Historical

1 Mapalad ang tao na hindi lumalakad sa payo ng masama,
Ni tumatayo man sa daan ng mga makasalanan,
Ni nauupo man sa ^(A)upuan ng mga ^(B)manglilibak.
² Kundi ang kaniyang kasayahan ay nasa kautusan ng Panginoon;
At ^(C)sa kautusan niya nagbubulaybulay siya araw at gabi.
³ At siya'y magiging ^(D)parang punong kahoy na itinanim sa siping ng mga agos ng tubig,
Na nagbubunga sa kaniyang kapanahunan,
Ang kaniyang dahon nama'y hindi malalanta;
At anomang kaniyang gawin ay ^(E)giginhawa.
⁴ Ang masama ay hindi gayon; Kundi ^(F)parang ipa na itinataboy ng hangin.
⁵ Kaya't ang masama ay hindi ^(G)tatayo sa paghatol,
Ni ang mga makasalanan man sa kapisanan ng mga matuwid.
⁶ Sapagka't nalalaman ng ^(H)Panginoon ang lakad ng mga matuwid:
Nguni't ang lakad ng masama ay mapapahamak.

2 Bakit ang mga bansa ay ^(I)nangagugulo,
At ang mga bayan ay nangagaakala ng walang kabuluhang bagay?
² Ang mga hari sa lupa ay nagsisihanda,
At ang mga pinuno ay nagsasanggunian,
Laban sa Panginoon at laban sa ^(J)kaniyang pinahiran ng langis, na sinasabi:
^3 (K)Lagutin natin ang kanilang tali,
At ating iwaksi ang kanilang mga panali sa atin.
⁴ Siyang nauupo sa kalangitan ay ^(L)tatawa:
Ilalagay sila ng Panginoon sa kakutyaan.
⁵ Kung magkagayo'y magsasalita siya sa kanila sa kaniyang poot,
At babagabagin sila sa kaniyang malabis na sama ng loob:
⁶ Gayon ma'y inilagay ko ang aking hari
Sa aking banal na bundok ng Sion.
⁷ Aking sasaysayin ang tungkol sa pasiya:
Sinabi ng Panginoon sa akin, ^(M)Ikaw ay aking anak;
Sa araw na ito ay ipinanganak kita.
⁸ Humingi ka sa akin, at ibibigay ko ^(N)sa iyo ang mga bansa na iyong pinakamana,
At ang mga pinakadulong bahagi ng lupa ay iyong pinakaari.
^9 (O)Sila'y iyong babaliin ng isang pamalong bakal;
Iyong dudurugin sila na parang ^(P)isang sisidlan ng magpapalyok.
¹⁰ Ngayon nga'y magpakapantas kayo, Oh kayong mga hari:
Mangatuto kayo, kayong mga hukom sa lupa.
^11 (Q)Kayo'y mangaglingkod sa Panginoon na may takot,
At mangagalak na ^(R)may panginginig.
¹² Hagkan ninyo ang anak, baka magalit siya, at kayo'y mangapahamak sa daan,
Sapagka't ang kaniyang poot ay madaling magalab.
^(S)Mapapalad ang nanganganlong sa kaniya.

3 Panginoon, ^(U)ano't ang aking mga kaaway ay nagsisidami!
Marami sila na nagsisibangon laban sa akin.
² Marami ang nagsasabi sa aking kaluluwa:
^(V)Walang tulong sa kaniya ang Dios. (Selah)
³ Nguni't ikaw, Oh Panginoon ^(W)ay isang kalasag sa palibot ko:
Aking kaluwalhatian; at ^(X)siyang tagapagtaas ng aking ulo.
⁴ Ako'y dumadaing ng aking tinig sa Panginoon,
At sinasagot ^(Y)niya ako mula sa ^(Z)kaniyang banal na bundok. (Selah)
⁵ Ako'y ^(AA)nahiga, at natulog;
Ako'y nagising; sapagka't inaalalayan ako ng Panginoon.
^6 (AB)Ako'y hindi matatakot sa sangpung libo ng bayan,
Na nagsihanda laban sa akin sa buong palibot.
⁷ Bumangon ka, Oh Panginoon; iligtas mo ako, Oh aking Dios:
Sapagka't iyong sinampal ang lahat ng aking mga kaaway;
Iyong binungal ang mga ngipin ng masasama.
⁸ Pagliligtas ay ukol ^(AC)sa Panginoon:
Sumaiyong bayan nawa ang iyong pagpapala. (Selah)

