Book of Common Prayer

¹² દુષ્ટો ન્યાયીઓની વિરુદ્ધ ખરાબ યુકિતઓ ઘડે છે
    અને તેમની જ સામે પોતાના દાંત પીસે છે.
¹³ પ્રભુ જુએ છે કે તેમનો કાળ નજીક આવ્યો છે;
    તેથી તે દુષ્ટ માણસોની હાંસી ઉડાવે છે.
¹⁴ દુષ્ટોએ દરિદ્રી અને કંગાળનો, તથા સત્ય આચરણ કરનારનો સંહાર કરવા ખુલ્લી તરવાર લીધી છે,
    અને ધનુષ્યથી નિશાન તાક્યું છે.
¹⁵ તેઓની પોતાની જ તરવાર તેઓના પોતાના જ હૃદયને વિંધશે;
    અને તેઓનાઁ ધનુષ્યને ભાંગી નાંખવામાં આવશે.
¹⁶ નીતિમાન લોકો પાસે જે અલ્પ છે,
    તે દુષ્ટ લોકોની વિપુલ સંપત્તિ કરતાં વધારે સારું છે.
¹⁷ કારણ, દુષ્ટ લોકોના હાથોની શકિતનો નાશ કરવામાં આવશે
    પણ યહોવા નીતિમાન લોકોની કાળજી લેશે અને તેમને ટેકો આપશે.
¹⁸ યહોવાને યથાથીર્ઓના સર્વ પ્રસંગોની ખબર છે,
    તેની દ્રૃષ્ટિમાં તેઓ નિર્દોષ છે, તેઓનો વારસો સદાય ટકી રહેશે
¹⁹ યહોવા તેઓની વિકટ સંજોગોમાં
    પણ કાળજી રાખે છે,
દુકાળનાં સમયે
    પણ તે સવેર્ તૃપ્ત થશે.
²⁰ પણ દુષ્ટો અને યહોવાના શત્રુઓ,
    ઘાસની જેમ ચીમળાઇ જશે,
અને ધુમાડા ની
    જેમ અદ્રશ્ય થઇ જશે.
²¹ દુષ્ટો ઉછીનું લે છે ખરા પણ પાછું કદી આપતા નથી,
    ન્યાયી જે આપવામાં ઉદાર છે તે કરુણાથી વતેર્ છે.
²² જેઓ યહોવાથી આશીર્વાદિત છે, તેઓ પૃથ્વીનું વતન પામશે,
    પણ જેઓ દેવથી અભિશાપિત છે તેઓનો અવશ્ય સંપૂર્ણ વિનાશ થશે.
²³ યહોવા ન્યાયીને માર્ગ બતાવે છે, અને તેના પગલાં સ્થિર કરે છે.
    યહોવા પ્રસન્ન થાય છે તેથી તેનું જીવન સ્થિર કરે છે.
²⁴ તેઓ ઠોકર ખાશે છતાં પડશે નહિ,
    કારણ કે તેમને ટેકો આપવા માટે અને સ્થિર રાખવાં માટે યહોવા ત્યાં છે.
²⁵ હું જુવાન હતો અને હવે વૃદ્ધ થયો છું.
    છતાં ન્યાયીને તરછોડ્યા હોય કે
    તેનાં સંતાન ભીખ માંગતા હોય એવું કદાપિ મેં જોયું નથી.
²⁶ તે ન્યાયીઓ છે ઉદાર, તેઓ હંમેશા પોતાની પાસે જે છે તે છૂટથી બીજાને આપે છે.
    તેઓના સવેર્ સંતાનોને યહોવાના આશીર્વાદ મળશે.
²⁷ ભૂંડાથી દૂર થા, અને ભલું કર;
    અને દેશમાં સદાકાળ રહે.
²⁸ કારણ, યહોવા ન્યાય અને પ્રામાણિકતાને ઇચ્છે છે
    તે તેમના વિશ્વાસુ ભકતોને કદી છોડી દેતાં નથી;
તે તેમનું સદા રક્ષણ કરશે
    અને દુષ્ટોનાં સંતાનોનો વિનાશ કરશે.
²⁹ ન્યાયીઓ વતનનો વારસો પામશે,
    અને સદાકાળ ત્યાં નિવાસ કરશે.
³⁰ ન્યાયીની વાણી ડહાપણ ભરેલી છે,
    તેની જીભ સદા ન્યાયની વાત કરે છે.
³¹ તેમનાં પોતાના હૃદયમાં યહોવાનું નિયંત્રણ છે,
    અને તેમાંથી તે કદાપિ ચલિત થતાં નથી.

³² દુષ્ટો સદા ન્યાયી માણસોની જાસૂસી કરે છે, અને તેઓને મારી નાખવાના લાગ શોધતાં ફરે છે.
³³ પણ યહોવા દુષ્ટ માણસોના હાથમાં ન્યાયીઓને પડવા દેશે નહિ.
    ભલે તેઓને ન્યાયાલયોમાં લઇ જાય તોય તેઓ દોષિત ઠરાવાશે નહિ.
³⁴ ધીરજથી યહોવાની રાહ જુઓ અને તેના માર્ગને અનુસરો, અને યહોવા તમને વિજયી કરશે
    અને તમને જે દેશનું વચન અપાયેલું હતું તે તમને વારસામાં મળશે,
    અને તમે દુષ્ટ લોકોનો નાશ થતો જોશો.

