Revised Common Lectionary (Complementary)

Tau

¹⁶⁹ Lot mien Jeschrejcht no die kome, O Herr Gott; jeff mie Weisheit no dien Wuat no.

¹⁷⁰ Lot mien Jebäd fer die kome; rad mie no dien Wuat no.

¹⁷¹ Miene Leppe selle Preis räde wan du mie diene Jerejchte leare deist.

¹⁷² Miene Tung saul dien Wuat auntwuate; dan aul diene Jeboote sent Jerajchtijchkjeit.

¹⁷³ Lot diene Haunt mie halpe; dan ekj ha diene Fäaschrefte jewält.

¹⁷⁴ Ekj ha mie jesänt no diene Radunk, O Herr Gott; un dien Jesats es mien Fejneaje.

¹⁷⁵ Lot miene Seel läwe un ekj woa die preise; un lot diene Jerejchte mie halpe.

¹⁷⁶ Ekj ha je-ert soo aus en feloarnet Schop, seakj dien Deena; dan ekj doo diene Jeboote nijch fejäte.

⁹ Waut dan? Se wie baeta aus jana? Goanich! Wie ha ferhaea aul bewaese daut beides, de Jude uk de Grieche aula Sinda sent;

¹⁰ so auset jeschraewe steit: "Doa es nich een jerajchte mensch, nich eena.

¹¹ Doa es kjeena de Festentnes haft, doa es kjeena dee no Gott seakt.

¹² Dee sent aule fonn Gott wajch jegone en sent aula toop nutsloos jeworde; doa es nich eena dee Leeftolich es, nae, nich emol eena.

¹³ Aea Kjael es en opnet Grauf; met aeare Tunga sent see hinjalestich, unja aeare Lepe es Schlangejeft.;

¹⁴ aea Mul es foll Fleakje en Betanes;

¹⁵ aeare Feet sent platslich reed Bloot to fejeete;

¹⁶ Trua en Fenichtung sent enn aeare Waej,

¹⁷ en daen Fraedwajch ha see nich jekjant.

¹⁸ Doa es kjeena Gottesforcht enn aea senn."

¹⁹ Wie weete oba daut waut daut Jesats sajcht, sajcht daut to dee, dee unja daut Jesats sent, daut aula Muelle sulle toojestopt woare, en de gaunse Welt sull unja Gott sien Uadeel kome;

²⁰ dan derch de Jesatses Woakje woat kjeen Mensch fer Gott jeracht jesproake woare, dan derch daut Jesats es to erkjane waut sind es.