Chronological

Ang Panginoon lamang ang iisang Dios.

44 Gayon ma'y dinggin mo ngayon, Oh ^(A)Jacob na aking lingkod, at Israel, na aking pinili:

² Ganito ang sabi ng Panginoon na lumalang sa iyo, at nagbigay anyo ^(B)sa iyo mula sa bahay-bata, na siyang tutulong sa iyo; ^(C)Ikaw ay huwag matakot, Oh Jacob na aking lingkod; at ikaw ^(D)Jeshurun, na aking pinili.

³ Sapagka't ^(E)ipagbubuhos ko ng tubig siya na uhaw, at ng mga bukal ang tuyong lupa; aking ibubuhos ang aking Espiritu sa iyong lahi, at ang aking pagpapala sa iyong suwi:

⁴ At sila'y sisibol sa gitna ng damo, gaya ng mga sauce sa tabi ng mga batis.

⁵ Sasabihin ng isa, Ako'y sa Panginoon; at magpapangalan ang iba ng pangalang Jacob; at magsusulat ang iba ng kaniyang kamay ng sa Panginoon, at magpapamagat ^(F)ng pangalan ng Israel.

⁶ Ganito ang sabi ng Panginoon, ng Hari ng Israel, at ng kaniyang Manunubos, na Panginoon ng mga hukbo, ^(G)Ako ang una, at ako ang huli; at ^(H)liban sa akin ay walang Dios.

⁷ At sino, na gaya ko, tatawag, at ^(I)magpapahayag, at magaayos sa ganang akin, mula nang aking itatag ang matandang bayan? at ang mga bagay na dumarating, at ang mangyayari, ay ipahahayag nila.

⁸ Kayo'y huwag mangatakot, o magsipangilabot man: ^(J)hindi ko baga ipinahayag sa iyo nang una, at ipinakilala? at ^(K)kayo ang aking mga saksi. May Dios baga liban sa akin? oo, walang malaking Bato; ako'y walang nakikilalang iba.

Inilarawan ang kahangalan ng idolatria.

^9 (L)Silang nangagbibigay anyo sa larawang inanyuan ay walang kabuluhan silang lahat; at ang kanilang mga bagay na kinaluluguran ay hindi mapapakinabangan: at ang kanilang sariling mga saksi ay ^(M)hindi nangakakakita, o nangakakaalam man: upang sila'y mangapahiya.

¹⁰ Sino ang naganyo sa isang dios, o bumubo ng larawang inanyuan ^(N)na di pakikinabangan sa anoman?

¹¹ Narito, lahat niyang kasama ay mangapapahiya; at ang mga manggagawa ay sa mga tao: mapisan sila, magsitayo sila; sila'y mangatatakot, sila'y mangahihiyang magkakasama.

¹² Ang panday bakal ay gumagawa ng palakol, at ^(O)gumagawa sa mga baga, at inaanyuan yaon sa pamamagitan ng mga pamukpok, at ginagawa yaon ng kaniyang malakas na bisig: oo, siya'y gutom, at ang kaniyang lakas ay nawawala; siya'y hindi umiinom ng tubig, at patá.

¹³ Naguunat ang anluwagi ng isang pising panukat; kaniyang tinatandaan ng lapis; kaniyang inaanyuan sa pamamagitan ng mga katam, at kaniyang tinatandaan ng mga kompas, at inaanyuan ng ayon sa anyo ng tao, ayon sa kagandahan ng tao, upang tumahan sa bahay.

¹⁴ Pumuputol siya sa ganang kaniya ng mga cedro, at kumukuha ng puno ng roble at ng encina, at pinatitibay sa ganang kaniyang sarili ang isa sa gitna ng mga punong kahoy sa gubat: siya'y nagtatanim ng puno ng abeto, at yao'y kinakandili ng ulan.

¹⁵ Kung magkagayo'y ilalaan sa tao upang ipanggatong; at kumukuha siya niyaon, at nagpapainit; oo, kaniyang pinaliliyaban yaon, at ipinagluluto ng tinapay: oo, kaniyang ginagawang isang dios, at sinasamba; ginagawa niyang larawang inanyuan, at ^(P)pinagpapatirapaan.

