Book of Common Prayer

Katatagan ng nagtitiwala sa Panginoon at di katatagan ng makasalanan.

Nagalit si Saul kay Jonathan.

²⁴ Sa gayo'y nagkubli si David sa parang: at nang dumating ang bagong buwan, ang hari ay umupong kumain.

²⁵ At umupo ang hari sa kaniyang upuan na gaya ng kinaugalian niya sa makatuwid baga'y sa upuang nasa siping ng dinding; at tumayo si Jonathan, at umupo si Abner sa siping ni Saul; nguni't sa upuan ni David ay walang nakaupo.

²⁶ Gayon ma'y hindi nagsalita si Saul ng anoman sa araw na yaon: sapagka't kaniyang inisip: May bagay na nangyari sa kaniya, ^(A)siya'y hindi malinis; tunay na siya'y hindi malinis.

²⁷ At nangyari nang kinabukasan, pagkaraan ng bagong buwan na ikalawang araw, na sa upuan ni David ay walang nakaupo, sinabi ni Saul kay Jonathan na kaniyang anak, Bakit hindi naparirito ang anak ni Isai upang kumain, ni kahapon, ni ngayon man.

²⁸ At sumagot si ^(B)Jonathan kay Saul, Namanhik si David na bayaan ko siya na pumaroon sa Beth-lehem:

²⁹ At kaniyang sinabi, Isinasamo ko sa iyo na payaunin mo ako; sapagka't ang aming angkan ay may paghahain sa bayan; at iniutos sa akin ng aking kapatid na dumoon; at ngayon, kung ako'y nakasumpong ng biyaya sa iyong paningin, ay bayaan mo akong yumaon, isinasamo ko sa iyo, at aking tingnan ang aking mga kapatid. Kaya hindi siya naparito sa dulang ng hari.

³⁰ Nang magkagayo'y nagalab ang galit ni Saul laban kay Jonathan, at sinabi niya sa kaniya, Ikaw ay anak ng masama at mapanghimagsik na babae, hindi ko ba nalalaman na iyong pinili ang anak ni Isai sa ikahihiya mo, at sa ikahihiya ng kahubaran ng iyong ina?

³¹ Sapagka't habang nabubuhay ang anak ni Isai sa ibabaw ng lupa, ikaw ay hindi mapapanatag ni ang iyong kaharian man. Kaya ngayo'y iyong ipasundo at dalhin siya sa akin, sapagka't siya'y walang pagsalang ^(C)mamamatay.

³² At sumagot si Jonathan kay Saul na kaniyang ama; at nagsabi sa kaniya, ^(D)Bakit siya papatayin? anong kaniyang ginawa?

^33 (E)At inihandulong ni Saul ang kaniyang sibat sa kaniya upang saktan siya; ^(F)na doon nakilala ni Jonathan na pasiya ng kaniyang ama na patayin si David.

³⁴ Sa gayo'y tumindig si Jonathan sa dulang na may mabangis na galit, at hindi kumain sa ikalawang araw ng buwan: sapagka't siya'y nagdalamhati dahil kay David, sapagka't hiniya siya ng kaniyang ama.

³⁵ At nangyari sa kinaumagahan, na si David ay nilabas ni Jonathan sa parang sa takdang panahon, at isang munting bata ang kasama niya.

³⁶ At sinabi niya sa kaniyang bataan, Takbo, hanapin mo ngayon ang mga palaso na aking ipinana. At pagtakbo ng bataan, kaniyang ipinana ang palaso sa dako roon niya.

³⁷ At nang dumating ang bataan sa dako ng palaso na ipinana ni Jonathan, sinigawan ni Jonathan ang bataan, at sinabi, Hindi ba ang palaso ay nasa ^(G)dako mo pa roon?

³⁸ At sinigawan ni Jonathan ang bataan, Tulin, magmadali ka, huwag kang tumigil. At pinulot ng bataan ni Jonathan ang mga palaso, at naparoon sa kaniyang panginoon.

³⁹ Nguni't hindi naalaman ng bataan ang anoman: si Jonathan at si David lamang ang nakaalam ng bagay.

⁴⁰ At ibinigay ni Jonathan ang kaniyang sandata sa kaniyang bataan, at sinabi sa kaniya, Yumaon ka, dalhin mo sa bayan.

⁴¹ At pagkayaon ng bataan, si David ay tumindig sa dakong tungo sa Timugan, at sumubsob sa lupa, at yumukod na makaitlo: at sila'y naghalikan, at umiyak kapuwa, hanggang si David ay humigit.

⁴² At sinabi ni Jonathan kay David, ^(H)Yumaon kang payapa, yamang tayo'y kapuwa sumumpa sa pangalan ng Panginoon na nagsasabi, Ang Panginoon ay lalagay sa gitna natin, at sa gitna ng aking binhi at ng iyong binhi, magpakailan man. At siya'y bumangon at yumaon: at pumasok si ^(I)Jonathan sa bayan.

