Revised Common Lectionary (Semicontinuous)

²⁷ At nang kanilang mangadala sila, ay kanilang iniharap sa Sanedrin. At tinanong sila ng dakilang saserdote,

²⁸ Na sinasabi: ^(A)Ibinala naming mahigpit sa inyo na huwag kayong mangagturo sa pangalang ito: at narito, pinuno ninyo ang Jerusalem ng inyong aral, ^(B)at ibig ninyong iparatang sa amin ^(C)ang dugo ng taong ito.

²⁹ Datapuwa't nagsisagot si Pedro at ang mga apostol at nangagsabi, ^(D)Dapat muna kaming magsitalima sa Dios bago sa mga tao.

^30 (E)Ibinangon ng Dios ng ating mga magulang si Jesus, na siya ninyong pinatay, na ibinitin sa isang punong kahoy.

³¹ Siya'y pinadakila ng Dios ng kaniyang kanang kamay ^(F)upang maging Principe at ^(G)Tagapagligtas, ^(H)upang magbigay ng pagsisisi sa Israel, at ^(I)kapatawaran ng mga kasalanan.

³² At ^(J)kami'y mga saksi ng mga bagay na ito; at gayon din ang Espiritu Santo, ^(K)na siyang ibinigay ng Dios sa nagsisitalima sa kaniya.

Tawag upang purihin ang Panginoon sa pamamagitan ng mga panugtog.

⁴ Si Juan sa ^(A)pitong iglesia na nasa Asia: ^(B)Biyaya ang sumainyo nawa, at kapayapaang mula ^(C)doon sa kaniya na ngayon, at nang nakaraan at darating; at mula sa ^(D)pitong Espiritu na nasa harapan ng kaniyang luklukan;

⁵ At mula kay Jesucristo na siyang ^(E)saksing tapat, ^(F)na panganay sa mga patay, at pangulo ng mga hari sa lupa. ^(G)Doon sa umiibig sa atin, at sa nagkalag ^(H)sa atin sa ating mga kasalanan sa pamamagitan ng kaniyang dugo;

⁶ At ginawa ^(I)tayong kaharian, mga saserdote sa kaniyang Dios at Ama; sumakaniya nawa ang kaluwalhatian at ang paghahari magpakailan kailan man. Siya nawa.

⁷ Narito, ^(J)siya'y pumaparitong ^(K)nasasa mga alapaap; at makikita siya ng bawa't mata, at ^(L)ng nangagsiulos sa kaniya; at ang lahat ng mga angkan sa lupa ay magsisitaghoy dahil sa kaniya. Gayon din, Siya nawa.

⁸ Ako ang Alpha ^(M)at ang Omega, sabi ng Panginoong Dios, ^(N)ngayon at nang nakaraan at sa darating, ang Makapangyarihan sa lahat.

¹⁹ Nang kinahapunan nga, nang araw na yaon, ^(A)na unang araw ng sanglinggo, at nang nangapipinid ang mga pintong kinaroroonan ng mga alagad, dahil sa katakutan sa mga Judio ay dumating si Jesus at tumayo sa gitna, at sa kanila'y sinabi, ^(B)Kapayapaan ang sumainyo.

²⁰ At nang masabi niya ito, ay kaniyang ipinakita sa kanila ang kaniyang mga kamay at ang kaniyang tagiliran. ^(C)Ang mga alagad nga'y nangagalak, nang makita nila ang Panginoon.

²¹ Sinabi ngang muli sa kanila ni Jesus, Kapayapaan ang sumainyo: ^(D)kung paanong pagkasugo sa akin ng Ama, ay gayon din naman sinusugo ko kayo.

²² At nang masabi niya ito, ^(E)sila'y hiningahan niya, at sa kanila'y sinabi, Tanggapin ninyo ang Espiritu Santo:

²³ Sinomang inyong patawarin ng mga ^(F)kasalanan, ay ipinatatawad sa kanila; sinomang hindi ninyo patawarin ng mga kasalanan, ay hindi pinatatawad.

²⁴ Nguni't si Tomas, isa sa labingdalawa, ^(G)na tinatawag na Didimo, ay wala sa kanila nang dumating si Jesus.

²⁵ Sinabi nga sa kaniya ng ibang mga alagad, Nakita namin ang Panginoon. Nguni't sinabi niya sa kanila, ^(H)Malibang aking makita sa kaniyang mga kamay ang butas ng mga pako, at maisuot ko ang aking daliri sa butas ng mga pako, at maisuot ko ang aking kamay sa kaniyang tagiliran, ay hindi ako sasampalataya.

²⁶ At pagkaraan ng walong araw ay muling nasa loob ng bahay ang kaniyang mga alagad, at kasama nila si Tomas. Dumating si Jesus, nang nangapipinid ^(I)ang mga pinto, at tumayo sa gitna, at sinabi, Kapayapaan ang sumainyo.

²⁷ Nang magkagayo'y sinabi niya kay Tomas, Idaiti mo rito ang iyong daliri, at tingnan mo ang aking mga kamay; at idaiti mo rito ang iyong kamay, at isuot mo siya sa aking tagiliran: at huwag kang di mapanampalatayahin, kundi mapanampalatayahin.

²⁸ Sumagot si Tomas, at sa kaniya'y sinabi, Panginoon ko at Dios ko.

²⁹ Sinabi sa kaniya ni Jesus, Sapagka't ako'y nakita mo ay sumampalataya ka: ^(J)mapapalad yaong hindi nangakakita, at gayon ma'y nagsisampalataya.

³⁰ Gumawa rin nga si Jesus ^(K)ng iba't ibang maraming tanda sa harap ng kaniyang mga alagad, na hindi nangasusulat sa aklat na ito:

³¹ Nguni't ang mga ito ay nangasulat, ^(L)upang kayo'y magsisampalataya na si Jesus ay ang Cristo, ang Anak ng Dios; ^(M)at sa inyong pagsampalataya ay magkaroon kayo ng buhay ^(N)sa kaniyang pangalan.