¹⁶ Kaniyang iginagatong ang bahagi niyaon sa apoy; ang bahagi niyaon ay ikinakain niya ng karne; siya'y nagiihaw ng iihawin, at nabubusog: oo, siya'y nagpapainit, at nagsasabi, Aha, ako'y naiinitan, aking nakita ang apoy:

¹⁷ At ang labis niyaon ay ginagawa niyang dios, sa makatuwid baga'y kaniyang larawang inanyuan: kaniyang pinagpapatirapaan at sinasamba, at dinadalanginan, at nagsasabi, Iligtas mo ako; sapagka't ikaw ay aking dios.

^18 (Q)Hindi sila mangakakaalam, o nagsisigunita man: sapagka't ipinikit niya ang kanilang mga mata, upang sila'y huwag mangakakita; at ang kanilang mga puso, upang huwag silang mangakaunawa.

¹⁹ At walang nagpapaalaala o mayroon mang kaalaman, o unawa upang magsabi, Aking iginatong ang bahagi niyaon sa apoy; oo, ako naman ay nagluto ng tinapay sa mga baga niyaon; ako'y nagihaw ng karne at kinain ko: at gagawin ko baga ang nalabi niyaon na pinaka kasuklamsuklam? magpapatirapa baga ako sa puno ng isang punong kahoy?

²⁰ Siya'y kumain ng abo: iniligaw siya ng ^(R)nadayang puso, at hindi niya mailigtas ang kaniyang kaluluwa, o makapagsabi, Wala bagang ^(S)kabulaanan sa aking kanang kamay?

Inililigtas ng Panginoon ang kaniyang bayan.

²¹ Iyong alalahanin ang mga bagay na ito, Oh Jacob, at Israel; sapagka't ^(T)ikaw ay aking lingkod: aking inanyuan ka; ikaw ay aking lingkod: Oh Israel, ikaw ay hindi ko malilimutan.

²² Aking pinawi na ^(U)parang masinsing ulap ang iyong mga pagsalangsang, at, parang alapaap, ang iyong mga kasalanan: manumbalik ka sa akin; sapagka't tinubos ^(V)kita.

²³ Magsiawit, Oh ^(W)kayong mga langit, sapagka't nilikha ng Panginoon; kayo'y magsihiyaw, ^(X)mga lalong mababang bahagi ng lupa: kayo'y magbiglang magsiawit, kayong mga bundok, Oh gubat, at bawa't punong kahoy na nandiyan: sapagka't tinubos ng Panginoon ang Jacob, at magpapakaluwalhati sa Israel.

²⁴ Ganito ang sabi ng Panginoon, ng ^(Y)iyong Manunubos, at niyang ^(Z)naganyo sa iyo mula sa bahay-bata, Ako ang Panginoon na gumagawa ng lahat na bagay; na naglaladlad, na magisa ng langit; na naglalatag ng lupa;

²⁵ Na sumisira ng mga tanda ng mga sinungaling, at ^(AA)nagpapaging ulol sa mga manghuhula; na nagpapaurong sa mga pantas, at ^(AB)nagpapaging kamangmangan ng kanilang kaalaman;

²⁶ Na nagpapatatag ng salita ng ^(AC)kaniyang lingkod, at nagsasagawa ng payo ng kaniyang mga sugo; na nagsasabi ng tungkol sa Jerusalem, Siya'y tatahan; at tungkol sa mga bayan ng Juda, Mangatatayo, at aking ibabangon ang mga sirang dako niyaon:

²⁷ Na nagsasabi sa kalaliman, ^(AD)Ikaw ay matuyo, at aking tutuyuin ang iyong mga ilog;

²⁸ Na nagsasabi tungkol kay ^(AE)Ciro, Siya'y aking pastor, at isasagawa ang lahat kong kaligayahan: na nagsasabi nga rin tungkol sa Jerusalem, ^(AF)Siya'y matatayo; at sa templo, Ang iyong patibayan ay malalagay.

