Revised Common Lectionary (Complementary)

⁵⁵ Oba hee, foll fomm Heilje Jeist, kjikjt niel nom Himel en sach Gott siene Harlichkjeit, en Jesus to Gott siene rachte Haunt stone,

⁵⁶ en saed: "Kjikjt!. ekj see daen Himel opjemoakt, en de Menschesaen to Gott siene rajchte Haunt stone!"

⁵⁷ Donn schreaje see met ne lude Stem, hilde aeare Uare too, moarachte aule met een Senn no am,

⁵⁸ en schmeete am ute Staut erut, en steenjde am. En dee Ziej trokke aeare Kjleede auf en laede dee bie en junja Maun siene Feet, dee Saul heet.

⁵⁹ En see steenjde Stefanus, dee baed en saed: "Herr Jesus, nem mien Jeist enopp".

⁶⁰ Hee kneed sikj dol, en schreach met ne lude stem: "Herr, hool dise Sind nich jaeajen an!" Aus hee daut jesajcht haud, schleep hee enn.

Dee 31 Psalm

To dän haupt Musikaunt, en Psalm fonn Doft.

¹ Ekj socht Tooflucht enn die, O Herr Gott; lot mie niemols to schaund kome, rad mie enn diene Jerajchtijchkjeit.

² Beaj dien Ua dol no mie, rad mie schwind, sie en stoakja Steen to mie fa en Fasting Hus fa mie, mie to rade.

³ Dan du best mien groota Steen, un miene Fastinj, leid un lenk mie omm dien Nome haulwe.

⁴ Brinj mie ut daut Nat daut see fa mie festoake ha, dan du best miene Krauft.

⁵ Ekj äwajäw mien Jeist enn dien Henj enenn, dan du hast mie aufjeleewat, O Herr Gott, dee Woarheits Gott.

¹⁵ Miene Tiede sent enn diene Henj, rad mie fonn miene Fiend äare Henj un fonn dän dee mie hinjaraun sent.

¹⁶ Moak dien Jesejcht opp dien Deena to schiene; rad mie enn dien Erboarme.

² So aus niejebuerne Kjinja, felangt daut achte Malkj fom Wuat so daut jie doaderch wausse kjenne enn june Seelichkjeit,

³ wan jie jeschmakjt habe woo goot de Herr es.

⁴ Komt dan no am, daen laewendje Steen, dee fonn Mensche feschmaete wort, oba dee fonn Gott erwaelt wort en seeha fael weat es.

⁵ Jie uk, so aus laewendje Steena, woare upjebuet to en jeistlichet Huus en en heiljet Preistatum, daut jie jeistlije Opfa brinje dee Gott aunjenaem sent derch Jesus Christus.

⁶ Dan daut steit jeschraewe: "Kjikjt emol, ekj laj enn Zion en uterwaelda, weatfolla Akjsteen, en waea aun daen jleeft woat nich to shaunde woare".

⁷ Fa ju, dee jie jleewe es daut ne Ea, oba fa dee, dee nich jleewe es daut en Steen daen dee Buelied auntsied schmeete, es nu oba dee werklije Akjsteen jeworde;

⁸ en Steen aewa daen Mensche stolpre, eenem aewa daen see Aunstoos naeme, daut heet dee, dee aewa daut Wuat stolpre enn Unjehuarsaum, wuato see uk bestemt sent.

⁹ Oba jie sent en ueterwaeldet Jeschlacht, en kjeenichlichet Priestatum, ne heilje Natsjoon, Gott sien ueterwaeldet Follkj; daut jie sele daem siene Ea bekaunt moake dee junt haft fonn dee Diestanes jerat en haft ju enn daut wuundascheenet Licht enenn jebrocht.

¹⁰ To eene Tiet wea jie nich mol en Follkj, oba nu sent jie Gott sien Follkj. Jie haude kjeene Jnod, nu oba ha jie Jnod jekjraeje.

14 Lot ju nich daut Hoat beonruije! Jleeft aun Gott, jleeft uk aun mie.

² En mien Foda sien Hus sent fael Woninj. Wan daut aundasch wea wudd ekj ju daut jesajcht habe. Ekj go junt ne Staed reed to moake.

³ En wan ekj han go ne Staed fa ju reed tomoake, woa ekj trigj kome en junt no mie selfst hole, daut jie uk kjenne doa senne wua ekj sie.

⁴ En jie weete wua ekj han go, en jie weete uk daen Wajch."

⁵ Toomas saed to am: "Wie weete nich wua du han deist; woo kje wie dan daen Wajch weete?"

⁶ Jesus saed to am: "Ekj sie de Wajch, de Woarheit, en daut Laewe; kjeena kjemt nom Foda buta derch mie.

⁷ Wan jie mie jekjant haude, wudd jie mien Foda uk jekjannt habe. Fonn nu aun kjann jie am, en ha am jeseene."

⁸ Filip saed to am: "Herr, wies onns daem Foda, daut woat onns tooreakje."

⁹ Jesus saed to am: "Soo lang sie ekj aul bie ju, en du kjanst mie nich, Filip? Waea mie jeseene haft, haft daem Foda jeseene! Woo sajst du dan: Wies uns daem Foda?

¹⁰ Jleefst du nich daut ekj emm Foda sie, en daut dee Foda enn mie es? Dee Wead dee ekj raed, raed ekj nich ut mie selfst; oba dee Foda dee enn mie wont, dee deit siene Woakje enn mie.

¹¹ Jleew mie daut ekj emm Foda sie, en de Foda enn mie es. Wan sest nich, dan jleew omm dee Woakje haulwe.

¹² Enn Woarheit, enn Woarheit saj ekj ju: Waea aun mie jleewft, woat dee Woakje uk doone dee ekj doo, en woat uk noch jratre aus dise doone wiel ek trigj no mien Foda go.

¹³ En wautemma jie enn mien Nome baede woare, daut woa ekj doone, daut de Foda enn daem Saen feharlicht woat.

¹⁴ Wann jie irjendwaut froage enn mien Nome, daut woa ekj doone.