Read the New Testament in 24 Weeks

3 Sa katapustapusan, mga kapatid ko, ^(A)mangagalak kayo sa Panginoon. Ang pagsulat ko nga sa inyo ng mga gayon ding bagay, sa akin ay tunay na hindi nakangangalay, nguni't sa inyo'y katiwasayan.

² Magsipagingat kayo sa mga aso, ^(B)magsipagingat kayo sa masasamang manggagawa, ^(C)magsipagingat kayo sa mga sa pagtutuli:

³ Sapagka't tayo ^(D)ang pagtutuli, ^(E)na nagsisisamba sa Espiritu ng Dios, at nangagmamapuri kay Cristo Jesus, at walang anomang pagkakatiwala sa laman:

⁴ Bagama't ako'y makapagkakatiwala sa laman: na kung ang iba ay nagaakala na may pagkakatiwala sa laman, ay lalo na ako:

⁵ Na tinuli ng ikawalong araw, ^(F)mula sa lahi ng Israel, ^(G)mula sa angkan ni Benjamin, Hebreo sa mga Hebreo; tungkol sa kautusan, ay ^(H)Fariseo;

⁶ Tungkol ^(I)sa pagsisikap, ^(J)ay manguusig sa iglesia; ^(K)tungkol sa kabanalan na nasa kautusan, ay walang kapintasan.

⁷ Gayon man ang mga bagay na sa akin ay pakinabang, ay inari kong kalugihan, alangalang kay Cristo.

⁸ Oo nga, at lahat ng mga bagay ay inaari kong kalugihan ^(L)dahil sa dakilang kagalingan ng pagkakilala kay Cristo Jesus na Panginoon ko: na alangalang sa kaniya'y tiniis ko ang kalugihan ng lahat ng mga bagay, at inari kong sukal lamang, upang tamuhin ko si Cristo,

⁹ At ako'y masumpungan sa kaniya, na walang katuwirang ^(M)aking sarili, sa makatuwid baga'y sa kautusan, kundi ^(N)ang katuwirang sa pamamagitan ng pananampalataya kay Cristo, ang katuwiran ngang buhat sa Dios sa pamamagitan ng pananampalataya:

¹⁰ Upang makilala ko siya, at ^(O)ang kapangyarihan ng kaniyang pagkabuhay na maguli, at ^(P)ang pakikisama ng kaniyang mga kahirapan, na ako'y natutulad sa kaniyang pagkamatay;

¹¹ Kung aking tamuhin sa anomang paraan ang pagkabuhay na maguli sa mga patay.

¹² Hindi sa ako'y ^(Q)nagtamo na, o ako'y nalubos na: kundi nagpapatuloy ako, baka sakaling maabot ko yaong ikinaaabot naman sa akin ni Cristo Jesus.

¹³ Mga kapatid, hindi ko pa inaaring inabot: datapuwa't isang bagay ang ginagawa ko, ^(R)na nililimot ang mga bagay na nasa likuran, at ^(S)tinutungo ang mga bagay na hinaharap,

¹⁴ Nagtutumulin ako sa hangganan sa ganting-pala ^(T)ng dakilang pagtawag ng Dios na kay Cristo Jesus.

¹⁵ Kaya nga, kung ilan tayong ^(U)mga sakdal, ay magisip ng gayon: at kung sa anoma'y nangagkakaiba kayo ng iniisip ay ipahahayag naman ito sa inyo ng Dios:

^16 (V)Lamang, ay magsilakad tayo ^(W)ayon sa gayon ding ayos na ating inabot na.

¹⁷ Mga kapatid, ^(X)kayo'y mangagkaisang tumulad sa akin, at tandaan ninyo ang mga nagsisilakad ng gayon, ayon sa halimbawang nakikita ninyo sa akin.

¹⁸ Sapagka't marami ang mga nagsisilakad, na siyang madalas na aking sinabi sa inyo, at ngayo'y sinasabi ko sa inyo na may pagiyak, na sila ang mga ^(Y)kaaway ng krus ni Cristo:

^19 (Z)Na ang kanilang kahihinatnan ay ang kapahamakan, ^(AA)na ang kanilang dios ay ang tiyan, ^(AB)at ang kanilang kapurihan ay nasa kanilang kahihiyan, na ^(AC)nagiisip ng mga bagay na ukol sa lupa.

²⁰ Sapagka't ang ating pagkamamamayan ^(AD)ay nasa langit; mula doon ay ^(AE)hinihintay naman natin ang Tagapagligtas, ang Panginoong Jesucristo:

²¹ Na ^(AF)siyang magbabago ^(AG)ng katawan ng ating pagkamababa, ^(AH)upang maging katulad ng katawan ng kaniyang kaluwalhatian, ^(AI)ayon sa paggawa na ^(AJ)maipagpapasuko niya sa lahat ng mga bagay sa kaniya.

