Historical

26 Iyong hatulan ako ^(A)Oh Panginoon, sapagka't ako'y lumakad ^(B)sa aking pagtatapat:
Ako naman ay ^(C)tumiwala sa Panginoon, na walang bulay-bulay.
^2 (D)Siyasatin mo ako, Oh Panginoon, at iyong subukin ako;
Subukin mo ang aking puso at ang aking isip.
³ Sapagka't ang iyong kagandahang-loob ay nasa harap ng aking mga mata:
At ako'y lumakad sa iyong katotohanan.
^4 (E)Hindi ako naupo na kasama ng mga walang kabuluhang tao;
Ni papasok man ako na kasama ng mga mapagpakunwari.
⁵ Aking pinagtataniman ang kapisanan ng mga manggagawa ng kasamaan,
At hindi ako uupo na kaumpok ng masama.
^6 (F)Aking huhugasan ang aking mga kamay sa pagkawalang sala;
Sa gayo'y aking lilibirin ang iyong dambana, Oh Panginoon:
⁷ Upang aking maiparinig ang tinig ng pagpapasalamat,
At maisaysay ang lahat na iyong ^(G)kagilagilalas na gawa.
⁸ Panginoon, aking iniibig ang tahanan ng iyong bahay,
At ang dako na tinatahanan ng iyong kaluwalhatian.
⁹ Huwag mong isama ang aking kaluluwa sa mga makasalanan,
Ni ang aking buhay man sa mga mabagsik na tao:
¹⁰ Na ang mga kamay ay kinaroroonan ng kasamaan,
At ang kanilang kanan ay puno ng mga suhol.
¹¹ Nguni't tungkol sa akin ay lalakad ako sa aking pagtatapat:
Iyong tubusin ako, at mahabag ka sa akin.
¹² Ang aking paa ay nakatayo sa isang panatag na dako:
^(H)Sa mga kapisanan ay pupurihin ko ang Panginoon.

27 Ang Panginoon ^(I)ay aking liwanag, at ^(J)aking kaligtasan: kanino ako matatakot?
Ang Panginoon, ay katibayan ng aking buhay; kanino ako masisindak?
² Nang dumating sa akin ang mga manggagawa ng kasamaan upang kanin ang aking laman,
Ang aking mga kaaway at aking mga kaalit, sila'y nangatisod at nangarapa.
^3 (K)Bagaman ang isang hukbo ay humantong laban sa akin,
Hindi matatakot ang aking puso:
Bagaman magbangon ang pagdidigma laban sa akin,
Gayon ma'y titiwala rin ako.
^4 (L)Isang bagay ang hiningi ko sa Panginoon, na aking hahanapin;
Na ako'y makatahan ^(M)sa bahay ng Panginoon, lahat ng mga kaarawan ng aking buhay,
Upang malasin ^(N)ang kagandahan ng Panginoon,
At magusisa sa kaniyang templo.
^5 (O)Sapagka't sa kaarawan ng kabagabagan ay iingatan niya ako na lihim sa kaniyang kulandong:
Sa kublihan ng kaniyang tabernakulo ay ikukubli niya ako;
Kaniyang itataas ako sa ibabaw ng isang malaking bato.
⁶ At ngayo'y matataas ang ^(P)aking ulo sa aking mga kaaway sa palibot ko;
At ako'y maghahandog sa kaniyang tabernakulo ng mga hain ng kagalakan;
Ako'y aawit, oo, ako'y aawit ng mga pagpuri sa Panginoon.
⁷ Dinggin mo, Oh Panginoon, pagka ako'y sumisigaw ng aking tinig:
Maawa ka rin sa akin, at sagutin mo ako.
⁸ Nang iyong sabihin, ^(Q)Hanapin ninyo ang aking mukha; ang aking puso ay nagsabi sa iyo,
Ang iyong mukha, Panginoon, ay hahanapin ko.
^9 (R)Huwag mong ikubli ang iyong mukha sa akin;
Huwag mong ihiwalay ang iyong lingkod ng dahil sa galit:
Ikaw ay naging aking saklolo;
Huwag mo akong itakuwil, o pabayaan man, ^(S)Oh Dios ng aking kaligtasan.
