Old/New Testament

Ang pagkakaawang gawa at ang kasipagan ay dapat gawin na may pagasa.

10 Ang mga patay na langaw ay nagpapabaho sa unguento ng manggagawa ng pabango: ^(A)gayon ang munting kamangmangan ay sumisira ng karunungan at karangalan.

² Ang puso ng pantas na tao ay nasa kaniyang kanang kamay; nguni't ang puso ng mangmang ay sa kaniyang kaliwa.

³ Oo gayon din, pagka ang mangmang ay lumalakad sa daan, ay nawawalan siya ng bait, at ^(B)kaniyang sinasabi sa bawa't isa, na siya'y isang ulol.

⁴ Kung ang diwa ng pinuno ay bumangon laban sa iyo, ^(C)huwag kang umalis: ^(D)sapagka't ang pagpapakalumanay ay nagpapalikat ng mga malaking pagkagalit.

⁵ May isang kasamaan, na nakita ko sa ilalim ng araw na tila kamalian na nanggagaling sa pinuno:

^6 (E)Ang mangmang ay nauupo sa malaking karangalan, at ang mayaman ay nauupo sa mababang dako.

⁷ Nakakita ako ng mga ^(F)alipin na nakasakay sa mga kabayo, at ng mga pangulo na nagsisilakad sa lupa na gaya ng mga alipin.

^8 (G)Siyang humuhukay ng lungaw ay mahuhulog doon: at ang sumisira sa pader, ay kakagatin siya ng ahas.

⁹ Ang tumatabas ng mga bato ay masasaktan niyaon; ^(H)at ang pumapalakol ng kahoy ay napapanganib doon.

¹⁰ Kung ang bakal ay pumurol, at hindi ihasa ninoman ang talim, marapat nga niyang gamitan ng lalong kalakasan: nguni't ang karunungan ay pinakikinabangang magturo.

¹¹ Kung ang ahas ay ^(I)kumagat bago maenkanto, wala ngang kapakinabangan sa mangeenkanto.

¹² Ang mga ^(J)salita ng bibig ng pantas ay mapagbiyaya; nguni't ang mga labi ng mangmang ay lalamon sa kaniyang sarili.

¹³ Ang pasimula ng mga salita ng kaniyang bibig ay kamangmangan: at ang wakas ng kaniyang salita ay makamandag na kaululan.

^14 (K)Ang mangmang din naman ay nagpaparami ng mga salita: gayon ma'y hindi nalalaman ng tao kung ano ang mangyayari; ^(L)at ang mangyayari pagkamatay niya, sinong makapagsasaysay sa kaniya?

¹⁵ Ang gawa ng mga mangmang ay nagpapayamot sa bawa't isa sa kanila; sapagka't hindi niya nalalaman kung paanong pagparoon sa bayan.

^16 (M)Sa aba mo, Oh lupain, kung ang iyong hari ay isang bata, at ang iyong mga pangulo ay ^(N)nagsisikain sa umaga!

¹⁷ Mapalad ka, Oh lupain, kung ang iyong hari ay anak ng mga mahal na tao, at ang ^(O)iyong mga pangulo ay nagsisikain sa kaukulang panahon, sa ikalalakas, at hindi sa paglalasing!

¹⁸ Sa katamaran ay gumuguho ang bubungan; at di sa pagkilos ng mga kamay ay tumutulo ang bahay.

¹⁹ Ang kapistahan ay ginagawa sa ikapagtatawa, ^(P)at ang alak ay nagpapasaya sa buhay: at ang salapi ay sumasagot sa lahat ng mga bagay.

^20 (Q)Huwag mong sumpain ang hari, huwag, huwag sa iyong pagiisip; at huwag mong sumpain ang mayaman sa iyong silid na tulugan: sapagka't isang ibon sa himpapawid ay magdadala ng tinig, at ang may mga pakpak ay magsasaysay ng bagay.

Ang pagkakaawang gawa at ang kasipagan ay dapat gawin na may pagasa.

11 Ihasik mo ang ^(R)iyong tinapay sa tubigan: sapagka't iyong masusumpungan pagkaraan ng maraming araw.

^2 (S)Magbigay ka ng bahagi sa pito, oo, sa walo; ^(T)sapagka't hindi mo nalalaman kung anong kasamaan ang mangyayari sa lupa.

³ Kung ang mga alapaap ay mapuno ng ulan, ay tumutulo sa lupa: at kung ang punong kahoy ay mabuwal sa dakong timugan, o sa dakong hilagaan sa dakong kabuwalan ng kahoy, ay doon ito mamamalagi.

⁴ Ang nagmamalas sa hangin ay hindi maghahasik; at ang tumitingin sa mga alapaap ay hindi aani.