³⁵ અનુકુળ ભૂમિમાં રોપેલા લીલા વૃક્ષની જેમ,
    મેં દુષ્ટને મોટા સાર્મથ્યમાં ફેલાતો જોયો.
³⁶ હું ફરી ત્યાં થઇને ગયો ત્યારે તે ત્યાં નહોતો;
    મેં તેને શોધ્યો, પરંતુ તેનો પત્તો મળ્યો નહિ.
³⁷ હવે જે નિર્દોષ છે તેનો વિચાર કરો. જે પ્રામાણિક છે તેનો વિચાર કરો.
    કેમ કે શાંતિપ્રિય લોકો તેમના વંશજો માટે ઉજ્જવળ ભવિષ્ય પામશે.
³⁸ પણ દુષ્ટો સમૂળગા વિનાશ પામશે,
    અંતે તેઓના વંશજોનો અંત આવશે.
³⁹ યહોવા ન્યાયીઓનો ઉદ્ધાર કરે છે.
    સંકટ સમયે માત્ર યહોવા જ તેમનું તારણ-આશ્રયસ્થાન છે.
⁴⁰ જે યહોવા પર ભરોસો રાખે છે, તેઓને તે દુષ્ટોથી છોડાવીને તારે છે;
    તેઓની આવીને સહાય કરે છે; કારણ, તેમણે તેનો આશરો લીધો છે.

³ દેવ તેમાનથી આવે છે,
    પવિત્ર દેવ પારાનના પર્વત પરથી આવે છે.

તેનો પ્રકાશ આકાશમાં પથરાય છે;
    તેની કિતીર્ પૃથ્વી પર ફેલાય છે.
⁴ સૂર્ય જેવું છે તેનું અનુપમ તેજ, કિરણો પ્રગટે છે તેના હાથમાંથી;
    ત્યાં જ છુપાયેલું છે તેનુ સાર્મથ્ય.
⁵ મરકી જાય છે તેની આગળ આગળ,
    ને રોગચાળો જાય છે તેને પગલે-પગલે.
⁶ તે ઊભા થાય છે
    અને પૃથ્વીને હલાવે છે,
    તેની નજરથી લોકોને
વિખેરી નાખે છે,
    પ્રાચીન પર્વતોના ટૂકડે ટૂકડા થઇ જાય છે,
પ્રાચીન ટેકરીઓ નમી જાય છે,
    તેઓ હંમેશા આવાજ હતા.

⁷ મેં કૂશાનના તંબુઓને વિપત્તિમાં જોયા છે;
    મેં મિદ્યાનમાં તંબુઓને હલતા જોયા છે.
⁸ હે યહોવા, તમે નદીઓ પર ગુસ્સે થયા છો?
    શું તમે ઝરણાઓ પર રોષે ભરાયા છો?
શું તમારો ક્રોધ સમુદ્ર પર છે?
    જેને કારણે તમે ઘોડાઓને, વિજ્યી રથો પર સવારી કરી રહ્યાં છો?

⁹ જ્યારે તમે તમારું મેઘધનુષ્ય બહાર કાઢો છો,
    તે તમે લોકોને આપેલા વચનની નિશાની હતી,
પૃથ્વીએ નદીઓને વહેંચી નાખી છે.

¹⁰     થરથર ધ્રુજે છે તને જોઇને પર્વતો,
મૂશળધાર વરસે છે વરસાદ,
    અને સાગર કરે છે ઘોર ગર્જના,
    ને હેલે ચડે છે તેના મોજા કેવા!
¹¹ રા વેગીલા બાણોના ઝબકારથી,
    અને તારા ચકચકતા ભાલાના ચળકાટથી;
    સૂર્ય અને ચંદ્ર પોતપોતાના સ્થાનમાં થંભી ગયા છે.
¹² તમે ગુસ્સામાં પૃથ્વી પર પગ પછાડો છો,
    અને ક્રોધમાં, પ્રજાઓને પગતળે કચડી નાખો છો.
¹³ તમે તમારા લોકોના ઉધ્ધારને માટે,
    વળી તમારા અભિષિકતના
ઉધ્ધારને માટે પણ બહાર ગયા.
    તમે દરેક દુષ્ટ કુળના નેતાઓને કાપી નાખો છો
    અને જમીનથી ગળા સુધી તેમને ખુલ્લા પાડો છો.

¹⁴ તમે લડવૈયાઓના માથા તેમના
    પોતાના જ ભાલાઓથી વીંધી નાખો છો.
જ્યારે તેઓ વાવાઝોડાની જેમ
    અમને મારી નાખવા આવ્યા.
સંતાઇ ગયેલા ગરીબોને ભસ્મસાત કરનારા
    લોકોની જેમ તેઓ આનંદ માને છે.
¹⁵ તમે જ્યારે તમારા ઘોડા પર સવાર થઇને સાગરમાંથી પાછા ફરો છો,
    ત્યારે પાણી ખળભળી જાય છે.
¹⁶ એ સાંભળીને તો હું ધ્રુજી ઊઠું છું;
    મારા હોઠ અને મારા પગતળેથી ધરતી ખસી જાય છે,
મારાઁ હાડકાં સડી જાય છે, મારું આખું શરીર ધ્રુજે છે,
    પણ હું ધીરજપૂર્વક આફતના દિવસની રાહ જોઉં છું જ્યારે
તે લોકોનું લશ્કર અમારી સામે ચઢી આવશે.