Chronological

^2 (B)Abagagga n’abaavu balina kimu ekibagatta,
    Mukama ye Mutonzi waabwe bonna.

^3 (C)Omuntu omutegeevu bw’alaba akabi yeekweka,
    naye abatalina magezi bagenda bugenzi mu maaso ne balumizibwa.

⁴ Obugagga n’ekitiibwa n’obulamu
    y’empeera ey’okwetoowazanga n’okutyanga Mukama.

^5 (D)Amaggwa n’emitego biri mu kkubo ly’omubambaavu;
    naye oyo akuuma emmeeme ye anaabyewalanga.

^6 (E)Manyiiriza omwana mu kkubo erimugwanira okutambulirangamu,
    ne bw’alikula talirivaamu.

⁷ Omugagga afuga abaavu,
    naye eyeewola aba muddu w’oyo amuwola.

^8 (F)Asiga obutali butuukirivu akungula mitawaana,
    n’oluga olw’obusungu bwe lulizikirizibwa.

^9 (G)Omuntu omugabi anaabanga n’omukisa,
    kubanga emmere ye agirya n’abaavu.

^10 (H)Goba omunyoomi, entalo zinaagenda,
    ennyombo n’okuvumagana binaakoma.

^11 (I)Omuntu eyeegomba omutima omulongoofu
    era ayogera n’eggonjebwa, talirema kuganja ewa kabaka.

¹² Amaaso ga Mukama galabirira amazima,
    era adibya entegeka z’abatali beesigwa.

^13 (J)Omugayaavu ayogera nti, “Ebweru eriyo empologoma,”
    oba nti, “Nnyinza okutemulirwa mu kkubo.”

^14 (K)Malaaya mutego gwa kabi,
    akolimiddwa Mukama mw’afiira.

^15 (L)Obusirusiru busibiddwa ku mutima gw’omwana omuto,
    naye omuggo ogukangavvula gulimuwonyeza ddala.

¹⁶ Omuntu atulugunya abaavu ne yeeyongera okugaggawala,
    n’oyo agabira omugagga awa abagagga enguzi, enkomerero ya bombi bwavu.

^17 (M)Ossangayo omwoyo okuwuliriza ebigambo by’omugezi,
    n’omutima gwo eri ebyo bye njigiriza.
¹⁸ Kibeera kya ssanyu bw’obikwata ku mutima gwo,
    n’oba mwetegefu okubiddamu byonna.
¹⁹ Mbikumanyisa leero ggwe,
    obwesige bwo bubeerenga mu Mukama.
²⁰ Kale sikuwandiikidde ebintu amakumi asatu ebikuwabula
    era ebikuwa okumanya?
^21 (N)Sikulaze ekirungi n’ekituufu,
    olyoke obe n’eky’okuddamu eri oyo eyakutuma?

^22 (O)Tonyaganga mwavu, kubanga mwavu,
    oba okutulugunyanga aleeteddwa mu mbuga.
^23 (P)Kubanga Mukama alibawolereza,
    n’abo ababanyaga alibanyaga.

²⁴ Tokwananga muntu wa busungu,
    oba okuyitanga n’omuntu anyiiganyiiga amangu,
^25 (Q)oleme okuyiga amakubo ge
    ne weesuula mu mitawaana.

^26 (R)Teweegattanga ku abo abeeyama,
    newaakubadde ku abo abeeyimirira ab’amabanja.
^27 (S)Bw’oliba nga tolina kya kusasula
    ekitanda kyo kyennyini kye kirikuggyibwako.

^28 (T)Tojjululanga nsalo
    bajjajjaabo gye bassaawo edda.

^29 (U)Omanyi omuntu omunyiikivu era omukugu mu mulimu gwe?
    Aliweereza bakabaka; taliweereza bantu batamanyiddwa.
23 Bw’otuulanga okulya n’omufuzi,
    weetegerezanga ebiri mu maaso go;
² era weegendereze
    bw’obanga omanyi ng’olulunkanira ebyokulya.
^3 (V)Tolulunkanira mmere ye ennungi,
    kubanga erimbalimba.

⁴ Teweemalangako mirembe ng’oyaayaanira obugagga;
    weefuge obeere mukkakkamu.
^5 (W)Eby’obugagga obikubako eriiso limu nga by’agenze dda,
    kubanga ddala bimera ebiwaawaatiro
    ne bibuuka mu bbanga ng’empungu.

