Read the New Testament in 24 Weeks

3 Oh mga mangmang na taga Galacia, ^(A)sino ang mga nagsigayuma sa inyo, na sa harapan ng inyong mga mata'y si Jesucristo, na napako sa krus, ay maliwanag na inihayag?

² Ito lamang ang ibig kong maalaman sa inyo, Tinanggap baga ninyo ^(B)ang Espiritu sa pamamagitan ng mga gawang ayon sa kautusan, ^(C)o sa pamamagitan ng pakikinig ng tungkol sa pananampalataya?

³ Napakamangmang na baga kayo? ^(D)kayong nagpasimula sa Espiritu, ngayo'y nangagpapakasakdal kayo sa laman?

⁴ Tiniis baga ninyong ^(E)walang kabuluhan ang lubhang maraming mga bagay? kung tunay na walang kabuluhan.

⁵ Siya na nagbibigay nga sa inyo ng Espiritu, at gumagawa ng mga himala sa gitna ninyo, ginagawa baga sa pamamagitan ng mga gawang ayon sa kautusan, o sa pakikinig ng tungkol sa pananampalataya?

⁶ Gaya nga ni ^(F)Abraham na sumampalataya sa Dios, at ito'y ibinilang sa kaniya na katuwiran.

⁷ Talastasin nga ninyo na ^(G)ang mga sa pananampalataya, ang mga yaon ay mga anak ni Abraham.

⁸ At sapagka't ipinakita na ^(H)ng kasulatan, na ^(I)aariing-ganap ng Dios ang mga Gentil sa pamamagitan ng pananampalataya, ay ipinangaral na nang una ang evangelio kay Abraham, na sinasabi, Sa iyo ay pagpapalain ang ^(J)lahat ng mga bansa.

⁹ Kaya't ang mga sa pananampalataya ay pinagpapala kay Abraham na may pananampalataya.

¹⁰ Sapagka't ang lahat na sa mga gawang ayon sa kautusan ^(K)ay nasa ilalim ng sumpa: sapagka't nasusulat, ^(L)Sinusumpa ang bawa't hindi nananatili sa lahat ng mga bagay na nasusulat sa aklat ng kautusan, upang gawin nila.

¹¹ Maliwanag nga na sinoman ay hindi inaaring-ganap ^(M)sa kautusan sa harapan ng Dios; sapagka't, ^(N)Ang ganap ay mabubuhay sa pananampalataya.

¹² At ang kautusan ay hindi sa pananampalataya; kundi, ^(O)Ang gumaganap ng mga yaon ay mabubuhay sa mga yaon.

¹³ Sa sumpa ng kautusan ay ^(P)tinubos tayo ni ^(Q)Cristo, na naging sumpa sa ganang atin; sapagka't nasusulat, ^(R)Sinusumpa ang bawa't ^(S)binibitay sa punong kahoy:

¹⁴ Upang sa mga Gentil ay dumating ang pagpapala ni Abraham na kay Cristo Jesus; upang sa pamamagitan ng pananampalataya ay tanggapin natin ^(T)ang pangako ng Espiritu.

¹⁵ Mga kapatid, nagsasalita ako ^(U)ayon sa kaugalian ng mga tao: Bagama't ang ^(V)pakikipagtipan ay gawa lamang ng tao, gayon ma'y pagka pinagtibay, sinoman ay hindi makapagpapawalang kabuluhan, o makapagdaragdag man.

¹⁶ Ngayon ^(W)kay Abraham nga ^(X)sinabi ang mga pangako, at sa kaniyang binhi. Hindi sinasabi ng Dios, At sa mga binhi, na gaya baga sa marami; kundi gaya sa iisa lamang, ^(Y)At sa iyong binhi, na si Cristo.

¹⁷ Ito nga ang aking sinasabi: Ang isang pakikipagtipang pinagtibay na nang una ng Dios, ay hindi mapawawalang kabuluhan ^(Z)ng kautusan, na sumipot nang makaraan ang apat na raan at tatlongpung taon, ano pa't ^(AA)upang pawalang kabuluhan ang pangako

¹⁸ Sapagka't kung ang mana ay sa pamamagitan ng kautusan, ay hindi na sa pamamagitan ng pangako: datapuwa't ipinagkaloob ng Dios kay Abraham sa pamamagitan ng pangako.

