Chronological

108 Ang aking ^(A)puso'y matatag, Oh Dios;
Ako'y aawit, oo, ako'y aawit ng mga pagpuri, ng aking kaluwalhatian.
² Kayo'y gumising, salterio at alpa:
Ako ma'y gigising na maaga.
³ Ako'y magpapasalamat sa iyo, Oh Panginoon, sa gitna ng mga bayan:
At ako'y aawit ng mga pagpuri sa iyo sa gitna ng mga bansa.
^4 (B)Sapagka't ang iyong kagandahang-loob ay dakila sa itaas sa mga langit,
At ang iyong katotohanan ay umaabot sa mga ^(C)alapaap.
⁵ Mabunyi ka, Oh Dios, sa itaas sa mga langit:
At ang iyong kaluwalhatian sa ibabaw ng buong lupa.
^6 (D)Upang ang iyong minamahal ay maligtas,
Magligtas ka ng iyong kanan, at sagutin mo kami.
⁷ Nagsalita ang Dios sa kaniyang kabanalan; ako'y magsasaya:
Aking hahatiin ang Sichem, at susukatin ko ang libis ng Sucoth.
⁸ Galaad ay akin; Manases ay akin;
Ang Ephraim naman ay sanggalang ng aking ulo:
Juda'y aking cetro.
⁹ Moab ay aking hugasan;
Sa Edom ay ihahagis ko ang aking panyapak:
^(E)Sa Filistia ay hihiyaw ako.
¹⁰ Sinong magpapasok sa akin sa ^(F)bayang nakukutaan?
Sinong papatnubay sa akin hanggang sa Edom?
¹¹ Hindi ba ikaw Oh Dios na nagtakuwil sa amin,
^(G)At hindi lumalabas, Oh Dios, na kasama ng aming mga hukbo?
¹² Gawaran mo kami ng tulong laban sa kaaway;
Sapagka't walang kabuluhan ang tulong ng tao.
^13 (H)Sa tulong ng Dios ay gagawa kaming may katapangan:
Sapagka't siya ang yayapak sa aming mga kaaway.