^6 (X)Tolyanga mmere ya muntu mukodo,
    wadde okwegomba ebirungi by’alya.
⁷ Kubanga ye muntu
    abalirira ensimbi z’asaasaanyizza,
    n’akugamba nti, “Weeriire, weenywere,”
    naye ng’omutima gwe tegukusanyukira.
⁸ Akatono k’onooba olidde onookasesema,
    ebigambo byo ebirungi eby’okwebaza bibe bya bwereere.

^9 (Y)Totegana kubuulirira musirusiru,
    kubanga ajja kunyooma ebigambo byo eby’amagezi.

^10 (Z)Tojjululanga nsalo ey’edda,
    so toyingiriranga nnimiro za bamulekwa,
^11 (AA)kubanga abalwanirira w’amaanyi,
    alikuggulako omusango.

¹² Ossangayo omwoyo eri okuyigirizibwa,
    n’amatu go eri ebigambo by’okutegeera.

¹³ Tolekangayo kukangavvula mwana,
    bw’omubonereza n’akaggo tekimutta.
¹⁴ Mubonerezenga n’akaggo,
    kiwonye emmeeme ye okufa.

¹⁵ Mwana wange, bw’oba n’omutima ogw’amagezi,
    kinsanyusa.
^16 (AB)Nnaajjaguzanga okuva ku ntobo y’omutima gwange,
    bw’onooyogeranga ebituufu.

^17 (AC)Omutima gwo gulemenga okukwatirwa aboonoonyi obuggya,
    kyokka nyiikira okutya Mukama ebbanga lyonna.
^18 (AD)Mazima ddala onoobanga n’essuubi mu biseera eby’omu maaso,
    n’essuubi lyo eryo teririggwaawo.

¹⁹ Mwana wange wulirizanga, obeerenga n’amagezi,
    okumenga omutima gwo mu kkubo ettuufu.
^20 (AE)Teweegattanga ku abo abeekamirira omwenge,
    n’abalulunkanira ennyama:
^21 (AF)Kubanga omutamiivu n’omuluvu baavuwala,
    n’okubongoota olutata kubambaza enziina.

^22 (AG)Wulirizanga kitaawo eyakuzaala,
    so togayanga nnyoko ng’akaddiye.
^23 (AH)Gula amazima so togatunda,
    ffuna amagezi, n’okuyigirizibwa n’okutegeera.
^24 (AI)Kitaawe w’omutuukirivu alina essanyu lingi,
    n’oyo azaala omwana ow’amagezi amwenyumiririzaamu.
²⁵ Leka kitaawo ne nnyoko basanyuke,
    omukazi eyakuzaala ajaguzenga.

^26 (AJ)Mwana wange mpa omutima gwo,
    n’amaaso go geekalirize amakubo gange,
^27 (AK)kubanga omukazi omwenzi lukonko luwanvu,
    n’omukazi omubambaavu luzzi lufunda.
^28 (AL)Ateega ng’omutemu,
    n’ayongera ku muwendo gw’abasajja abatali beesigwa eri bakazi baabwe.

²⁹ Ani alina obuyinike? Ani alina ennaku?
    Ani alina ennyombo? Ani alina okwemulugunya?
    Ani alina ebiwundu eby’obwereere? Ani amyuse amaaso?
^30 (AM)Abo abatava ku mwenge,
    nga bagenda baloza ku mwenge omutabule.
³¹ Totunuulira wayini ng’amyuse,
    bw’atemaganira mu ggiraasi
    ng’akka empolampola;
³² ku nkomerero aluma ng’omusota,
    wa busagwa ng’essalambwa.
³³ Amaaso go galiraba ebyewuunyo,
    n’omutwe gwo ne gulowooza ebitategeerekeka.
³⁴ Oliba ng’omuntu eyeebase wakati mu nnyanja,
    obanga oyo alengejjera waggulu ku mulongooti.
³⁵ Olyogera nti, “Bankubye, naye sirumiddwa.
    Bankubye naye sirina kye mpuliddemu.
Nnaazuukuka ddi,
    neeyongere okunywa?”

24 ^(AN)Teweegombanga bakozi ba bibi
    era tobeesemberezanga.
^2 (AO)Kubanga emitima gyabwe giteesa kukola bya butemu,
    era akamwa kaabwe koogera ku kukola bya ffujjo.