Kaniyang sinugo si Ciro upang maging tagapagligtas ng mga nasa pagkakabihag.

45 Ganito ang sabi ng Panginoon sa ^(AG)kaniyang pinahiran ng langis, kay Ciro, na ang kanang kamay ay aking hinawakan, ^(AH)upang magpasuko ng mga bansa sa harap niya; at aking kakalagan ang mga balakang ng mga hari; upang magbukas ng mga pintuan sa unahan niya, at ang mga pintuang-bayan ay hindi masasarhan;

² Ako'y magpapauna sa iyo, ^(AI)at, papatagin ko ang mga bakobakong dako: ^(AJ)aking pagwawaraywarayin ang mga pintuang tanso, at aking puputulin ang mga halang na bakal:

³ At ibibigay ko sa iyo ang mga ^(AK)kayamanang nasa kadiliman, at ang mga natatagong kayamanan sa mga lihim na dako, upang inyong maalaman na ako ang Panginoon ^(AL)na tumatawag sa iyo sa inyong pangalan, sa makatuwid baga'y ang ^(AM)Dios ng Israel.

⁴ Dahil sa Jacob na ^(AN)aking lingkod, at sa Israel na aking pinili tinawag kita sa iyong pangalan: aking ^(AO)pinamagatan ka, bagaman hindi mo nakilala ako.

⁵ Ako ang Panginoon, ^(AP)at walang iba; liban sa akin ay walang Dios. Aking bibigkisan ka, bagaman hindi mo ako nakilala,

⁶ Upang kanilang maalaman ^(AQ)mula sa sikatan ng araw, at mula sa kalunuran, na walang iba liban sa akin: ako ang Panginoon, at walang iba.

⁷ Aking inilalagay ang liwanag, at nililikha ko ang kadiliman; ako'y gumagawa ng kapayapaan, at ^(AR)lumilikha ako ng kasamaan; ako ang Panginoon, na gumagawa ng lahat na bagay na ito.

⁸ Maghulog, oh kayong mga langit mula sa itaas, at ang alapaap ay pumatak ng katuwiran: bumuka ang lupa, upang maglabas siya ng kaligtasan, at ang katuwiran ay lumabas na kasama niyaon; akong Panginoon ang lumikha.

⁹ Sa aba niya, na nakikipagpunyagi sa May-lalang sa kaniya! isang bibinga sa gitna ng mga bibinga sa lupa! ^(AS)Magsasabi baga ang putik sa nagbibigay anyo sa kaniya, Anong ginagawa mo? o ang iyong gawa, Siya'y walang mga kamay?

¹⁰ Sa aba niya na nagsasabi sa ama, Ano ang naging anak mo? o sa babae, Ano ang ipinagdamdam mo?

¹¹ Ganito ang sabi ng Panginoon, ng Banal ng Israel, at ng May-lalang sa kaniya, Magtanong ka sa akin tungkol sa mga bagay na darating; tungkol ^(AT)sa aking mga anak, at tungkol ^(AU)sa gawa ng aking mga kamay, magutos kayo sa akin.

¹² Aking ginawa ang lupa, at ^(AV)nilalang ko ang tao rito: ako, sa makatuwid baga'y ang aking mga kamay, nagladlad ng langit, at ^(AW)sa lahat ng natatanaw roon ay nagutos ako.

¹³ Aking ibinangon ^(AX)siya sa katuwiran, at aking tutuwirin ang lahat niyang lakad; ^(AY)kaniyang itatayo ang aking bayan, at kaniyang palalayain ang aking mga natapon, ^(AZ)hindi sa halaga o sa kagantihan man, sabi ng Panginoon ng mga hukbo.

Ang Panginoon lamang ang tagapagligtas.

