Chronological

5 Pakinggan mo ang aking mga salita, Oh Panginoon,
Pakundanganan mo ang aking pagbubulaybulay.
² Dinggin mo ang tinig ng aking daing, ^(A)Hari ko, at Dios ko;
Sapagka't ^(B)sa Iyo'y dumadalangin ako.
³ Oh Panginoon, ^(C)sa kinaumagaha'y didinggin mo ang aking tinig;
Sa kinaumagahan ay aayusin ko ang aking dalangin sa iyo, at magbabantay ako.
⁴ Sapagka't ikaw ay di isang Dios na may kaluguran sa kasamaan:
Ang masama ay hindi tatahang kasama mo.
⁵ Ang hambog ay hindi tatayo sa iyong paningin:
Iyong kinapopootan ang lahat na mga manggagawa ng kalikuan.
⁶ Iyong lilipulin sila na nangagsasalita ng mga ^(D)kabulaanan:
^(E)Kinayayamutan ng Panginoon ang taong mabangis at magdaraya,
⁷ Nguni't sa ganang akin, sa kasaganaan ng iyong kagandahang-loob ay papasok ako sa iyong bahay;
^(F)Sa takot sa iyo ay sasamba ako sa dako ng iyong banal na templo.
^8 (G)Patnubayan mo ako, Oh Panginoon, sa iyong katuwiran dahil sa aking mga kaaway;
Patagin mo ang iyong daan sa harapan ko.
⁹ Sapagka't walang pagtatapat sa kanilang bibig;
Ang kanilang kalooban ay tunay na kasamaan;
Ang kanilang lalamunan ay bukas na ^(H)libingan;
Sila'y nanganunuya ng kanilang dila.
¹⁰ Bigyan mong sala sila, Oh Dios;
Ibuwal mo sila sa kanilang sariling mga payo:
Palayasin mo sila sa karamihan ng kanilang mga pagsalangsang;
Sapagka't sila'y nanganghimagsik laban sa iyo,
¹¹ Nguni't iyong pagalakin ang lahat na nagsisipagkanlong sa iyo,
Pahiyawin mo nawa sila sa kagalakan magpakailan man, sapagka't iyong ipinagsasanggalang sila:
Mangagalak nawa rin sa iyo ang nagsisiibig ng iyong pangalan.
¹² Sapagka't iyong pagpapalain ang matuwid;
Oh Panginoon, lilibirin mo siya ng paglingap ^(I)na gaya ng isang kalasag.

38 Oh Panginoon, ^(B)huwag mo akong sawayin sa iyong pagiinit:
Ni parusahan mo man ako sa iyong mahigpit na sama ng loob.
² Sapagka't ang ^(C)iyong mga pana ay nagsitimo sa akin,
At ^(D)pinipisil akong mainam ng iyong kamay.
³ Walang kagalingan sa aking laman dahil sa iyong pagkagalit;
^(E)Ni may kaginhawahan man sa aking mga buto dahil sa aking kasalanan.
⁴ Sapagka't ang ^(F)aking mga kasamaan ay nagsidaan sa ibabaw ng aking ulo:
Gaya ng isang pasang mabigat ay ^(G)napakabigat sa akin.
^5 (H)Ang aking mga sugat ay mabaho, at putokputok,
Dahil sa aking kamangmangan.
⁶ Ako'y nahirapan at ako'y ^(I)nahukot;
Ako'y tumatangis buong araw.
⁷ Sapagka't ang aking mga balakang ay lipos ng hirap;
At walang kagalingan sa aking laman.
⁸ Ako'y nanglalata, at bugbog na mainam:
^(J)Ako'y umangal dahil sa kaba ng aking loob.
⁹ Panginoon, lahat ng aking nais ay nasa harap mo;
At ang aking hibik ay hindi lingid sa iyo.
¹⁰ Ang aking loob ay kakabakaba, ang aking kalakasan ay nanglalata:
Tungkol sa ^(K)liwanag ng aking mga mata, ay napawi rin ito sa akin.
^11 (L)Ang mga mangliligaw at mga kaibigan ko ay nangatayong malayo sa aking paghihirap;
At ang aking mga kamaganak ^(M)ay nakalayo.
¹² Sila namang nangaguusig ng aking buhay ay ^(N)nangaglagay ng mga silo na ukol sa akin;
^(O)At silang nagsisihanap ng aking ikapapahamak ay nangagsasalita ng mga masasamang bagay,
At nangagiisip ng pagdaraya buong araw.
¹³ Nguni't ako'y gaya ng binging tao, na hindi nakakarinig;
^(P)At ako'y gaya ng piping tao, na hindi ibinubuka ang kaniyang bibig.
¹⁴ Oo, ako'y gaya ng tao na hindi nakakarinig,
At sa kaniyang bibig ay walang mga kasawayan.
¹⁵ Sapagka't sa iyo, Oh Panginoon ay umaasa ako:
Ikaw ay sasagot, Oh Panginoon kong Dios.
¹⁶ Sapagka't aking sinabi: ^(Q)Baka ako'y kagalakan nila:
Pagka ang aking paa ay nadudulas, ay nagsisipagmataas sila laban sa akin.
¹⁷ Sapagka't ako'y madali ng mahulog,
At ang aking kapanglawan ay laging nasa harap ko.
¹⁸ Sapagka't aking ipahahayag ang aking kasamaan;
^(R)Aking ikamamanglaw ang aking kasalanan.
¹⁹ Nguni't ang aking mga kaaway ay buháy at malalakas:
At silang nangagtatanim sa akin na may kamalian ay ^(S)dumami.
^20 (T)Sila namang nangagbabayad ng kasamaan sa mabuti
Ay mga kaaway ko, ^(U)sapagka't aking sinunod ang bagay na mabuti.
²¹ Huwag mo akong pabayaan, Oh Panginoon:
Oh Dios ko, huwag kang lumayo sa akin.
²² Magmadali kang tulungan mo ako,
Oh Panginoon na aking kaligtasan.

