Chronological

^2 (B)Leka omulala akutenderezenga so si kamwa ko ggwe,
    omuntu omulala so si mimwa gyo.

^3 (C)Ejjinja lizitowa, n’omusenyu muzito,
    naye obulumbaganyi bw’omusirusiru businga byonna okuzitowa.

^4 (D)Obusungu bwa ttima, n’ekiruyi kifugira ddala nnyo,
    naye ani ayinza okwolekera amaaso g’obuggya?

⁵ Okunenya mu lwatu,
    kisinga okwagala okukisibbwa.

^6 (E)Okunywegera kw’omulabe kwandiba okungi,
    naye ebiwundu by’okunenya kw’owoomukwano tebitiisa.

⁷ Oyo akkuse akyawa omubisi gw’enjuki,
    naye eri omuyala n’ekikaawa kiba kiwoomerera.

^8 (F)Ng’akanyonyi akadduka mu kisu kyako,
    bw’atyo bw’abeera omuntu abula mu maka ge.

^9 (G)Ebyakaloosa bisanyusa omutima,
    n’obuwoomerevu bw’omukwano gw’omuntu bwe butyo bwe buvaamu okubuulirira okw’amazima.

^10 (H)Mukwano gwo ne mukwano gwa kitaawo tobaabuuliranga,
    olemenga okutawaana okuswala ewa muganda wo ng’ogudde mu mitawaana.
    Muliraanwa wo akira muganda wo akuli ewala.

^11 (I)Beeranga n’amagezi mwana wange, osanyusenga omutima gwange,
    ndyoke nyanukule oyo yenna ansekerera.

^12 (J)Omuntu omutegeevu alaba akabenje ne yeekweka,
    naye abatalina magezi batambula butambuzi ne bagwa mu kabi.

^13 (K)Twalanga ekyambalo ky’oyo eyeeyimirira gw’atamanyi,
    era kwatanga eky’oyo eyeeyimirira omukazi omwenzi kye yeeyamye.

¹⁴ Okulamusa ku muliraanwa wo mu makya ennyo, ng’oleekaana,
    obanga amukolimidde.

^15 (L)Omukazi omuyombi ali ng’enkuba etonnya olutata,
    ku lunaku olw’enkuba ennyingi.
¹⁶ Okumuziyiza obanga aziyiza empewo oba
    ng’anyweza omuzigo mu ngalo.

¹⁷ Ng’ekyuma bwe kiwagala ekyuma,
    n’omuntu bw’abangula muntu munne.

^18 (M)Buli alabirira omutiini alirya ku bibala byagwo,
    n’oyo aweereza mukama we alissibwamu ekitiibwa.

¹⁹ Ng’amazzi bwe galaga omuntu bw’afaanana mu maaso,
    bwe gutyo omutima gw’omuntu bwe gulaga omuntu bw’afaanana.

^20 (N)Amagombe ne ggeyeena tebikkuta,
    n’amaaso g’abantu nago bwe gatyo tegakkuta.

^21 (O)Entamu erongoosa ya ffeeza n’ekikoomi kikola ku zaabu,
    naye omuntu ekimugezesa kutenderezebwa.

²² Ne bw’osekula omusirusiru mu kinu,
    nga bw’osekula emmere y’empeke mu kinu,
    obusirusiru bwe tobumuggyaamu.

^23 (P)Okakasanga nti omanyi bulungi embeera z’ekisibo kyo,
    ossangayo omwoyo ku ggana lyo.
^24 (Q)Kubanga eby’obugagga tebibeerera mirembe gyonna,
    n’engule tebeerera mirembe gyonna.
²⁵ Ng’omuddo gw’ensolo omukulu gumaze okusalibwawo, ng’omutoototo gutandise okusibukawo,
    nga n’omuddo ogw’omu busozi guleeteddwa,
²⁶ abaana b’endiga balikuwa engoye ez’okwambala,
    n’embuzi ziritundibwa ne zivaamu ensimbi.
²⁷ Olibeera n’amata mangi g’onoggyanga mu mbuzi, okukuliisa ggwe n’ab’omu nnyumba yo,
    n’okuliisa abaweereza bo abawala.
28 ^(R)Abakozi b’ebibi badduka nga tewali abagoba,
    naye abatuukirivu babeera n’obuvumu ng’empologoma.