¹⁴ Ganito ang sabi ng Panginoon, ^(BA)Ang yari ng Egipto, at ang kalakal ng Etiopia, at ang mga Sabeo, sa mga taong matatangkad, ay magsisiparito sa iyo, at sila'y magiging iyo; sila'y magsisisunod sa iyo, sila'y ^(BB)magsisidaang may tanikala; at sila'y mangagpapatirapa sa iyo, sila'y magsisipamanhik sa iyo, na mangagsasabi, ^(BC)Tunay na ang Dios ay nasa iyo; at ^(BD)walang ibang Dios.

¹⁵ Katotohanang ikaw ay Dios ^(BE)na nagkukubli, Oh Dios ng Israel, na Tagapagligtas.

¹⁶ Sila'y mangapapahiya, oo, mangalilito silang lahat; sila'y magsisipasok sa pagkalito na magkakasama na mga manggagawa ng mga diosdiosan.

¹⁷ Nguni't ang Israel ay ililigtas ng Panginoon ng walang hanggang kaligtasan: kayo'y hindi mangapapahiya o mangalilito man magpakailan man.

¹⁸ Sapagka't ganito ang sabi ng Panginoon ^(BF)na lumikha ng langit, na siyang Dios na nag-anyo sa lupa at gumawa niyaon, na kaniyang itinatag, at hindi niya nilikha na sira, na kaniyang inanyuan upang tahanan: ako ang Panginoon; at wala nang iba.

¹⁹ Ako'y hindi nagsalita ^(BG)ng lihim, sa dako ng lupain ng kadiliman; hindi ako nagsabi sa lahi ni Jacob, Hanapin ninyo ako ng walang kabuluhan: ^(BH)akong Panginoon ay nagsasalita ng katuwiran, ^(BI)ako'y nagpapahayag ng mga bagay na matuwid.

²⁰ Kayo'y mangagpipisan at magsiparito; magsilapit kayong ^(BJ)magkakasama, kayong mga nakatanan sa mga bansa: ^(BK)sila'y walang kaalaman na nangagdadala ng kahoy ng kanilang larawang inanyuan, at ^(BL)nagsisidalangin sa dios na hindi makapagliligtas.

²¹ Kayo'y mangagpahayag, at mangagpasapit; oo, magsanggunian silang magkakasama: sinong nagpakilala nito mula nang mga unang panahon? sinong nagpahayag niyaon nang una? hindi baga ang Panginoon? at ^(BM)walang Dios liban sa akin: isang ganap na Dios at ^(BN)Tagapagligtas; walang iba liban sa akin.

²² Kayo'y magsitingin sa akin, ^(BO)at kayo'y mangaligtas, lahat na taga wakas ng lupa: sapagka't ako'y Dios, at walang iba liban sa akin.

^23 (BP)Ako'y sumumpa ng aking sarili, ang salita ay nakabitaw sa aking bibig sa katuwiran, at hindi babalik, ^(BQ)na sa akin ay luluhod ang bawa't tuhod, ^(BR)bawa't dila ay susumpa.

²⁴ Sa Panginoon lamang, sasabihin ng isa tungkol sa akin, ang katuwiran at kalakasan: sa makatuwid baga'y sa kaniya magsisiparoon ang mga tao, at ang lahat na nagiinit laban sa kaniya ay mangapapahiya.

²⁵ Sa Panginoon ay aariing ganap ang buong lahi ng Israel, at luluwalhati.

Pinagparis ang idolo ng Babilonia at ang Panginoon ng Israel.

46 Si Bel ay nagpapatirapa, sa Nebo ay ^(BS)yumuyukod; ang kanilang mga diosdiosan ay pasan sa ibabaw ng mga hayop, at sa ibabaw ng mga baka: ang mga bagay na inyong daladalang inilibot ay mabigat na pasan sa pagod na hayop.

² Sila'y yumuyukod, sila'y nangagpapatirapang magkakasama; hindi nila maiwasan ang pasan, kundi sila ma'y napapasok sa pagkabihag.

³ Inyong dinggin ako, Oh sangbahayan ni Jacob, at ^(BT)lahat na nalabi sa sangbahayan ni Israel, ^(BU)na kinalong ko mula sa tiyan, na dala mula sa bahay-bata:

⁴ At hanggang sa katandaan ay ^(BV)ako nga, at hanggang sa magka uban ay dadalhin kita; aking ginawa, at aking dadalhin; oo, aking dadalhin, at aking ililigtas.

