Revised Common Lectionary (Complementary)

Dee 148 Psalm

¹ Preist däm Herr Gott! Preis däm Herr Gott fonn dee Himmels; Preist Am enn daut Hejchste.

² Preist Am, aul jie sien Enjel; Preist Am, aul siene groote Menj Mensche.

³ Preist Am, Sonn un Mon; Preist Am, aul jie Lijcht Stearns.

⁴ Preist Am, O Himmels fonn Himmels; un Wotasch dee bowe dee Himmels sent.

⁵ Lot dän däm Herr Gott sien Nome preise; dan Hee haft aunkommendeat un dee weare erschaufe.

⁶ Un Hee deed dee bestädjen fa emma un emma; Hee jeef en Befäl daut dee nijch feschwinje sulle.

⁷ Lot dee See-Beeste un aulet Deepe däm Herr Gott preise fonn dee Ead;

⁸ Fia un Hoagel; Schnee un Ruak; stormja Wint dee sien Wuat erfelle;

⁹ Boaj un aule Humpels; fruchtboare Beem un aule Zeedabeem;

¹⁰ Beeste un aulet Fee, krupende Dinje un Fäajel fonn Flijchte,

¹¹ Kjeenije oppe Ead un aule Felkja; Helte un aule Rejchte oppe Ead;

¹² Beides junje Mane un Eentletsje Mäakjes uk; oole Mane met dee Junje.

¹³ Lot dän däm Herr Gott sien Nome preise; dan bloos sien Nome es huach je-eat; siene Harlijchkjeit es bowe dee Ead un dee Himmels.

¹⁴ Hee deit uk dän Huarn fonn sien Folkj opphäwe, siene Heilje äa Preis, fonn dee Iesrael Säns, en Folkj daut dijch bie Am es. Preis däm Herr Gott!

1 Waut fomm Aunfank wea, waut wie jeheat ha, waut wie jeseene ha met onnse eajne Uage, waut wie bekjikjte en onnse Henj aunjefote ha, waut daut Laeweswuut aunbelangt,

² daut Laeweswuat es jeoppenboat worde, en wie ha daut jeseene en jaewe Zeichnes, en moake daut eewjet Laewe bekaunt waut biem Foda wea, en onns jeoppenboat wort.

³ Waut wie jeseene en jeheat ha moak wie junt nu bekaunt, so daut jie uk kjenne met onns Jemeenschoft habe: en onnse Jemeeschoft es met daem Foda en met sien Saen Jesus Christus.

⁴ En dit schriew wie junt daut onnse Freid kaun Follkome senne.

⁵ En dit es de Bootschoft dee wie fonn am jeheat habe en junt bekaunt moake, daut Gott Licht es, en doa es kjeene Diestannes en am.

⁶ Wan wie saije daut wie Jemeenschoft met am habe, oba enn Diestannes waundle, dan leaj wie en doone nich de Woarheit,

⁷ Oba wan wie em Licht waundle so aus hee em Licht es, dan ha wie Jemeenschoft unjarenaunda, en sien Saen Jesus sien Bloot moakt onns rein fonn aule Sind.

⁸ Wan wie saije daut wie kjeene Sind habe, dan schmaea wie onns selfst aun, en de Woarheit es nich enn uns.

⁹ Wan wie unse Sind bekjane, es hee True en jeracht onnse Sind to fejaewe, en onns reim to moake fonn aule Onnjerachtichkjeit.