Revised Common Lectionary (Semicontinuous)

Dee 19 Psalm

To dän haupt Musikaunt, en Psalm fonn Doft.

¹ Dee Himels behaupte Gott siene Harlijchkjeit, un dee Weltaul behaupt sien Hauntwoakj.

² Dach enn un Dach ut räde dee, Nacht no Nacht brinjt Wissenschoft fäa.

³ Doa es kjeene Räd, un doa sent kjeene Wead wua dän äare Stem nijch to heare es.

⁴ Daen äare Motlien es derjch dee gaunse Welt jegone, un äare Wead bott dee Enje fonne Ead. Enn dän haft hee ne Woninj oppjestalt fa dee Sonn,

⁵ Dee oppkjemt soo aus en Briegaum fonn sien Schorm. Hee freit sikj soo aus en Helt dän Speltstriet to ranne;

⁶ En kjemt fäa fonn daut Enj fonn dee Himels, un sien Krauns es bott daut aundre Enj; un doa es nuscht daut fonn siene Hett festoake es.

⁷ Däm Herr Gott sien Jesats es follkome, un deit dee Seel rade. Däm Herr Gott sien Zeijchnes es Ajcht, un moakt dee Eefeltje Weis.

⁸ Däm Herr Gott siene Fäaschrefte sent rajcht, un moake daut Hoat Froo. Däm Herr Gott siene Aunkommendearunje sent Kloa, dee jäwe Lijcht to dee Uage.

⁹ Däm Herr Gott siene Forjcht es rein, un blift fa emma en emma; däm Herr Gott siene Jerejchte sent Woa, dee sent gaunsentgoa Jerjacht.

¹⁰ Dee ha meeha Weat aus Golt, soogoa ajchtet Golt, un seeta aus Honnijch, un Dreppe fonn Honnijchkorf.

¹¹ Derjch dän es dien Deena jewoarnt; un enn dän jehuarsaum senne es doa grootet Loon.

¹² Wäa kaun aul siene Fäla unjascheede? Rad mie fonn jeheemne Fäla.

¹³ Hool mie uk wajch fonn fäadrenjlijche Sind; lot dän nijch Macht habe äwa mie; dan woa ekj Opprajcht senne, un woa onnschuldijch senne fonn daut grootet Äweträde.

¹⁴ Lot dee Wead ut mien Mul, en daut Bedenkje fonn mien Hoat aunjenäm senne enn dien Aunseene, O Herr Gott, mien Groota Steen un mien Rada.

⁴⁰ Walkje em Folkj, aus see daut heade, saede: "Dis Maun es werklich dee Profeet!."

⁴¹ Aundre saede: "Dit es dee Christ." Oba aundre saede: "De Christus woat doch nich ut Galilaea kome, woat hee?

⁴² Steit et nich jeschraewe daut dee Christus ut Doft sien Some kjemt, en ut dee Staut Betlehem, wua Doft wond?"

⁴³ Aulso wea doa ne onneenichkjeit tweeschen de Mensche aewa am.

⁴⁴ Doa weare soone dee am wulle faustnaeme; oba kjeena laed de Henj opp am.

⁴⁵ Donn kjeeme dee Tempelwajchta no de Huagepriestas en Farisaea; dee saede to an: "Wuaromm ha jie am nich jebrocht?"

⁴⁶ Dee Tempelwajchta saede to an: "Noch nie haft en Mensch so jeraet aus dis Mensch."

⁴⁷ Donn auntwuade de Farisaea: "Se jie uk fefeat?

⁴⁸ Jleeft irjent en Faeaschta oda Farisaea aun am?

⁴⁹ Oba dit Folkj daut nuscht fom Jesats weet es feflucht!"

⁵⁰ Nikodeemus saed to an: (eena fonn an dee eara wea enne Nacht no Jesus jekome)

⁵¹ "Deit onns Jesats en Maun fedaume oone daut am eascht utjeheat woat, omm utofinge waut hee deit?"

⁵² See auntwuade am en saede: "Best du uk fonn Galilaea? Forsch, en see, ut Galilaea kjemt kjeen Profeet."