Read the New Testament in 24 Weeks

1 Si Pablo, na Apostol (^(A)hindi mula sa mga tao, ni sa pamamagitan man ng tao, kundi ^(B)sa pamamagitan ni Jesucristo, at ng Dios Ama, ^(C)na siyang sa kaniya'y muling bumuhay),

² At ang lahat ng mga kapatid ^(D)na mga kasama ko, sa mga iglesia ng ^(E)Galacia:

³ Sumainyo nawa ang biyaya ^(F)at kapayapaang mula sa Dios na Ama, at sa ating Panginoong Jesucristo,

⁴ Na siyang ^(G)nagbigay sa kaniyang sarili dahil sa ating mga kasalanan, upang tayo'y mailigtas ^(H)dito sa kasalukuyang masamang sanglibutan, ayon sa kalooban ng ating Dios at Ama:

⁵ Na sumakaniya ang kaluwalhatian magpakailan man. Siya nawa.

⁶ Ako'y namamangha na kay dali ninyong nagsilipat sa ibang evangelio ^(I)buhat sa tumawag sa inyo sa biyaya ni Cristo;

⁷ Na ito'y hindi ibang evangelio: ^(J)kundi mayroong ilan ^(K)na sa inyo'y nagsisiligalig, at nangagiibig na pasamain ang evangelio ni Cristo.

⁸ Datapuwa't kahima't kami, o ^(L)isang anghel na mula sa langit, ang mangaral sa inyo ng anomang evangelio na iba sa aming ipinangangaral sa inyo, ay matakuwil.

⁹ Ayon sa aming sinabi nang una, ay muling gayon ang aking sinasabi ngayon, Kung ang sinoman ay mangaral sa inyo ng anomang evangelio na iba kay sa inyong tinanggap na, ay ^(M)matakuwil.

¹⁰ Sapagka't ^(N)ako baga'y nanghihikayat ngayon sa mga tao o sa Dios? o ako baga'y nagsisikap na magbigay-lugod sa mga tao? kung ako'y magbibigay-lugod pa sa mga tao, ay hindi ako magiging alipin ni Cristo.

¹¹ Sapagka't aking ipinatatalastas sa inyo, mga kapatid, tungkol sa ^(O)evangelio na aking ipinangaral, na ito'y hindi ayon sa tao.

¹² Sapagka't ^(P)hindi ko tinanggap ito sa tao, ni itinuro man sa akin, kundi aking tinanggap ^(Q)sa pamamagitan ng pahayag ni Jesucristo.

¹³ Sapagka't inyong nabalitaan ang ^(R)aking pamumuhay nang nakaraang panahon sa relihion ng mga Judio, kung paanong aking inuusig ^(S)na malabis, at nilipol ang iglesia ng Dios:

¹⁴ At ako'y nangunguna sa relihion ng mga Judio ng higit kay sa marami sa aking mga kasing gulang sa aking mga kababayan, ^(T)palibhasa'y totoong masikap ako ^(U)sa mga sali't-saling sabi ng aking mga magulang.

¹⁵ Nguni't nang magalingin ng Dios ^(V)na siyang sa akin ay nagbukod, buhat pa sa tiyan ng aking ina, at ^(W)ako'y tawagin sa pamamagitan ng kaniyang biyaya,

¹⁶ Na ihayag ang kaniyang Anak sa akin, ^(X)upang siya'y aking ipangaral sa gitna ng mga Gentil; pagkaraka'y hindi ako sumangguni sa laman at sa dugo:

¹⁷ Ni inahon ko man sa Jerusalem silang mga apostol na nangauna sa akin: kundi sa ^(Y)Arabia ako naparoon; at muling nagbalik ako sa Damasco.

¹⁸ Nang makaraan nga ang ^(Z)tatlong taon ^(AA)ay umahon ako sa Jerusalem upang dalawin si Cefas, at natira akong kasama niyang labing-limang araw.

¹⁹ Nguni't wala akong nakita sa mga ibang apostol, ^(AB)maliban na kay Santiago na kapatid ng Panginoon.

²⁰ Tungkol nga sa mga bagay na isinusulat ko sa inyo, narito, sa harapan ng Dios, hindi ako nagsisinungaling.

²¹ Pagkatapos ay naparoon ako sa mga lupain ng ^(AC)Siria at ^(AD)Cilicia.

²² At hindi pa ako nakikilala sa mukha ng mga iglesia ng Judea na ^(AE)pawang kay Cristo.

²³ Kundi ang kanila lamang naririnig na pinaguusapan ay, Yaong umuusig sa atin nang una, ngayo'y nangangaral ng pananampalataya na nang ibang panahon ay kaniyang sinisira;

²⁴ At ^(AF)kanilang niluluwalhati ang Dios sa akin.

2 Nang makaraan nga ang labing-apat na taon ^(AG)ay umahon akong muli sa Jerusalem na kasama si ^(AH)Bernabe, at isinama ko rin naman si ^(AI)Tito.

² At ako'y umahon ^(AJ)dahil sa pahayag; ^(AK)at isinaysay ko sa harapan nila ang evangelio na aking ipinangangaral sa gitna ng mga Gentil, datapuwa't sa harapan ng mga may dangal ay sa lihim, ^(AL)baka sa anomang paraan ako'y tatakbo, o tumakbo, ng walang kabuluhan.