41 ^(A)Mapalad siya na ^(B)nagpapakundangan sa dukha:
^(C)Ililigtas siya ng Panginoon sa panahon ng kaligaligan.
² Pananatilihin siya, at iingatan siyang buháy ng Panginoon,
At siya'y pagpapalain sa ibabaw ng lupa;
^(D)At huwag mong ibigay siya sa kalooban ng kaniyang mga kaaway.
³ Aalalayan siya ng Panginoon sa hiligan ng panghihina:
Iyong inaayos ang buo niyang higaan sa kaniyang pagkakasakit.
⁴ Aking sinabi, Oh Panginoon, maawa ka sa akin:
^(E)Pagalingin mo ang aking kaluluwa; sapagka't ako'y nagkasala laban sa iyo.
⁵ Ang aking mga kaaway ay nangagsasalita ng kasamaan laban sa akin, na nangagsasabi,
Kailan siya mamamatay, at mapapawi ang kaniyang pangalan?
⁶ At kung siya'y pumaritong tingnang ako ^(F)siya'y nagsasalita ng walang kabuluhan;
Ang kaniyang puso ay nagpipisan ng kasamaan sa kaniyang sarili;
Pagka siya'y lumabas, isinasaysay niya.
⁷ Yaong lahat na nangagtatanim sa akin ay nangagbubulong-bulungan laban sa akin:
Laban sa akin ay nagsisikatha ng panghamak.
⁸ Isang masamang sakit, wika nila, ay kumapit na madali sa kaniya;
At ngayon siyang nahihiga ay hindi na babangon pa.
^9 (G)Oo, ang aking kasamasamang kaibigan, na aking tiniwalaan,
Na kumain ng aking tinapay,
Nagtaas ng kaniyang sakong laban sa akin.
¹⁰ Nguni't ikaw, Oh Panginoon, maawa ka sa akin, at ibangon mo ako,
Upang aking magantihan sila.
¹¹ Sa pamamagitan nito ay natatalastas ko na nalulugod ka sa akin,
Sapagka't ang aking kaaway ay hindi nagtatagumpay sa akin.
¹² At tungkol sa akin, iyong inaalalayan ako ^(H)sa aking pagtatapat,
At ^(I)inilalagay mo ako sa harap ng iyong mukha magpakailanman.
^13 (J)Purihin ang Panginoon, ang Dios ng Israel,
Mula sa walang pasimula at hanggang sa walang hanggan.
^(K)Siya nawa, at Siya nawa.

42 Kung paanong humihingal ang usa sa pagkauhaw sa tubig ^(L)ng mga batis,
Gayon humihingal ang aking kaluluwa sa pagkasabik sa iyo, Oh Dios.
^2 (M)Kinauuhawan ng aking kaluluwa ang Dios, ^(N)ang buháy na Dios:
Kailan ako paririto, ^(O)at haharap sa Dios?
³ Ang aking mga luha ay ^(P)naging aking pagkain araw at gabi,
^(Q)Habang kanilang sinasabing lagi sa akin, Saan nandoon ang iyong Dios?
⁴ Ang mga bagay na ito ay aking naaalaala, at ^(R)nanglulumo ang aking kaluluwa sa loob ko,
^(S)Kung paanong ako'y nagpatuloy sa karamihan, ^(T)at pinatnubayan ko sila sa bahay ng Dios,
Na may tinig ng kagalakan at pagpupuri, na isang karamihan na nagdidiwang ng kapistahan.
^5 (U)Bakit ka nanglulumo, Oh kaluluwa ko?
At bakit ka nababagabag sa loob ko?
Umasa ka sa Dios: sapagka't pupuri pa ako sa kaniya
Dahil sa kagalingan ng kaniyang mukha.
⁶ Oh Dios ko, ang aking kaluluwa ay nanglulumo sa loob ko;
Kaya't aking inaalaala ka ^(V)mula sa lupain ng Jordan,
At ng ^(W)Hermonitas, mula sa burol ng Mizhar.
^7 (X)Kalaliman ay tumatawag sa kalaliman sa hugong ng iyong mga baha:
^(Y)Lahat ng iyong alon at ang iyong malaking alon ay nagsitabon sa akin.
⁸ Gayon ma'y ^(Z)uutusan ng Panginoon ang kaniyang kagandahang-loob sa araw,
At ^(AA)sa gabi ay sasa akin ang awit sa kaniya,
Sa makatuwid baga'y isang dalangin sa Dios ng aking buhay.
⁹ Aking sasabihin sa Dios na aking ^(AB)malaking bato, Bakit mo ako kinalimutan?
Bakit ako'y yayaong tumatangis dahil sa pagpighati ng kaaway?
¹⁰ Na wari tabak sa aking mga buto, na tinutuya ako ng aking mga kaaway;
^(AC)Habang sinasabi nilang lagi sa akin, Saan nandoon ang iyong Dios?
^11 (AD)Bakit ka nanglulumo, Oh kaluluwa ko?
At bakit ka nababagabag sa loob ko?
Umasa ka sa Dios: sapagka't pupuri pa ako sa kaniya,
Na siyang kagalingan ng aking mukha, at aking Dios.