Chronological

106 ^(A)Purihin ninyo ang Panginoon.
Oh mangagpasalamat kayo sa Panginoon; sapagka't siya'y mabuti;
^(B)Sapagka't ang kaniyang kagandahang-loob ay magpakailan man.
^2 (C)Sinong makapagbabadya ng mga makapangyarihang gawa ng Panginoon,
O makapagpapakilala ng buo niyang kapurihan?
³ Mapalad silang nangagiingat ng kahatulan,
At siyang gumagawa ng katuwiran sa buong panahon.
^4 (D)Alalahanin mo ako, Oh Panginoon, ng lingap na iyong ipinagkaloob sa iyong bayan;
Oh dalawin mo ako ng iyong pagliligtas:
⁵ Upang makita ko ang kaginhawahan ng ^(E)iyong hirang,
Upang ako'y magalak sa kasayahan ng iyong bansa,
Upang ako'y lumuwalhati na kasama ng iyong mana.
^6 (F)Kami ay nangagkasala na kasama ng aming mga magulang,
Kami ay nangakagawa ng kasamaan, kami ay nagsigawa ng masama.
⁷ Hindi naunawa ng aming mga magulang ang iyong mga kababalaghan sa Egipto;
Hindi nila inalaala ang karamihan ng iyong mga kagandahang-loob,
^(G)Kundi naging mapanghimagsik sa dagat, sa makatuwid baga'y sa Dagat na Mapula.
⁸ Gayon ma'y iniligtas niya sila ^(H)dahil sa ^(I)kaniyang pangalan,
^(J)Upang kaniyang maipabatid ang kaniyang matibay na kapangyarihan.
⁹ Kaniyang sinaway naman ang Dagat na Mapula, at ^(K)natuyo:
Sa gayo'y ^(L)pinatnubayan niya sila sa mga kalaliman, na parang ilang.
¹⁰ At ^(M)iniligtas niya sila sa kamay ng nangagtatanim sa kanila,
At ^(N)tinubos niya sila sa kamay ng kaaway.
^11 (O)At tinabunan ng tubig ang kanilang mga kaaway:
Walang nalabi sa kanila kahit isa.
¹² Nang magkagayo'y sinampalatayanan nila ang kaniyang mga salita;
Inawit nila ang kaniyang kapurihan.
^13 (P)Nilimot nilang madali ang kaniyang mga gawa;
Hindi sila naghintay sa kaniyang payo:
^14 (Q)Kundi nagnais ng di kawasa sa ilang,
At tinukso ang Dios sa ilang.
^15 (R)At binigyan niya sila ng kanilang hiling;
Nguni't pinangayayat ang kanilang kaluluwa.
^16 (S)Kanilang pinanaghilian naman si Moises sa kampamento,
At si Aaron na banal ng Panginoon.
^17 (T)Ang lupa ay bumuka, at nilamon si Dathan,
At tinakpan ang pulutong ni Abiram.
^18 (U)At apoy ay nagningas sa kanilang pulutong;
Sinunog ng liyab ang mga masama,
^19 (V)Sila'y nagsigawa ng guya ^(W)sa Horeb,
At nagsisamba sa larawang binubo.
²⁰ Ganito nila pinapagbago ang kanilang kaluwalhatian
Sa wangis ng baka na kumakain ng damo.
²¹ Nilimot nila ang Dios na kanilang tagapagligtas,
Na gumawa ng mga dakilang bagay sa Egipto;
²² Kagilagilalas na mga gawa ^(X)sa lupain ng Cham,
At kakilakilabot na mga bagay sa Dagat na Mapula.
^23 (Y)Kaya't sinabi niya, na kaniyang lilipulin sila,
Kung si Moises na kaniyang hirang ay hindi humarap sa kaniya sa bitak,
Upang pawiin ang kaniyang poot, upang huwag niyang lipulin sila.
^24 (Z)Oo, kanilang hinamak ang maligayang lupain,
^(AA)Hindi nila sinampalatayanan ang kaniyang salita;
²⁵ Kundi nangagsiungol sa kanilang mga tolda,
At hindi nangakinig sa tinig ng Panginoon.
²⁶ Kaya't kaniyang isinumpa sa kanila,
Na kaniyang ibubulid sila sa ilang:
²⁷ At kaniyang ibubulid ang kanilang binhi sa mga bansa,
At pangalatin sila sa mga lupain.
^28 (AB)Sila'y nangakilakip naman sa diosdiosang Baal-peor,
At nagsikain ng mga hain sa ^(AC)mga patay.
²⁹ Ganito minungkahi nila siya sa galit ng kanilang mga gawa;
At ang salot ay lumitaw sa kanila.
^30 (AD)Nang magkagayo'y tumayo si Phinees, at gumawa ng kahatulan:
At sa gayo'y tumigil ang salot.
³¹ At nabilang sa kaniya na katuwiran,
^(AE)Sa lahat ng sali't saling lahi magpakailan man.