¹⁹ Ano nga ang kabuluhan ng kautusan? ^(AB)Idinagdag dahil sa mga pagsalangsang, ^(AC)hanggang sa pumarito ang binhi na siyang pinangakuan; at ito'y ^(AD)iniutos sa pamamagitan ng mga anghel sa kamay ^(AE)ng isang tagapamagitan.

²⁰ Ngayon ^(AF)ang isang tagapamagitan ay hindi tagapamagitan ng iisa; datapuwa't ang Dios ay iisa.

²¹ Ang kautusan nga baga ay laban sa mga pangako ng Dios? Huwag nawang mangyari: sapagka't kung ibinigay sana ang isang kautusang may kapangyarihang magbigay buhay, tunay ngang ang katuwiran sana ay naging dahil sa kautusan.

^22 (AG)Datapuwa't kinulong ng kasulatan ang ^(AH)lahat ng mga bagay sa ilalim ng kasalanan, upang ang pangako sa pamamagitan ng pananampalataya kay Jesucristo ay maibigay sa mga nagsisisampalataya.

²³ Nguni't bago dumating ang pananampalataya, ay nabibilanggo tayo sa ilalim ng kautusan, na nakukulong tayo hanggang sa ang pananampalataya ay ipahahayag pagkatapos.

²⁴ Ano pa't ^(AI)ang kautusan ay siyang naging tagapagturo natin upang ihatid tayo kay Cristo, ^(AJ)upang tayo'y ariing-ganap sa pamamagitan ng pananampalataya.

²⁵ Datapuwa't ngayong dumating na ang pananampalataya, ay wala na tayo sa ilalim ng tagapagturo.

²⁶ Sapagka't kayong ^(AK)lahat ay mga anak ng Dios, sa pamamagitan ng pananampalataya, kay Cristo Jesus.

²⁷ Sapagka't ^(AL)ang lahat na sa inyo ay binautismuhan kay Cristo ay ibinihis ^(AM)si Cristo.

^28 (AN)Walang magiging Judio o Griego man, ^(AO)walang magiging alipin o malaya man, walang magiging lalake o babae man; sapagka't kayong lahat ay ^(AP)iisa kay Cristo Jesus.

^29 (AQ)At kung kayo'y kay Cristo, kayo nga'y binhi ni Abraham, at mga tagapagmana ^(AR)ayon sa pangako.

4 Nguni't sinasabi ko na samantalang ^(AS)ang tagapagmana ay bata, ay walang pagkakaibang anoman sa alipin bagama't siya'y panginoon ng lahat;

² Datapuwa't nasa ilalim ng mga tagapagampon at ng mga tagapangasiwa hanggang sa panahong itinakda ng ama.

³ Gayon din naman tayo, nang tayo'y mga bata pa, ^(AT)tayo'y nasasakop ng pagkaalipin sa ilalim ng mga pasimulang aral ng sanglibutan.

⁴ Datapuwa't ^(AU)nang dumating ang kapanahunan, ay sinugo ng Dios ang kaniyang Anak, ^(AV)na ipinanganak ng isang babae, na ^(AW)ipinanganak sa ilalim ng kautusan,

^5 (AX)Upang matubos niya ang nangasa ilalim ng kautusan, ^(AY)upang matanggap natin ang pagkukupkop sa mga anak.

⁶ At sapagka't kayo'y mga anak, ay sinugo ng Dios ang Espiritu ng kaniyang Anak sa ating mga puso, na sumisigaw, Abba, Ama.

⁷ Ano pa't hindi ka na alipin, kundi anak; ^(AZ)at kung anak, ay tagapagmana ka nga sa pamamagitan ng Dios.

⁸ Gayon man nang panahong yaon, sa hindi ninyo pagkakilala sa Dios, kayo'y nasa pagkaalipin ^(BA)ng sa katutubo ay hindi mga dios:

⁹ Datapuwa't ngayon yamang nakikilala na ninyo ang Dios, o ang lalong mabuting sabihin, kayo'y nangakikilala ng Dios, bakit muling nangagbabalik kayo ^(BB)doon sa mahihina at walang bisang mga pasimulang aral, na sa mga yao'y ninanasa ninyong magbalik sa pagkaalipin?