^10 (T)Bagaman pabayaan ako ng aking ama at ng aking ina,
Gayon ma'y dadamputin ako ng Panginoon.
^11 (U)Ituro mo sa akin ang iyong daan, Oh Panginoon:
At patnubayan mo ako sa patag na landas,
Dahil sa aking mga kaaway.
¹² Huwag mo akong ibigay sa kalooban ng aking mga kaaway:
Sapagka't mga sinungaling na saksi ay ^(V)nagsibangon laban sa akin,
At ang ^(W)nagsisihinga ng kabagsikan.
¹³ Ako sana'y nanglupaypay kundi ko pinaniwalaang makita ang kabutihan ng Panginoon.
^(X)Sa lupain ng may buhay.
^14 (Y)Magantay ka sa Panginoon:
Ikaw ay magpakalakas, at magdalang tapang ang iyong puso;
Oo, umasa ka sa Panginoon.

28 Sa iyo, Oh Panginoon, tatawag ako;
^(Z)Bato ko, ^(AA)huwag kang magpakabingi sa akin:
^(AB)Baka kung ikaw ay tumahimik sa akin,
^(AC)Ako'y maging gaya nila na bumaba sa hukay.
² Dinggin mo ang tinig ng aking mga pananaing, pagka ako'y dumadaing sa iyo,
^(AD)Pagka aking iginagawad ang aking mga kamay ^(AE)sa dako ng banal na sanggunian sa iyo.
³ Huwag mo akong agawin na kasama ng mga masama,
At ng mga manggagawa ng kasamaan;
^(AF)Na nangagsasalita ng kapayapaan sa kanilang mga kapuwa,
Nguni't kasamaan ay nasa kanilang mga puso.
^4 (AG)Bigyan mo sila ng ayon sa kanilang gawa, at ng ayon sa kasamaan ng kanilang mga gawain:
Gantihin mo sila ng ayon sa kilos ng kanilang mga kamay.
Bayaran mo sila ng ukol sa kanila,
⁵ Sapagka't ^(AH)ayaw nilang pakundanganan ang mga gawa ng Panginoon,
Ni ang kilos man ng kaniyang mga kamay,
Kaniyang ibabagsak sila, at hindi sila itatayo.
⁶ Purihin ang Panginoon,
Sapagka't dininig niya ang tinig ng aking mga pananaing.
⁷ Ang Panginoon ay aking kalakasan at ^(AI)aking kalasag;
Ang aking puso ay tumiwala sa kaniya, at ako'y nasaklolohan:
Kaya't ang aking puso ay nagagalak na mainam;
At aking pupurihin siya ng aking awit.
⁸ Ang Panginoon ay kanilang kalakasan,
At siya'y ^(AJ)kuta ng kaligtasan sa kaniyang pinahiran ng langis.
⁹ Iligtas mo ang iyong bayan, at pagpalain mo ^(AK)ang iyong pamana:
Naging pastor ka rin naman nila, at alalayan mo sila magpakailan man.

29 Mangagbigay kayo sa Panginoon, ^(AL)Oh kayong mga anak ng makapangyarihan,
Mangagbigay kayo sa Panginoon ng kaluwalhatian at kalakasan.
² Ibigay ninyo sa Panginoon ang kaluwalhatiang marapat sa kaniyang pangalan:
Inyong sambahin ang Panginoon sa ^(AM)kagandahan ng kabanalan.
^3 (AN)Ang tinig ng Panginoon ay nasa ibabaw ng tubig:
Ang Dios ng kaluwalhatian ay kumukulog,
Sa makatuwid baga'y ang Panginoon sa ibabaw ng ^(AO)maraming tubig.
⁴ Ang tinig ng Panginoon ay makapangyarihan;
Ang tinig ng Panginoon ay puspos ng kamahalan.
⁵ Ang tinig ng Panginoon ay bumabali ng mga cedro;
Oo, pinagpuputolputol ng Panginoon ang mga cedro ng Libano.
