Old/New Testament
Ipinakita ng Panginoon ang pagkawalang malay ni Job sa liwanag, sa nieve, sa granizo, sa ulan, sa hielo, at sa leon.
38 Nang magkagayo'y sumagot ang Panginoon kay Job (A)mula sa ipoipo, at nagsabi,
2 Sino ito na nagpapadilim ng payo.
Sa pamamagitan ng mga salita na walang kaalaman?
3 Bigkisan mo (B)ngayon ang iyong mga balakang na parang lalake:
Sapagka't tatanungin kita at magpapahayag ka sa akin.
4 Saan ka nandoon (C)nang ilagay ko ang mga patibayan ng lupa?
Ipahayag mo, kung mayroon kang unawa.
5 Sinong naglagay ng mga sukat niyaon, kung iyong nalalaman?
O sinong nagunat ng panukat diyan?
6 Sa ano nalagay ang kaniyang mga patibayan?
O sinong naglagay ng batong panulok niyaon;
7 Nang magsiawit na magkakasama ang mga bituin pang-umaga.
At ang lahat ng mga anak ng Dios ay (D)naghihiyawan sa kagalakan?
8 (E)O sinong nagsara ng mga pinto sa dagat,
Nang magpumiglas na gaya ng pagpiglas mula sa bahay-bata;
9 Nang gawin ko ang alapaap na bihisan niyaon,
At ang salimuot na (F)kadiliman na pinakabalot niyaon,
10 At aking (G)itinatag doon ang aking pasiya,
At nilagyan ko ng mga halang at mga pinto,
11 At aking sinabi, Hanggang dito ay darating ka, nguni't hindi ka na lalagpas:
At dito'y (H)titigil ang iyong mga palalong alon?
12 (I)Nagutos ka ba sa umaga mula sa iyong mga kaarawan,
At ipinabatid mo ba sa bukang liwayway ang kaniyang dako;
13 Upang humawak sa mga wakas ng lupa,
At ang masasama ay maugoy doon?
14 Nababagong parang putik sa ilalim ng tatak;
At lahat ng mga bagay ay nagiging gaya ng bihisan:
15 At sa masama ay inalis (J)ang kanilang liwanag,
At (K)ang mataas na kamay ay mababali.
16 Pumasok ka ba sa mga bukal ng dagat?
O lumakad ka ba sa mga landas ng kalaliman?
17 Nangahayag ba sa iyo (L)ang mga pintuan ng kamatayan?
O nakita mo ba ang mga pinto ng anino ng kamatayan?
18 Iyo bang nabatid ang kaluwangan ng lupa?
Ipahayag mo, kung iyong nalalamang lahat.
19 Saan nandoon ang daan na patungo sa tahanan ng liwanag,
At tungkol sa kadiliman, saan nandoon ang dako niyaon;
20 Upang iyong madala sa hangganan niyaon,
At upang iyong gunitain ang mga landas hanggang sa bahay niyaon?
21 Marahil nalalaman mo, sapagka't ikaw nga'y ipinanganak noon,
At ang bilang ng iyong mga kaarawan ay marami!
22 Pumasok ka ba sa mga (M)tipunan ng nieve,
O nakita mo ba ang mga tipunan ng granizo,
23 Na (N)aking itinaan laban sa panahon ng kabagabagan,
Laban sa kaarawan ng pagbabaka at pagdidigma?
24 Sa aling daan naghiwalay ang liwanag.
O sa hanging silanganan na lumalaganap sa ibabaw ng lupa?
25 Sinong humukay ng bangbang sa mga bugso ng tubig,
O ng daanan ng kidlat ng kulog;
26 Upang magpaulan sa lupa, na hindi tinatahanan ng tao.
Sa ilang na doon ay walang tao.
27 (O)Upang busugin ang giba at sirang lupa;
At upang pasibulin ang sariwang damo?
28 (P)May ama ba ang ulan?
O sinong nanganak sa mga patak ng hamog?
29 Sa kaninong bahay-bata nagmula ang hielo?
At (Q)ang escarcha sa himpapawid, ay ipinanganak nino?
30 Ang mga (R)tubig ay nakukubling gaya ng bato,
At ang ibabaw ng kalaliman ay namumuno.
31 Matatalian mo ba ang pagkakaumpukan ng mga bituin na (S)Pleyade,
O (T)makakalagan ang tali ng mga bituin na Orion?
32 Mailalabas mo ba ang mga bituin na mga tanda ng Zodiaco sa kanilang kapanahunan?
O mapapatnubayan mo ba ang (U)Oso na kasama ng kaniyang mga anak?
33 Nalalaman mo ba (V)ang mga alituntunin ng langit?
Maitatatag mo ba ang kapangyarihan niyaon sa lupa?
