Historical

21 Ang hari ay magagalak sa iyong kalakasan, Oh Panginoon;
At ^(A)sa iyong pagliligtas gaano kalaki ang ikagagalak niya!
² Ibinigay mo sa kaniya ^(B)ang nais ng kaniyang puso,
At hindi mo ikinait ang hiling ng kaniyang mga labi. (Selah)
^3 (C)Sapagka't iyong sinalubong siya ng mga kapalaran na kabutihan:
Iyong pinuputungan ng isang ^(D)putong na dalisay na ginto ang kaniyang ulo.
⁴ Siya'y humingi ng ^(E)buhay sa iyo, iyong binigyan siya;
^(F)Pati ng kahabaan ng mga kaarawan magpakailan pa man.
⁵ Ang kaniyang kaluwalhatian ay ^(G)dakila sa iyong pagliligtas:
Karangalan at kamahalan ay inilalagay mo sa kaniya.
⁶ Sapagka't ginagawa mo siyang pinakamapalad magpakailan man:
^(H)Iyong pinasasaya siya ng kagalakan sa iyong harapan.
⁷ Sapagka't ang hari ay tumitiwala sa Panginoon,
At sa kagandahang-loob ng Kataastaasan ay ^(I)hindi siya makikilos.
⁸ Masusumpungan ng iyong kamay ang lahat ng iyong mga kaaway:
Masusumpungan ng iyong kanan yaong mga nangagtatanim sa iyo.
^9 (J)Iyong gagawin sila na gaya ng mainit na hurno sa panahon ng iyong galit.
Sasakmalin sila ng Panginoon sa kaniyang poot,
At susupukin sila ng ^(K)apoy.
^10 (L)Ang kanilang bunga ay iyong lilipulin mula sa lupa,
At ang kanilang binhi ay mula sa gitna ng mga anak ng mga tao.
¹¹ Sapagka't sila'y nagakala ng kasamaan laban sa iyo:
Sila'y nagpanukala ng lalang na hindi nila maisasagawa.
¹² Sapagka't iyong patatalikurin sila,
^(M)Ikaw ay maghahanda ng iyong mga bagting ng busog laban sa mukha nila.
¹³ Mataas ka, Oh Panginoon, sa iyong kalakasan:
Sa gayo'y aming aawitin at pupurihin ang iyong kapangyarihan.