⁶ Kaniya namang ^(AP)pinalulukso na gaya ng guya:
Ang Libano at ^(AQ)Sirion na gaya ng mailap na guyang baka.
⁷ Humahawi ng liyab ng apoy ang tinig ng Panginoon.
⁸ Niyayanig ng tinig ng Panginoon ang ilang:
Niyayanig ng Panginoon ang ilang ng Kades.
⁹ Pinapanganganak ng tinig ng Panginoon ang mga usa,
At hinuhubdan ang mga gubat:
At sa kaniyang templo ay nagsasabi ang bawa't bagay: Kaluwalhatian.
¹⁰ Ang Panginoon ay ^(AR)naupo sa Baha na parang Hari;
^(AS)Oo, ang Panginoon ay nauupong parang Hari magpakailan man.
^11 (AT)Ang Panginoon ay magbibigay ng kalakasan sa kaniyang bayan;
Pagpapalain ng Panginoon ang kaniyang bayan ng kapayapaan.

30 Dadakilain kita, Oh ^(AU)Panginoon; sapagka't itinindig mo ako,
At hindi mo ^(AV)pinagalak sa akin ang aking mga kaaway.
² Oh Panginoon kong Dios,
Dumaing ako sa iyo, at ^(AW)ako'y pinagaling mo.
³ Oh Panginoon, ^(AX)iyong isinampa ang aking kaluluwa mula sa Sheol:
Iyong iningatan akong buháy, upang huwag akong ^(AY)bumaba sa hukay.
^4 (AZ)Magsiawit kayo ng pagpuri sa Panginoon, Oh kayong mga banal niya,
At mangagpasalamat kayo sa kaniyang banal na pangalan.
⁵ Sapagka't ang kaniyang galit ay ^(BA)sangdali lamang;
^(BB)Ang kaniyang paglingap ay habang buhay:
^(BC)Pagiyak ay magtatagal ng magdamag,
Nguni't kagalakan ay dumarating sa kinaumagahan.
⁶ Tungkol sa akin, sinabi ko sa aking kaginhawahan:
Hindi ako makikilos kailan man.
⁷ Ikaw, Panginoon, sa iyong paglingap ay pinatayo mong matibay ang aking bundok:
^(BD)Iyong ikinubli ang iyong mukha; ako'y nabagabag.
⁸ Ako'y dumaing sa iyo, Oh Panginoon;
At sa Panginoon ay gumawa ako ng pamanhik:
⁹ Anong pakinabang magkakaroon sa aking dugo, pagka ako'y mababa sa hukay?
^(BE)Pupuri ba sa iyo ang alabok? magsasaysay ba ito ng iyong katotohanan?
¹⁰ Iyong dinggin, Oh Panginoon, at maawa ka sa akin:
Panginoon, maging saklolo nawa kita.
^11 (BF)Iyong pinapaging sayaw sa akin ang aking tangis;
Iyong kinalag ang aking kayong magaspang, at binigkisan mo ako ng kasayahan:
¹² Upang ang pagluwalhati ko ay umawit na ^(BG)pagpupuri sa iyo at huwag maging tahimik:
Oh Panginoon kong Dios, ako'y magpapasalamat sa iyo magpakailan man.

31 Sa ^(BH)iyo, Oh Panginoon, nanganganlong ako;
Huwag akong mapahiya kailan man;
Palayain mo ako sa iyong katuwiran.
² Ikiling mo ang iyong pakinig sa akin; iligtas mo akong madali:
Maging matibay na kanlungan ka nawa sa akin,
Bahay na sanggalangan upang iligtas ako.
^3 (BI)Sapagka't ikaw ang aking malaking bato, at aking kuta;
^(BJ)Alangalang nga sa iyong pangalan ay pangunahan mo ako, at patnubayan mo ako.
^4 (BK)Hugutin mo ako sa ^(BL)silo na kanilang inilagay na lihim ukol sa akin; sapagka't ikaw ang aking katibayan.
^5 (BM)Sa iyong kamay ay inihabilin ko ang aking diwa;
Iyong tinubos ako, Oh Panginoon, ikaw na Dios ng katotohanan.
