Chronological

65 Ang kapurihan ay naghihintay sa iyo, Oh Dios, sa Sion:
At sa iyo'y maisasagawa ang panata.
² Oh ikaw na dumidinig ng dalangin,
^(A)Sa iyo'y paroroon ang lahat ng laman.
³ Mga kasamaan ay nangananaig laban sa akin:
Tungkol sa aming pagsalangsang, ay ^(B)lilinisin mo.
^4 (C)Mapalad ang tao na ^(D)iyong pinipili, at pinalalapit mo sa iyo,
^(E)Upang siya'y makatahan sa iyong mga looban:
^(F)Kami ay mangasisiyahan sa kabutihan ng iyong bahay,
Ng iyong banal na templo.
⁵ Sasagutin mo kami sa katuwiran sa pamamagitan ng mga kakilakilabot na bagay,
Oh Dios ng aming kaligtasan;
Ikaw na katiwalaan ng ^(G)lahat na wakas ng lupa,
At nila na malayo sa dagat:
⁶ Na naglalagay na matibay ng mga bundok sa pamamagitan ng kaniyang kalakasan;
Palibhasa't nabibigkisan sa palibot ng kapangyarihan:
^7 (H)Na nagpapatigil ng hugong ng mga dagat,
Ng hugong ng kanilang mga alon,
^(I)At ng kaingay ng mga bayan.
⁸ Sila naman na nagsisitahan sa mga pinakadulong bahagi ay nangatatakot sa iyong mga tanda:
Ikaw ang nagbibigay galak sa pagbubukang liwayway at pagtatakip-silim.
^9 (J)Iyong dinadalaw ang lupa, at ^(K)dinidilig mo,
Iyong pinayayamang mainam;
^(L)Ang ilog ng Dios ay puno ng tubig:
Iyong pinagtataanan sila ng trigo, pagka't inihanda mo ang lupa.
¹⁰ Iyong dinidilig ang kaniyang bungkal ng sagana;
Iyong pinapantay ang kaniyang mga bungkal;
Iyong mga pinalalambot ng ambon;
Iyong pinagpapala ang pagsibol niyaon.
¹¹ Iyong dinudulutan ang taon ng iyong kabutihan;
At ang iyong mga landas ay pumapatak ng katabaan.
¹² Nagsisipatak sa mga ^(M)pastulan sa ilang;
At ang mga burol ay nabibigkisan ng kagalakan.
¹³ Ang mga^[a] pastulan ay nangabihisan ng mga kawan;
Ang mga libis naman ay nangatatakpan ng trigo;
Sila'y magsisihiyaw sa kagalakan, sila naman ay nagsisiawit.

66 Magkaingay kayong may kagalakan ^(N)sa Dios, buong lupa.
² Awitin ninyo ang kaluwalhatian ng kaniyang pangalan:
Paluwalhatiin ninyo ang pagpuri sa kaniya.
³ Inyong sabihin sa Dios, ^(O)Napaka kakilakilabot ng iyong mga gawa!
Sa kadakilaan ng iyong kapangyarihan ay magsisuko ang iyong mga kaaway sa iyo.
⁴ Buong lupa ay sasamba sa iyo,
At aawit sa iyo;
Sila'y magsisiawit sa iyong pangalan. (Selah)
^5 (P)Kayo ay magsiparito, at tingnan ninyo ang mga gawa ng Dios;
Siya'y kakilakilabot sa kaniyang gawain sa mga anak ng mga tao.
^6 (Q)Kaniyang pinagiging tuyong lupa ang dagat:
Sila'y nagsidaan ng paa sa ilog:
Doo'y nangagalak kami sa kaniya.
⁷ Siya'y nagpupuno ng kaniyang kapangyarihan magpakailan man:
Papansinin ^(R)ng kaniyang mga mata ang mga bansa:
Huwag mangagpakabunyi ^(S)ang mga manghihimagsik. (Selah)
⁸ Oh purihin ninyo ang ating Dios, ninyong mga bayan,
At iparinig ninyo ang tinig ng kaniyang kapurihan:
⁹ Na umaalalay sa ating kaluluwa sa buhay,
At hindi tumitiis na makilos ang ating mga paa.
¹⁰ Sapagka't ^(T)ikaw, Oh Dios, tinikman mo kami:
^(U)Iyong sinubok kami na para ng pagsubok sa pilak.
¹¹ Iyong isinuot kami sa silo;
Ikaw ay naglagay ng mainam na pasan sa aming mga balakang.
¹² Iyong pinasakay ^(V)ang mga tao sa aming mga ulo;
^(W)Kami ay nangagdaan sa apoy at sa tubig;
Nguni't dinala mo kami sa saganang dako.
^13 (X)Ako'y papasok sa iyong bahay na may mga handog na susunugin,
Aking babayaran sa iyo ang mga panata ko,
¹⁴ Na sinambit ng aking mga labi,
At sinalita ng aking bibig, ^(Y)nang ako'y nasa kadalamhatian.
¹⁵ Ako'y maghahandog sa iyo ng mga matabang handog na susunugin,
Na may haing mga tupa;
Ako'y maghahandog ng mga toro na kasama ng mga kambing. (Selah)
^16 (Z)Kayo'y magsiparito at dinggin ninyo, ninyong lahat na nangatatakot sa Dios,
At ipahahayag ko kung ano ang kaniyang ginawa sa aking kaluluwa.
¹⁷ Ako'y dumaing sa kaniya ng aking bibig,
At siya'y ibinunyi ng aking dila.
^18 (AA)Kung pinakundanganan ko ang kasamaan sa aking puso,
Hindi ako didinggin ng Panginoon:
¹⁹ Nguni't katotohanang dininig ako ng Dios;
Kaniyang pinakinggan ang tinig ng aking dalangin.
²⁰ Purihin ang Dios,
Na hindi iniwaksi ang aking dalangin,
Ni ang kaniyang kagandahang-loob sa akin.