⁵ Kanino ninyo ako itutulad, at ipaparis, at iwawangis ako, upang kami ay magkagaya?

⁶ Sila'y dumudukot ng maraming ginto sa supot, ^(BW)at tumitimbang ng pilak sa timbangan, sila'y nagsisiupa ng panday-ginto, at kaniyang ginagawang dios; ^(BX)sila'y nangagpapatirapa, oo, sila'y nagsisisamba.

⁷ Pinapasan nila siya sa balikat, ^(BY)dinadala nila siya, at inilalagay siya sa kaniyang dako, at siya'y nakatayo; mula sa kaniyang dako ay hindi siya makikilos: ^(BZ)oo, may dadaing sa kaniya, gayon ma'y hindi siya makasasagot, o makapagliligtas man sa kaniya sa kaniyang kabagabagan.

⁸ Inyong alalahanin ito, at ^(CA)mangagpakalalake kayo: isaisip ninyo uli, Oh ninyong mga mananalangsang.

⁹ Inyong alalahanin ang mga ^(CB)dating bagay ng una: sapagka't ako'y Dios, ^(CC)at walang iba liban sa akin; ako'y Dios, at walang gaya ko;

^10 (CD)Na nagpapahayag ng wakas mula sa pasimula, at mula nang mga unang panahon, ng mga bagay na hindi pa nangyayari; na nagsasabi, ^(CE)Ang payo ko ay mananayo, ^(CF)at gagawin ko ang aking buong kaligayahan:

¹¹ Na tumatawag ng ibong mangdadagit ^(CG)mula sa silanganan, ng taong gumagawa ng aking payo mula sa malayong lupain; oo, ^(CH)aking sinalita, akin namang papangyayarihin; aking, pinanukala, akin namang gagawin.

¹² Inyong dinggin ako, ninyong may mapagmatigas na loob; na malayo sa katuwiran:

¹³ Aking inilalapit ang ^(CI)aking katuwiran, hindi maglalaon at ang aking pagliligtas ay ^(CJ)hindi magluluwat: at aking ilalagay ang ^(CK)kaligtasan sa Sion na ukol sa Israel na aking kaluwalhatian.

Ang hatol ng Panginoon sa Babilonia ay sinabi.

47 Ikaw ay bumaba, ^(CL)at umupo sa alabok, Oh ^(CM)anak na dalaga ng Babilonia; lumagmak ka sa lupa na walang luklukan, Oh ^(CN)anak na babae ng mga Caldeo: sapagka't hindi ka na tatawaging maselang at mahinhin.

² Ikaw ay kumuha ng gilingang mga bato, ^(CO)at gumiling ka ng harina; magalis ka ng iyong lambong, maghubad ka ng balabal, ^(CP)maglitaw ka ng binti, tumawid ka sa mga ilog.

³ Ang iyong kahubaran ay malilitaw, oo, ang iyong kahihiyan ay makikita, ^(CQ)ako'y manghihiganti, at hindi tatangi ng tao.

⁴ Ang aming Manunubos, ^(CR)ang Panginoon ng mga hukbo ay siyang pangalan niya, ang Banal ng Israel.

⁵ Maupo kang tahimik, at masok ka sa kadiliman, Oh anak na babae ng mga Caldeo: ^(CS)sapagka't hindi ka na tatawagin. Ang mahal na babae ng mga kaharian.

⁶ Ako'y napoot ^(CT)sa aking bayan, ^(CU)aking dinumhan ang aking mana, at ibinigay ko sa iyong kamay: hindi mo pinagpakitaan sila ng kaawaan; ^(CV)sa may katandaan ay pinabigat mong mainam ang iyong atang.

⁷ At iyong sinabi, Ako'y magiging mahal na babae magpakailan man: na anopa't hindi mo ginunita ang mga bagay na ito sa iyong kalooban, o inalaala mo man ^(CW)ang huling wakas nito.

