Revised Common Lectionary (Semicontinuous)

Pagpapasalamat dahil sa pagkakabalik mula sa pagkabihag. Awit sa mga Pagsampa

²¹ Nang magkagayo'y ipinatawag ni Moises ang lahat ng matanda sa Israel, at sinabi sa kanila, Kayo'y lumabas at kumuha kayo ng mga kordero ^(A)ayon sa inyo-inyong sangbahayan, at magpatay kayo ng kordero ng paskua.

²² At kayo'y kukuha ng isang bigkis na ^(B)hisopo, at inyong ^(C)babasain sa dugo, na nasa palanggana, ^(D)at inyong papahiran ng dugo na nasa palanggana, ang itaas ng pinto at ang dalawang haligi ng pinto: at sinoman sa inyo ay huwag lalabas sa pinto ng kaniyang bahay hanggang sa kinaumagahan.

²³ Sapagka't ang Panginoon ay daraan upang sugatan ang mga Egipcio; at pagkakita niya ng dugo sa itaas ng pinto at sa dalawang haligi ng pinto, ay lalampasan ng Panginoon ang pintong yaon, at hindi niya papayagan ang manunugat ay pumasok sa inyong mga bahay na sugatan kayo.

²⁴ At inyong ipangingilin ang bagay na ito, na pinakatuntunin sa iyo at sa iyong mga anak magpakailan man.

²⁵ At mangyayaring pagdating ninyo sa lupain na ibibigay sa inyo ^(E)ng Panginoon, gaya ng kaniyang ipinangako, ay inyong tutuparin ang paglilingkod na ito.

^26 (F)At mangyayaring pagsasabi sa inyo ng inyong mga anak: Anong ibig ninyong sabihin sa paglilingkod na ito?

²⁷ Na inyong sasabihin: Siyang paghahain sa paskua ng Panginoon, na kaniyang nilampasan ang mga bahay ng mga anak ni Israel sa Egipto, nang kaniyang sugatan ang mga Egipcio, at iniligtas ang aming mga sangbahayan. ^(G)At ang bayan ay nagyukod ng ulo at sumamba.

⁴⁵ Marami nga sa mga Judio ang nagsiparoon kay Maria ^(A)at nangakakita ng ginawa niya, ay nagsisampalataya sa kaniya.

⁴⁶ Datapuwa't ang ilan sa kanila ay nagsiparoon sa ^(B)mga Fariseo, at sinaysay sa kanila ang mga bagay na ginawa ni Jesus.

⁴⁷ Ang mga pangulong saserdote nga ^(C)at ang mga Fariseo ay nangagpulong, at nagsipagsabi, Ano ang ginagawa natin? sapagka't ang taong ito'y gumagawa ng maraming tanda.

⁴⁸ Kung siya'y ating pabayaang gayon, ang lahat ng mga tao ay magsisisampalataya sa kaniya: at magsisiparito ang mga Romano at pagkukunin ang ating kinaroroonan at gayon din naman ang ating bansa.

⁴⁹ Nguni't ang isa sa kanila na ^(D)si Caifas, na dakilang saserdote nang taong ^(E)yaon, ay nagsabi sa kanila, Kayo'y walang nalalamang anoman.

⁵⁰ Ni inyong niwawari na sa inyo'y nararapat na ang isang tao ay mamatay dahil sa bayan, at hindi ang buong bansa ay mapahamak.

⁵¹ Ito nga'y sinabi niya na hindi sa kaniyang sarili: kundi palibhasa ay dakilang saserdote nang taong yaon, ay hinulaan niya na si Jesus ay dapat mamatay dahil sa bansa;

⁵² At ^(F)hindi dahil sa bansa lamang, ^(G)kundi upang matipon din naman niya sa isa ang mga anak ng Dios na nagsisipangalat.

⁵³ Kaya't mula nang araw na yaon ay pinagsanggunianan nilang ipapatay siya.

⁵⁴ Si Jesus ay hindi ^(H)na naglalakad ng hayag sa gitna ng mga Judio, kundi naparoon doon sa lupaing malapit sa ilang, sa isang bayan na tinatawag na Efraim; at siya'y nanahanan doong kasama ng mga alagad.

⁵⁵ Ang paskua nga ng mga Judio ^(I)ay malapit na: at maraming nagsiahon sa Jerusalem mula sa lupaing yaon bago magpaskua, ^(J)upang magsipaglinis.

⁵⁶ Pinaghahanap nga nila si Jesus, at pinaguusapan ng isa't isa, samantalang nangakatayo sila sa templo, Anong akala ninyo? Na hindi na kaya siya paririto sa pista?

⁵⁷ Ang mga pangulong saserdote at ang mga Fariseo nga ay nangagutos, na, kung ang sinomang tao'y nakakaalam ng kung saan siya naroroon, ay dapat niyang ihayag, upang kanilang madakip siya.