Old/New Testament

Si Rezin at si Peca ay bumaka sa Jerusalem.

7 At nangyari, nang mga kaarawan ni Achaz na anak ni Jotham, anak ni Uzzias, na hari sa Juda, na si ^(A)Rezin na hari sa Siria, at si Peca na anak ni Remalias, hari sa Israel, ay nagsiahon sa Jerusalem upang makipagdigma laban doon; nguni't hindi nanganaig laban doon.

² At nasaysay sa sangbahayan ni David, na sinasabi, Ang Siria ay nalakip sa Ephraim. At ang puso niya'y nakilos, at ang puso ng kaniyang bayan na gaya ng mga punong kahoy sa gubat na kinilos ng hangin.

³ Nang magkagayo'y sinabi ng Panginoon kay Isaias, Lumabas ka na iyong salubungin si Achaz, ikaw, at si Sear-jasub na iyong anak, ^(B)sa dulo ng padaluyan ng tipunan ng tubig sa itaas, sa lansangan ng parang ng nagpapaputi ng kayo;

⁴ At sabihin mo sa kaniya, Ikaw ay magingat, at tumahimik ka; huwag kang matakot, o manglupaypay man ang iyong puso ng dahil sa dalawang buntot na apoy na ito na umuusok, ng dahil sa mabangis na galit ng Rezin at Siria, at ng ^(C)anak ni Remalias.

⁵ Dahil sa ang Siria ay pumayo ng masama laban sa iyo, ang Ephraim din naman, at ang anak ni Remalias, na nagsasabi,

⁶ Magsiahon tayo laban sa Juda, at ating bagabagin, at ating papasukin sila, at tayo'y maglagay ng hari sa gitna niyaon, sa makatuwid baga'y ang anak ni Tabeel:

⁷ Ganito ang sabi ng Panginoong Dios, Hindi matatayo o mangyayari man.

⁸ Sapagka't ^(D)ang pangulo ng Siria ^(E)ay ang Damasco, at ang pangulo ng Damasco ay ang Rezin: at ^(F)sa loob ng anim na pu't limang taon ay magkakawatakwatak ang Ephraim, upang huwag maging bayan:

⁹ At ang pangulo ng Ephraim ay ang ^(G)Samaria, at ang pangulo ng Samaria ay ang anak ni Remalias. Kung kayo'y hindi maniniwala, tunay na hindi kayo mangatatatag.

Ang batang Emmanuel.

¹⁰ At ang Panginoon ay nagsalita uli kay Achaz, na nagsasabi,

¹¹ Humingi ka sa ganang iyo ng ^(H)tanda na mula sa Panginoon mong Dios; humingi ka maging ^(I)sa kalaliman, o sa kaitaasan sa itaas.

¹² Nguni't sinabi ni Achaz, ^(J)Hindi ako hihingi, ni tutuksuhin ko man ang Panginoon.

¹³ At kaniyang sinabi, Dinggin ninyo ngayon, Oh ^(K)sangbahayan ni David; maliit na bagay ba sa inyo ang mamagod sa mga tao na inyong papagurin rin ang aking Dios?

¹⁴ Kaya't ang Panginoon nga ay magbibigay sa inyo ng tanda; ^(L)narito, isang dalaga ay maglilihi, at manganganak ng isang lalake, at tatawagin ang kaniyang pangalan na ^(M)Emmanuel.

¹⁵ Siya'y ^(N)kakain ng mantekilla at pulot, ^(O)pagka siya'y natutong tumanggi sa kasamaan, at pumili ng mabuti.

¹⁶ Sapagka't bago ^(P)maalaman ng bata na tumanggi sa kasamaan, at pumili ng mabuti, pababayaan ang lupain ^(Q)ng dalawang haring iyong kinayayamutan.

¹⁷ Ang Panginoon ay magpapasapit sa iyo, at sa iyong bayan, at sa sangbahayan ng iyong magulang ng mga araw na hindi nangyari mula ng araw na humiwalay ang ^(R)Ephraim sa Juda; sa makatuwid baga'y ang hari sa Asiria.