109 Huwag kang mapayapa, ^(I)Oh Dios na aking kapurihan;
² Sapagka't ang bibig ng masama at ang bibig ng magdaraya ay ibinuka nila laban sa akin:
Sila'y nangagsalita sa akin na may sinungaling na dila.
³ Kanilang kinulong ako sa palibot ng mga salitang pagtatanim,
At nagsilaban sa akin ^(J)ng walang kadahilanan.
⁴ Sa kabayaran ng aking pagibig ay mga kaaway ko sila:
Nguni't ako'y tumatalaga sa dalangin.
⁵ At iginanti nila sa akin ay kasamaan sa mabuti,
At pagtatanim sa pagibig ko.
^6 (K)Lagyan mo ng masamang tao siya:
At tumayo nawa ang isang ^(L)kaaway sa kaniyang kanan.
^7 (M)Pagka siya'y nahatulan, lumabas nawa siyang salarin;
At maging kasalanan nawa ang ^(N)kaniyang dalangin.
^8 (O)Maging kaunti nawa ang kaniyang mga kaarawan;
At kunin nawa ng iba ang kaniyang katungkulan.
^9 (P)Maulila nawa ang kaniyang mga anak,
At mabao ang kaniyang asawa.
^10 (Q)Magsilaboy nawa ang kaniyang mga anak, at mangagpalimos;
At hanapin nila ang kanilang pagkain sa kanilang mga dakong guho.
¹¹ Kunin nawa ng manglulupig ang lahat niyang tinatangkilik;
At samsamin ng mga ^(R)taga ibang lupa ang kaniyang mga gawa.
¹² Mawalan nawa ng maawa sa kaniya;
At mawalan din ng maawa sa kaniyang mga anak na ulila.
¹³ Mahiwalay nawa ang ^(S)kaniyang kaapuapuhan;
Sa lahing darating ay mapawi ang kaniyang pangalan.
^14 (T)Maalaala nawa ng Panginoon ang kasamaan ng kaniyang mga magulang;
At huwag mapawi ang kasalanan ng kaniyang ina,
¹⁵ Mangalagay nawa silang lagi sa harap ng Panginoon,
Upang ihiwalay ^(U)niya ang alaala sa kanila sa lupa.
¹⁶ Sapagka't hindi niya naalaalang magpakita ng kaawaan,
Kundi hinabol ang ^(V)dukha at mapagkailangan,
At ang may bagbag na puso, upang patayin.
^17 (W)Oo, kaniyang inibig ang sumpa, at dumating sa kaniya;
At hindi siya nalulugod sa pagpapala, at malayo sa kaniya.
^18 (X)Nagsusuot naman siya ng sumpa na parang kaniyang damit,
At nasok sa kaniyang mga loob na bahagi na parang tubig,
At parang langis sa kaniyang mga buto.
¹⁹ Sa kaniya'y maging gaya nawa ng balabal na ibinabalabal,
At gaya ng bigkis na ibinibigkis na lagi.
²⁰ Ito ang kagantihan sa aking mga kaaway na mula sa Panginoon,
At sa kanilang nangagsasalita ng kasamaan laban sa aking kaluluwa.
²¹ Nguni't gumawa kang kasama ko, Oh Dios na Panginoon, ^(Y)alang-alang sa iyong pangalan:
^(Z)Sapagka't ang iyong kagandahang-loob ay mabuti, iligtas mo ako,
²² Sapagka't ako'y dukha at mapagkailangan,
At ang aking puso ay nasaktan sa loob ko.
²³ Ako'y yumayaong ^(AA)gaya ng lilim pagka kumikiling:
Ako'y itinataas at ibinababa ng hangin na parang balang.
²⁴ Ang aking mga ^(AB)tuhod ay mahina sa pagaayuno,
At ang aking laman ay nagkukulang ng katabaan.
²⁵ Ako nama'y naging ^(AC)kadustaan sa kanila:
Pagka kanilang nakikita ako, kanilang ^(AD)pinagagalawgalaw ang kanilang ulo.
^26 (AE)Tulungan mo ako, Oh Panginoon kong Dios;
Oh iligtas mo ako ayon sa iyong kagandahang-loob:
²⁷ Upang kanilang maalaman na ito'y iyong kamay;
Na ikaw, Panginoon, ang may gawa.
²⁸ Sumumpa sila, nguni't magpapala ka:
Pagka sila'y nagsibangon, sila'y mangapapahiya,
Nguni't ang iyong lingkod ay ^(AF)magagalak.
^29 (AG)Manamit ng kasiraang puri ang mga kaaway ko,
At matakpan sila ng kanilang sariling kahihiyan na parang balabal.
³⁰ Ako'y magpapasalamat ng marami ng aking bibig sa Panginoon;
Oo, aking pupurihin ^(AH)siya sa gitna ng karamihan.
³¹ Sapagka't ^(AI)siya'y tatayo sa kanan ng mapagkailangan,
Upang iligtas sa kanilang nagsisihatol ng kaniyang kaluluwa.

110 ^(AJ)Sinabi ng Panginoon sa aking panginoon,
Umupo ka ^(AK)sa aking kanan,
^(AL)Hanggang sa aking gawing tungtungan mo ang iyong mga kaaway.
² Pararatingin ng Panginoon ^(AM)ang setro ng iyong kalakasan ^(AN)mula sa Sion:
Magpuno ka sa gitna ng iyong mga kaaway.
³ Ang bayan mo'y naghahandog na kusa
Sa kaarawan ng iyong kapangyarihan, sa kagandahan ng kabanalan:
Mula sa bukang liwayway ng umaga,
Ikaw ay may hamog ng iyong kabinataan.
^4 (AO)Sumumpa ang Panginoon, at hindi magsisisi,
^(AP)Ikaw ay ^(AQ)saserdote ^(AR)magpakailan man
Ayon sa pagkasaserdote ni ^(AS)Melchisedech.
⁵ Ang Panginoon ^(AT)sa iyong kanan ay
Hahampas sa mga hari ^(AU)sa kaarawan ng kaniyang poot.
⁶ Siya'y hahatol sa gitna ng mga bansa,
Kaniyang pupunuin ng mga bangkay ang mga pook;
^(AV)Siya'y manghahampas ng ulo sa maraming lupain.
⁷ Siya'y iinom ^(AW)sa batis sa daan:
Kaya't siya'y magtataas ng ulo.