Chronological

³ “દેવ, મને બતાવો કે તમે ખરેખર મને આધાર આપો છો.
    બીજુ કોઇ મને આધાર નહિ આપે.
⁴ હે દેવ, તમે જ તેઓને આ સમજવા દીધું નથી,
    તેથી તમે તેઓને જીતવા દેશો નહિ.
⁵ તમે જાણો છો, લોકો શું કહે છે,
    ‘જ્યારે એક માણસ પોતાની સંપતિનો હિસ્સો મેળવવા માટે
    પોતાના મિત્રોને વાત કરે છે, તેના બાળકો અંધ બની જશે.’
⁶ દેવે મને લોકોમાં હાંસીપાત્ર બનાવ્યો છે;
    તેથી લોકો મારા મોઢા પર થૂંકે છે.
⁷ દુ:ખથી આંસુ સારવાથી હવે મારી આંખે અંધારા આવે છે,
    અને મારાં અંગો પડછાયા જેવા બની ગયા છે.
⁸ ન્યાયી લોકો આને લીધે ઉદ્વિગ્ન છે.
    નિર્દોષ લોકો જેઓ દેવની કાળજી કરતાં નથી તેને લીધે વ્યથિત છે.
⁹ છતાંય સજ્જન પુરૂષો પોતાના માર્ગમાં ટકી રહેશે
    અને પ્રામાણિક નીતિવાન અધિકાધિક બળવાન થતાં રહેશે.

¹⁰ “પરંતુ તમે બધા રહેવા જ દો, પાછા આવો,
    મને તમારી વચ્ચે એકપણ શાણો માણસ નહિ મળે.
¹¹ મારું જીવન પસાર થતું જાય છે.
    મારી યોજનાઓ નષ્ટ થઇ ગઇ છે.
    મારી આશાઓ અદ્રશ્ય થઇ ગઇ છે.
¹² પણ મારા મિત્રો રાત ને દિવસ માને છે,
    અંધકાર હોવા છતાં તેઓ કહે છે, ‘પ્રકાશ નજીકમાં છે.’

¹³ “હું કદાચ આશા રાખુંકે કબર મારું નવું ઘર બને.
    હું કબરના અંધકારમાં પથારી પાથરવાની પણ કદાચ આશા રાખું.
¹⁴ મેં કબરને એમ કહ્યું છે, ‘તમે મારા પિતા છો.’
    મેં કીડાઓને કહ્યું છે, ‘તમે મારી માતા અને બહેનો છો.’
¹⁵ તો પછી હવે, મારે માટે કોઇ આશા રહી ખરી?
    કોણ જોશે, મારા માટે કોઇ આશા છે કે નહિ?
¹⁶ મારી આશા, નીચે મૃત્યુલોક સુધી જશે?
    આપણે માટીમાં સાથે મળી જઇશું?”

⁵ “હા, દુષ્ટ લોકોનું તેજ બહાર ચાલ્યું જશે.
    તેનો અગ્નિ બળતો બંધ થઇ જશે.
⁶ તેના પ્રકાશિત ઘરમાઁ અંધારૂ થશે.
    તેની પાસેનો દીવો હોલવાઇ જશે.
⁷ તેનાં મજબૂત પગલાં નબળાં પડી જશે.
    તેની અનિષ્ટ ઇચ્છાઓ તેને નીચે પાડશે.
⁸ તે ફાસલામાં ચાલે છે;
    તેના પગ એમાં ફસાઇ જાય છે.
⁹ ફાસલો તેના પગની પાની પકડી લે છે,
    એના પાશમાં તે જકડાઇ જાય છે.
¹⁰ જમીન પર જાળ સંતાઇને પડી હશે,
    તેનાં માર્ગમાં એ પાથરેલી હશે.
¹¹ એની ચારેકોર ભય તેની પર ત્રાટકવા ટાંપી રહ્યાં છે.
    દરેક પગલું તેની પાછળ તે ભરે છે.
¹² ભૂખથી તેનું બળ ક્ષીણ થઇ જશે.
    વિનાશ તેને નીચો પાડવાં રાહ જોઇને ઊભા હોય છે.
¹³ ભયંકર બિમારીઓ તેની ચામડીને કોરી ખાશે.
    એના હાથ, પગ કોહવાઇ જશે.
¹⁴ એ જે ઘરમાં નિરાંતે જીવે છે એમાંથી એને બહાર ખેંચી કાઢવામાં આવે છે
    અને એને ભયના રાજાની હાજરીમાં લાવવામાં આવશે.
¹⁵ જેઓ તેનાં નથી તેઓ તેના ઘરમાં વસશે;
    એના ઘર પર ગંધક છાંટવામાં આવે શે.
¹⁶ તેની નીચેથી મૂળીયાં સડી જાય છે,
    તેની ઉપરની ડાળીઓ સુકાઇ જાય છે. તેથી તે મૃત્યુ પામશે.
¹⁷ આ દુનિયામાં તેનું નામનિશાન રહેશે નહિ.
    એને કોઇ પણ યાદ કરશે નહિ.
¹⁸ પ્રકાશમાંથી તેને અંધકારમાં ધકેલી દેવામાં આવશે
    અને જગતમાંથી તેને હાંકી કાઢવામાં આવશે.
¹⁹ તેને કોઇ સંતાન કે પૌત્ર, પૌત્રીઓ હશે નહિ.
    તેના કુટુંબમાંથી કોઇ જીવતું નહિ રહે.
²⁰ પશ્ચિમના લોકો દિગમૂઢ થઇ જશે જ્યારે તેઓ સાંભળશે કે તે દુષ્ટ માણસને શું થયું.
    અને પૂર્વના લોકો ભયને કારણે તેમના વાળ ખેચી નાખશે.
²¹ દુષ્ટ લોકોના ઘરને ખરેખર આમ થશે,
    જેને દેવનું જ્ઞાન નથી તેની આવી જ દશા થશે.”