34 Mailalakas mo ba ang iyong tinig hanggang sa mga alapaap,
Upang takpan ka ng saganang tubig?
35 Makapagsusugo ka ba ng mga kidlat, upang magsiyaon,
At magsabi sa iyo: Nangarito kami?
36 Sinong naglagay ng karunungan sa (W)mga pinakaloob na bahagi?
O sinong nagbigay ng kaalaman sa pagiisip?
37 Sinong makabibilang ng mga alapaap sa pamamagitan ng karunungan?
O sinong makatutuyo ng mga botelya ng langit,
38 Pagka ang alabok ay napuputik,
At ang mga bugal ay nanganinikit na maigi?
39 Huhuli ka ba ng mahuhuli na ukol sa leong babae?
O bubusugin mo baga ang kagutoman ng mga batang leon,
40 Pagka sila'y nagsisihilig sa kanilang mga lungga,
At nagsisitahan sa guwang upang bumakay?
41 (X)Sinong naghahanda sa uwak ng pagkain niya,
Pagka ang kaniyang mga inakay ay nagsisidaing sa Dios,
At nagsisigala sa kakulangan ng pagkain?
Ipinakita ng Panginoon ang pagkawalang malay ni Job sa mga kambing bundok, sa mga usa, sa mga mabangis na asno, sa bakang gubat, at sa avestruz, at sa kabayo, sa uwak, at sa agila.
39 Nalalaman mo ba ang panahong ipinanganganak ng mga (Y)kambing bundok?
O matatandaan mo ba ang mga pagdaramdam (Z)ng mga usa?
2 Mabibilang mo ba ang mga buwan ng kanilang kagampanan?
O nalalaman mo ba ang panahong kanilang ipinanganak?
3 Sila'y nagsisiyuko, kanilang inilalabas ang kanilang mga anak,
Kaniyang iniwawaksi ang kanilang kapanglawan.
4 Ang kanilang mga anak ay nagiging malakas, sila'y nagsisilaki sa kaparangan;
Sila'y nagsisiyao at hindi na nagsisibalik.
5 Sinong nagpakawala sa mabangis na asno?
O sinong nagkalag ng mga tali ng mailap na asno?
6 Na ginawa kong bahay niya (AA)ang ilang,
At ang lupaing maasin na kaniyang tahanan.
7 Kaniyang nililibak ang kaguluhan ng bayan.
Ni hindi niya dinidinig ang sigaw ng nagpapatakbo ng hayop.
8 Ang libot ng mga bundok ay kaniyang pastulan,
At kaniyang sinasaliksik ang bawa't sariwang bagay.
9 Matutuwa ba (AB)ang bakang gubat na maglingkod sa iyo?
O matitira ba sa siping ng iyong pasabsaban?
10 Matatalian mo ba ang bakang gubat ng iyong panali sa pangbukid?
O magbubusagsag ba ng mga libis sa likuran mo?
11 Aasa ka ba sa kaniya, dahil sa siya'y totoong malakas?
O iiwan mo ba ang iyong gawain sa kaniya?
12 Ipagkakatiwala mo ba sa kaniya
na iuuwi sa bahay ang iyong binhi,
At pipisanin ang mga butil sa iyong giikan?
13 Ang pakpak ng avestruz ay nagagalak;
Nguni't may kagandahang loob ba ang kanilang mga pakpak at mga balahibo?
14 Sapagka't nagiiwan ng kaniyang mga itlog sa lupa,
At pinaiinit ang mga yaon sa alabok,
15 At kinalilimutang mangapipisa ng paa,
O mangayuyurakan ng mabangis na hayop.
16 (AC)Siya'y nagmamatigas laban sa kaniyang mga sisiw na tila hindi kaniya:
Bagaman ang kaniyang gawa ay mawalang kabuluhan, hindi niya ikinatatakot;
17 Sapagka't binawian siya ng Dios ng karunungan,
Ni hindi siya binahaginan ng unawa.
18 Anomang panahon na siya'y napaiitaas,
Hinahamak niya ang kabayo at ang sakay nito.
19 Nagbigay ka ba sa kabayo ng kalakasan?
Binihisan mo ba ang kaniyang leeg ng buhok na gumagalaw?
20 Pinalulukso mo ba siya na parang balang?
Ang kaluwalhatian ng kaniyang bahin ay kakilakilabot.
21 Siya'y kumukutkot sa libis, at nagagalak sa kaniyang kalakasan,
(AD)Siya'y sumasagupa sa mga taong may sandata.
22 Tinutuya niya ang takot at hindi nanglulupaypay:
Ni hindi tinatalikuran ang tabak.