¹⁸ At mangyayari sa araw na yaon, na ^(S)susutsutan ng Panginoon ang langaw na nasa kahulihulihang bahagi ng mga ilog ng Egipto, at ang pukyutan na nasa lupain ng Asiria.

¹⁹ At sila'y magsisidating, at silang lahat ay mangagpapahinga sa mga gibang libis, at sa mga bitak ng malalaking bato, at sa lahat ng mga tinikan, at sa lahat ng mga sukal.

²⁰ Sa araw na yaon ay ^(T)aahitin ng Panginoon ang ulo at ang balahibo ng mga paa, ng pangahit na inupahan, ang nangasa bahagi ng dako roon ng Ilog, ang hari sa Asiria: at aalisin din ang balbas.

²¹ At mangyayari sa araw na yaon, na ang isang tao ay magaalaga ng guyang baka, at ng dalawang tupa;

²² At mangyayari, na dahil sa kasaganaan ng gatas na kanilang ibibigay ay kakain siya ng mantekilla: sapagka't ang bawa't isa na naiwan sa gitna ng lupain ay kakain ng mantekilla at pulot.

²³ At mangyayari sa araw na yaon, na ang bawa't dakong kinaroroonan ng libong puno ng ubas na nagkakahalaga ng isang libong siklong pilak, ay magiging dawagan at tinikan.

²⁴ Paroroon ang isa na may mga pana at may busog; sapagka't ang buong lupain ay magiging mga dawag at mga tinikan.

²⁵ At ang lahat ng burol na hinukay ng azarol, hindi mo paroroonan dahil sa takot sa mga dawag at sa mga tinikan; ^(U)kundi magiging pagalaan sa mga baka, ^(V)at yurakan ng mga tupa.

Ang pagsamsam sa Juda. Ang Panginoon ay hindi kaaway na dapat katakutan.

8 At sinabi ng Panginoon sa akin, Kumuha ka ng malapad na tabla, at ^(W)sulatan mo ng panulat ng tao, Kay Maher-salalhash-baz;

² At magdadala ako ng mga tapat na saksi upang mangagpaalaala, si ^(X)Urias na saserdote, at si Zacarias na anak ni Jeberechias.

³ At ako'y naparoon sa propetisa; at siya'y naglihi, at nanganak ng isang lalake. Nang magkagayo'y sinabi ng Panginoon sa akin, Tawagin mo ang kaniyang pangalan na Maher-salalhash-baz.

⁴ Sapagka't bago ang anak ay ^(Y)matutong dumaing ng, Ama ko, at: Ina ko, ang mga kayamanan ng ^(Z)Damasco at ang samsam sa Samaria ay dadalahin sa harap ng hari ng Asiria.

⁵ At nagsalita pa ang Panginoon uli sa akin, na nagsasabi,

⁶ Yamang tinanggihan ng bayang ito ang tubig ng ^(AA)Siloe na nagsisiagos na marahan, at siya'y nagagalak ^(AB)kay Rezin at sa anak ni Remalias;

⁷ Ngayon nga, narito, iniaahon ng Panginoon sa kanila ang tubig ng Ilog, malakas at marami, sa makatuwid baga'y ang hari sa Asiria at ang buo niyang kaluwalhatian: at siya'y aahon sa lahat niyang bangbang, at aapaw sa buo niyang baybayin:

⁸ At magpapatuloy sa dako ng loob ng Juda; aapaw at lalampas; ^(AC)aabot hanggang sa leeg; at ang laganap ng kaniyang mga pakpak ay siyang magpupuno ng kaluwangan ng iyong lupain, ^(AD)Oh Emmanuel.