¹³ “તેમણે મને મારા ભાઇઓ અને સાથીઓથી વિખૂટો પાડ્યો છે.
    હું બધાય સ્વજનોમાં અજાણ્યા જેવો લાગું છું.
¹⁴ સગાંવહાંલાઓએ મને તજી દીધો છે.
    મારા મિત્રો પણ મને ભૂલી ગયા છે.
¹⁵ મારા ઘરમાં જે મુલાકાતીઓ રહે છે તે તથા મારા નોકરો પણ મને પારકા જેવો ગણે છે.
    તેઓને હું વિદેશી જેવો લાગુ છું.
¹⁶ મારા નોકરને હું બોલાવું છું અને તે આવતો નથી.
    જો હું મદદ માટે આજીજી કરું તો પણ તે જવાબ આપતો નથી.
¹⁷ મારી પત્ની મારા શ્વાસનેજ ધિક્કારે છે,
    અને મારા સગા ભાઇઓ પણ મારો તિરસ્કાર કરે છે.
¹⁸ નાનાં બાળકો પણ મારો તિરસ્કાર કરે છે;
    અને જ્યારે હું ઊઠું છું ત્યારે તેઓ મને ખરાબ શબ્દો કહે છે.
¹⁹ મારા ગાઢ મિત્રો મારો તિરસ્કાર કરે છે.
    મારા સૌ પ્રિયજનો મારી વિરૂદ્ધ થઇ ગયાં છે.

²⁰ “હું ખૂબ પાતળો છું, મારાં હાડકાંમાંથી મારી ચામડી ઢીલાશથી લટકે છે.
    મારામાં થોડોકજ જીવ બાકી રહ્યો છે.

²¹ “હે મારા મિત્રો, મારા પર દયા કરો,
    કારણકે દેવ મારી વિરૂદ્ધ થઇ ગયા છે.
²² શા માટે દેવની જેમ તમે પણ મારી પાછળ પડ્યાં છો?
    મેં વેઠેલા દુ:ખોથી પણ તમને સંતોષ નથી થતો શું?

²³ “હું ઇચ્છું છું, કોઇ હું શું બોલું છું તે યાદ રાખે અને તે એક ચોપડીમાં લખે.
    હું ઇચ્છું છું મારા શબ્દો ટીપણી પર લખાય.
²⁴ હું ઇચ્છું છું કે, હું જે કહું છું તે લોખંડની કલમથી સીસાથી ખડક
    પર કોતરવામાં આવે તો તે સદાય રહેશે.
²⁵ હું જાણું છું કે મારો ઉધ્ધાર કરનાર કોઇ છે.
    હું જાણુ છું તે જીવે છે. અને આખરે તે અહીં પૃથ્વી પર ઊભો રહેશે અને મારો બચાવ કરશે.
²⁶ મારી ચામડી ઉતરડાઇ જશે અને મારો દેહ પડી જશે પછી
    પણ હું મારા દેવને મળીશ.
²⁷ હા, હું તેમને મારી પોતાની આંખો વડે જોઇશ.
    બીજું કોઇ નહિ હું પોતેજ દેવને જોઇશ
    અને તે મને મનમાં કેટલો ક્ષુબ્ધ અનુભવ કરાવે છે તે હું તમને કહી શકતો નથી.

²⁸ “તમે કદાચ કહો, ‘અમે અયૂબને હેરાન કરીશું.
    અને તેનો વાંક કાઢવા કઇક કારણ શોધીશું.’
²⁹ તરવારથી તમારે ડરવું જોઇએ; કારણકે દેવ ગુનેગાર ને સજા આપે છે.
    તમને સજા આપવા દેવ તરવારનો ઊપયોગ કરશે.
    ત્યારે તમને ખબર પડશે કે ન્યાય કરનાર એક છે.”