4 Kaya nga, mga kapatid kong minamahal at ^(AK)pinananabikan, aking ^(AL)katuwaan at putong, ^(AM)magsitibay nga kayo sa Panginoon, mga minamahal ko.

² Ipinamamanhik ko kay Euodias, at ^(AN)ipinamamanhik ko kay Sintique, na mangagkaisa ng pagiisip sa Panginoon.

³ Oo, ipinamamanhik ko rin naman sa iyo, tapat na kasama sa pagtulong, na iyong tulungan ang mga babaing ito, sapagka't sila'y nangagpagal na kasama ko sa evangelio, at kasama rin naman ni Clemente, at ng ibang aking mga kamanggagawa, na ang kanilang pangalan ay nangasa ^(AO)aklat ng buhay.

⁴ Mangagalak kayong lagi sa Panginoon: ^(AP)muli kong sasabihin, Mangagalak kayo.

⁵ Makilala nawa ^(AQ)ang inyong kahinhinan ng lahat ng mga tao. ^(AR)Ang Panginoon ay malapit na.

⁶ Huwag kayong mangabalisa sa anomang bagay; ^(AS)kundi sa lahat ng mga bagay sa pamamagitan ng panalangin at daing na may pagpapasalamat ay ipakilala ninyo ang inyong mga kahilingan sa Dios.

⁷ At ^(AT)ang kapayapaan ng Dios, na di masayod ng pagiisip, ay magiingat ng inyong mga puso at ng inyong mga pagiisip kay Cristo Jesus.

⁸ Katapustapusan, mga kapatid, anomang bagay na katotohanan, anomang bagay na kagalanggalang, anomang bagay na matuwid, anomang bagay na malinis, anomang bagay na kaibigibig, ^(AU)anomang bagay na mabuting ulat; kung may anomang kagalingan, at kung may anomang kapurihan, ay isipin ninyo ang mga bagay na ito.

⁹ Ang mga bagay na inyong natutuhan ^(AV)at tinanggap at narinig at nakita sa akin, ang mga bagay na ito ang gawin ninyo: at ^(AW)ang Dios ng kapayapaan ay sasa inyo.

¹⁰ Datapuwa't ako'y totoong nagagalak sa Panginoon, na ngayon sa kahulihulihan ay inyong binuhay ang ^(AX)inyong pagmamalasakit sa akin; na dito'y katotohanang nangagkaroon kayo ng malasakit, nguni't ^(AY)kayo'y nagkulang ng mabuting pagkakataon.

¹¹ Hindi sa sinasabi ko ang tungkol sa kailangan: sapagka't aking natutuhan ang ^(AZ)masiyahan sa anomang kalagayang aking kinaroroonan.

¹² Marunong akong magpakababa, at marunong naman akong magpakasagana: sa bawa't bagay at sa lahat ng bagay ay natutuhan ko ang lihim maging sa kabusugan, at maging sa kagutuman, at maging sa kasaganaan at maging sa kasalatan.

¹³ Lahat ng mga bagay ay aking magagawa ^(BA)doon sa ^(BB)nagpapalakas sa akin.

¹⁴ Gayon man ay mabuti ang inyong ginawa na ^(BC)kayo'y nakiramay sa aking kapighatian.

¹⁵ At kayo mga taga Filipos, nalalaman naman ninyo, na ^(BD)nang pasimulan ang evangelio, nang ako'y umalis sa ^(BE)Macedonia, ^(BF)alin mang iglesia ay walang nakipagkaisa sa akin sa pagkakaloob at pagtanggap kundi kayo lamang;

¹⁶ Sapagka't sa ^(BG)Tesalonica ay nagpadala kayong minsan at muli para sa aking kailangan.

^17 (BH)Hindi sa ako'y naghahanap ng kaloob; kundi hinahanap ko ang bunga na dumadami sa ganang inyo.

¹⁸ Datapuwa't mayroon ako ng lahat ng bagay, at sumasagana: ako'y busog, palibhasa'y tumanggap ^(BI)kay Epafrodito ng mga bagay na galing sa inyo, ^(BJ)na isang samyo ng masarap na amoy, isang ^(BK)handog na kaayaaya, na lubhang nakalulugod sa Dios.

¹⁹ At ^(BL)pupunan ng aking Dios ang bawa't kailangan ninyo ^(BM)ayon sa kaniyang mga kayamanan sa kaluwalhatian kay Cristo Jesus.

²⁰ Ngayon nawa'y suma ating ^(BN)Dios at Ama ang kaluwalhatian magpakailan man. Siya nawa.

²¹ Batiin ninyo ang bawa't banal kay Cristo Jesus. Binabati kayo ^(BO)ng mga kapatid na kasama ko.

²² Binabati kayo ^(BP)ng lahat ng mga banal, ^(BQ)lalong lalo na ng mga kasangbahay ni Cesar.

²³ Ang biyaya ^(BR)ng Panginoong Jesucristo ay sumainyo nawang espiritu.