Beginning

^4 (B)“Okwemulugunya kwange nkw’olekezza muntu?
    Lwaki okugumiikiriza tekunzigwako?
^5 (C)Muntunuulire mwewuunye,
    mujja kukwata ne ku mumwa.
⁶ Bwe ndowooza ku kino, nfuna entiisa;
    omubiri gwange ne gukankana.
^7 (D)Lwaki abakozi b’ebibi bawangaala,
    ne bakaddiwa ne beeyongera n’amaanyi?
^8 (E)Balaba abaana baabwe bwe banywezebbwa,
    ezzadde lyabwe nga balaba.
^9 (F)Amaka gaabwe gaba n’emirembe nga temuli kutya;
    omuggo gwa Katonda tegubabeerako.
^10 (G)Ennume zaabwe teziremererwa,
    ente zaabwe enkazi zizaala awatali kusowola mwana gwazo.
¹¹ Abaana baabwe bagendera wamu nga kisibo;
    obuto ne bubeera mu kuzina.
^12 (H)Bayimbira ku bitaasa n’ennanga,
    ne basanyukira eddoboozi ly’omulere.
^13 (I)Emyaka gyabwe gyonna babeera bulungi,
    mangwago ne bakka mu ntaana.
^14 (J)Kyokka bagamba Katonda nti, ‘Tulekere emirembe gyaffe!
    Tetwegomba kumanya makubo go.
^15 (K)Ayinzabyonna ye ani tulyoke tumuweereze?
    Kiki kye tuganyulwa bwe tumusaba?’
¹⁶ Naye obugagga bwabwe tebuli mu mikono gyabwe,
    noolwekyo amagezi g’abakozi b’ebibi ganneewunyisa.

^17 (L)“Ettaala y’abakozi b’ebibi yo, ezikira emirundi emeka?
    Ennaku ebajjira emirundi emeka?
    Katonda abatuusaako obulumi, ng’abasunguwalidde.
^18 (M)Bali ng’ebisasiro ebitwaalibwa empewo;
    ng’ebisusunku embuyaga bye zitwala.
^19 (N)Katonda abonereza abaana olw’ekibi kya bakitaabwe.
    Asasule omuntu yennyini oyo alyoke ategeere!
^20 (O)Leka amaaso ge ye yennyini galabe okuzikirira;
    leka anywe ku kiruyi kya Ayinzabyonna.
^21 (P)Kubanga aba afaayo ki ku maka g’aba alese,
    nga emyezi gye egyamutegekerwa giweddeko?

^22 (Q)“Eriyo ayinza okuyigiriza Katonda amagezi,
    kubanga asalira omusango n’abo abasinga okuba aba waggulu?
²³ Omusajja omu afiira w’abeerera ow’amaanyi,
    nga munywevu ddala ali mu mirembe gye,
^24 (R)omubiri gwe nga guliisiddwa bulungi,
    amagumba ge nga gajjudde obusomyo.
²⁵ Omusajja omulala n’afa ng’alina obulumi ku mutima,
    nga teyafuna kintu kyonna kirungi.
^26 (S)Ne beebaka kye kimu mu ttaka,
    envunyu ne zibabikka bombi.

²⁷ “Mmanyi bulungi ddala kye mulowooza,
    enkwe ze mwagala okunsalira.
^28 (T)Mugamba nti, ‘Kaakano eruwa ennyumba y’omusajja ow’amaanyi,
    eweema abasajja abakozi b’ebibi mwe baabeeranga?’
²⁹ Temwebuuzanga ku abo abatambula eŋŋendo?
    Temukkiriza bye babagamba,
^30 (U)nti omusajja omukozi w’ebibi awona ku lunaku olw’emitawaana,
    era awona ku lunaku olw’ekiruyi?
³¹ Ani avumirira ebikolwa bye maaso ku maaso,
    ani amusasula ebyo by’akoze?
³² Atwalibwa ku ntaana,
    era amalaalo ge gakuumibwa.
^33 (V)Ettaka eriri mu lusenyi limuwoomera,
    abantu bonna bamugoberera,
    n’abalala abatamanyiddwa muwendo ne bamukulembera.

^34 (W)“Kaakano musobola mutya okuŋŋumya n’ebitaliimu?
    Tewali kisigaddeyo ku bye mwanzizeemu wabula obulimba!”