² Eggwanga bwe lijeema, liba n’abafuzi bangi,
    naye olw’omuntu alina okutegeera n’okumanya obutebenkevu budda nate mu nsi.

³ Omufuzi anyigiriza abaavu,
    afaanana nga enkuba etonnya ezikiriza n’eterekaawo birime.

⁴ Abo abava ku mateeka ga Mukama batendereza aboonoonyi,
    naye abo abagakuuma babawakanya.

⁵ Abantu abakozi b’ebibi tebategeera bwenkanya,
    naye abo abanoonya Mukama babutegeerera ddala bulungi.

^6 (S)Omuntu omwavu atambulira mu butuukirivu,
    asinga omugagga ow’amakubo amakyamu.

^7 (T)Oyo akuuma amateeka ga Mukama mwana eyeegendereza,
    naye mukwano gw’ab’omululu akwasa kitaawe ensonyi.

^8 (U)Ayongera ku bugagga bwe mu bukumpanya,
    abukuŋŋaanyiza omulala anaayinza okuba ow’ekisa eri abaavu.

^9 (V)Atassaayo mwoyo kuwulira mateeka ga Mukama,
    n’okusaba kwe tekukkirizibwa.

^10 (W)Buli akyamya abatuukirivu mu kkubo ebbi,
    aligwa mu katego ke ye,
    naye abatuukirivu balisikira ebirungi.

¹¹ Omugagga alowooza nti mugezi,
    naye omwavu alina okutegeera, amunyooma.

^12 (X)Abatuukirivu bwe bawangula wabaawo okujaguza okw’amaanyi,
    naye abakakanyalira mu kukola ebikyamu bwe bafuna obuyinza abantu beekweka.

^13 (Y)Oyo akweka ebibi bye, talifuna mukisa kukulaakulana,
    naye buli abyatula n’abireka, alisaasirwa.

¹⁴ Alina omukisa omuntu atya Mukama ebbanga lyonna,
    naye oyo akakanyaza omutima gwe abonaabona.

¹⁵ Ng’empologoma ewuluguma oba eddubu eritiisatiisa,
    bw’abeera omufuzi omubi atulugunya abateesobola.

¹⁶ Omufuzi nantagambwako tafuga na bwenkanya,
    naye oyo akyawa amagoba agafuniddwa mu bukyamu alibeera n’essanyu ery’obulamu obuwangaazi.

^17 (Z)Omuntu alumirizibwa olw’okutta munne,
    alibeera mu kutegana okutuusa okufa,
    tewabanga n’omu amuyamba.

^18 (AA)Omuntu atambulira mu bugolokofu alinunulibwa talibeerako kabi,
    naye oyo ow’amakubo amabi aligwa mbagirawo.

^19 (AB)Omuntu alima ennimiro ye aliba n’emmere nnyingi,
    naye oyo ali mu birowoozo ebitaliimu alifa bwavu.

^20 (AC)Omusajja omwesigwa aliweebwa emikisa mingi,
    naye oyo ayanguyiriza okugaggawala talirema kubonerezebwa.

^21 (AD)Okuttira abantu ku liiso ng’osala emisango si kirungi,
    naye ate olw’okunoonya akookulya omuntu ayinza okuzza omusango.

^22 (AE)Omusajja omukodo yeegomba okugaggawala,
    naye nga tamanyi nti obwavu bumulindiridde.

^23 (AF)Oyo anenya omuntu, oluvannyuma aliganja,
    okusinga oyo awaaniriza n’olulimi.

^24 (AG)Buli anyaga kitaawe, oba nnyina,
    n’agamba nti, “Si nsonga,” afaanana n’oyo azikiriza.

^25 (AH)Omuntu ow’omululu aleeta oluyombo,
    naye oyo eyeesiga Mukama aligaggawazibwa.

^26 (AI)Eyeesiga omutima gwe, musirusiru,
    naye oyo atambulira mu magezi alifuna emirembe.