⁵ Kung paanong hindi ^(U)mo nalalaman kung ano ang daan ng hangin o ^(V)kung paano mang lumalaki ang mga buto sa bahay-bata ng buntis; gayon hindi mo nalalaman ang gawa ng Dios na gumagawa sa lahat.

⁶ Ihasik mo sa umaga ang iyong binhi, at huwag mong iurong ang iyong kamay sa hapon; sapagka't hindi mo nalalaman kung alin ang tutubo, kung ito o yaon, o kung kapuwa magiging mabuti.

⁷ Tunay na ang liwanag ay mainam, at masayang bagay sa mga mata na magsitingin sa araw.

⁸ Oo, kung ang tao ay mabuhay ng maraming taon, magalak siya sa lahat ng yaon; nguni't alalahanin niya ^(W)ang mga kaarawan ng kadiliman, sapagka't magiging marami. Lahat ng dumarating ay walang kabuluhan.

⁹ Ikaw ay magalak, Oh binata, sa iyong kabataan: at pasayahin ka ng iyong puso sa mga kaarawan ng iyong kabataan, at ^(X)lumakad ka ng mga lakad ng iyong kalooban, at sa paningin ng iyong mga mata: ^(Y)nguni't talastasin mo na dahil sa lahat ng mga bagay na ito ay dadalhin ^(Z)ka ng Dios sa kahatulan.

¹⁰ Kaya't ilayo mo ang kapanglawan sa iyong puso, at ^(AA)alisin mo ang kasamaan sa iyong katawan: sapagka't ang kabataan at ang kasariwaan ng buhay ay walang kabuluhan.

Payo upang alalahanin ang Panginoon sa kabataan.

12 Alalahanin mo rin naman ang Maylalang sa ^(AB)iyo sa mga kaarawan ng iyong kabataan, ^(AC)bago dumating ang mga masamang araw, at ang mga taon ay lumapit, ^(AD)pagka iyong sasabihin, Wala akong kaluguran sa mga yaon;

² Bago ang araw, at ang liwanag, at ang buwan, at ang mga bituin ay magdilim, at ang mga alapaap ay magsibalik pagkatapos ng ulan.

³ Sa kaarawan na ang mga tagapagingat ng bahay ay manganginginig, at ang mga malakas na lalake ay mapapayukod, at ang mga manggigiling ay mangaglilikat sapagka't sila'y kaunti, at yaong nagsisidungaw sa mga dungawan ay mangasisilaw,

⁴ At ang mga pintuan ay sasarhan sa mga lansangan; pagka ang tunog ng giling ay humina, at ang isa'y babangon sa tinig ng ibon, at lahat ng mga anak na babae ng tugtugin ay mabababa;

⁵ Oo, sila'y mangatatakot sa mataas, at ang mga kakilabutan ay mapapasa daan; at ang puno ng almendro ay mamumulaklak; at ang balang ay magiging pasan, at ang pita ay manglulupaypay: sapagka't ang tao ay pumapanaw sa kaniyang malaong ^(AE)tahanan, ^(AF)at ang mga tagapanangis ay nagsisigala sa mga lansangan:

⁶ Bago ang panaling pilak ay mapatid, o ang mangkok na ginto ay mabasag, o ang banga ay mabasag sa bukal, o ang gulong ay masira sa balon;

^7 (AG)At ang alabok ay mauuwi sa lupa gaya ng una, at ang diwa ay mababalik sa Dios ^(AH)na nagbigay sa kaniya.

⁸ Walang kabuluhan ng mga walang kabuluhan, ^(AI)sabi ng ^(AJ)Mangangaral; lahat ay walang kabuluhan.

⁹ At bukod dito, sapagka't ang Mangangaral ay pantas, ay nagpatuloy siya ng pagtuturo ng kaalaman sa bayan; oo, siya'y nagaral, at sumiyasat, ^(AK)at umayos ng maraming kawikaan.

¹⁰ Humanap ang Mangangaral ng mga nakalulugod na salita, at ng nasusulat na matuwid, na mga salita ng katotohanan.

¹¹ Ang mga salita ng pantas ay gaya ng mga tulis; at gaya ng mga pako na nakakapit na mabuti, ang mga salita ng mga pangulo ng mga kapulungan, na nabigay mula sa isang pastor.

¹² At bukod dito, anak ko, maaralan ka: tungkol sa paggawa ng maraming aklat ay walang wakas; at ang ^(AL)maraming pagaaral ay kapaguran ng katawan.

¹³ Ito ang wakas ng bagay; lahat ay narinig: ^(AM)ikaw ay matakot sa Dios, at sundin mo ang kaniyang mga utos; sapagka't ito ang buong katungkulan ng tao.

¹⁴ Sapagka't dadalhin ^(AN)ng Dios ang bawa't gawa sa kahatulan, pati ng bawa't kubling bagay, maging ito'y mabuti o maging ito'y masama.

