Revised Common Lectionary (Complementary)

Dee 106 Psalm

¹ Preis däm Herr Gott; jeff Dank to däm Herr Gott dan Hee es goot; dan sien Erboarme es fa emma.

² Wäa kaun däm Herr Gott siene majchtje Woakje utdrekjenn, ooda sien Preis heare moake?

³ Jesäajent sent dee, dee Jerechte hoole; dee Jerajchtichkjeit deit to aule Tiede.

⁴ Denkj aun mie, Herr Gott, met daut Gonst fa dien Folkj; O beseakj mie met diene Radunk.;

⁵ daut Goodet to seene enn diene Utjewälde; froo to senne enn dee Freid fonn diene Nazion; to juble enn dien Oafgoot.

⁶ Wie un onnse Fodasch ha jesindicht; wie sent Gottloos jewast, wie deede Orrajcht.

⁷ Oonse Fodasch festunde nich diene Wundasch enn Iejipte; dee behilde nich diene fäl Erboarmunge, un muake die Oajalich bie dän See, bie dän Rooda See.

⁸ Oba Hee deed dän rade omm sien Nome haulwe, sien Nome bekaunt to moake.

⁹ Un Hee deed dän Rooda see dodle , un dreajd dän opp; un Hee muak dän derjch daut deepet gone, soo aus derjch dee Wiltnis.

¹⁰ Un Hee rad dän fonn dän äare Haunt dee an hausste; jo, rad dän fonn dee Fiend äare Haunt.

¹¹ Un daut Wota bedakjt dän äare Fiend, doa wia nich eena äwajebläwe.

¹² Donn jleewde see siene Wead; dee sunge sien Preis.

¹³ Dit ha ekj ju jeschraewe, dee jie aun daen Gottes Saen sien Nome jleewe, daut jie weete kjenne daut jie daut eewje Laewe habe.

¹⁴ En dit es onns Toofetrue daut wie en am ha, daut, wan wie am omm irjend waut baede no sien wele, heat hee onns.

¹⁵ En wan wie weete daut hee onns heat, eendoont waut wie froage, dan weet wie daut wie daut ha fa waut wie jebaet ha.

¹⁶ Wan waea sien Brooda sit ne Sind aungone waut nich tom Doot feat, saul hee Gott doaromm baede, en Gott woat am Laewe jaewe fa daem dee nich sindje deit tom Doot. Doa es Sind waut tom Doot feat - ekj saj nich daut hee doaromm baede sull.

¹⁷ Aule Onnjerchtichkjeit es Sind; en doa es ne Sind dee nich tom Doot feat.

¹⁸ Wie weete daut waea fonn Gott jebuare es laeft nich en Sind; oba waea fonn Gott jebuare es bewoat am en dee Beesa kaun am nich aunsteete.

¹⁹ Wie weete daut wie fonn Gott sent, and daut de gaunse Welt en daem Beesa bejraepe es.

²⁰ Wie weete uk daut dee Gottes Saen jekome es en haft onns festaunt jejaeft daem to kjane dee Woarhauftich es; en wie sent enn daem dee Woarhauftich es, en sien Saen Jesus Christus. Dit es dee woara Gott, en daut eewje Laewe.

²¹ Kjleene Kjinja, bewoat ju fa dee Jeta.