Read the New Testament in 24 Weeks

5 Sa ^(A)kalayaan ay pinalaya tayo ni Cristo: magsitibay nga kayo, at huwag na kayong pasakop na muli ^(B)sa pamatok ng pagkaalipin.

² Narito, akong si Pablo ay nagsasabi sa inyo, ^(C)na, kung inyong tinatanggap ang pagtutuli, ay wala kayong mapapakinabang na anoman kay Cristo.

³ Oo, pinatotohanan kong muli sa bawa't taong tumatanggap ng pagtutuli, ^(D)na siya'y may kautangang tumupad ng buong kautusan.

⁴ Kayo'y hiwalay kay Cristo, ^(E)kayong nangagiibig na ariing-ganap ng kautusan; nangahulog kayo mula ^(F)sa biyaya.

⁵ Sapagka't tayo sa pamamagitan ng Espiritu sa pananampalataya ay ^(G)naghihintay ng pangako ng katuwiran.

⁶ Sapagka't ^(H)kay Cristo Jesus, kahit ang pagtutuli ay walang kabuluhan, kahit man ang di-pagtutuli; ^(I)kundi ang pananampalataya na gumagawa sa pamamagitan ng pagibig.

⁷ Nagsisitakbo kayong mabuti nang una; ^(J)sino ang gumambala sa inyo upang kayo'y huwag magsisunod sa katotohanan?

⁸ Ang paghikayat na ito ay hindi nagmula ^(K)doon sa tumawag sa inyo.

⁹ Ang kaunting lebadura ay ^(L)nagpapakumbo sa buong limpak.

¹⁰ Ako'y may pagkakatiwala sa inyo sa Panginoon, na hindi kayo nagsipagisip ng ibang paraan: datapuwa't ^(M)ang gumagambala sa inyo ay magtataglay ng kaniyang kahatulan, maging sinoman siya.

¹¹ Nguni't ako, mga kapatid, ^(N)kung ipinangangaral ko pa ang pagtutuli, ^(O)bakit ako'y pinaguusig pa? kung gayon ay natapos ^(P)na ang katitisuran sa krus.

¹² Ibig ko sana na ang mga nagsisigulo sa inyo ay gumawa ng ^(Q)higit sa pagtutuli.

¹³ Sapagka't kayo, mga kapatid, ay tinawag sa ^(R)kalayaan; ^(S)huwag lamang gamitin ang inyong kalayaan, upang magbigay kadahilanan sa laman, kundi sa pamamagitan ng pagibig ay mangaglingkuran kayo.

¹⁴ Sapagka't ang ^(T)buong kautusan ay natutupad sa isang salita, sa makatuwid ay dito: ^(U)Iibigin mo ang inyong kapuwa na gaya ng inyong sarili.

¹⁵ Nguni't kung kayo-kayo rin ang nangagkakagatan at nangagsasakmalan, magsipagingat kayo na baka kayo'y mangaglipulan sa isa't isa.

¹⁶ Sinasabi ko nga, ^(V)Magsilakad kayo ayon sa Espiritu, at hindi ninyo gagawin ang mga pita ng laman.

¹⁷ Sapagka't ^(W)ang laman ay nagnanasa ng laban sa Espiritu, at ang Espiritu ay laban sa laman; sapagka't ang mga ito ay nagkakalaban; ^(X)upang huwag ninyong gawin ang bagay na inyong ibigin.

¹⁸ Datapuwa't ^(Y)kung kayo'y pinapatnubayan ng Espiritu, ay wala kayo sa ilalim ng kautusan.

^19 (Z)At hayag ang mga gawa ng laman, sa makatuwid ay ang mga ito: pakikiapid, karumihan, kalibugan,

²⁰ Pagsamba sa diosdiosan, pangkukulam, mga pagtataniman, mga pagtatalo, mga paninibugho, mga pagkakaalitan, mga pagkakampikampi, mga pagkakabahabahagi, mga hidwang pananampalataya,

²¹ Mga kapanaghilian, mga paglalasing, mga kalayawan, at ang mga katulad nito; tungkol sa mga bagay na ito ay aking ipinagpapaunang ipaalaala sa inyo, tulad sa aking pagpapaalaala nang una sa inyo, na ^(AA)ang mga nagsisigawa ng gayong mga bagay ay hindi magsisipagmana ng kaharian ng Dios.