23 Ang suksukan ng pana ay tumutunog laban sa kaniya,
Ang makintab na sibat at ang kalasag.
24 Kaniyang sinasakmal ang lupa na may kabangisan at poot;
Ni hindi siya naniniwala na yao'y tunog ng pakakak.
25 Kaniyang sinasabi sa tuwing tutunog ang mga pakakak: Aha!
At kaniyang naaamoy ang pagbabaka sa malayo,
Ang sigaw ng mga kapitan at ang hiyaw.
26 Lumilipad ba ang uwak sa pamamagitan ng inyong karunungan,
At iniuunat ba ang kaniyang mga pakpak sa dakong timugan?
27 Napaiilanglang ba ang agila sa iyong utos,
At gumagawa ba ng kaniyang pugad sa itaas?
28 Sila'y nananahan sa malaking bato, at doon tumitira,
Sa taluktok ng burol at sa katibayan,
29 Mula roo'y tumitingin siya ng madadagit;
Ang kaniyang mga mata ay tumatanaw sa malayo.
30 Ang mga anak naman niya ay nagsisihitit ng dugo:
(AE)At kung saan naroon ang pinatay ay naroon siya.
Si Job ay sumailalim ng Panginoon. Ang hamon ng Panginoon.
40 Bukod dito'y sumagot ang Panginoon kay Job, at nagsabi,
2 (AF)Magmamatapang ba siya na makipagtalo sa Makapangyarihan sa lahat?
Siyang nakikipagkatuwiranan sa Dios, ay sagutin niya ito.
3 Nang magkagayo'y sumagot si Job sa Panginoon, at nagsabi,
4 (AG)Narito, ako'y walang kabuluhan; anong isasagot ko sa iyo?
Aking inilalagay (AH)ang aking kamay sa aking bibig,
5 Minsan ay nagsalita ako, at hindi ako sasagot:
Oo, makalawa, nguni't hindi ako magpapatuloy.
6 Nang magkagayo'y (AI)sumagot ang Panginoon kay Job mula sa ipoipo, at nagsabi,
7 (AJ)Magbigkis ka ng iyong mga balakang ngayon na parang lalake:
Ako'y magtatanong sa iyo at magpahayag ka sa akin.
8 (AK)Iyo bang wawaling kabuluhan ang aking kahatulan?
Iyo bang hahatulan ako, upang ikaw ay ariing ganap?
9 O mayroon ka bang kamay na parang Dios?
At makakukulog ka ba (AL)ng tinig na gaya niya?
10 (AM)Magpakagayak ka ngayon ng karilagan at karapatan;
At magbihis ka ng karangalan at kalakhan.
11 Ibugso mo ang mga alab ng iyong galit:
At tunghan mo ang bawa't palalo, at abain mo siya.
12 (AN)Masdan mo ang bawa't palalo, at papangumbabain mo siya;
At iyong tungtungan ang masama sa kaniyang tayuan.
13 Ikubli mo sila sa alabok na magkakasama;
Talian mo ang kanilang mukha sa lihim na dako.
14 Kung magkagayo'y ipahayag naman kita;
Na maililigtas ka ng iyong kanan.
Ang kapangyarihan ng Panginoon ay tulad sa behemot.
15 Narito ngayon, ang hayop na behemot na aking ginawang kasama mo:
Siya'y kumakain ng damo na gaya ng baka.
16 Narito, ngayon, ang kaniyang lakas ay nasa kaniyang mga balakang,
At ang kaniyang kalakasan ay nasa kalamnan ng kaniyang tiyan.
17 Kaniyang iginagalaw ang kaniyang buntot na parang isang cedro:
Ang mga litid ng kaniyang mga hita ay nangagkakasabiran.
18 Ang kaniyang mga buto ay parang mga tubong tanso;
Ang kaniyang mga paa ay parang mga halang na bakal.
19 Siya ang pinakapangulo sa mga daan ng Dios:
Ang lumalang sa kaniya, ang makapaglalapit lamang ng tabak sa kaniya.
20 (AO)Tunay na ang mga bundok ay naglalabas sa kaniya ng pagkain;
Na pinaglalaruan ng lahat ng mga hayop sa parang.
21 Siya'y humihiga sa ilalim ng punong loto,
Sa puwang ng mga tambo, at mga lumbak.
22 Nilililiman siya ng mga puno ng loto ng kanilang lilim;
Nililigid sa palibot ng mga sauce sa batis.
23 Narito, kung bumubugso ang isang ilog hindi nanginginig:
Siya'y tiwasay bagaman umapaw ang Jordan hanggang sa kaniyang bunganga.
24 (AP)May kukuha ba sa kaniya pag siya'y natatanod,
O may tutuhog ba ng kaniyang ilong sa pamamagitan ng isang silo?