67 Dios maawa ka sa amin, at pagpalain mo kami,
^(AB)At pasilangin nawa niya ang kaniyang mukha sa amin; (Selah)
^2 (AC)Upang ang iyong daan ay maalaman sa lupa,
Ang iyong pangligtas na kagalingan ^(AD)sa lahat ng mga bansa.
^3 (AE)Purihin ka ng mga bayan, Oh Dios;
Purihin ka ng lahat ng mga bayan.
⁴ Oh mangatuwa at magsiawit sa kasayahan ang mga bansa:
Sapagka't iyong hahatulan ang mga bayan ng karampatan,
At iyong pamamahalaan ang mga bansa sa lupa. (Selah)
⁵ Purihin ka ng mga bayan, Oh Dios;
Purihin ka ng lahat ng mga bayan.
⁶ Isinibol ^(AF)ng lupa ang kaniyang bunga:
Ang Dios ang sarili naming Dios ay pagpapalain kami.
⁷ Pagpapalain kami ng Dios:
At lahat ng mga wakas ng lupa ay ^(AG)mangatatakot sa kaniya.

69 Iligtas mo ako, Oh Dios; Sapagka't ^(A)ang tubig ay tumabon sa aking kaluluwa.
² Ako'y lumulubog sa malalim na burak na walang tayuan:
Ako'y lumulubog sa malalim na tubig, na tinatabunan ako ng agos.
³ Ako'y hapo sa aking daing; ang lalamunan ko'y tuyo:
Ang mga mata ko'y nangangalumata habang hinihintay ko ang aking Dios.
^4 (B)Silang nangagtatanim sa akin ng walang anomang kadahilanan ay higit kay sa mga buhok ng aking ulo:
Silang ibig maghiwalay sa akin, na mga kaaway kong may kamalian, ay mga makapangyarihan:
^(C)Akin ngang isinauli ang hindi ko kinuha.
⁵ Oh Dios, kilala mo ang kamangmangan ko;
At ang mga kasalanan ko'y hindi lihim sa iyo.
⁶ Huwag mangapahiya dahil sa akin ang nangaghihintay sa iyo,
Oh Panginoong Dios ng mga hukbo:
Huwag mangalagay sa kasiraang puri dahil sa akin ang nagsisihanap sa iyo, Oh Dios ng Israel.
⁷ Sapagka't ^(D)dahil sa iyo ay nagdala ako ng kadustaan;
Kahihiyan ay tumakip sa aking mukha.
^8 (E)Ako'y naging iba sa aking mga kapatid,
At taga ibang lupa sa mga anak ng aking ina.
^9 (F)Sapagka't napuspos ako ng sikap sa iyong bahay;
^(G)At ang mga pagduwahagi nila na nagsisiduwahagi sa iyo ay nangahulog sa akin.
¹⁰ Pag umiiyak ako at pinarurusahan ko ng pagaayuno ang aking kaluluwa,
Yao'y pagkaduwahagi sa akin.
¹¹ Nang magsuot ako ng kayong magaspang,
Ay naging kawikaan ako sa kanila.
¹² Pinag-uusapan ako nilang nangauupo sa pintuang-bayan;
At ako ang awit ng mga lango.
¹³ Nguni't tungkol sa akin, ang dalangin ko'y sa iyo, Oh Panginoon, ^(H)sa isang kalugodlugod na panahon:
Oh Dios, sa karamihan ng iyong kagandahang-loob,
^14 (I)Iligtas mo ako sa burak, at huwag mo akong ilubog:
Maligtas ako sa kanila na nangagtatanim sa akin, at sa malalim na tubig.
¹⁵ Huwag akong tangayin ng baha,
Ni lamunin man ako ng kalaliman:
At huwag takpan ng ^(J)hukay ang kaniyang bunganga sa akin.
¹⁶ Sagutin mo ako, Oh Panginoon; sapagka't ang iyong kagandahang-loob ay mabuti:
^(K)Ayon sa karamihan ng iyong mga malumanay na kaawaan ay bumalik ka sa akin.
¹⁷ At huwag mong ikubli ang iyong mukha sa iyong lingkod;
