibhasa'y ^(K)larawan siya at kaluwalhatian ng Dios: nguni't ang babae ay siyang kaluwalhatian ng lalake.

⁸ Sapagka't ^(L)ang lalake ay hindi sa babae; kundi ang babae ay sa lalake:

⁹ Sapagka't ^(M)hindi nilalang ang lalake dahil sa babae; kundi ang babae dahil sa lalake;

¹⁰ Dahil dito'y nararapat na ang babae ay magkaroon sa kaniyang ulo ng tanda ng kapamahalaan, ^(N)dahil sa mga anghel.

¹¹ Gayon man, ang babae ay di maaaring walang ^(O)lalake at ang lalake ay di maaaring walang babae, ^(P)sa Panginoon.

¹² Sapagka't kung paanong ang babae ay sa lalake, gayon din naman ang lalake ay sa pamamagitan ng babae; datapuwa't ang lahat ng mga bagay ay sa Dios.

¹³ Hatulan ninyo sa inyo-inyong sarili: nararapat baga na manalangin ang babae sa Dios nang walang lambong?

¹⁴ Hindi baga ang katalagahan din ang nagtuturo sa inyo, na kung may mahabang buhok ang lalake, ay mahalay sa kaniya?

¹⁵ Datapuwa't kung ang babae ang may mahabang buhok, ay isang kapurihan niya; sapagka't ang buhok sa kaniya'y ibinigay na pangtakip.

¹⁶ Datapuwa't kung tila mapagtunggali ang sinoman, walang gayong ugali kami, ^(Q)ni ang iglesia man ng Dios.

¹⁷ Datapuwa't sa pagtatagubilin sa inyo nito, ay hindi ko kayo pinupuri, sapagka't kayo'y nangagkakatipon hindi sa lalong mabuti kundi sa lalong masama.

¹⁸ Sapagka't unauna'y ^(R)nababalitaan ko na kung nangagkakatipon kayo sa iglesia, ay mayroon sa inyong mga pagkakabahabahagi; at may kaunting paniniwala ako.

¹⁹ Sapagka't ^(S)tunay na sa inyo'y mayroong mga hidwang pananampalataya, upang yaong mga napatunayan na ay mangahayag sa inyo.

²⁰ Kung kayo nga ay nangagkakatipon, ay hindi kayo maaaring magsikain ng hapunan ng Panginoon;

²¹ Sapagka't sa inyong pagkain, ang bawa't isa'y kumukuha ng kanikaniyang sariling hapunan na nagpapauna sa iba; at ang isa ay gutom, at ^(T)ang iba'y lasing.

²² Ano, wala baga kayong mga bahay na inyong makakanan at maiinuman? o niwawalang halaga ninyo ^(U)ang iglesia ng Dios, at hinihiya ninyo ang mga wala ng anoman? Ano ang aking sasabihin sa inyo? Kayo baga'y aking pupurihin? Sa bagay na ito ay hindi ko kayo pinupuri.

²³ Sapagka't ^(V)tinanggap ko sa Panginoon ang ibinibigay ko naman sa inyo; na ^(W)ang Panginoong Jesus nang gabing siya'y ipagkanulo ay dumampot ng tinapay;

²⁴ At nang siya'y makapagpasalamat, ay kaniyang pinagputolputol, at sinabi, Ito'y aking katawan na pinagputolputol dahil sa inyo: gawin ninyo ito sa pagaalaala sa akin.

²⁵ At gayon din naman hinawakan ang saro pagkatapos na makahapon, na sinasabi, Ang sarong ito'y siyang bagong tipan sa aking dugo: gawin ninyo ito sa tuwing kayo'y magsisiinom, sa pagaalaala sa akin.

²⁶ Sapagka't sa tuwing kanin ninyo ang tinapay na ito, at inuman ninyo ang saro, ay inihahayag ninyo ang pagkamatay ng Panginoon ^(X)hanggang sa dumating siya.

^27 (Y)Kaya't ang sinomang kumain ng tinapay, o uminom sa saro ng Panginoon, na di nararapat, ay magkakasala sa katawan at dugo ng Panginoon.

²⁸ Datapuwa't ^(Z)siyasatin ng tao ang kaniyang sarili, at saka kumain ng tinapay, at uminom sa saro.

²⁹ Sapagka't ang kumakain at umiinom, ay kumakain at umiinom ng hatol sa kaniyang sarili, kung hindi niya kinikilala ang katawan ng Panginoon.

