Revised Common Lectionary (Complementary)
Dee 23 Psalm
En Psalm fonn Doft.
1 Dee Herr Gott es mien Hoad, mie fältet aun nuscht.
2 Hee moakt mie dol laje enn jreene Weid; Hee deit mie biesied stelle Wotasch leide.
3 Hee deit miene Seel oppfresche. Hee deit mie enn dän Jerajchtijchkjeit Stijch leide omm sien Nome haulwe.
4 Jo, un wan ekj uk derjch dän Doodes-schaute Tol wank, woa ekj kjeen Beeset ferjchte, dan du best bie mie, diene Stang un dien Gonstock doone mie treeste.
5 Du moakst en Desch reed fa mien enn miene Fiend äare Jaeajenwoat; du deist mien Kopp ennsaulwe met Eelj, mien Kuffel rant aul aewa.
6 Sejchalijch, Goots en Erboarme woare mie nofolje mien Läwelank; un ekj woa enn daem Herr Gott sien Hus wone soo lang aus ekj laew.
17 En nu, Breeda, ekj weet daut jie daut deede enn Onnwissenheit, so aus uk june Harscha.
18 Oba Gott, dee ferhaea derch siene Profeeta daut haud weete lote daut dee Christus liede musst, haft daut nu soo erfelt.
19 Doaromm doot Buesse en bekjeat junt nu, daut junt de Sinde fejaeft woare, en daut ne befreschende Tiet kome kaun fonn daem Herr siene Jaeajenwoat,
20 en hee Jesus Christus schekje woat, dee junt ferhaea jepraedicht wort,
21 daem de Himel oppnaeme mott bott Gott aules tracht stalle woat, so aus Gott derch aul siene heilje Profeete jeraet haft fonn Aunfank de Welt.
22 Mooses saed sogoa: 'De Herr Gott woat ut june Breeda en Profeet fa junt hanstalle so aus ekj; daem sel jie jehorche en doone, wautemma hee junt saje woat.
23 En jiede Seel dee nich no am horche woat, saul gaunsentgoa fonn ut daut Follkj fetilcht woare.
24 En aul dee Profeete fonn Samuel aun, en aul dee, dee no am kjeeme, ha uk fonn dise Tiet jeraet.
25 Jie sent dee Profeete aeare Kjinja, en daen Bunnt daen Gott met onnse Fodasch muak, en saed to Obraum: 'Derch diene Nokome sele aule Famieljes oppe Ead jesaeajent woare.'
26 Aus Gott sien Deena Jesus oppwuak fom Doot, schekjt hee am eascht nu junt, daen Saeajen to jaewe daut en jieda sikj fonn sien Beeset bekjeare sull."
Copyright © 2001 by Elmer Reimer