¹⁰ Ipinangingilin ninyo ang mga araw, ^(BC)at mga buwan, at mga panahon, at mga taon.

¹¹ Ako'y natatakot tungkol sa inyo, ^(BD)baka sa anomang paraan ay nagpagal ako sa inyo ng walang kabuluhan.

¹² Ipinamamanhik ko sa inyo, mga kapatid, na kayo'y mangagsitulad sa akin, sapagka't ako'y katulad din ninyo. Wala kayong ginawa sa aking anomang kasamaan.

¹³ Datapuwa't nalalaman ninyo na ^(BE)dahil sa sakit ng laman, ay ipinangaral ko sa inyo ang evangelio ^(BF)nang pasimula:

¹⁴ At yaong sa inyo'y isang tukso sa aking laman ay hindi ninyo inalipusta, ni itinakuwil man; kundi ako'y tinanggap ninyong tulad sa isang anghel ng Dios, ^(BG)tulad kay Cristo Jesus.

¹⁵ Saan nga naroon yaong inyong kapalaran? sapagka't pinatototohanan ko sa inyo, na, kung mangyayari, ay inyong dinukit sana ang inyong mga mata at ibinigay sa akin.

¹⁶ Kaya nga ako baga'y naging kaaway ninyo, sa pagsasabi ko sa inyo ng katotohanan?

¹⁷ May ^(BH)nangagmamalasakit sa inyo sa hindi mabuting akala; subali't, ang ibig nila ay ihiwalay kayo, upang ipagmalasakit ninyo sila.

¹⁸ Datapuwa't mabuti ang ipagmalasakit sa mabuting bagay sa lahat ng panahon, at hindi lamang samantalang ako'y kaharap ninyo.

¹⁹ Maliliit kong mga anak, ^(BI)na muli kong ipinagdaramdam sa panganganak hanggang si Cristo ay mabadha ^(BJ)sa inyo—

²⁰ Datapuwa't, ibig kong makaharap ninyo ako ngayon, at baguhin ang aking tinig; sapagka't ako'y nagaalinlangan tungkol sa inyo.

²¹ Sabihin ninyo sa akin, kayong nagsisipagnasang mapasa ilalim ng kautusan, hindi baga ninyo naririnig ang kautusan?

²² Sapagka't nasusulat, na si Abraham ay nagkaroon ng dalawang anak, ^(BK)ang isa'y sa aliping babae, at ^(BL)ang isa'y sa babaing malaya.

²³ Gayon man ^(BM)ang anak sa alipin ay ipinanganak ayon sa laman; nguni't ^(BN)ang anak sa babaing malaya ay sa pamamagitan ng pangako.

²⁴ Ang mga bagay na ito'y may lamang talinghaga: sapagka't ang mga babaing ito'y dalawang tipan; ang isa'y mula sa bundok ng Sinai, na nanganganak ng mga ^(BO)anak sa pagkaalipin, na ito'y si Agar.

²⁵ Ang Agar ngang ito ay bundok ng Sinai sa ^(BP)Arabia, at ito'y katulad ng Jerusalem ngayon: sapagka't ito'y nasa pagkaalipin kasama ng kaniyang mga anak.

²⁶ Nguni't ang ^(BQ)Jerusalem na nasa itaas ay malaya, na siyang ina natin.

²⁷ Sapagka't nasusulat,

²⁸ At tayo, mga kapatid, tulad ni Isaac, ay ^(BS)mga anak sa pangako.

²⁹ Datapuwa't kung papaanong yaong ^(BT)ipinanganak ayon sa laman ay nagusig sa ipinanganak ayon sa espiritu, ay gayon din naman ngayon.

³⁰ Gayon man ano ang sinasabi ng kasulatan? ^(BU)Palayasin ang aliping babae at ang kaniyang anak: sapagka't hindi magmamana ang anak ng babaing alipin na kasama ng anak ng babaing malaya.

³¹ Kaya nga, mga kapatid, hindi tayo mga anak ng babaing alipin, kundi ng babaing malaya.