⁹ Kayo'y magsamasama, Oh mga bayan, at kayo'y mangagkakawatakwatak; at kayo'y mangakinig, kayong lahat na taga malayong lupain: mangagbigkis kayo, at kayo'y mangagkakawatakwatak; kayo'y mangagbigkis, at kayo'y mangagkakawatakwatak.

¹⁰ Mangagsanggunian kayo, at yao'y mauuwi sa wala; mangagsalita kayo ng salita at hindi matatayo: ^(AE)sapagka't ang Dios ay sumasaamin.

¹¹ Sapagka't ang Panginoon ay nagsalitang ganito sa akin na may malakas na kamay, at tinuruan ako na huwag lumakad ng lakad ng bayang ito, na sinasabi,

¹² Huwag ninyong sabihin, Pagbabanta; tungkol sa lahat na sasabihin ng bayang ito, Pagbabanta, o ^(AF)huwag mang mangatakot kayo ng kanilang takot, o mangilabot man doon.

¹³ Ang Panginoon ng mga hukbo, ^(AG)siya ang inyong aariing banal; at ^(AH)sumakaniya ang inyong takot, at sumakaniya ang inyong pangingilabot.

¹⁴ At ^(AI)siya'y magiging pinakasantuario; nguni't ^(AJ)pinakabatong katitisuran at pinaka malaking batong pangbuwal sa dalawang sangbahayan ng Israel, na ^(AK)pinakabitag at pinakasilo sa mga nananahan sa Jerusalem.

¹⁵ At marami ang mangatitisod doon, at mangabubuwal, at mangababalian, at mangasisilo, at mangahuhuli.

¹⁶ Talian mo ang patotoo, tatakan mo ang kautusan sa gitna ng aking mga alagad.

¹⁷ At aking hihintayin ang Panginoon na ^(AL)nagkukubli ng kaniyang mukha sa sangbahayan ni Jacob, at aking ^(AM)hahanapin siya.

¹⁸ Narito, ^(AN)ako at ^(AO)ang mga anak na ibinigay ng Panginoon sa akin ay mga ^(AP)pinakatanda at ^(AQ)pinaka kababalaghan sa Israel na mula sa Panginoon ng mga hukbo, na tumatahan sa bundok ng Sion.

Masasamang espiritu at manghuhula ay sinumpa.

¹⁹ At pagka kanilang sasabihin sa inyo, ^(AR)Hanapin ninyo silang nakikipagsanggunian sa masamang espiritu at mga manghuhula, na ^(AS)nagsisihuni at nagsisibulong; ^(AT)hindi ba marapat na sanggunian ng bayan ang kanilang Dios? ^(AU)dahil baga sa mga buháy ay sasangguni sila sa mga patay?

^20 (AV)Sa kautusan at sa patotoo! ^(AW)kung hindi sila magsalita ng ayon sa salitang ito, ^(AX)tunay na walang umaga sa kanila.

²¹ At sila'y magsisidaan doon, na nahihirapan at gutom: at mangyayari, na pagka sila'y mangagugutom, sila'y mangagagalit, at ^(AY)magsisisumpa alangalang sa kanilang hari at sa kanilang Dios, at ititingala nila ang kanilang mga mukha:

²² At ^(AZ)sila'y titingin sa lupa, at, narito, kahirapan at kadiliman, ^(BA)ulap ng kahapisan, at sa salimuot na kadiliman ay itataboy sila.

2 At kayo'y binuhay niya, ^(A)nang kayo'y mga patay dahil sa inyong mga pagsalangsang at mga kasalanan,

² Na inyong nilakaran ^(B)noong una ayon sa ^(C)lakad ng sanglibutang ito, ayon ^(D)sa pangulo ng mga kapangyarihan ng hangin, ng espiritu na ngayon ay gumagawa sa ^(E)mga anak ng pagsuway;

³ Sa gitna ng mga yaon, tayo rin naman, ng ibang panahon ay nangabubuhay sa ^(F)mga kahalayan ng ating laman, na ating ginagawa ang mga pita ng laman at ng pagiisip, at ^(G)tayo noo'y katutubong mga anak ng kagalitan, gaya naman ng mga iba:—