^4 (Y)“Akukangavvula lwa kumutya
    era kyava akuvunaana?
^5 (Z)Okwonoona kwo si kunene nnyo?
    Ebibi byo si bingi nnyo?
^6 (AA)Kubanga waggya ku muganda wo emisingo awatali nsonga;
    waggya engoye ku bantu, n’obaleka bwereere.
^7 (AB)Tewawa bakoowu mazzi,
    abaagala wabamma emmere,
^8 (AC)wadde nga wali musajja wa maanyi, eyalina ettaka,
    omusajja ow’ekitiibwa, era nga byonna ggwe nnyini byo.
^9 (AD)Weegobako bannamwandu bagende nga toliiko ky’obawadde;
    abatalina bakitaabwe n’obamalamu amaanyi.
¹⁰ Emitego kyegivudde gikwetooloola.
    Lwaki entiisa ey’amangu ekujjira?
^11 (AE)Lwaki enzikiza ekutte nnyo tosobola kulaba,
    era lwaki amataba gakubikkako?

^12 (AF)“Katonda tali waggulu mu ggulu?
    Era laba, emmunyeenye ezisingayo okuba waggulu, nga bwe ziri ewala!
^13 (AG)Ate n’ogamba nti, ‘Katonda amanyi ki?
    Ayinza okulamulira mu kizikiza?
^14 (AH)Ebire ebikutte bimubikkako, n’aba ng’atatulaba
    bw’aba atambula mu bifo by’omu ggulu.’
¹⁵ Onoosigala mu kkubo ery’edda
    abasajja abakozi b’ebibi lye baakwata?
^16 (AI)Baatwalibwa ng’ekiseera kyabwe tekinnatuuka,
    emisingi gyabwe gyatwalibwa amataba.
^17 (AJ)Be bagamba Katonda nti, ‘Tulekere emirembe!
    Ayinzabyonna ayinza kutukola ki?’
^18 (AK)Ate nga ye, ye yajjuza ennyumba zaabwe ebintu ebirungi,
    noolwekyo neewuunya nnyo amagezi g’abakozi b’ebibi.
^19 (AL)Abatuukirivu balaba okuzikirira kwabwe ne bajaguza;
    abataliiko musango babasekerera nga bagamba nti,
^20 (AM)‘Ddala abalabe baffe bazikiridde,
    era omuliro gulidde obugagga bwabwe.’ 

^21 (AN)“Gonderanga Katonda ofunenga emirembe;
    mu ngeri eno ebirungi lwe binajjanga gy’oli.
²² Kkiriza ebiragiro ebiva mu kamwa ke
    era oteeke ebigambo bye mu mutima gwo.
^23 (AO)Bw’onodda eri oyo Ayinzabyonna, onodda buggya,
    bwonooteeka ebibi ewala ne weema yo,
^24 (AP)n’oteeka n’amayinja go ag’omuwendo mu ttaka,
    zaabu yo eya Ofiri ku njazi z’omu mugga,
^25 (AQ)awo Ayinzabyonna anaabeeranga zaabu yo,
    era ffeeza esingayo obulungi.
^26 (AR)Ddala ddala olisanyukira mu oyo Ayinzabyonna
    era oyimuse amaaso go eri Katonda.
^27 (AS)Olimusaba, alikuwulira,
    era olituukiriza obweyamo bwo.
²⁸ Ky’olisalawo kirikolebwa,
    era ekitangaala kirimulisa amakubo go.
^29 (AT)Abantu abalala bwe balisuulibwa n’ogamba nti, ‘Bayimuse!’
    Olwo alirokola abagudde.
^30 (AU)Alinunula n’oyo aliko omusango,
    alinunulwa olw’obulongoofu bw’emikono gyo.”

⁸ “Bwe ŋŋenda ebuvanjuba, nga taliiyo;
    ne bwe ŋŋenda ebugwanjuba, simusangayo.
^9 (AZ)Bw’aba akola mu bukiikakkono simulaba,
    bw’adda mu bukiikaddyo, simulabako.
^10 (BA)Naye amanyi amakubo mwe mpita,
    bw’anaamala okungezesa, nzija kuvaamu nga zaabu.
^11 (BB)Ebigere byange bimugoberedde;
    ntambulidde mu makubo ge nga sikyamakyama.
^12 (BC)Saava ku biragiro by’akamwa ke.
    Nayagala ebigambo by’akamwa ke okusinga emmere yange gyendya bulijjo.

^13 (BD)“Naye yeemalirira, ani ayinza okumuwakanya?
    Akola kyonna ekimusanyusa.
^14 (BE)Weewaawo ajja kutuukiriza by’asazzeewo okunjolekeza,
    era bingi byategese by’akyaleeta.
¹⁵ Kyenva mba n’entiisa nga ndi mu maaso ge;
    bwe ndowooza ku bino byonna, ne mmutya.
^16 (BF)Katonda anafuyizza nnyo omutima gwange,
    Ayinzabyonna antiisizza nnyo.
^17 (BG)Naye ekizikiza tekinsirisizza,
    ekizikiza ekikutte ennyo ekibisse amaaso gange.”