Revised Common Lectionary (Complementary)

Dee 64 Psalm

To dän Haupt Musikaunt. En Psalm fonn Doft.

¹ O Gott, hea miene Stem enn mien Kloage; bewoa miene Leppe fonn däm Fient sien Schrakj.

² Doo mie festäakje fonn dee jeheeme Plone fonn soone dee mie plindre wele, fonn daut Opprua fonn dee Gottloose,

³ Dee äare Tunje schoap moake soo aus en Schweat, dee Tsiele äare Fiele, en bettret Wuat,

⁴ Soo daut dee no dee Onnschuldje scheete kjenne fonn en schüloarije Staed; haustijch scheete see no am, un engste sikj nijch.

⁵ Dee moake sikj selfst stoakj enn en beesa Plon; dee räde fonn jeheemlijch Schlenj laje; see saje:, "Wäa woat dän seene?"

⁶ See plone beeset, un saje: "Wie ha en follkomna Plon befoadijcht." Beides daut bennaschtet Poat un daut Hoat fonn en Mensch sent deep.

⁷ Oba Gott woat ne Fiel no an scheete; äare Wunnde woare haustijch fäa kome,

⁸ Soo sele dee festimmelt woare; äare Tunj felt opp an selfst; jieda eena dee an sit woat wajch rane.

⁹ en aula Maun woare ferjchte un woare Gott sien Woakj erkjläare; dan dee sele sien Woakj un Weisheit bedenkje.

¹⁰ Dee Jerajchhte sele sikj enn däm Herr Gott freihe, un enn am fetrühe; un aul dee, dee Opprajcht sent enn Hoat sele feharlijche.

¹¹ Doaromm denkjt doa aun, daut, aus jie Heide weare no daut Fleesch, dee Onnbeschnaedne jenant weare bie daen dee de Jeschnaedne jenant woare - fonn Mensche Henj jeschnaede em Fleesch,

¹² daut jie to dee Tiet oone Christus weare, fonn daut Jeschlacht Iesrael utjeschlote, en Framde to daut Bunt fonn Fespraeakjunje, en haude kjeene Hopninj, en weare oone Gott enn dise Welt.

¹³ Oba nu enn Christus Jesus se jie, dee jie eascht wiet auf weare, dichtbie jebrocht derch Christus sien Bloot.

¹⁴ Dan hee es onnse Fraed, dee fonn beid eent jemoakt haft, en haft dee Meddelwaunt dee tweschen onns wea, doljebroake, en haft enn sien Fleesch

¹⁵ daut Jesats en Faeaschrefte auntsied jesat, so daut enn daem daut hee Fraed muak, hee fonn dee twee een nieha Mensch moake kunn,

¹⁶ en daut hee mucht derch daut Kjriets beid toop brinje enn een Lief, en doaderch en enj muak fonn dee Fientschofft;

¹⁷ en kjeem en praedjd Fraed to junt dee wiet auf weare, uk Fraed to daen dee dicht bie weare;

¹⁸ dan derch am ha wie beid en een Jeist Toogank nom Foda.

¹⁹ Aulsoo se jie nu nich meeha Framde en Waundra, oba jie sent Metbirja met dee Heilje, en Jliede enn Gott siene Famielje,

²⁰ en sent oppjebut opp daen Grunt fonn dee Apostel en Profeete, wua Jesus Christus selfst dee Akjsteen es.

²¹ Enn am es daut gaunse Jebied toop jefot, en waust enn en heilje Tempel em Herr enenn,

²² enn waem jie uk toop met jebut woare fa ne Woninj fa Gott em Jeist.