Revised Common Lectionary (Complementary)

Dee 8 Psalm

To däm haupt Musikaunt opp Jittit, en Psalm fonn Doft.

¹ O Herr Gott onns Herr, woo Madastijch es dien Nome enne gaunse Ead; du hast diene Harlijchkjeit hejcha jestalt aus dee Himels!

² Ut dee Bäbes un soone aune Brosst äare Miele hast du Macht ennjeordent wäajen diene Fiend, soo daut dee Fient un dee Racheewa nojäwe motte.

³ Wan ekj mie äwa diene Himels, daut Woakj fonn diene Finjasch bedenkje doo, dee Mon un dee Stearns dee du bestädijcht hast;

⁴ Waut es dee Mensch daut du aun am denkje susst, un dee Säns fonn Mensche daut du dän beseakje susst?

⁵ Dan du hast am en bät läaje jemoakt aus Gott; un hast am met Harlijchkjeit un Ea jekroont.

⁶ Du hast am dee Harschoft jejäft äwa daut Woakj fonn diene Henj, du hast aules unja siene Feet jestalt -

⁷ Aule Schop un Osse, un uk dee Tiare emm Flekj,

⁸ dee Fäajel enne Lofft un dee Fesch em See, aule dee derjch dän See-stijch schwame.

⁹ O Herr Gott, onns Herr, woo Madastijch es dien Nome enne gaunse Ead!

¹³ Jesäajent es dee Maun dee Weisheit finjt, un dee Maun dee Festentnis kjrijcht.

¹⁴ Dan daut Jewenst doafonn es bäta aus dee Jewenst fonn Selwa; un dee Arnt doafonn aus feinet Golt;

¹⁵ see es kjestlijcha aus deare Steena; un aules daut die jankre kaun es nijch to fejlikje met ar.

¹⁶ Langet Läwe es enn äare rajchte Haunt; Rikjdom un Ea es enn äare linkje Haunt.

¹⁷ Äare Wäaj sent Wäaj fonn Scheenet, un äa gaunsa Stijch es Fräd.

¹⁸ See es en Läwesboom to dän dee ar to hoole kjriehe; un froo sent dee, dee ar faust hoole.

¹⁷ daut onns Herr Jesus Christus sien Gott, dee harlichkjeits Foda, mucht junt en Weisheits en Oppenboarunks Jeist jaewe enn en follet Erkjantness fonn am,

¹⁸ daut dee Uage fonn onns Hoat muchte kloa senne, daut wie weete muchte waut dee Hopninj es enn sien Beroope, en woo Rikj dee Harlichkjet fonn sien Oawgoot enn siene Heilje es,

¹⁹ en waut dee besondasch groote Krauft es, dee onns, dee wie jleewe, jejaeft es, no dee besondasch groote Krauft enn daem waut hee deed,