³ Datapuwa't maging si Tito man na kasama ko, bagama't Griego, ay hindi ^(AM)napilit na patuli.

⁴ At yaon ay dahil sa mga ^(AN)hindi tunay na kapatid na ^(AO)ipinasok ng lihim, na nagsipasok ng lihim upang tiktikan ang aming ^(AP)kalayaan na taglay namin kay Cristo Jesus, ^(AQ)upang kami'y ilagay nila sa pagkaalipin:

⁵ Sa mga yaon ay hindi kami napahinuhod na supilin kami, kahit isang oras; upang ang katotohanan ng evangelio ay manatili sa inyo.

⁶ Datapuwa't ang mga wari'y may dangal ng kaunti (maging anoman sila, ay walang anoman sa akin: ang Dios ay hindi tumatanggap ng anyo ninoman)—silang may dangal, sinasabi ko, ay hindi nagbahagi sa akin ng anoman:

⁷ Kundi bagkus ^(AR)nang makita nila na ^(AS)sa akin ay ipinagkatiwala ang evangelio ng di-pagtutuli, gaya rin naman ng pagkakatiwala kay Pedro ng evangelio ng pagtutuli

⁸ (Sapagka't ang naghanda kay Pedro sa pagkaapostol sa pagtutuli ay ^(AT)naghanda rin naman sa akin sa pagkaapostol sa mga Gentil);

⁹ At nang makita nila ang biyayang sa akin ay ipinagkaloob, ang mga kanang kamay ng pakikisama ay ibinigay sa akin at kay ^(AU)Bernabe ni ^(AV)Santiago at ni ^(AW)Cefas at ni Juan, sila na mga ^(AX)inaaring ^(AY)haligi, upang kami ay magsiparoon sa mga Gentil, at sila'y sa pagtutuli;

¹⁰ Ang kanila lamang hinihiling ^(AZ)ay aming alalahanin ang mga dukha; na ang bagay ring ito'y aking pinagsisikapan gawain.

¹¹ Nguni't nang dumating si Cefas sa ^(BA)Antioquia, ay sumalansang ako sa kaniya ng mukhaan, sapagka't siya'y nararapat hatulan.

¹² Sapagka't bago nagsidating ang ilang mula kay Santiago, ay ^(BB)nakisalo siya sa mga Gentil; nguni't nang sila'y magsidating na, siya'y umurong, at humiwalay sa mga Gentil, palibhasa'y natatakot sa ^(BC)mga sa pagtutuli.

¹³ At ang ibang mga Judio ay nangagpakunwari rin namang kasama niya: ano pa't pati si Bernabe ay nabuyo sa kanilang pagkukunwari.

¹⁴ Nguni't nang aking makita na hindi sila nagsisilakad ng matuwid ayon sa katotohanan ng evangelio, sinabi ko kay Cefas sa harapan nilang lahat, Kung ikaw, na Judio, ay namumuhay gaya ng mga Gentil, at di gaya ng mga Judio, bakit mo pinipilit ang mga Gentil na mamuhay na gaya ng mga Judio?

¹⁵ Tayo'y mga Judio sa katutubo, at hindi mga ^(BD)makasalanang Gentil,

¹⁶ Bagama't naaalaman ^(BE)na ang tao ay hindi inaaring-ganap sa mga gawang ayon sa kautusan, maliban na ^(BF)sa pamamagitan ng pananampalataya kay Jesucristo, tayo rin ay nagsisampalataya kay Cristo Jesus, upang tayo'y ariing-ganap sa pamamagitan ng pananampalataya kay Cristo, at hindi dahil sa mga gawang ayon sa kautusan: sapagka't sa mga gawang ayon sa kautusan ay hindi aariing-ganap ang sinomang laman.

¹⁷ Nguni't kung, samantalang ating pinagsisikapan na tayo'y ariing-ganap kay Cristo, ay tayo rin naman ay nangasusumpungang mga makasalanan, si Cristo baga ay ministro ng kasalanan? Huwag nawang mangyari.

¹⁸ Kung akin ngang muling itayo ang mga bagay na aking sinira, sa aking sarili ay pinatutunayan ko na ako'y suwail.

¹⁹ Sapagka't ako ^(BG)sa pamamagitan ng kautusan ^(BH)ay namatay, sa kautusan, ^(BI)upang ako'y mabuhay sa Dios.

²⁰ Ako'y napako sa krus na ^(BJ)kasama ni Cristo; at hindi na ako ang nabubuhay, kundi si Cristo ang nabubuhay sa akin: at ang buhay na ikinabubuhay ko ngayon sa laman ay ikinabubuhay ko sa pananampalataya, ang pananampalataya na ito'y sa Anak ng Dios, na sa akin ay ^(BK)umibig, at ^(BL)ibinigay ang kaniyang sarili dahil sa akin.

²¹ Hindi ko niwawalan ng halaga ang biyaya ng Dios: ^(BM)sapagka't kung sa pamamagitan ng kautusan ay ang katuwiran, kung gayo'y si Cristo ay namatay ng walang kabuluhan.