³⁰ Dahil dito'y marami sa inyo ang ^(AA)mahihina at mga masasaktin, at hindi kakaunti ang ^(AB)nangatutulog.

³¹ Datapuwa't kung ating kilalanin ang ating sarili, ay hindi tayo hahatulan.

³² Datapuwa't kung tayo'y hinahatulan, ay ^(AC)pinarurusahan tayo ng Panginoon, upang huwag tayong mahatulang kasama ng sanglibutan.

³³ Dahil dito, mga kapatid ko, kung kayo'y mangagsasalosalo sa pagkain, ay mangaghintayan kayo.

^34 (AD)Kung ang sinoman ay magutom, kumain siya sa bahay; upang ang inyong pagsasalosalo ay huwag maging sa paghatol. At ang iba ay aking ^(AE)aayusin ^(AF)pagpariyan ko.

Ang pangitain ng pagpatay sa mga makasalanan.

9 Nang magkagayo'y sumigaw siya sa aking pakinig ng malakas na tinig, na nagsasabi, Magsilapit yaong mga may katungkulan sa bayan, na bawa't isa'y may kaniyang pangpatay na almas sa kaniyang kamay.

² At narito, anim na lalake ay nagsipanggaling sa daan ng mataas ^(A)na pintuang-daan, na nalalagay sa dako ng hilagaan, na bawa't isa'y may kaniyang pangpatay na almas sa kaniyang kamay; at isang lalake ay nasa gitna nila na nakapanamit ng kayong lino, na may tintero ng manunulat sa kaniyang tagiliran. At sila'y nagsipasok, at nagsitayo sa siping ng tansong ^(B)dambana.

³ At ^(C)ang kaluwalhatian ng Dios ng Israel ay umilanglang mula sa kerubin, na kinapapatungan, hanggang sa pintuan ng bahay: at kaniyang tinawag ang lalaking nakapanamit ng kayong lino, na may tintero ng manunulat sa kaniyang tagiliran.

⁴ At sinabi ng Panginoon sa kaniya, Pumaroon ka sa gitna ng bayan, sa gitna ng Jerusalem, at maglagay ka ^(D)ng mga tanda sa mga noo ng mga taong nangagbubuntong-hininga at nagsidaing dahil sa lahat na kasuklamsuklam na nagawa sa gitna niyaon.

⁵ At sa mga iba ay sinabi niya sa aking pakinig, Magsiparoon kayo sa bayan na magsisunod sa kaniya, at manakit kayo: huwag magpatawad ang inyong mata, o kayo man ay mahabag;

⁶ Lipulin ninyong lubos ang matanda, ang binata at ang dalaga, at ang mga bata at ang mga babae; nguni't huwag lumapit sa sinomang lalake na tinandaan; at ^(E)inyong pasimulan sa aking santuario. Nang magkagayo'y kanilang pinasimulan sa mga matandang lalake ^(F)na nangasa harap ng bahay.

⁷ At sinabi niya sa kanila, ^(G)Lapastanganin ninyo ang bahay, at punuin ninyo ng patay ang mga looban: magsilabas kayo. At sila'y nagsilabas, at nanakit sa bayan.

⁸ At nangyari, habang sila'y nananakit, at ako'y naiwan, na ako'y nasubasob, at sumigaw ako, at aking sinabi, Ah Panginoong Dios! iyo bagang lilipulin ang buong nalabi sa Israel, sa iyong pagbubugso ng iyong kapusukan sa Jerusalem?

⁹ Nang magkagayo'y sinabi niya sa akin, Ang kasamaan ng sangbahayan ni Israel at ni Juda ay totoong malaki, at ang lupain ay puno ng dugo, at ang bayan ay puno ng kasuwailan: sapagka't kanilang sinasabi, Pinabayaan ng Panginoon ang lupa, at hindi nakikita ng Panginoon.

¹⁰ At tungkol sa akin naman, ^(H)ang aking mata ay hindi magpapatawad, o mahahabag man ako, kundi aking ipadadanas ang kanilang lakad sa kanilang ulo.

¹¹ At, narito, ang lalaking nakapanamit ng kayong lino, na may tintero ng manunulat sa kaniyang tagiliran, nagbalita ng bagay; na sinabi, Aking ginawa na gaya ng iniutos mo sa akin.

Awit; Salmo ng mga anak ni Core.