Ang kawalang bisa ng pagasa sa sarili.

⁸ Ngayon nga'y dinggin mo ito, ikaw na hinati sa mga kalayawan, na tumatahang matiwasay, na nagsasabi sa kaniyang puso, ^(CX)Ako nga, at walang iba liban sa akin; ^(CY)hindi ako uupong gaya ng babaing bao, o mararanasan man ang pagkawala ng mga anak:

⁹ Nguni't ang dalawang bagay na ito ay darating sa iyo sa isang sangdali, sa isang araw, ang pagkawala ng mga anak at pagkabao; sa kanilang karamihan ay darating sa iyo, ^(CZ)sa karamihan ng iyong panggagaway, at sa totoong kasaganaan ng iyong mga enkanto.

¹⁰ Sapagka't ikaw ay tumiwala sa iyong kasamaan; iyong sinabi, Walang nakakakita sa akin; ang iyong karunungan at ang iyong kaalaman, nagpaligaw sa iyo: at iyong sinabi sa iyong puso, Ako nga, at walang iba liban sa akin.

¹¹ Kaya't ang kasamaan ay darating sa iyo; hindi mo malalaman ang bukang liwayway niyaon: at kasakunaan ay sasapit sa iyo; hindi mo maaalis: at kagibaan ay darating sa iyong bigla, na hindi mo nalalaman.

^12 (DA)Tumayo ka ngayon sa iyong mga enkanto, at sa karamihan ng iyong panggagaway, na iyong ginawa mula sa iyong kabataan: marahil makikinabang ka, marahil mananaig ka.

¹³ Ikaw ay yamot ^(DB)sa karamihan ng iyong mga payo: ^(DC)magsitayo ngayon ang nanganghuhula sa pamamagitan ng langit, at ng mga bituin, ang mga mangingilala ng tungkol sa buwan, at siyang magligtas sa iyo sa mga bagay na mangyayari sa iyo.

¹⁴ Narito, sila'y magiging ^(DD)gaya ng pinagputulan ng trigo; susunugin sila ng apoy; sila'y hindi makaliligtas sa bangis ng liyab: hindi babaga na mapagpapainitan, o magiging apoy na mauupuan sa harap.

¹⁵ Ganito mangyayari ang mga bagay sa iyo, na iyong ginawa: ^(DE)silang nangalakal sa iyo mula sa iyong kabinataan ay lalaboy bawa't isa ng kaniyang sariling lakad; walang magliligtas sa iyo.

Pinagsalitaan ang Israel dahil sa di pagtatapat.

48 Iyong dinggin ito, Oh sangbahayan ni Jacob, na tinatawag sa pangalan ng Israel, ^(DF)at nagsilabas sa bukal ng Juda; ^(DG)na nagsisumpa sa pangalan ng Panginoon, at nagsibanggit ng ^(DH)Dios ng Israel, nguni't hindi sa katotohanan, o sa katuwiran man.

² (Sapagka't sila'y tinatawag ayon sa bayang banal, at nagsitiwala ^(DI)sa Dios ng Israel; ang Panginoon ng mga hukbo ang kaniyang pangalan):

^3 (DJ)Aking ipinahayag ang mga dating bagay mula nang una; oo, yao'y lumabas sa aking bibig, at aking ipinakilala: biglang ginawa ko, at nangyari.

⁴ Sapagka't nakilala ko, na ikaw ay ^(DK)mapagmatigas, at ang iyong leeg ay parang litid na bakal, at ang iyong noo ay parang tanso:

⁵ Kaya't aking ipinahayag sa iyo mula nang una; bago nangyari ay ipinakilala ko sa iyo: ^(DL)baka iyong sabihin, Mga ginawa ng aking diosdiosan, at ang aking larawang inanyuan, at ang aking larawang binubo, nagutos sa kanila.

⁶ Iyong narinig; tingnan mong lahat ito; at kayo, hindi ba ninyo ipahahayag? Ako'y nagpakita sa iyo ng mga bagong bagay mula sa panahong ito, sa makatuwid baga'y mga kubling bagay na hindi mo naalaman.