²² Datapuwa't ^(AB)ang bunga ng Espiritu ay pagibig, katuwaan, kapayapaan, pagpapahinuhod, ^(AC)kagandahang-loob, kabutihan, pagtatapat,

²³ Kaamuan, pagpipigil; ^(AD)laban sa mga gayong bagay ay walang kautusan.

²⁴ At ^(AE)ipinako sa krus ng mga na kay Cristo Jesus ang laman na kasama ang mga masasamang pita at mga kahalayan nito.

^25 (AF)Kung tayo'y nangabubuhay sa pamamagitan ng Espiritu, ay mangagsilakad naman tayo ayon sa Espiritu.

²⁶ Huwag tayong maging mga palalo, ^(AG)na tayo-tayo'y nangagmumungkahian sa isa't isa, nangagiinggitan sa isa't isa.

6 Mga kapatid, ^(AH)kung ang sinoman ay masumpungan sa anomang pagsuway, kayong ^(AI)mga sa espiritu, ay inyong papanumbalikin ang gayon sa ^(AJ)espiritu ng kahinhinan; na iyong pagwariin ang iyong sarili, baka ikaw naman ay matukso.

² Mangagdalahan kayo ng mga ^(AK)pasanin ng isa't isa, at tuparin ninyong gayon ^(AL)ang kautusan ni Cristo.

³ Sapagka't kung ^(AM)ang sinoman ay nagaakala na siya'y may kabuluhan bagaman siya ay walang kabuluhan, ang kaniyang sarili ang dinadaya niya.

⁴ Nguni't siyasatin ng ^(AN)bawa't isa ang kaniyang sariling gawa, at kung magkagayon ay magkakaroon siya ng kaniyang kapurihan tungkol sa kaniyang sarili lamang, at hindi tungkol sa kapuwa.

⁵ Sapagka't ang ^(AO)bawa't tao ay magpapasan ng kaniyang sariling pasan.

⁶ Datapuwa't ang tinuturuan ^(AP)sa aral ng Dios ay makidamay doon sa nagtuturo sa lahat ng mga bagay na mabuti.

⁷ Huwag kayong padaya; ang Dios ay hindi napabibiro: sapagka't ang ^(AQ)lahat na ihasik ng tao, ay siya namang aanihin niya.

⁸ Sapagka't ang naghahasik ng sa kaniyang sariling laman ay sa laman magaani ng kasiraan; datapuwa't ang naghahasik ng sa Espiritu ay sa Espiritu magaani ng buhay na walang hanggan.

^9 (AR)At huwag tayong mangapagod sa paggawa ng mabuti: sapagka't sa kapanahunan ay magsisipagani tayo, ^(AS)kung hindi tayo manganghihimagod.

¹⁰ Kaya nga, samantalang tayo'y may pagkakataon, ay ^(AT)magsigawa tayo ng mabuti sa lahat, at lalong lalo na sa ^(AU)mga kasangbahay sa pananampalataya.

¹¹ Tingnan ninyo kung gaano kalalaking mga titik ang isinulat ko sa inyo ^(AV)ng aking sariling kamay.

¹² Yaong ^(AW)lahat na may ibig magkaroon ng isang mabuting anyo sa laman, ^(AX)ay siyang pumipilit sa inyo na mangagtuli; upang huwag lamang silang ^(AY)pagusigin dahil sa krus ni Cristo.

¹³ Sapagka't yaon mang nangatuli na ay hindi rin nagsisitupad ng kautusan; nguni't ibig nilang kayo'y ipatuli, upang sila'y mangagmapuri sa inyong laman.

¹⁴ Datapuwa't malayo nawa sa akin ang ^(AZ)pagmamapuri, maliban na sa krus ng ating Panginoong Jesucristo, na sa pamamagitan niyao'y ang sanglibutan ay ^(BA)napako sa krus sa ganang akin, at ako'y sa sanglibutan.

¹⁵ Sapagka't ang pagtutuli ay walang anoman, kahit man ang di-pagtutuli, kundi ^(BB)ang bagong nilalang.

¹⁶ At ang lahat ^(BC)na mangagsisilakad ayon sa alituntuning ito, ^(BD)kapayapaan at kaawaan nawa ang sumakanila, at sa ^(BE)Israel ng Dios.

¹⁷ Buhat ngayon sinoman ay huwag bumagabag sa akin; sapagka't dala kong nakalimbag sa aking katawan ^(BF)ang mga tanda ni Jesus.

¹⁸ Mga kapatid, ^(BG)ang biyaya ng ating Panginoong Jesucristo ay sumainyo nawang espiritu. Siya nawa.