⁴ “શું તને ખબર નથી કે, પ્રાચીન કાળથી, એટલે કે મનુષ્ય પૃથ્વી પર આવીને વસ્યો ત્યારથી
⁵     દુષ્ટ લોકોની કીર્તિ ક્ષણભંગુર છે,
    તથા નાસ્તિકનો આનંદ ક્ષણિક છે?
⁶ એનું ઘમંડ ભલેને આકાશ જેટલું ઉંચુ થાય,
    એનું મસ્તક ભલેને વાદળોને આંબી જાય;
⁷ પણ એ પોતાના જ વિષ્ટાની જેમ હંમેશને માટે નાશ પામે છે.
    જેમણે એને જોયો છે તેઓ પૂછે છે; ‘તે ક્યાં છે?’
⁸ સ્વપ્નની જેમ તે અદ્રશ્ય થઇ જશે.
    રાત્રિના સંદર્શનની જેમ તે અદ્રશ્ય થઇ જશે.
⁹ જેણે તેને જોયો હતો, તે તેને ફરી કદી જોઇ શકશે નહિ.
    તેનું કુટુંબ તેની સામે ક્યારેય નહિ જોવે.
¹⁰ દુષ્ટ માણસનાં સંતાનો એ ગરીબ પાસેથી જે
    લીધું હતું તે પાછું આપશે.
¹¹ તે જ્યારે જુવાન હતો, તેના હાડકા મજબૂત હતા.
    પણ તેના બાકીના શરીરની જેમ, તેઓ ધૂળમાં મળી જશે.

¹² “તેણે પોતાની દુષ્ટતાના સ્વાદમાં આનંદ માણ્યો છે.
    દુષ્ટતાને તેણે પોતાના મુખમાં ધીમે ધીમે ઓગળવા દીધી છે.
¹³ દુષ્ટ માણસ અનિષ્ટ ને માણે છે.
    તે તેનાથી છૂટવા માગતો નથી.
    તે તેના મોઢામાં સાકરના ટૂકડા જેવું છે.
¹⁴ પરંતુ તેનાં પેટમાં એ અનિષ્ટ ઝેરમાં બદલાઇ જશે.
    તે તેની અંદર કડવા ઝેર જેવું થઇ જશે, સાપના ઝેર સમાન.
¹⁵ એણે જે ધનસંપતિ ગળી ગયો છે તે એણે ઓકી નાખવી પડે છે.
    દેવ એનાં પેટમાંથી એ કઢાવે છે.
¹⁶ એણે જે શોષી લીધું હતું તે સાપનું ઝેર હતું.
    સાપનો એ ડંખ એને મારી નાંખે છે.
¹⁷ તેણે હડપ કરી લીધેલી વસ્તુઓ તેને આનંદ આપશે નહિ,
    તેને દૂધ અને મધની નદીઓનો આનંદ મળશે નહિ.
¹⁸ એણે મહેનતથી જે મેળવ્યું છે તે ભોગવ્યાં વિનાજ એને પાછું આપવું પડશે.
    જે ધનસંપતિ એ કમાયો છે તે એ માણી શકશે નહિ.
¹⁹ કારણકે એણે ગરીબોને રંજાડ્યાં છે ને તરછોડ્યાં છે,
    બીજાના બાંધેલા ઘર પચાવી પાડ્યાં છે.

²⁰ “તે કદી ધરાયો નથી.
    તેની ધનસંપતિ તેને બચાવી શકશે નહિ.
²¹ તે જ્યારે ખાય છે, કાંઇ બાકી રહેતું નથી.
    તેની સફળતા સતત રહેતી નથી.
²² એ સિદ્ધિના શિખરે હશે ત્યારે જ આફતો તેને હંફાવશે.
    તેની આફતો સંપૂર્ણ શકિત પૂર્વક તેના ઉપર ઊતરી પડશે.
²³ જ્યારે તેનું પેટ તેને જે જોઇએ છે તેનાથી ભરાયું હશે,
    દેવ તેની સામે ભભૂકતા ક્રોધનો વરસાદ વરસાવશે.
    દેવ તેના પર સજાનો વડસાદ વરસાવશે.
²⁴ જો એ લોઢાની તરવારમાંથી છટકી જશે તો
    કાંસાનું બાણ એને વીંધી નાખશે.
²⁵ તેના પેટમાંથી બાણ આરપાર નીકળી જશે,
    અને પીઠમાંથી ભોંકાઇને બહાર આવશે.
તેની ચળકતી ધાર તેના પિત્તાશયને વીંધી નાખશે.
    તે ભયથી આઘાત પામશે.
²⁶ તેનો ખજાનો અંધકારના ઊંડાણમાં ખોવાઇ જશે.
    પ્રચંડ અગ્નિ કે જેનો કોઇ માનવે આરંભ કર્યો નથી.
    તેના માલ સામાનનો નાશ કરશે અને તેનું જે કાંઇ બાકી છે તે સર્વ ભસ્મીભૂત થઇ જશે.
²⁷ આકાશ તેનો ગુનો ઉઘાડો પાડશે;
    પૃથ્વી એની વિરુદ્ધ સાક્ષી પૂરશે.
²⁸ જે દિવસે દેવનો પ્રકોપ ફાટી નીકળશે તે દિવસે ધસમસતાં
    પૂરમાં એનાં ઘરબાર તણાઇ જશે.
²⁹ દેવ દુષ્ટ લોકોને આ પ્રમાણે કરશે અને આ એજ છે
    જે તે તેમને આપવાની યોજના કરે છે.”