^32 (AF)Kanilang ginalit din siya sa tubig ng Meriba,
Na anopa't naging masama kay Moises dahil sa kanila:
^33 (AG)Sapagka't sila'y mapanghimagsik laban sa kaniyang diwa,
^(AH)At siya'y nagsalita ng walang pakundangan ng kaniyang mga labi.
³⁴ Hindi nila nilipol ^(AI)ang mga bayan,
Gaya ng iniutos ng Panginoon sa kanila;
^35 (AJ)Kundi nangakihalo sa mga bansa,
At nangatuto ng kanilang mga gawa:
^36 (AK)At sila'y nangaglingkod sa kanilang mga diosdiosan;
Na naging silo sa kanila:
^37 (AL)Oo, kanilang inihain ang kanilang mga anak na lalake at babae sa mga demonio,
³⁸ At nagbubo ng walang salang dugo,
Sa makatuwid baga'y ng dugo ng kanilang mga anak na lalake at babae,
Na kanilang inihain sa diosdiosan ng Canaan;
At ^(AM)ang lupain ay nadumhan ng dugo.
³⁹ Ganito sila nagpakahawa sa kanilang mga gawa,
At nagsiyaong nagpakarumi sa kanilang mga gawa.
⁴⁰ Kaya't ^(AN)nagalab ang pagiinit ng Panginoon laban sa kaniyang bayan,
At kinayamutan niya ang kaniyang pamana.
⁴¹ At ibinigay niya sila sa kamay ng mga bansa;
At silang nangagtatanim sa kanila ay nangagpuno sa kanila.
⁴² Pinighati naman ^(AO)sila ng kanilang mga kaaway,
At sila'y nagsisuko sa kanilang kamay.
^43 (AP)Madalas na iligtas niya sila;
Nguni't sila'y mapanghimagsik sa kanilang payo,
At nangababa sila sa kanilang kasamaan.
⁴⁴ Gayon ma'y nilingap niya ang kanilang kahirapan,
Nang kaniyang marinig ang kanilang daing:
^45 (AQ)At kaniyang inalaala sa kanila ang kaniyang tipan,
At nagsisi ^(AR)ayon sa karamihan ng kaniyang mga kagandahang-loob.
^46 (AS)Ginawa naman niyang sila'y ^(AT)kaawaan
Niyaong lahat na nangagdalang bihag sa kanila.
^47 (AU)Iligtas mo kami, Oh Panginoon naming Dios,
At ^(AV)pisanin mo kami na mula sa mga bansa,
Upang mangagpasalamat sa iyong banal na pangalan,
At mangagtagumpay sa iyong kapurihan.
^48 (AW)Purihin ang Panginoon, ang Dios ng Israel,
Mula sa walang pasimula hanggang sa walang hanggan.
At sabihin ng buong bayan, Siya nawa.
Purihin ninyo ang Panginoon.

107 Oh mangagpasalamat kayo sa Panginoon; ^(AX)sapagka't siya'y mabuti:
Sapagka't ang kaniyang kagandahang-loob ay magpakailan man.
^2 (AY)Sabihing gayon ng tinubos ng Panginoon,
^(AZ)Na kaniyang tinubos sa kamay ng kaaway;
³ At ^(BA)mga pinisan mula sa mga lupain,
Mula sa silanganan, at mula sa kalunuran,
Mula sa hilagaan at mula sa timugan.
⁴ Sila'y nagsilaboy ^(BB)sa ilang, sa ulilang landas;
Sila'y hindi nakasumpong ng bayang tahanan.
⁵ Gutom at uhaw,
Ang kanilang kaluluwa'y nanglupaypay sa kanila.
^6 (BC)Nang magkagayo'y nagsidaing sila sa Panginoon sa kanilang kabagabagan,
At iniligtas niya sila sa kanilang kahirapan.
⁷ Pinatnubayan naman niya sila sa ^(BD)matuwid na daan,
Upang sila'y magsiyaon sa bayang tahanan.
^8 (BE)Oh purihin ng mga tao ang Panginoon dahil sa kaniyang kagandahang-loob,
At dahil sa kaniyang mga kagilagilalas na mga gawa sa mga anak ng mga tao!
⁹ Sapagka't ^(BF)kaniyang binigyang kasiyahan ang nananabik na kaluluwa,
At ang gutom na kaluluwa ay binusog niya ng kabutihan.
¹⁰ Ang gayong ^(BG)tumatahan sa kadiliman, at sa lilim ng kamatayan,
Na natatali sa dalamhati at pangaw;
¹¹ Sapagka't sila'y nanghimagsik laban sa mga salita ng Dios,
At hinamak ang ^(BH)payo ng Kataastaasan:
¹² Kaya't kaniyang ibinaba ang kanilang puso na may hirap;
Sila'y nangabuwal, at ^(BI)walang sumaklolo.