4 Sagutin mo ako, pagka tumatawag ako, Oh Dios ng aking katuwiran;
Inilagay mo ako sa kaluwagan, nang ako'y nasa kagipitan:
Maawa ka sa akin, at dinggin mo ang aking dalangin.
² Oh kayong mga anak ng tao, hanggang kailan magiging kasiraang puri ang aking kaluwalhatian?
Gaano katagal iibigin ninyo ang walang kabuluhan, at hahanap sa kabulaanan? (Selah)
³ Nguni't talastasin ninyo na ibinukod ng Panginoon sa ganang kaniyang sarili ang banal:
Didinggin ng Panginoon pagka ako'y tumawag sa kaniya.
^4 (AE)Kayo'y magsipanginig, at huwag mangagkasala:
^(AF)Mangagbulaybulay kayo ng inyong puso sa inyong higaan, at kayo'y magsitahimik.
^5 (AG)Mangaghandog kayo ng mga hain ng katuwiran,
At ilagak ninyo ang inyong tiwala sa Panginoon.
⁶ Marami ang mangagsasabi, Sinong magpapakita sa amin ng mabuti?
^(AH)Panginoon, pasilangin mo ang liwanag ng iyong mukha sa amin.
⁷ Ikaw ay naglagay ng ^(AI)kasayahan sa aking puso,
Ng higit kay sa kanilang tinatangkilik nang ang kanilang butil, at kanilang alak ay magsidami.
^8 (AJ)Payapa akong hihiga at gayon din matutulog:
Sapagka't ikaw, Panginoon, pinatatahan mo akong mag-isa sa katiwasayan.

5 Pakinggan mo ang aking mga salita, Oh Panginoon,
Pakundanganan mo ang aking pagbubulaybulay.
² Dinggin mo ang tinig ng aking daing, ^(AK)Hari ko, at Dios ko;
Sapagka't ^(AL)sa Iyo'y dumadalangin ako.
³ Oh Panginoon, ^(AM)sa kinaumagaha'y didinggin mo ang aking tinig;
Sa kinaumagahan ay aayusin ko ang aking dalangin sa iyo, at magbabantay ako.
⁴ Sapagka't ikaw ay di isang Dios na may kaluguran sa kasamaan:
Ang masama ay hindi tatahang kasama mo.
⁵ Ang hambog ay hindi tatayo sa iyong paningin:
Iyong kinapopootan ang lahat na mga manggagawa ng kalikuan.
⁶ Iyong lilipulin sila na nangagsasalita ng mga ^(AN)kabulaanan:
^(AO)Kinayayamutan ng Panginoon ang taong mabangis at magdaraya,
⁷ Nguni't sa ganang akin, sa kasaganaan ng iyong kagandahang-loob ay papasok ako sa iyong bahay;
^(AP)Sa takot sa iyo ay sasamba ako sa dako ng iyong banal na templo.
^8 (AQ)Patnubayan mo ako, Oh Panginoon, sa iyong katuwiran dahil sa aking mga kaaway;
Patagin mo ang iyong daan sa harapan ko.
⁹ Sapagka't walang pagtatapat sa kanilang bibig;
Ang kanilang kalooban ay tunay na kasamaan;
Ang kanilang lalamunan ay bukas na ^(AR)libingan;
Sila'y nanganunuya ng kanilang dila.
¹⁰ Bigyan mong sala sila, Oh Dios;
Ibuwal mo sila sa kanilang sariling mga payo:
Palayasin mo sila sa karamihan ng kanilang mga pagsalangsang;
Sapagka't sila'y nanganghimagsik laban sa iyo,
¹¹ Nguni't iyong pagalakin ang lahat na nagsisipagkanlong sa iyo,
Pahiyawin mo nawa sila sa kagalakan magpakailan man, sapagka't iyong ipinagsasanggalang sila:
Mangagalak nawa rin sa iyo ang nagsisiibig ng iyong pangalan.
¹² Sapagka't iyong pagpapalain ang matuwid;
Oh Panginoon, lilibirin mo siya ng paglingap ^(AS)na gaya ng isang kalasag.

6 Oh Panginoon, ^(AT)huwag mo akong sawayin sa iyong galit,
^(AU)Ni parusahan mo man ako sa iyong mahigpit na sama ng loob.
^2 (AV)Maawa ka sa akin, Oh Panginoon; sapagka't ako'y naluluoy, Oh Panginoon, pagalingin mo ako; sapagka't ang aking mga buto ay nagsisipangalog.
³ Ang akin ding kaluluwa ay nababagabag na mainam:
At ikaw, Oh Panginoon, ^(AW)hanggang kailan?
⁴ Bumalik ka, Oh Panginoon, palayain mo ang aking kaluluwa:
Iligtas mo ako alangalang sa iyong kagandahang-loob.
^5 (AX)Sapagka't sa kamatayan ay walang alaala sa iyo;
Sa Sheol ay sinong mangagpapasalamat sa iyo?
⁶ Ako'y pagal ng aking pagdaing; Gabigabi ay aking pinalalangoy ang aking higaan;
Aking dinidilig ang aking hiligan ng aking mga luha.
^7 (AY)Ang aking mga mata ay nangamumugto dahil sa kapanglawan;
Tumatanda ako dahil sa aking lahat na kaaway.
^8 (AZ)Magsilayo kayo sa akin, kayong lahat na manggagawa ng kasamaan:
Sapagka't narinig ng Panginoon ang tinig ng aking pagtangis.
⁹ Narinig ng Panginoon ang aking pananaing;
Tatanggapin ng Panginoon ang aking dalangin.
¹⁰ Lahat ng kaaway ko'y mapapahiya, at mababagabag na mainam:
Sila'y magsisibalik, sila'y mangapapahiyang kagyat.

