Revised Common Lectionary (Semicontinuous)

Zain

⁴⁹ Behool daut Wuat to dien Deena, opp woont du am hope muakst.

⁵⁰ Dit es mien Troost enn mien Älend; dan dien Wuat haft mie Läwe jebrocht.

⁵¹ Dee Stollte habe mie gaunsungoa feacht; ekj ha nijch fonn dien Jesats je-ert.

⁵² Ekj ha diene Jerejchte behoole fonn jee häa, O Herr Gott, un ekj näm Troost.

⁵³ Schrakj haft mie tohoole jekjräaje doawäajen daut dee Beese dien Jesats felote ha.

⁵⁴ Diene Fäaschrefte sent mien Leet jewast enn daut Hus fonn miene Piljareis.

⁵⁵ O Herr Gott, ekj ha dien Nome behoole enne Nacht un ha dien Jesats jehoole.

⁵⁶ Dit wea to mie jedone, wiels ekj diene Jeboote hilt.

⁴⁵ Fael fonn dee Jude waut no Marie jekome weare, en jeseene haude waut hee jedone haud, jleewda aun am.

⁴⁶ Oba eenje jinje no de Farisaea en fetalde daen waut Jesus jedone haud.

⁴⁷ Donn saumelde de Huugeprieste en Farisaea aearen Rot en saede: "Waut wel wie doone? Dis Maun deit fael Wuundateakjens.

⁴⁸ Wan wie am so tochlote, woare aule aun am jleewe, en dan woare de Reema kome en naeme onns Launt uk onnse Natsjoon wajch."

⁴⁹ Oba Kaifas, eena fonn an, dee daut Joa Huagapriesta wea, saed to an: "Jie weete rajcht nusscht,

⁵⁰ raeakjne uk nich doamet dautet fa onns baeta wea daut een Maun fa daut Folkj stoawe sull, soo daut nich de gaunse Natsjoon ommkjemt."

⁵¹ Hee saed dit nich ut sikj selfst, oba wiel hee daut Joa Huagapriesta wea, profetseid hee doamet daut Jesus fa dee Natsjoon stoawe wudd,

⁵² en nich bloos fa dee Natsjoon, oba daut hee de Gottes kjinja dee aewa de gaunse Welt festreit weare, toopbrinje wudd, eent to sene.

⁵³ Fonn daem Dach aun plonde see aule toop am doot to moake.

⁵⁴ Doaromm jinkj Jesus nich meeha emm Opne mank de Jude, oba jinkj wajch no ne Jaeajent dicht aune Wiltnes, no ne Staut, Eefrem jenant, en bleef doa met siene Jinja.

⁵⁵ Daut judsche Pasafast wea dichtbie; en faele fonn dee Omjaeajent jinje no Jerusalem ferem Pasafast omm sikj to reinje.

⁵⁶ Donn sochte see no Jesus, en saede eena tom aundre aus see em Tempel rommstunde: "Waut meen jie? Woat hee aum enj nich nom Fast kome?"

⁵⁷ Nu haude dee Huagaspriesta en dee Farisaea beid daut Follkj befoole daut wan irjentwaea wist wua Jesus wea, dann sulle see an weete lota, daut see am kunne faustnaeme.