⁴ Nguni't ang Dios, palibhasa'y mayaman sa awa, dahil sa kaniyang malaking pagibig na kaniyang iniibig sa atin,

⁵ Bagama't ^(H)tayo'y mga patay dahil sa ating mga kasalanan, ^(I)tayo'y binuhay na kalakip ni Cristo (sa pamamagitan ng biyaya kayo'y nangaligtas),

⁶ At tayo'y ibinangong kalakip niya, at pinaupong kasama niya ^(J)sa sangkalangitan, kay Cristo Jesus:

⁷ Upang sa mga panahong darating ay maihayag niya ang dakilang kayamanan ng kaniyang biyaya sa kagandahang-loob sa atin kay Cristo Jesus:

⁸ Sapagka't sa biyaya ^(K)kayo'y nangaligtas ^(L)sa pamamagitan ng pananampalataya; at ito'y hindi sa inyong sarili, ^(M)ito'y kaloob ng Dios;

⁹ Hindi sa pamamagitan ng mga gawa, ^(N)upang ang sinoman ay huwag magmapuri.

¹⁰ Sapagka't tayo'y kaniyang gawa, na nilalang kay Cristo Jesus para sa mabubuting gawa, ^(O)na mga inihanda ng Dios nang una upang siya nating lakaran.

¹¹ Kaya nga ^(P)alalahanin ninyo, na kayo noong una, mga Gentil sa laman, tinatawag na Di-pagtutuli niyaong tinatawag na ^(Q)Pagtutuli sa laman, na ginawa ng mga kamay:

¹² Na kayo nang panahong yaon ay mga hiwalay kay Cristo, na mga di kabilang sa bansa ng Israel, at mga taga ibang lupa tungkol sa ^(R)mga tipan ng pangako, na ^(S)walang pagasa at walang Dios sa sanglibutan.

¹³ Datapuwa't ngayon kay Cristo Jesus kayo na noong panahon ay nalalayo ^(T)ay inilapit sa dugo ni Cristo.

¹⁴ Sapagka't siya ang ating kapayapaan, ^(U)na kaniyang pinagisa ang dalawa, at iginiba ang pader na nasa gitna na nagpapahiwalay,

¹⁵ Na inalis ^(V)ang pagkakaalit ^(W)sa pamamagitan ng kaniyang laman, kahit kautusan na may mga batas at ang palatuntunan; upang sa dalawa ay lalangin sa kaniyang sarili ang isang ^(X)taong bago, sa ganito'y ginagawa ang kapayapaan;

¹⁶ At ^(Y)upang papagkasunduin silang dalawa sa ^(Z)isang katawan sa Dios sa pamamagitan ng krus, ^(AA)na sa kaniya'y pinatay ang pagkakaalit.

¹⁷ At siya'y naparito ^(AB)at ipinangaral ang kapayapaan sa inyong nalalayo, at ang kapayapaan sa nangalalapit:

¹⁸ Sapagka't ^(AC)sa pamamagitan niya ^(AD)tayo'y may pagpasok sa ^(AE)isang Espiritu rin sa Ama.

¹⁹ Kaya nga hindi na kayo mga ^(AF)taga ibang lupa at mga manglalakbay, kundi kayo'y mga ^(AG)kababayan na kasama ng mga banal, at sangbahayan ng Dios,

^20 (AH)Na mga itinatayo sa ibabaw ng kinasasaligan ng mga ^(AI)apostol at ng mga ^(AJ)propeta, na si Cristo Jesus din ^(AK)ang pangulong bato sa panulok;

²¹ Na sa kaniya'y ang buong gusali, na nakalapat na mabuti, ay lumalago upang maging ^(AL)isang templong banal sa Panginoon;

²² Na sa kaniya'y itinayo naman ^(AM)kayo upang maging tahanan ng Dios sa Espiritu.