13 Sa iglesia nga na nasa ^(A)Antioquia ay may mga propeta at mga ^(B)guro, ^(C)si Bernabe, at si Simeon na tinatawag na Niger, at si ^(D)Lucio na taga Cirene, at si Manaen na kapatid sa gatas ni ^(E)Herodes na tetrarka, at si ^(F)Saulo.

² At nang sila'y nagsisipaglingkod sa Panginoon, at ^(G)nangagaayuno, ay sinabi ng Espiritu Santo, Ibukod ninyo sa akin si Bernabe at si Saulo sa gawaing ^(H)itinawag ko sa kanila.

³ Nang magkagayon, ^(I)nang sila'y makapagayuno na at makapanalangin at maipatong ang mga kamay nila sa kanila, ay kanilang pinayaon sila.

⁴ Sila nga, palibhasa'y sinugo ng Espiritu Santo, ay nagsilusong sa Seleucia; at buhat doo'y nangaglayag hanggang sa ^(J)Chipre.

⁵ At nang sila'y nasasa Salamina, ay kanilang ipinangaral ang salita ng Dios sa ^(K)mga sinagoga ng mga Judio: at kanila namang katulong ^(L)si Juan.

⁶ At nang kanilang matahak na ang buong pulo hanggang sa Pafos, ay nakasumpong sila ng ^(M)isang manggagaway, bulaang propeta, Judio, na ang kaniyang pangalan ay Bar-Jesus;

⁷ Na kasama ng ^(N)proconsul, Sergio Paulo, lalaking matalino. Ito rin ang nagpatawag kay Bernabe at kay Saulo, at minimithing mapakinggan ang salita ng Dios.

⁸ Datapuwa't si Elimas na manggagaway (sapagka't ganito nga ang pakahulugan sa kaniyang pangalan) ay humadlang sa kanila, na pinagsisikapang ihiwalay sa pananampalataya ang proconsul.

⁹ Datapuwa't si Saulo, na tinatawag ding Pablo, na ^(O)puspos ng Espiritu Santo, ay itinitig sa kaniya ang kaniyang mga mata,

¹⁰ At sinabi, Oh puspos ng lahat ng karayaan at ng lahat ng kasamaan, ikaw na ^(P)anak ng diablo, ikaw na kaaway ng lahat ng katuwiran, hindi ka baga titigil ng pagpapasama sa mga daang matuwid ng Panginoon?

¹¹ At ngayon, narito, nasa iyo ^(Q)ang kamay ng Panginoon, at mabubulag ka, na hindi mo makikita ang araw ^(R)na kaunting panahon. At pagdaka'y nahulog sa kaniya ang isang ulap at ang isang kadiliman; at siya'y nagpalibot na humahanap ng sa kaniya'y aakay sa kamay.

¹² Nang magkagayon, pagkakita ng proconsul sa nangyari, ay nanampalataya, na nanggigilalas sa aral ng Panginoon.

²³ At nangyari, ^(A)na nagdaraan siya sa mga bukiran ng trigo nang araw ng sabbath; at ang mga alagad niya, samantalang nagsisilakad, ay nagpasimulang nagsikitil ng mga uhay.

²⁴ At sinabi sa kaniya ng mga Fariseo, Narito, bakit ginagawa nila sa araw ng sabbath ang hindi matuwid?

²⁵ At sinabi niya sa kanila, ^(B)Kailan man baga'y hindi ninyo nabasa ang ginawa ni David, nang siya'y mangailangan, at magutom, siya, at ang kaniyang mga kasamahan?

²⁶ Kung paanong pumasok siya sa bahay ng Dios nang panahon ng dakilang saserdoteng si ^(C)Abiatar, at kumain siya ng tinapay na itinalaga, na hindi matuwid kanin maliban na sa mga saserdote lamang, at binigyan pa rin niya ang kaniyang mga kasamahan?

²⁷ At sinabi niya sa kanila, Ginawa ^(D)ang sabbath ng dahil sa tao, at di ang tao ng dahil sa sabbath:

²⁸ Kaya't ang Anak ng tao ay panginoon din naman ng sabbath.

3 At siya'y ^(E)muling pumasok ^(F)sa sinagoga; at doo'y may isang lalake na tuyo ang kaniyang kamay.

² At siya'y inaabangan nila kung pagagalingin siya sa araw ng sabbath; upang siya'y maisakdal nila.

³ At sinabi sa lalaking tuyo ang kamay, Magtindig ka.

⁴ At sinabi niya sa kanila, Katuwiran baga ang gumawa ng magaling sa araw ng sabbath, o ang gumawa ng masama? magligtas ng isang buhay, o pumatay? Datapuwa't sila'y hindi nagsiimik.

⁵ At nang siya'y lumingap sa kanila sa palibotlibot na may galit, sapagka't ikinalungkot niya ang katigasan ng kanilang puso, ay sinabi niya sa lalake, Iunat mo ang iyong kamay. At iniunat niya: at gumaling ang kaniyang kamay.

⁶ At nagsilabas ang mga Fariseo, at pagdaka'y nakipagsanggunian sa ^(G)mga Herodiano laban sa kaniya, kung paanong siya'y maipapupuksa nila.