Sapagka't ako'y nasa kahirapan; sagutin mo akong madali.
¹⁸ Lumapit ka sa aking kaluluwa, at tubusin mo:
Iligtas mo ako dahil sa aking mga kaaway.
¹⁹ Talastas mo ang ^(L)aking kadustaan, at ang aking ^(M)kahihiyan, at ang aking kasiraang puri:
Ang aking mga kaaway, ay pawang nangasa harap mo.
²⁰ Kaduwahagihan ay sumira ng aking puso; at ^(N)ako'y lipos ng kabigatan ng loob:
At ako'y naghintay na may maawa sa akin, nguni't wala;
At mga mangaaliw, nguni't wala akong masumpungan.
²¹ Binigyan naman nila ako ng pagkaing mapait;
^(O)At sa aking kauhawan ay binigyan nila ako ng suka na mainom.
^22 (P)Maging lalang sa harap nila ang kanilang dulang;
At maging isang silo kung sila'y nasa kapayapaan.
^23 (Q)Manglabo ang kanilang mga mata, na sila'y huwag makakita;
At papanginigin mong palagi ang kanilang mga balakang.
^24 (R)Ibugso mo ang iyong galit sa kanila,
At datnan sila ng kabangisan ng iyong galit.
^25 (S)Magiba ang tahanan nila;
Walang tumahan sa kanilang mga tolda.
²⁶ Sapagka't kanilang hinabol siya na iyong sinaktan,
At ^(T)sinaysay nila ang damdam niyaong iyong sinugatan.
^27 (U)At dagdagan mo ng kasamaan ang kanilang kasamaan:
At huwag silang masok sa iyong katuwiran.
^28 (V)Mapawi sila sa aklat ng buhay,
^(W)At huwag masulat na kasama ng matuwid.
²⁹ Nguni't ako'y dukha at mapanglaw:
Sa pamamagitan ng pagliligtas mo, Oh Dios, ay iahon mo nawa ako.
³⁰ Aking pupurihin ng awit ang pangalan ng Dios,
At dadakilain ko siya ng pasalamat.
³¹ At kalulugdan ng Panginoon na higit kay sa isang baka,
O sa toro na may mga sungay at mga paa.
^32 (X)Nakita ng mga maamo, at nangatuwa:
^(Y)Mabuhay ang puso, ninyong nagsisihanap sa Dios.
³³ Sapagka't dinidinig ng Panginoon ang mapagkailangan,
At hindi hinahamak ang kaniyang mga bilanggo.
^34 (Z)Purihin siya ng langit at lupa,
Ng mga dagat, ^(AA)at ng bawa't bagay na gumagalaw roon.
^35 (AB)Sapagka't ililigtas ng Dios ang Sion, at itatayo ang mga bayan ng Juda;
At sila'y magsisitahan doon, at tatangkilikin nila na pinakaari.
³⁶ Mamanahin naman ng binhi ng kaniyang mga lingkod;
At silang nagsisiibig ng kaniyang pangalan ay magsisitahan doon.

70 ^(AD)Magmadali ka, Oh Dios, na iligtas mo ako;
Magmadali ka na tulungan mo ako, Oh Panginoon.
² Mangapahiya at mangalito sila,
Na nagsisiusig ng aking kaluluwa:
Mangapatalikod sila at mangadala sa kasiraang puri.
Silang nangaliligaya sa aking kapahamakan.
^3 (AE)Mangapatalikod sila dahil sa kanilang kahihiyan.
Silang nangagsasabi, Aha, Aha.
⁴ Mangagalak at mangatuwa sa iyo ang lahat na nagsisihanap sa iyo;
At magsabing lagi yaong umiibig ng iyong kaligtasan:
Dakilain ang Dios.
⁵ Nguni't ako'y dukha at mapagkailangan;
^(AF)Magmadali ka sa akin, Oh Dios:
Ikaw ay aking katulong at aking tagapagligtas;
Oh Panginoon, huwag kang magluwat.