Revised Common Lectionary (Complementary)

^2 (A)Mukama lwe lwazi lwange, ky’ekigo kyange ekigumu era ye mununuzi wange,
    ye Katonda wange era lwe lwazi lwange mwe neekweka;
    ye ngabo yange era ye mulokozi wange ow’amaanyi, era kye kigo kyange ekinywevu.
^3 (B)Nkoowoola Mukama asaana okutenderezebwa,
    era amponya eri abalabe bange.

^4 (C)Emiguwa gy’okufa gyanneetooloola;
    embuyaga ez’okusaanawo zansaanikira.
^5 (D)Ebisiba eby’amagombe byanneetooloola;
    n’emitego gy’okufa ne ginjolekera.
^6 (E)Mu nnaku yange nakoowoola Mukama;
    ne nkaabirira Katonda wange annyambe.
Yawulira eddoboozi lyange ng’ali mu yeekaalu ye;
    omulanga gwange ne gutuuka mu matu ge.

^7 (F)Emisingi gy’ensi ne gikankana ne giyuuguuma;
    ensozi ne zinyeenyezebwa ne ziseeseetuka,
    kubanga yali asunguwadde.
^8 (G)Omukka ne gunyooka nga guva mu nnyindo ze.
    Omuliro ne guva mu kamwa ke,
    ne gukoleeza amanda ne gabuubuuka.
^9 (H)Yayabuluza eggulu n’akka wansi;
    ebire ebikutte nga biri wansi w’ebigere bye.
^10 (I)Yeebagala kerubi n’abuuka,^[a]
    n’aseeyeeyeza ku biwaawaatiro by’empewo.
^11 (J)Yafuula ekizikiza ekyamwetooloolanga
    okuba enkuufiira ey’ebire ebijjudde amazzi.
^12 (K)Okumasamasa okwali mu maaso ge ne kuva mu bire bye,
    n’okumyansa kw’eggulu n’omuzira.
^13 (L)Mukama yabwatuka ng’asinziira mu ggulu; oyo Ali Waggulu Ennyo yayogera;
    mu kamwa ke ne muvaamu omuzira n’okumyansa kw’eggulu.
^14 (M)Yalasa obusaale bwe n’asaasaanya abalabe;
    n’okumyansa okw’eggulu n’abawangula.
^15 (N)Ebiwonvu eby’omu nnyanja ne bibikkulwa
    n’emisingi gy’ensi ne gyeyerula
olw’okunenya kwo Ayi Mukama
    n’olw’okubwatuka kw’omukka ogw’omu nnyindo zo.

^16 (O)Mukama yagolola omukono gwe ng’ali waggulu,
    n’ankwata n’annyinyulula mu mazzi amangi.
^17 (P)Yamponya abalabe bange ab’amaanyi,
    abankyawa, abo abaali bansinza amaanyi.
^18 (Q)Bannumba nga ndi mu buzibu,
    naye Mukama n’annyamba.
^19 (R)N’antwala mu kifo ekigazi n’amponya,
    kubanga yansanyukira nnyo.

^27 (C)“Kubanga akuŋŋaanya amatondo g’amazzi,
    agafuuka enkuba etonnya mu bugga;
^28 (D)ebire bivaamu amazzi gaabyo,
    enkuba n’ekuba abantu.
^29 (E)Ani ayinza okutegeera engeri gy’asaasaanyamu ebire,
    okubwatuka okuva ku kituuti kye?
³⁰ Laba, asaasaanya okumyansa kw’eggulu,
    era n’abikka obuziba bw’ennyanja.
^31 (F)Eyo y’engeri gy’afugamu amawanga,
    n’agawa emmere mu bungi.
^32 (G)Emikono gye agijjuza eraddu,
    n’agiragira ekube ebifo bye yeerondeddemu.
³³ Okubwatuka kwayo kulangirira kibuyaga ajja,
    n’ente ne zirangirira okujja kwayo.”

¹⁴ “Wuliriza kino Yobu;
    sooka oyimirire olowooze ku bikolwa bya Katonda eby’ettendo.
¹⁵ Omanyi Katonda engeri gy’alagiramu ebire,
    n’aleetera eggulu okumyansa?
^16 (A)Omanyi engeri ebire gye bituulamu mu bbanga,
amakula g’emirimu gy’oyo eyatuukirira mu kumanya?
¹⁷ Ggwe alina ebyambalo ebibuguma,
    ensi bw’eba ng’ekkakkanyizibbwa embuyaga ez’obukiikaddyo,
^18 (B)oyinza okumwegattako ne mubamba eggulu,
    eryaguma ne libeera ng’endabirwamu ensanuuse?

¹⁹ “Tubuulire kye tunaamugamba;
    tetusobola kuwoza nsonga zaffe gy’ali olw’ekizikiza kye tulimu.
²⁰ Asaanidde okubuulirwa kye njagala okwogera?
    Eriyo omuntu yenna ayinza okusaba okumalibwawo?
²¹ Kaakano tewali n’omu ayinza kutunula mu njuba,
    olw’engeri gy’eyakamu ku ggulu,
    ng’empewo emaze okuyita, n’eyelula ebire.
²² Mu bukiikakkono evaayo zaabu;
    Katonda ajja mu kitiibwa eky’amaanyi.
^23 (C)Ayinzabyonna tatuukikako era agulumidde mu maanyi,
    mu bwenkanya bwe era ne butuukirivu bwe, tawaliriza muntu yenna.
^24 (D)Noolwekyo abantu bamutya,
    takitwala ng’ekikulu olw’abo abeerowooza okuba abagezi mu mitima gyabwe.”