Revised Common Lectionary (Complementary)

84 हे सेनाहरूका परमप्रभु! तपाईंको मन्दिर साँच्चि नै प्रिय छ।
² हे परमप्रभु, म तपाईंको मन्दिर भित्र पस्न इच्छा गर्दछु।
    म एकदमै उत्तेजित छु।
मेरा प्रत्येक अंग शाश्वत परमेश्वरसँग लिप्त हुन चाहन्छन्।
³ हे सेनाहरूका परमप्रभु, मेरो राजा, मेरो परमेश्वर,
    चराहरू सम्मले तपाईंको मन्दिरभित्र आश्रय पाए।
तपाईंको वेदीको छेउमा आफ्नो गुँड बनाउँछन्
    अनि तिनीहरूले त्यहीं आफ्ना बच्चाहरू हुर्काउँछन्।
⁴ तपाईंको मन्दिरमा बस्ने ती मानिसहरू भाग्यमानी हुन्।
    तिनीहरूले तपाईंको प्रशंसा लगातार गरि रहेकाछन्।

² “यहूदा शोक गर्छ,
    उसको प्रवेशद्वारहरू कमजोर भएको छन्।
मानिसहरू भूइँमा लडेर शोक मनाउँछन्,
    अनि यरूशलेमको चित्कार आकासिन्छ।
³ मानिसहरूका नायकहरूले आफ्ना नोकरहरूलाई पानी लिनुलाई पठाए।
    नोकरहरू इनारमा गए
    तर तिनीहरूले पानी पाएनन्।
नोकरहरू रित्तो जगहरू लिएर फर्की आए।
    यसकरण तिनीहरू लज्जित अनि अपमानित भए।
    तिनीहरूले लाजले आफ्नो अनुहार लुकाए।
⁴ खडेरी लागेको कारण,
    किसानहरूले खेतमा हलो जोतेनन्।
यसर्थ तिनीहरूले लाजले आफ्नो मुख छोपे।
⁵ माऊ मृगले सम्म आफूले भर्खरै जन्माएको पाठा-पाठीहरू छोड्छे।
    त्यहाँ घाँस नभएकोले त्यसले त्यसो गरकी हो।
⁶ जंगली गधाहरूले स्यालहरूले झैं
    पहाडमा उभिएर हावा लिदैंछन्।
चर्ने र्खकमा हरियो नभएको
    कारण तिनीहरूको आँखा तिर्मिराउँछन्।”

⁴⁷ “मेरो आत्माले परमप्रभुको प्रशंसा गर्दछ,
    अनि मेरो हृदय परमेश्वरमा आनन्दित हुँदछ जो मेरा मुक्तिदाता हुनुहुन्छ।
⁴⁸ किनभने उहाँले आफ्नो दीन दासी प्रति कृपा गर्नु भयो।
    अब उप्रान्त सबै मानसहरूले मलाई अनुग्रहित मान्नेछन्,
⁴⁹ किनभने सर्वशक्तिमान परमेश्वरले मेरो निम्ति ठूला कार्याहरू गर्नुभएको छ।
    उहाँको नाउँ पवित्र होस्।
⁵⁰ जसले परमेश्वरलाई उपासना गर्छ,
    उसको पुस्तौं सम्म उहाँ दयालु हुनुहुन्छ।
⁵¹ उहाँले आफ्नो बाहुबलद्वारा शक्ति प्रदर्शन गर्नु भएकोछ।
    उहाँले घमण्डीहरूलाई तिनीहरूको धनहरूको घमण्ड नष्ट गरिदिनु भएकोछ।
⁵² उहाँले शक्तिशाली शासकहरूलाई सिंहासनबाट हटाउनुभएको छ,
    अनि नम्रहरूलाई उचाल्नु भएकोछ।
⁵³ उहाँले भोकाहरूलाई असल खाद्यहरूले तृप्त पार्नु भएकोछ,
    तर स्वार्थी र धनीहरूलाई रित्तै हात पठाई दिनु भएकोछ।
⁵⁴ उहाँ आफ्नो दास इस्राएललाई सहायता गर्न आउनु भएकोछ।
    उहाँले हामीलाई उहाँको कृपा दिनु भएकोछ।
⁵⁵ उहाँले अब्राहाम र उनका सन्तानलाई दया गर्न,
    हाम्रा पुर्खाहरूलाई दिएको वचन अनुसार सम्झनु भयो।”