22 Dios ko, Dios ko, ^(N)bakit mo ako pinabayaan?
Bakit ka napaka layo sa pagtulong sa akin, at sa mga salita ng ^(O)aking pagangal?
² Oh Dios ko, ako'y humihiyaw sa araw, nguni't hindi ka sumasagot:
At sa gabi, at hindi ako tahimik.
³ Nguni't ikaw ay banal, Oh ikaw na tumatahan sa mga ^(P)pagpuri ng Israel.
⁴ Ang aming mga magulang ay nagsitiwala sa iyo:
Sila'y nagsitiwala, at iyong iniligtas sila.
⁵ Sila'y nagsidaing sa iyo at nangaligtas:
^(Q)Sila'y nagsitiwala sa iyo, at hindi nangapahiya.
⁶ Nguni't ^(R)ako'y uod at hindi tao; Duwahagi sa mga tao, at ^(S)hinamak ng bayan.
^7 (T)Silang lahat na nangakakita sa akin ay tinatawanang mainam ako:
Inilalawit nila ang labi, iginagalaw nila ang ulo, na sinasabi,
^8 (U)Magpakatiwala ka sa Panginoon; iligtas niya siya:
Iligtas niya siya yamang kinaluluguran niya siya:
^9 (V)Nguni't ikaw ang naglabas sa akin sa bahay-bata:
Pinatiwala mo ako nang ako'y nasa mga suso ng aking ina.
¹⁰ Ako'y nahagis sa iyo mula sa bahay-bata:
Ikaw ay aking Dios ^(W)mulang dalhin ako sa tiyan ng aking ina.
¹¹ Huwag mo akong layuan; sapagka't kabagabagan ay malapit;
Sapagka't walang tumulong.
^12 (X)Niligid ako ng maraming toro;
Mga malakas na toro ng Basan ay kumulong sa akin.
^13 (Y)Sila'y magbubuka sa akin ng kanilang bibig,
Na gaya ng sumasakmal at umuungal na leon.
¹⁴ Ako'y nabuhos na parang tubig, At lahat ng aking mga buto ay nangapapalinsad:
^(Z)Ang aking puso ay parang pagkit;
Natutunaw ito sa loob ko.
¹⁵ Ang aking kalakasan ay natuyo na parang bibinga;
^(AA)At ang aking dila ay dumidikit sa aking ngalangala;
At dinala mo ako sa alabok ng kamatayan.
¹⁶ Sapagka't niligid ako ng mga aso:
Kinulong ako ng pulutong ng mga manggagawa ng masama;
^(AB)Binutasan nila ang aking mga kamay at ang aking mga paa.
¹⁷ Aking maisasaysay ang lahat ng aking mga buto;
Kanilang minamasdan, at pinapansin ako:
^18 (AC)Hinapak nila ang aking mga kasuutan sa gitna nila,
At kanilang pinagsapalaran ang aking kasuutan.
¹⁹ Nguni't huwag kang lumayo, Oh Panginoon:
Oh ikaw na aking saklolo, magmadali kang tulungan mo ako.
²⁰ Iligtas mo ang aking kaluluwa sa tabak;
Ang aking minamahal sa kapangyarihan ng aso.
^21 (AD)Iligtas mo ako sa bibig ng leon;
Oo, mula sa mga sungay ng torong gubat ay sinagot mo ako.
^22 (AE)Aking ipahahayag ang iyong pangalan sa aking mga kapatid:
Sa gitna ng kapulungan ay pupurihin kita.
^23 (AF)Kayong nangatatakot sa Panginoon ay magsipuri sa kaniya:
Kayong lahat na binhi ni Jacob ay lumuwalhati sa kaniya;
At magsitayong may takot sa kaniya, kayong lahat na binhi ni Israel.
²⁴ Sapagka't hindi niya hinamak o pinagtaniman man ang kadalamhatian ng nagdadalamhati;
Ni ikinubli man niya ang kaniyang mukha sa kaniya;
Kundi ^(AG)nang siya'y dumaing sa kaniya, ay kaniyang dininig.
^25 (AH)Sa iyo nanggagaling ang pagpuri sa akin sa dakilang kapisanan:
Aking tutuparin ang ^(AI)aking mga panata sa harap nila na nangatatakot sa kaniya.
^26 (AJ)Ang maamo ay kakain at mabubusog:
Kanilang pupurihin ang Panginoon na humanap sa kaniya;
Mabuhay nawa ang iyong puso magpakailan man.
²⁷ Lahat ng mga wakas ng lupa ay makakaalaala, at ^(AK)magsisipanumbalik sa Panginoon:
At lahat ng mga angkan ng mga bansa ay magsisisamba sa harap mo.
^28 (AL)Sapagka't ang kaharian ay sa Panginoon:
At siya ang puno sa mga bansa.
²⁹ Lahat na matataba sa lupa ay magsisikain, at magsisisamba:
Silang lahat na nagsisibaba sa alabok ay magsisiyukod sa harap niya,
Sa makatuwid baga'y ang hindi makapagingat na buhay ng kaniyang kaluluwa.
³⁰ Isang binhi ay maglilingkod sa kaniya,
Sasaysayin ang Panginoon sa susunod na salin ng lahi,
^31 (AM)Sila'y magsisiparoon at mangaghahayag ng kaniyang katuwiran,
Sa bayan na ipanganganak ay ibabalita, yaong kaniyang ginawa.

23 Ang Panginoon ay ^(AN)aking pastor; hindi ako mangangailangan.
² Kaniyang pinahihiga ako ^(AO)sa sariwang pastulan:
Pinapatnubayan niya ako ^(AP)sa siping ng mga tubig na pahingahan,
³ Kaniyang pinapananauli ang aking kaluluwa:
^(AQ)Pinapatnubayan niya ako sa mga landas ng katuwiran ^(AR)alangalang sa kaniyang pangalan.
⁴ Oo, bagaman ako'y lumalakad sa libis ng lilim ng kamatayan,
^(AS)Wala akong katatakutang kasamaan; sapagka't ikaw ay sumasa akin:
Ang iyong pamalo at ang iyong tungkod, ay nagsisialiw sa akin.
^5 (AT)Iyong pinaghahandaan ako ng dulang sa harap ko sa harapan ng aking mga kaaway:
^(AU)Iyong pinahiran ang aking ulo ng langis;
^(AV)Ang aking saro ay inaapawan.
⁶ Tunay na ang kabutihan at kaawaan ay susunod sa akin sa lahat ng mga kaarawan ng aking buhay:
At ako'y tatahan sa bahay ng Panginoon magpakailan man.