⁷ Mga nalikha ngayon, at hindi mula nang una; at bago dumating ang araw na ito ay hindi mo nangarinig; baka iyong sabihin, Narito, aking nangaalaman.

⁸ Oo, hindi mo narinig; oo, hindi mo naalaman; oo, mula nang una ay hindi nabuksan ang iyong pakinig: sapagka't talastas ko na ikaw ay gumawa na totoong may kataksilan, at tinawag na mananalangsang ^(DM)mula sa bahay-bata.

⁹ Dahil ^(DN)sa aking pangalan ay ^(DO)aking iuurong ang aking galit, at dahil sa kapurihan ko ay aking ititigil, upang huwag kitang ihiwalay.

¹⁰ Narito dinalisay ^(DP)kita, nguni't hindi parang pilak; pinili kita sa ^(DQ)hurno ng kadalamhatian.

¹¹ Dahil din sa akin, dahil din sa akin, aking gagawin yaon; ^(DR)sapagka't, bakit lalapastanganin ang aking pangalan? ^(DS)at ang kaluwalhatian ko ay hindi ko ibinigay sa iba.

Ipinangako ang pagkaligtas mula sa Babilonia.

¹² Inyong dinggin ako, Oh Jacob, at Israel na tinawag ko: ^(DT)Ako nga; ^(DU)ako ang una, ako rin ang huli.

¹³ Oo, ang aking kamay ay siyang ^(DV)naglagay ng patibayan ng lupa, at ang aking kanan ay siyang nagladlad ng langit: pagka ako'y tumatawag sa kanila, sila'y nagsisitayong magkakasama.

¹⁴ Kayo'y magpipisan, kayong lahat, at inyong dinggin; ^(DW)sino sa kanila ang nagpahayag ng mga bagay na ito? ^(DX)Siyang iniibig ng Panginoon ay ^(DY)kaniyang tutuparin ang kaniyang kaligayahan sa Babilonia, at bubuhatin niya ang kaniyang kamay sa mga ^(DZ)Caldeo.

¹⁵ Ako, ako nga'y nagsalita; oo, aking tinawag siya; ^(EA)aking dinala siya; at kaniyang pagiginhawahin ang kaniyang lakad.

¹⁶ Kayo'y magsilapit sa akin, inyong dinggin ito; mula sa pasimula ay ^(EB)hindi ako nagsalita ng lihim; mula nang panahon na nangyari ito, nandoon nga ako: at ngayo'y sinugo ako ^(EC)ng Panginoong Dios, at nang kaniyang Espiritu.

¹⁷ Ganito ang sabi ng ^(ED)Panginoon, ng inyong Manunubos, ng Banal ng Israel, Ako ang Panginoon mong Dios, na nagtuturo sa iyo ng mapapakinabangan, na pumapatnubay sa iyo sa daan na iyong marapat na lakaran.

¹⁸ Oh kung dininig mo ang aking mga utos! ^(EE)ang iyo ngang kapayapaan ay naging parang ilog, at ang iyong katuwiran ay parang mga alon sa dagat:

¹⁹ Ang ^(EF)iyo namang lahi ay naging parang buhangin at ang suwi ng iyong tiyan ay parang mga butil niyaon: ang kaniyang pangalan ay hindi mahihiwalay o magigiba man sa harap ko.

²⁰ Kayo'y magsilabas sa Babilonia, ^(EG)inyong takasan ang mga Caldeo; kayo'y mangagpahayag na may tinig ng awitan, inyong saysayin ito, itanyag ninyo hanggang sa wakas ng lupa: inyong sabihin, ^(EH)Tinubos ng Panginoon ang Jacob na kaniyang lingkod.

^21 (EI)At sila'y hindi nangauhaw nang pinapatnubayan niya sila sa mga ilang; ^(EJ)kaniyang pinaagos ang tubig mula sa bato para sa kanila; kaniyang ginuwangan din naman ang bato, at ang tubig ay bumukal.

²² Walang kapayapaan ^(EK)sa masama, sabi ng Panginoon.