Revised Common Lectionary (Semicontinuous)

Sa Pangulong Manunugtog; itinugma sa Sosannim Eduth. Awit ni Asaph.

Ang paglilinis ng Jerusalem.

13 Sa araw na yaon ay ^(A)mabubuksan ang isang bukal sa sangbahayan ni David at sa mga mananahan sa Jerusalem, sa kasalanan, at sa karumihan.

² At mangyayari sa araw na yaon, sabi ng Panginoon ng mga hukbo, na aking ihihiwalay sa lupain ang mga pangalan ng mga diosdiosan, at sila'y hindi na mangaaalaala pa; at aking palalayasin naman ang mga propeta at ang karumaldumal na espiritu sa lupain.

³ At mangyayari, na pagka ang sinoman ay manghuhula, sasabihin nga sa kaniya ng kaniyang ama at ng kaniyang ina na nanganak sa kaniya, Ikaw ay hindi mabubuhay; sapagka't ikaw ay nagsasalita ng kabulaanan sa pangalan ng Panginoon; at palalagpasan ^(B)siya ng kaniyang ama at ng kaniyang ina na nanganak sa kaniya samantalang siya'y nanghuhula.

⁴ At mangyayari sa araw na yaon na ^(C)ang mga propeta ay mangahihiya bawa't isa dahil sa kaniyang pangitain, pagka siya'y nanghuhula; hindi man sila ^(D)mangagsusuot ng kasuutang balahibo, upang mangdaya:

⁵ Kundi kaniyang sasabihin, ^(E)Ako'y hindi propeta, ako'y mangbubukid sa lupa; sapagka't ako'y pinapaging alipin mula sa aking pagkabinata.

⁶ At sasabihin ng isa sa kaniya, Ano ang mga sugat na ito sa pagitan ng iyong mga bisig? Kung magkagayo'y siya'y sasagot, Iyan ang mga naging sugat ko sa bahay ng aking mga kaibigan.

⁷ Gumising ka, Oh tabak, laban sa ^(F)pastor ko, at laban sa lalake na aking ^(G)kasama, sabi ng Panginoon ng mga hukbo: ^(H)saktan mo ang pastor at ang mga tupa ay mangangalat; at aking ipipihit ang aking kamay laban sa mga maliit.

⁸ At mangyayari, na sa buong lupain, sabi ng Panginoon, dalawang bahagi ay mahihiwalay at mamamatay; ^(I)nguni't ang ikatlo ay maiiwan.

⁹ At aking dadalhin ang ikatlong bahagi sa apoy, at sila'y ^(J)dadalisayin ko na parang pilak na dalisay, at ^(K)sila'y susubukin ko na parang pagsubok sa ginto. Sila'y magsisitawag sa aking pangalan, at akin silang didinggin: ^(L)aking sasabihin, Siya'y bayan ko; at kanilang sasabihin, Ang Panginoon ay aking Dios.

⁶ At nakita ko ang ibang anghel na lumilipad sa gitna ng langit, ^(A)na may mabuting balita na walang hanggan upang ibalita sa mga nananahan sa lupa, at sa bawa't bansa at angkan at wika at bayan;

⁷ At sinasabi niya ng malakas na tinig, Matakot kayo sa Dios, at ^(B)magbigay kaluwalhatian sa kaniya; sapagka't dumating ang panahon ^(C)ng kaniyang paghatol: at magsisamba kayo sa gumawa ng langit at ng lupa at ng dagat at ng mga bukal ng tubig.

⁸ At ang iba, ang pangalawang anghel, ay sumunod na nagsasabi, ^(D)Naguho, naguho ang dakilang Babilonia, ^(E)na siyang nagpainom sa lahat na bansa ng alak ng kagalitan ng kaniyang pakikiapid.

⁹ At ang ibang anghel, ang pangatlo, ay sumunod sa kanila, na nagsasabi ng malakas na tinig, ^(F)Kung ang sinoman ay sumasamba sa hayop at sa kaniyang larawan, at tumatanggap ng tanda sa kaniyang noo, o sa kaniyang kamay,

^10 (G)Ay iinom din naman siya ng alak ng kagalitan ng Dios, na nahahandang walang halo ^(H)sa inuman ng kaniyang kagalitan; at siya'y ^(I)pahihirapan ng ^(J)apoy at asupre sa harapan ng mga banal na anghel, at sa harapan ng Cordero:

¹¹ At ^(K)ang usok ng hirap nila ay napaiilanglang magpakailan kailan man; at sila'y ^(L)walang kapahingahan araw at gabi, silang mga nagsisisamba sa hayop at sa kaniyang larawan, at sinomang tumatanggap ng tanda ng kaniyang pangalan.

¹² Narito ^(M)ang pagtitiyaga ng mga banal, ^(N)ng mga nagsisitupad ng mga utos ng Dios, at ng pananampalataya kay Jesus.

¹³ At narinig ko ang isang tinig na mula sa langit na nagsasabi, ^(O)Isulat mo, Mapapalad ang mga patay ^(P)na nangamamatay sa Panginoon mula ngayon: oo, sinasabi ng Espiritu, ^(Q)upang sila'y mangagpahinga sa kanilang mga gawa; sapagka't ang kanilang mga gawa ay sumusunod sa kanila.