7 Oh Panginoon kong Dios, ^(BA)sa iyo nanganganlong ako.
^(BB)Iligtas mo ako sa lahat na nagsisihabol sa akin, at palayain mo ako:
² Baka lurayin nila na gaya ng leon ang aking kaluluwa,
^(BC)Na lurayin ito, habang walang magligtas.
³ Oh Panginoon kong Dios, ^(BD)kung ginawa ko ito;
Kung may kasamaan ^(BE)sa aking mga kamay;
⁴ Kung ako'y gumanti ng kasamaan sa kaniya na may kapayapaan sa akin;
(Oo, ^(BF)aking pinawalan siya, na walang anomang kadahilanan ay naging aking kaaway:)
⁵ Habulin ng kaaway ang aking kaluluwa, at abutan;
Oo, yapakan niya ang aking kaluluwa sa lupa,
At ilagay ang aking kaluwalhatian sa alabok. (Selah)
⁶ Ikaw ay bumangon, Oh Panginoon, sa iyong galit,
^(BG)Magpakataas ka laban sa poot ng aking mga kaaway;
At ^(BH)gumising ka dahil sa akin; ikaw ay nagutos ng kahatulan.
⁷ At ligirin ka ng kapisanan ng mga bayan sa palibot:
At sila'y pihitan mong nasa mataas ka.
⁸ Ang panginoo'y nangangasiwa ng kahatulan sa mga bayan:
^(BI)Iyong hatulan ako, Oh Panginoon, ayon sa aking katuwiran, at sa aking pagtatapat na nasa akin.
⁹ Oh wakasan ang kasamaan ng masama, ngunit itatag mo ang matuwid;
^(BJ)Sapagka't sinubok ng matuwid na Dios ^(BK)ang mga pagiisip at ang mga puso.
¹⁰ Ang aking kalasag ay sa Dios.
Na nagliligtas ng matuwid sa puso.
¹¹ Ang Dios ay matuwid na hukom,
Oo, Dios na may galit araw-araw.
¹² Kung ang tao ay hindi magbalik-loob, kaniyang ^(BL)ihahasa ang kaniyang tabak;
Kaniyang iniakma ang kaniyang busog, at inihanda.
¹³ Inihanda rin naman niya ang mga kasangkapan ng kamatayan;
Kaniyang pinapagniningas ang kaniyang mga pana.
^14 (BM)Narito, siya'y nagdaramdam ng kasamaan;
Oo, siya'y naglihi ng kasamaan, at nanganak ng kabulaanan.
¹⁵ Siya'y gumawa ng balon, at hinukay,
^(BN)At nahulog sa hukay na kaniyang ginawa.
^16 (BO)Ang kaniyang gawang masama ay magbabalik sa kaniyang sariling ulo,
At ang kaniyang pangdadahas ay babagsak sa kaniyang sariling bunbunan.
¹⁷ Ako'y magpapasalamat sa Panginoon, ayon sa kaniyang katuwiran:
At aawit ng pagpupuri sa pangalan ng Panginoon na Kataastaasan.

8 Oh Panginoon, aming Panginoon,
^(BP)Pagkarilag ng iyong pangalan sa buong lupa!
^(BQ)Na siyang naglagay ng inyong kaluwalhatian sa mga langit.
^2 (BR)Mula sa bibig ng mga sanggol at ng mga sumususo ay iyong itinatag ang kalakasan,
Dahil sa iyong mga kaaway,
Upang iyong patahimikin ang kaaway at ang manghihiganti.
^3 (BS)Pagka binubulay ko ang iyong mga langit, ang gawa ng iyong mga daliri,
Ang buwan at ang mga bituin na iyong inayos;
^4 (BT)Ano ang tao upang iyong alalahanin siya?
At ang anak ng tao, upang iyong dalawin siya?
⁵ Sapagka't iyong ginawa siyang kaunting mababa lamang kay sa Dios,
At pinaputungan mo siya ng kaluwalhatian at karangalan.
^6 (BU)Iyong pinapagtataglay siya ng kapangyarihan sa mga gawa ng iyong mga kamay;
^(BV)Iyong inilagay ang lahat ng mga bagay sa ilalim ng kaniyang mga paa:
⁷ Lahat na tupa at baka,
Oo, at ang mga hayop sa parang;
⁸ Ang mga ibon sa himpapawid, at ang mga isda sa dagat,
Anomang nagdaraan sa mga kalaliman ng mga dagat.
^9 (BW)Oh Panginoon, aming Panginoon,
Pagkarilag ng iyong pangalan sa buong lupa!