1 Si Pablo, na Apostol (^(A)hindi mula sa mga tao, ni sa pamamagitan man ng tao, kundi ^(B)sa pamamagitan ni Jesucristo, at ng Dios Ama, ^(C)na siyang sa kaniya'y muling bumuhay),

² At ang lahat ng mga kapatid ^(D)na mga kasama ko, sa mga iglesia ng ^(E)Galacia:

³ Sumainyo nawa ang biyaya ^(F)at kapayapaang mula sa Dios na Ama, at sa ating Panginoong Jesucristo,

⁴ Na siyang ^(G)nagbigay sa kaniyang sarili dahil sa ating mga kasalanan, upang tayo'y mailigtas ^(H)dito sa kasalukuyang masamang sanglibutan, ayon sa kalooban ng ating Dios at Ama:

⁵ Na sumakaniya ang kaluwalhatian magpakailan man. Siya nawa.

⁶ Ako'y namamangha na kay dali ninyong nagsilipat sa ibang evangelio ^(I)buhat sa tumawag sa inyo sa biyaya ni Cristo;

⁷ Na ito'y hindi ibang evangelio: ^(J)kundi mayroong ilan ^(K)na sa inyo'y nagsisiligalig, at nangagiibig na pasamain ang evangelio ni Cristo.

⁸ Datapuwa't kahima't kami, o ^(L)isang anghel na mula sa langit, ang mangaral sa inyo ng anomang evangelio na iba sa aming ipinangangaral sa inyo, ay matakuwil.

⁹ Ayon sa aming sinabi nang una, ay muling gayon ang aking sinasabi ngayon, Kung ang sinoman ay mangaral sa inyo ng anomang evangelio na iba kay sa inyong tinanggap na, ay ^(M)matakuwil.

¹⁰ Sapagka't ^(N)ako baga'y nanghihikayat ngayon sa mga tao o sa Dios? o ako baga'y nagsisikap na magbigay-lugod sa mga tao? kung ako'y magbibigay-lugod pa sa mga tao, ay hindi ako magiging alipin ni Cristo.

¹¹ Sapagka't aking ipinatatalastas sa inyo, mga kapatid, tungkol sa ^(O)evangelio na aking ipinangaral, na ito'y hindi ayon sa tao.

¹² Sapagka't ^(P)hindi ko tinanggap ito sa tao, ni itinuro man sa akin, kundi aking tinanggap ^(Q)sa pamamagitan ng pahayag ni Jesucristo.

¹³ Sapagka't inyong nabalitaan ang ^(R)aking pamumuhay nang nakaraang panahon sa relihion ng mga Judio, kung paanong aking inuusig ^(S)na malabis, at nilipol ang iglesia ng Dios:

¹⁴ At ako'y nangunguna sa relihion ng mga Judio ng higit kay sa marami sa aking mga kasing gulang sa aking mga kababayan, ^(T)palibhasa'y totoong masikap ako ^(U)sa mga sali't-saling sabi ng aking mga magulang.

¹⁵ Nguni't nang magalingin ng Dios ^(V)na siyang sa akin ay nagbukod, buhat pa sa tiyan ng aking ina, at ^(W)ako'y tawagin sa pamamagitan ng kaniyang biyaya,

¹⁶ Na ihayag ang kaniyang Anak sa akin, ^(X)upang siya'y aking ipangaral sa gitna ng mga Gentil; pagkaraka'y hindi ako sumangguni sa laman at sa dugo:

¹⁷ Ni inahon ko man sa Jerusalem silang mga apostol na nangauna sa akin: kundi sa ^(Y)Arabia ako naparoon; at muling nagbalik ako sa Damasco.

¹⁸ Nang makaraan nga ang ^(Z)tatlong taon ^(AA)ay umahon ako sa Jerusalem upang dalawin si Cefas, at natira akong kasama niyang labing-limang araw.

¹⁹ Nguni't wala akong nakita sa mga ibang apostol, ^(AB)maliban na kay Santiago na kapatid ng Panginoon.

²⁰ Tungkol nga sa mga bagay na isinusulat ko sa inyo, narito, sa harapan ng Dios, hindi ako nagsisinungaling.

²¹ Pagkatapos ay naparoon ako sa mga lupain ng ^(AC)Siria at ^(AD)Cilicia.

²² At hindi pa ako nakikilala sa mukha ng mga iglesia ng Judea na ^(AE)pawang kay Cristo.

²³ Kundi ang kanila lamang naririnig na pinaguusapan ay, Yaong umuusig sa atin nang una, ngayo'y nangangaral ng pananampalataya na nang ibang panahon ay kaniyang sinisira;

²⁴ At ^(AF)kanilang niluluwalhati ang Dios sa akin.