^13 (BJ)Nang magkagayo'y nagsidaing sila sa Panginoon sa kanilang kabagabagan,
At iniligtas niya sila sa kanilang kahirapan.
^14 (BK)Inilabas niya sila sa kadiliman at sa lilim ng kamatayan,
At ^(BL)pinatid ang kanilang mga tali.
^15 (BM)Oh purihin ng mga tao ang Panginoon dahil sa kaniyang kagandahang-loob,
At dahil sa kaniyang mga kagilagilalas na mga gawa sa mga anak ng mga tao!
¹⁶ Sapagka't ^(BN)kaniyang sinira ang mga pintuang-bayan na tanso,
At pinutol ang mga halang na bakal.
^17 (BO)Mga mangmang dahil sa kanilang mga pagsalangsang,
At dahil sa kanilang mga kasamaan ay nadadalamhati.
¹⁸ Kinayayamutan ng kanilang kaluluwa ang sarisaring pagkain;
At sila'y nagsisilapit sa ^(BP)mga pintuan ng kamatayan,
^19 (BQ)Nang magkagayo'y nagsidaing sila sa Panginoon sa kanilang kabagabagan,
At iniligtas niya sila sa kanilang kahirapan.
^20 (BR)Sinugo niya ang kaniyang salita, at ^(BS)pinagaling sila,
At ^(BT)iniligtas sila sa kanilang mga ikapapahamak.
^21 (BU)Oh purihin ng mga tao ang Panginoon dahil sa kaniyang kagandahang-loob,
At dahil sa kaniyang kagilagilalas na mga gawa sa mga anak ng mga tao!
²² At ^(BV)mangaghandog sila ng mga hain na pasalamat,
At ipahayag ang kaniyang mga gawa na may awitan.
^23 (BW)Silang nagsisibaba sa dagat sa mga sasakyan,
Na nangangalakal sa ^(BX)mga malawak na tubig;
²⁴ Ang mga ito'y nangakakakita ng mga gawa ng Panginoon,
At ng kaniyang mga kababalaghan sa kalaliman.
²⁵ Sapagka't siya'y naguutos, at ^(BY)nagpapaunos,
Na nagbabangon ng mga alon niyaon.
²⁶ Nagsisitaas sa mga langit, nagsisibaba uli sa mga kalaliman:
^(BZ)Ang kanilang kaluluwa ay natutunaw dahil sa kabagabagan.
²⁷ Sila'y hahampashampas na paroo't parito, at ^(CA)gigiraygiray na parang lasing,
At ang kanilang karunungan ay nawala.
^28 (CB)Nang magkagayo'y nagsidaing sila sa Panginoon sa kanilang kabagabagan,
At inilabas niya sila sa kanilang kahirapan.
^29 (CC)Kaniyang pinahihimpil ang bagyo,
Na anopa't ang mga alon niyaon ay nagsisitahimik.
³⁰ Nang magkagayo'y natutuwa sila, dahil sa sila'y tiwasay.
Sa gayo'y kaniyang dinadala sila sa daongang kanilang ibigin.
^31 (CD)Oh purihin ng mga tao ang Panginoon dahil sa kaniyang kagandahang-loob,
At dahil sa kaniyang kagilagilalas na mga gawa sa mga anak ng mga tao!
³² Ibunyi rin naman nila siya ^(CE)sa kapulungan ng bayan,
At purihin siya sa upuan ng mga matanda.
³³ Kaniyang ^(CF)pinapagiging ilang ang mga ilog,
At uhaw na lupa ang mga bukal:
³⁴ Na maalat na ilang ^(CG)ang mainam na lupain,
Dahil sa kasamaan nila na nagsisitahan doon.
³⁵ Kaniyang pinapagiging lawa ng mga tubig ang ilang,
At mga bukal ang tuyong lupain.
³⁶ At kaniyang pinatatahan doon ang gutom,
Upang makapaghanda sila ng bayang tahanan;
³⁷ At maghasik sa mga bukid, at magtanim ng mga ubasan,
At magtamo ng mga bunga na pakinabang.
^38 (CH)Kaniya namang pinagpapala sila, na anopa't sila'y lubhang nagsisidami;
At hindi tinitiis na ang kanilang kawan ay magkulang.
³⁹ Muli, sila'y nakulangan at nahapay
Sa kapighatian, kabagabagan, at kahirapan.
⁴⁰ Kaniyang ^(CI)ibinubugso ang kadustaan sa mga pangulo,
At kaniyang pinagagala sila sa ilang na walang lansangan.
^41 (CJ)Gayon ma'y iniuupo niya sa mataas ang mapagkailangan mula sa kadalamhatian,
At ginagawan siya ng mga angkan na parang kawan.
⁴² Makikita ng matuwid, at matutuwa;
^(CK)At titikumin ng lahat ng kasamaan ang kaniyang bibig.
^43 (CL)Kung sino ang pantas ay magbulay sa mga bagay na ito,
At kanilang magugunita ang mga kagandahang-loob ng Panginoon.