◀ All Reading Plans / Revised Common Lectionary (Semicontinuous) / Psalm 97 (Light springs up for the righteous); 2 Kings 17:7-20 (Worshiping other gods); John 6:25-35 (God will feed the believer) (Reimer 2001)
Print Page Options Listen to Psalm 97 (Light springs up for the righteous); 2 Kings 17:7-20 (Worshiping other gods); John 6:25-35 (God will feed the believer)
Previous Prev Day
October 15, 2008 Use the calendar to view readings from this plan.
Next DayNext

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.
Duration: 1245 days
Reimer 2001 (REIMER)
Version
Psalme 97

Dee 97 Psalm

1 Dee Herr Gott rejiat; lot dee Ead froo senne; lot dee Menj Insel froo senne.

2 Wolkje un Diesta sent romm Am; Jerajchtichkjeit un Jerejcht sent dee Gruntloag fonn sien Troon.

3 En Fia jeit fer am un febrent aul siene Fiend runt om.

4 Sien Blitz deit de gaunse Welt oppdache; dee Ead sach un scheddad.

5 Dee Boaj äwa dee gaunse Welt deede schmelte soo aus Waus fer däm Herr Gott sien Jesejcht.

6 De Himmel deit siene Jerajchtichkjeit bekaunt moake un aul dee Mensche seene siene Harlichkjeit.

7 Aul dee, dee Jetta deene schäme sikj, dee sikj selfst puche met äare Jetta, aule Jetta motte sikj fer Am dol bäaje.

8 Zion head un wia Froo; jo, dee Judah Dajchta freide sikj äwa diene Jerejchte, O Herr Gott.

9 Dan Du, Herr Gott, hast dee Ea enn dee gaunse Welt; du best huach oppjehowe äwa aule Jetta.

10 Jie dee däm Herr Gott leef habe, doot daut Beeset hausse; Hee bewoat siene Heilje äare Seel; Hee deit dän ut de Gottloose äare Henj rade.

11 Lijcht woat jeseit fa dee Jerajchte, un Freid fa dän dee opprajcht sent en Hoat.

12 Sie froo enn däm Herr Gott, O jie Jerajchte; jäft Dank fa daut Behoole fonn siene Heilichkjeit.

Error: Book name not found: 2Kgs for the version: Reimer 2001
Jehaun 6:25-35

25 Aus see am aune aundre sied funge, saede see to am: "Meista, waneeha best du haea jekome?"

26 Jesus auntwuad an en saed: "Enn Woarheit, enn Woarheit saj ekj ju: jie seakje mie nich wiel jie Wunndateakjens sage, oba wiel jie fonn daut Brot aute en saut worde.

27 Oabeit nich fa daut Aeta waut fejenklich es, oba fa daut waut bott daut eewje Laewe blift daut de Mensche Saen ju jaewe woat; wiels daem haft Gott de Foda bestaedicht."

28 Donn saede see to am: "Waut sael wie doone omm Gott siene Woakje to wirkje?"

29 Jesus auntwuad en saed to an: "Dit es Gott sien Woakj daut jie aun daem jleewe daem hee jeschekjt haft."

30 Donn saede see to am: "Waut fonn Wunndateakjen deist du wiese daut wie kjenne seene en die jleewe? Waut deist du follbrinje?

31 Onnse Fodasch aute enne Wiltnes daut Mana, soo aus jeschraewe steit: 'Hee jeef an Broot fomm Himel to aeta'".

32 Donn saed Jesus to an: "Enn Woarheit, enn Woarheit saj ekj ju: Mooses jeef ju nich daut Broot fom Himel, oba mien Foda jeft ju daut woare Broot fom Himel.

33 Dan daut Brot fonn Gott es dee waut fom Himel erauf kjemt, en de Welt daut Laewe jeft."

34 Donn saede see to am: "Herr, jef ons emma dit Brot."

35 En Jesus saed to an: "Ekj sie daut Laewesbrot. Waea no mie kjemt, daem woat niemols meeha hungre; en waea aun mie jleeft woat niemols meeha darschte.

Reimer 2001 (REIMER)

Copyright © 2001 by Elmer Reimer

Prev Day Prev Day
Top
Next Day Next Day