^27 (AJ)Agabira abaavu talibaako ne kye yeetaaga,
    naye abakodowalira anaabanga n’ebikolimo bingi.

^28 (AK)Abakozi b’ebibi bwe babeera mu buyinza, abantu beekweka,
    naye abakozi b’ebibi bwe bazikirira, abatuukirivu bakulaakulana.

^2 (AM)Abatuukirivu bwe bakulaakulana, abantu basanyuka,
    naye abakakanyalira mu kukola ebikyamu bwe bafuga abantu babeera mu kusinda.

^3 (AN)Ayagala amagezi asanyusa kitaawe,
    naye munne w’abamalaaya ayiwaayiwa obugagga bwe.

^4 (AO)Kabaka afuga n’obwenkanya, abantu be baba mu butebenkevu,
    naye oyo alulunkanira enguzi, ensi agyonoona.

⁵ Omuntu awaanawaana munne,
    aba yeetega yekka ekitimba.

^6 (AP)Ebibi by’omwonoonyi bye bimutega,
    naye omutuukirivu abeera mu kuyimba na kusanyuka.

^7 (AQ)Omutuukirivu afaayo ku nsonga z’abaavu,
    naye abakozi b’ebibi tebakola bwe batyo.

^8 (AR)Abakudaazi basasamaza ekibuga,
    naye abantu abalina amagezi baziyiza entalo.

⁹ Omuntu ow’amagezi bw’awoza n’omusirusiru,
    omusirusiru ayongera kusunguwala, n’okujerega ne wataba mirembe.

^10 (AS)Abeegomba okuyiwa omusaayi bakyawa omuntu ow’amazima,
    era banoonya okusaanyaawo obulamu bwe.

^11 (AT)Omusirusiru alaga obusungu bwe bwonna,
    naye omuntu ow’amagezi abuziyiza n’abukkakkanya.

¹² Omufuzi bw’awuliriza eby’obulimba,
    abakungu be bonna bafuuka babi.

^13 (AU)Omwavu n’oyo amubonyaabonya balina ekibagatta:
    Mukama bombi ye yabawa amaaso.

^14 (AV)Kabaka bw’asalira abaavu emisango n’obwesigwa,
    obufuzi bwe bubeerera emirembe gyonna.

^15 (AW)Akaggo akakangavvula, kaleeta amagezi,
    naye omwana alekeddwa awo, aswaza nnyina.

^16 (AX)Abakozi b’ebibi bwe beeyongera obungi, okumenya amateeka kweyongera,
    naye abatuukirivu baliraba okugwa kwabwe.

^17 (AY)Kangavvula omwana wo, alikuwa emirembe,
    alireetera emmeeme yo essanyu.

^18 (AZ)Awatali kwolesebwa abantu tebaba beegendereza,
    naye wa mukisa oyo akuuma amateeka ga Mukama.

¹⁹ Omuweereza tayinza kubuulirirwa na bigambo byokka;
    ne bw’aba ategedde tafaayo.

^20 (BA)Olaba omuntu ayanguyiriza ebigambo bye?
    Omusirusiru alina essuubi okumusinga.

²¹ Atiitiibya omuweereza we ekiyitiridde ng’akyali mwana muto,
    oluvannyuma omuweereza aleetera mukama we obuyinike.

^22 (BB)Omuntu ow’obusungu aleeta ennyombo,
    n’omuntu asunguwala amangu ayonoona nnyo.

^23 (BC)Amalala g’omuntu galimuleetera okugwa,
    naye omuntu ow’omwoyo ogwetoowaza alifuna ekitiibwa.

^24 (BD)Buli assa ekimu n’omubbi akyawa obulamu bwe ye,
    era ne bw’alayizibwa tasaanira kubaako ky’ayogera.

^25 (BE)Okutya omuntu kuleeta ekyambika,
    naye buli eyeesiga Mukama anaabanga mirembe.

^26 (BF)Bangi abanoonya okuganja mu maaso g’omufuzi,
    naye obwenkanya obwa nnama ddala buva eri Mukama.

^27 (BG)Atali mutuukirivu wa muzizo eri abatuukirivu;
    era omwesimbu wa muzizo eri abakozi b’ebibi.