16 At siya'y naparoon din naman sa (A)Derbe at sa Listra: at narito, naroon ang isang alagad, na nagngangalang (B)Timoteo, na (C)anak ng isang Judiang sumasampalataya; datapuwa't Griego ang kaniyang ama.
2 Siya'y may mabuting patotoo ng mga kapatid na nangasa Listra at Iconio.
3 Iniibig ni Pablo na sumama siya sa kaniya; at (D)kaniyang kinuha siya at tinuli dahil sa mga Judio na nangasa mga dakong yaon: sapagka't nalalaman ng lahat na ang kaniyang ama'y Griego.
4 At sa kanilang pagtahak sa mga bayan, ay ibinigay sa kanila (E)ang mga utos na inilagda ng mga apostol at ng mga matanda sa Jerusalem, upang kanilang tuparin.
5 Kaya nga, (F)ang mga iglesia'y pinalakas sa pananampalataya at naragdagan ang bilang araw-araw.
6 At nang kanilang matahak ang lupain ng Frigia at (G)Galacia, ay pinagbawalan sila ng Espiritu Santo na saysayin ang salita sa Asia;
7 At nang sila'y magsidating sa tapat ng Misia, ay pinagsikapan nilang magsipasok sa Bitinia; at hindi sila tinulutan ng Espiritu ni Jesus;
8 At pagkaraan nila sa Misia, ay nagsilusong sila sa (H)Troas.
9 At napakita ang isang pangitain sa gabi kay Pablo: May isang lalaking taga Macedonia na nakatayo, na namamanhik sa kaniya, at sinasabi, Tumawid ka sa Macedonia, at tulungan mo kami.
10 At pagkakita niya sa pangitain, pagdaka'y pinagsikapan naming magsiparoon sa Macedonia, na pinatutunayang kami'y tinawag ng Dios upang sa kanila'y ipangaral ang evangelio.
11 Pagtulak nga sa Troas, ay pinunta namin ang Samotracia, at nang kinabukasa'y ang Neapolis;
12 At mula doo'y (I)ang Filipos, na isang bayan ng Macedonia, na siyang (J)una sa purok, lupang nasasakupan ng Roma: at nangatira kaming ilang araw sa bayang yaon.
13 At nang araw (K)ng sabbath ay nagsilabas kami sa labas ng pintuan sa tabi ng ilog, na doo'y sinapantaha naming may mapapanalanginan; at kami'y nangaupo, at nakipagsalitaan sa mga babaing nangagkatipon.
14 At isang babaing nagngangalang Lidia, na mangangalakal ng kayong kulay-ube, na taga bayan ng (L)Tiatira, isang masipag sa kabanalan, ay nakinig sa amin: na binuksan ng Panginoon ang kaniyang puso upang unawain ang mga bagay na sinalita ni Pablo.
15 At nang siya'y mabautismuhan na, (M)at ang kaniyang mga kasangbahay, ay namanhik siya sa amin, na sinasabi, Kung inyong inaakalang ako'y tapat sa Panginoon, ay magsipasok kayo sa aking bahay, at kayo'y magsitira doon. At kami'y pinilit niya.
16 At nangyari, na nang kami'y nagsisiparoon sa mapapanalanginan, ay sinalubong kami ng isang dalagang may karumaldumal na espiritu ng panghuhula, at nagdadala ng maraming pakinabang sa kaniyang mga panginoon sa pamamagitan ng panghuhula.
17 Siya'y sumusunod kay Pablo at sa amin at nagsisigaw, na sinasabi, Mga alipin ng Kataastaasang Dios ang mga taong ito, na nagsisipangaral sa inyo ng daan ng kaligtasan.
18 At maraming mga araw na ginawa niya ito. Datapuwa't palibhasa'y si Pablo ay totoong nababagabag, ay lumingon at sinabi sa espiritu, Iniuutos ko sa iyo sa pangalan ni Jesucristo na lumabas ka sa kaniya. At ito ay lumabas nang oras ding yaon.
19 Datapuwa't nang makita ng (N)kaniyang mga panginoon na wala na ang inaasahan nilang kapakinabangan, ay hinuli nila si Pablo at si Silas, at kinaladkad sila sa pamilihan, sa harapan ng mga may kapangyarihan,
20 At nang maiharap na sila sa mga hukom, ay sinabi nila, Ang mga lalaking ito, palibhasa'y mga Judio, (O)ay nagsisipanggulong totoo sa ating bayan,
21 At nangaghahayag ng mga kaugaliang hindi matuwid nating tanggapin, o gawin, palibhasa tayo'y (P)Romano.
Ang Biblia Copyright © Philippine Bible Society 1905, 1915, 1933, 1978