⁶ Aking pinagtataniman ang nangagmamasid ng mga walang kabuluhang karayaan:
^(BN)Nguni't tumitiwala ako sa Panginoon.
⁷ Ako'y matutuwa at magagalak sa iyong kagandahang-loob:
Sapagka't iyong nakita ang aking kadalamhatian:
Iyong nakilala ang aking kaluluwa sa mga kasakunaan:
⁸ At hindi mo ^(BO)kinulong sa kamay ng kaaway;
^(BP)Iyong inilagay ang aking mga paa sa maluwag na dako.
⁹ Maawa ka sa akin, Oh Panginoon, sapagka't ako'y nasa kahirapan:
Ang aking mata ay namumugto sa kapanglawan, oo, ang aking kaluluwa, at aking katawan.
¹⁰ Sapagka't ang aking buhay ay napupugnaw sa kapanglawan,
At ang aking mga taon ay sa pagbubuntong hininga:
Ang aking lakas ay nanglulupaypay dahil sa aking kasamaan,
At ang ^(BQ)aking mga buto ay nangangatog.
¹¹ Dahil sa lahat ng aking mga kaaway ay naging kaduwahagihan ako,
Oo, ^(BR)lubha nga sa aking mga kapuwa,
At takot sa aking mga kakilala: ^(BS)Silang nangakakita sa akin sa labas ay tinakasan ako.
^12 (BT)Ako'y nilimot sa pagiisip na parang patay na tao:
Ako'y parang basag na sisidlan.
^13 (BU)Sapagka't aking narinig ang paninirang puri ng marami,
Kakilabutan sa bawa't dako.
Samantalang sila'y ^(BV)nagsasangguniang magkakasama laban sa akin,
Kanilang pinagsisikapang alisin ang aking buhay.
¹⁴ Nguni't tumiwala ako sa iyo, Oh Panginoon:
Aking sinabi: Ikaw ay aking Dios.
¹⁵ Ang aking mga kapanahunan ay nasa ^(BW)iyong kamay:
Iligtas mo ako sa kamay ng aking mga kaaway, at sa mga nagsisiusig sa akin.
^16 (BX)Iyong pasilangin ang iyong mukha sa iyong lingkod:
Iligtas mo ako ng iyong kagandahang-loob.
¹⁷ Huwag nawa akong mapahiya, Oh Panginoon; sapagka't ako'y tumawag sa iyo:
Mapahiya nawa ang masama, magsitahimik nawa sila sa Sheol.
¹⁸ Matahimik nawa ang mga sinungaling na labi;
Na nangagsasalita laban sa matuwid ^(BY)ng kalasuwaan,
Ng kapalaluan at paghamak.
^19 (BZ)Oh pagkadakila ng iyong kabutihan,
Na iyong iningatan para sa kanila na nangatatakot sa iyo,
Na iyong ginawa sa kanila na nagsisipagkanlong sa iyo,
Sa harap ng mga anak ng mga tao!
²⁰ Sa lihim ng iyong harapan ay iyong ikukubli sila sa mga banta ng mga tao:
^(CA)Iyong iingatan silang lihim sa kulandong mula sa mga talas ng mga dila.
²¹ Purihin ang Panginoon:
Sapagka't ^(CB)ipinakilala niya sa akin ang kaniyang kagilagilalas na kagandahang-loob ^(CC)sa isang matibay na bayan.
^22 (CD)Tungkol sa akin, sinabi ko sa aking pagmamadali,
^(CE)Nahiwalay ako sa harap ng iyong mga mata:
Gayon ma'y dininig mo ang tinig ng aking mga pamanhik,
Nang ako'y dumaing sa iyo.
^23 (CF)Oh ibigin ninyo ang Panginoon, ninyong lahat na mga banal niya:
Pinalalagi ng Panginoon ang tapat,
At pinanghihigantihang lubos ang manggagawang palalo.
^24 (CG)Kayo'y mangagpakalakas, at mangagdalang tapang ang inyong puso,
^(CH)Kayong lahat na nagsisiasa sa Panginoon.