^3 (AP)Amagezi ge gazimba ennyumba,
    n’okutegeera kwe kugiggumiza.
^4 (AQ)Olw’amagezi ebisenge by’ayo bijjula ebintu ebirungi,
    eby’obugagga ebitalabikalabika eby’omuwendo omungi.

⁵ Omuntu ow’amagezi aba n’obuyinza,
    n’omuntu alina okumanya yeeyongera amaanyi.
^6 (AR)Kubanga okulwana olutalo weetaaga okuluŋŋamizibwa,
    n’okuluwangula, weetaaga abawi b’amagezi bangi.

⁷ Amagezi gasukkirira nnyo omusirusiru,
    talina ky’asobola kwogera mu lukuŋŋaana olw’oku wankaaki.

⁸ Oyo asala enkwe ez’okukola ebibi,
    aliyitibwa mukujjukujju.
⁹ Entegeka ez’obusirusiru muvaamu kwonoona,
    abantu beetamwa omukudaazi.

^10 (AS)Bw’oyongobera mu kiseera eky’ebizibu,
    olwo ng’olina amaanyi matono!
^11 (AT)Odduukiriranga n’owonya abo abatwalibwa okuttibwa,
    n’abo abali ku njegoyego z’okuttibwa, obawonye okuttirwa obwemage.
^12 (AU)Bw’ogambanga nti, “Laba kino twali tetukimanyi,”
    oyo akebera emitima aba talaba?
Oyo akuuma obulamu bwo takimanyi?
    Talisasula buli muntu ng’omulimu gwe bwe guli?

¹³ Mwana wange olyanga omubisi gw’enjuki kubanga mulungi,
    omubisi oguva mu bisenge byagwo guwoomerera.
^14 (AV)Era manya nti amagezi gawoomera emmeeme yo,
    bw’onoogafuna onoobeera n’essuubi mu bulamu obw’omu maaso,
    n’essuubi lyo teririkoma.

¹⁵ Toteeganga, ng’omunyazi bw’akola ku nnyumba y’omutuukirivu,
    tonyaganga maka ge.
^16 (AW)Omuntu omutuukirivu ne bw’agwa emirundi omusanvu, addamu n’ayimuka,
    naye abakozi b’ebibi basuulibwa mu mitawaana.

^17 (AX)Tosanyukanga ng’omulabe wo agudde,
    bwe yeesittalanga omutima gwo gulemenga okujaguza.
¹⁸ Si kulwa nga Mukama akiraba ne kitamusanyusa,
    n’amusunguwalira.

^19 (AY)Teweeraliikiriranga olw’abo abakola ebibi,
    so abakozi b’ebibi tobakwatirwanga buggya.
^20 (AZ)Kubanga omuntu omubi talina ssuubi mu maaso,
    ettabaaza y’abakozi b’ebibi erizikizibwa.

^21 (BA)Mwana wange otyanga Mukama, ne kabaka,
    era teweetabanga na bajeemu.
²² Kubanga obusungu bwabwe bulibuubuukira ku bajeemu
    era ani amaanyi akabi akalibatuukako?

²⁶ Eky’okuddamu eky’amazima,
    kiri ng’okunywegerwa.

²⁷ Malirizanga omulimu gwo ogw’ebweru,
    oteeketeeke ennimiro zo,
    n’oluvannyuma olyoke weezimbire ennyumba yo.

^28 (BD)Towanga bujulizi bwa bulimba ku muliraanwa wo,
    so akamwa ko tekalimbanga.
^29 (BE)Toyogeranga nti, “Omuntu oyo ndimukola nga bw’ankoze,
    era ndimusasuza nga bw’ampisizza.”

^30 (BF)Nayita ku nnimiro ey’omugayaavu,
    ne mpita ne ku nnimiro y’emizabbibu ey’oyo atalina kutegeera.
³¹ Kale laba, ng’ennimiro eyo ebunye amaggwa,
    wansi wonna nga wabikkiddwa omuddo,
    n’olukomera lwayo olw’amayinja nga lugudde.
³² Ne neekaliriza ne ntegeera
    ne nfuna ekyokuyiga mu bye nalaba.
^33 (BG)Otulo otutonotono, n’okusumagira akatono,
    n’okufunya emikono okuwummulako,
^34 (BH)obwavu bulikutuukako ng’omutemu,
    era n’obwetaavu ng’omutemu.