Revised Common Lectionary (Complementary)

⁵ Dien Erboarme, O Herr Gott, es enne Himels; diene Trueheit soo aus dee huage Stoff Wolkje.

⁶ Diene Jerajchtijchkjeit es soo aus Gott siene Boaj. Diene Jerejchte soo aus daut grootet Deepet; O Herr Gott, du deist Tiare un Mensche rade.

⁷ Woo kjestlijch es dien Erboarme, O Gott! Menscheit deit sikj enn dän Schaute fonn diene Flijchte fetruehe.

⁸ Dee woare Tofräd senne met daut Follet fonn dien Hus, un du muakst an drinkje fonn dän Äwafluss fonn dien Fejneaje.

⁹ Dan bie die es dee Läwes Sprinkjborm; enn dien Lijcht see wie Lijcht.

¹⁰ O hool aun met dien erboarme to dän dee die kjanne, un diene Jerajchtijchkjeit to dän dee Opprajcht sent enn Hoat.

12 Nu, Breeda, waeajen jeistliche Sache, wel ekj nich ha daut jie selle oonjeleat senne.

³ Doaromm moak ekj junt bekaunt daut kjeena, dee derch Gott sien Jeist raet, wudd saje: "Jesus es feflucht!"; en kjeena kaun saje: "Jesus es Herr" buta derch daem Heilje Jeist.

⁴ Nu sent doa feschiedenste Gow, oba de selwje Jeist.

⁵ En doa sent feschiedenste Deenste, oba de selwje Herr.

⁶ En doa sent feschiedenste Waeaj waut to doone, oba dee selwje Gott dee oabeide deit enn aulem en derch aulem.

⁷ Oba to en jieda eenem es dee Oppenboarunk fom Jeist jejaeft to aulem sien Jenuss.

⁸ Dan to eenem es derch daem jeist en Weisheits Wuat jejaeft; en to en aundrem en Wuat fonn Erkjantnes derch daem selwje Jeist;

⁹ to en aundrem Gloowe derch daem selwje Jeist, en to en aundrem de Gow to heele derch daem selwje Jeist;

¹⁰ en to en aundrem, groote Wunnda to doone, en to en aundrem Jeista to unjascheede, to en aundrem feschiedenste Sproake, to en aundrem, dee Sproake utolaje:

¹¹ oba aul dit deit dee selwje Jeist oabeide, en deelt to en jieda eenem so aus hee daut wel.

2 Aum dredde Dach wea enn Kana enn Gailiaea ne Kjast, en Jesus siene Mutta wea uk doa.

² En Jesus en siene Jinja weare uk to de Kjast ennjeloda.

³ En aus doa nich mea Wien wea, saed Jesus siene Mutta to am: "Dee ha nich Wien."

⁴ Jesus saed to aea: "Fru, waut haft daut met die en mie to doona? Miene Tiet es noch nich hea."

⁵ Siene Mutta saed to de Deena: "Doot wautema hee to ju sajcht."

⁶ Doa weare sas steenane Wotakrucke dee de Jude bruckte to aeare reinjunks Tsermoonja, en hilde bie twintich ooda dartich Galoon jieda.

⁷ Jesus saed to an: "Felt dee Krucke Foll Wota!" En see felda dea gauns opp bottem Raunt.

⁸ "Donn saed hee to an: "Nu schapt waut erut en brinjt daem FastMeista!" En see deede daut.

⁹ Aus de FastMeista daut Wota, daut nu Wien wea, jeschmakjt haud, en nich wist wua daut haea kjeem, (oba de Deena dee daut Wota jeschapt haude wiste), roopt de FastMeista daen Briegaum,

¹⁰ En saed to am: "Aulemaun sat daem basta Wien faea emm Aunfank, en dan wan de Jast eascht goot jedrunke habe, dan daut waut bilja es; oba du hast de baste bott nu jehoole."

¹¹ Dit Aunfank fonn siene Wundateakjen deed Jesus enn Kana enn Galilaea, en oppenboad siene Harrlijchkjeit, en siene Jinja jleewde aun am.