24 ^(AW)Ang lupa ay sa Panginoon at ang buong narito;
Ang sanglibutan, at silang nagsisitahan dito.
^2 (AX)Sapagka't itinatag niya sa ibabaw ng mga dagat,
At itinatayo sa ibabaw ng mga baha.
^3 (AY)Sinong aahon sa bundok ng Panginoon?
At sinong tatayo sa kaniyang ^(AZ)dakong banal?
^4 (BA)Siyang may malinis na mga kamay at ^(BB)may dalisay na puso;
Na hindi nagmataas ang kaniyang kaluluwa sa walang kabuluhan,
At hindi sumumpa na may kabulaanan.
⁵ Siya'y tatanggap ng pagpapala sa Panginoon,
At ng katuwiran sa ^(BC)Dios ng kaniyang kaligtasan.
⁶ Ito ang lahi ng mga nagsisihanap sa kaniya,
Na nagsisihanap ng iyong mukha, sa makatuwid baga'y Jacob. (Selah)
⁷ Itaas ninyo ang inyong mga ulo,
Oh kayong mga pintuang-bayan;
At kayo'y mangataas, kayong mga walang hanggang pintuan:
At ang hari ng kaluwalhatian ay ^(BD)papasok.
⁸ Sino ang Hari ng kaluwalhatian?
Ang Panginoong malakas at makapangyarihan,
Ang Panginoong makapangyarihan sa pagbabaka.
⁹ Itaas ninyo ang inyong mga ulo, Oh kayong mga pintuang-bayan;
Oo, magsitaas kayo, kayong mga walang hanggang pintuan:
At ang hari ng kaluwalhatian ay papasok.
¹⁰ Sino itong Hari ng kaluwalhatian?
Ang Panginoon ng mga hukbo,
Siya ang Hari ng kaluwalhatian. (Selah)

25 Sa iyo, ^(BE)Oh Panginoon, iginagawad ko ang aking kaluluwa.
² Oh Dios ko ^(BF)sa iyo'y tumiwala ako,
^(BG)Huwag nawa akong mapahiya;
Huwag nawang magtagumpay sa akin ang aking mga kaaway.
³ Oo, ^(BH)walang naghihintay sa iyo na mapapahiya;
Sila'y mangapapahiya na nagsisigawa ng karayaan ng walang kadahilanan,
^4 (BI)Ituro mo sa akin ang iyong mga daan, Oh Panginoon;
Ituro mo sa akin ang iyong mga landas.
⁵ Patnubayan mo ako sa iyong katotohanan, at ituro mo sa akin;
Sapagka't ikaw ay Dios ng aking kaligtasan;
Sa iyo'y naghihintay ako buong araw.
⁶ Iyong alalahanin, Oh Panginoon, ang iyong malumanay na mga kaawaan, at ang iyong mga kagandahang-loob;
^(BJ)Sapagka't magpakailan man mula ng una.
^7 (BK)Huwag mong alalahanin ang mga kasalanan ng aking kabataan, ni ang aking mga pagsalangsang:
Ayon sa iyong kagandahangloob ay alalahanin mo ako, Dahil sa iyong kabutihan, Oh Panginoon.
⁸ Mabuti at matuwid ang Panginoon:
Kaya't tuturuan niya ang mga makasalanan sa daan.
⁹ Ang maamo ay papatnubayan niya sa kahatulan:
At ituturo niya sa maamo ang daan niya.
¹⁰ Lahat na landas ng Panginoon ay kagandahang-loob at katotohanan
Sa mga gayon na nangagiingat ng kaniyang tipan at kaniyang mga patotoo.
^11 (BL)Dahil sa iyong pangalan, Oh Panginoon,
Iyong ipatawad ang aking kasamaan, ^(BM)sapagka't malaki.
¹² Anong tao siya na natatakot sa Panginoon?
Siya ang tuturuan niya ng daan na kaniyang pipiliin.
¹³ Ang kaniyang kaluluwa ay tatahan sa kaginhawahan;
At mamanahin ng kaniyang binhi ang lupain.
^14 (BN)Ang pakikipagibigan ng Panginoon ay nasa nangatatakot sa kaniya;
At ipakikilala niya sa kanila ang kaniyang tipan.
^15 (BO)Ang aking mga mata ay palaging na sa Panginoon;
Sapagka't ^(BP)huhugutin niya ang aking mga paa ^(BQ)sa silo.
^16 (BR)Panumbalikan mo ako, at maawa ka sa akin;
Sapagka't ako'y nag-iisa at nagdadalamhati.
¹⁷ Ang kabagabagan ng aking puso ay lumaki:
Oh hanguin mo ako sa aking kapanglawan.
^18 (BS)Gunitain mo ang aking pagkapighati at aking damdam;
At ipatawad mo ang lahat kong mga kasalanan.
¹⁹ Masdan mo ang aking mga kaaway, sapagka't sila'y marami;
At pinagtataniman nila ako ng mabagsik na pagkagalit.
²⁰ Oh ingatan mo ang aking kaluluwa, at iyong iligtas ako:
^(BT)Huwag nawa akong mapahiya, ^(BU)sapagka't nanganganlong ako sa iyo.
²¹ Magingat sa akin ang pagtatapat at katuwiran,
Sapagka't hinihintay kita.
^22 (BV)Tubusin mo ang Israel, Oh Dios, mula sa lahat na kaniyang kabagabagan.