Book of Common Prayer

Ang kahangahangang gawa ng Panginoon ng dahil sa Israel.

^8 (A)Hipan ninyo ang ^(B)korneta sa Gabaa, at ang pakakak sa Rama: kayo'y magsitugtog ng hudyat sa ^(C)Beth-aven; sa likuran mo, Oh Benjamin.

⁹ Ang Ephraim ay magiging kasiraan sa kaarawan ng pagsaway: sa gitna ng mga lipi ng Israel ay aking ipanakilala ang tunay na mangyayari.

¹⁰ Ang mga prinsipe sa Juda ay gaya ng ^(D)nagsisibago ng lindero: aking ibubuhos ang aking galit sa kanila na parang tubig.

¹¹ Ang Ephraim ay ^(E)napighati, siya'y nadikdik sa kahatulan; sapagka't siya'y nasisiyahang lumakad ng ayon sa utos ng tao.

¹² Kaya't ako'y sa Ephraim na parang tanga, at sa sangbahayan ni Juda na parang kabulukan.

¹³ Nang makita ng Ephraim ang kaniyang sakit, at nang makita ni Juda ang kaniyang sugat, naparoon nga ang Ephraim sa Asiria, at nagsugo sa haring Jareb: nguni't hindi niya mapagagaling kayo, ni kaniyang mapapagaling man kayo sa inyong sugat.

¹⁴ Sapagka't ^(F)ako'y magiging parang leon sa Ephraim, at parang isang batang leon sa sangbahayan ni Juda, Ako, sa makatuwid baga'y ako, ay aagaw at aalis; ako'y magaalis, at walang magliligtas.

¹⁵ Ako'y yayaon at babalik sa aking dako, hanggang sa kanilang kilalanin ang pagkakasala, at hanapin ang aking mukha: sa kanilang pagdadalamhati ay hahanapin nila akong mainam.

Ang Ephraim at ang Juda ay napapanganib sa panghihimagsik ng Israel.

6 Magsiparito kayo, at tayo'y manumbalik sa Panginoon; sapagka't ^(G)siya'y lumapa, at pagagalingin niya tayo; siya'y nanakit, at kaniyang tatapalan tayo.

² Pagkatapos ng dalawang araw ay muling ^(H)bubuhayin niya tayo: sa ikatlong araw ay ibabangon niya tayo, at tayo'y mangabubuhay sa harap niya.

³ At ^(I)ating kilalanin, tayo'y magpatuloy upang makilala ang Panginoon: ang kaniyang paglabas ay tunay na ^(J)parang umaga; at siya'y paririto sa atin na parang ulan, na ^(K)parang huling ulan na dumidilig ng lupa.

⁴ Oh Ephraim, ano ang gagawin ko sa iyo? Oh Juda, ^(L)ano ang gagawin ko sa iyo? sapagka't ang inyong kabutihan ay parang ulap sa umaga, ^(M)at parang hamog na lumalabas na maaga.

⁵ Kaya't aking pinutol sila sa pamamagitan ng mga propeta; aking pinatay sila ng mga salita ng aking bibig; at ang iyong mga kahatulan ay parang liwanag na lumalabas.

⁶ Sapagka't ako'y nagnanasa ng kaawaan, ^(N)at hindi hain; at ng pagkakilala sa Dios higit kay sa mga handog na susunugin.

²⁷ At nang halos tapos na ^(A)ang pitong araw, ^(B)ang mga Judiong taga Asia, nang siya'y makita nila sa templo, ay kanilang ginulo ang buong karamihan at ^(C)siya'y kanilang dinakip,

²⁸ Na nangagsisigawan, Mga lalaking taga Israel, magsitulong kayo: Ito ang tao na nagtuturo sa mga tao sa lahat ng dako laban sa bayan, at ^(D)sa kautusan, at sa dakong ito; at bukod pa sa rito'y nagdala rin siya ng mga Griego sa templo, at ^(E)dinungisan itong dakong banal.

²⁹ Sapagka't nakita muna nila na kasama niya sa bayan si ^(F)Trofimo taga Efeso, na sinapantaha nilang ipinasok ni Pablo sa templo.

³⁰ At ang buong bayan ay napakilos, at ang mga tao'y samasamang nagsipanakbuhan; at ^(G)kanilang sinunggaban si Pablo, at siya'y kinaladkad na inilabas sa templo: at pagdaka'y inilapat ang mga pinto.

³¹ At samantalang pinagpipilitan nilang siya'y patayin, ay dumating ang balita sa pangulong kapitan ng pulutong, na ang buong Jerusalem ay nasa kaguluhan.

³² At pagdaka'y ^(H)kumuha siya ng mga kawal at mga senturion, at sumagasa sa kanila: at sila, nang kanilang makita ang pangulong kapitan at ang mga kawal ay nagsitigil ng paghampas kay Pablo.

³³ Nang magkagayo'y lumapit ang pangulong kapitan, at tinangnan siya, at ^(I)siya'y ipinagapos ng ^(J)dalawang tanikala; at itinanong kung sino siya, at kung ano ang ginawa niya.

³⁴ At iba'y sumisigaw ng isang bagay, ang iba'y iba naman, sa gitna ng karamihan: at nang hindi niya maunawa ang katotohanan dahil sa kaguluhan, ay ipinadala siya sa ^(K)kuta.

³⁵ At nang siya'y dumating sa hagdanan ay nangyari na siya'y binuhat ng mga kawal dahil sa pagagaw ng karamihan;

³⁶ Sapagka't siya'y sinusundan ng karamihan ng mga tao, na nangagsisigawan, ^(L)Alisin siya.

6 Nangyari nga ^(A)nang dumaraan siya sa mga trigohan nang isang sabbath, ay kumitil ng mga uhay ang mga alagad niya, at kinakain pagkaligis sa kanilang mga kamay.

² Datapuwa't sinabi ng ilan sa mga Fariseo, ^(B)Bakit ginagawa ninyo ang di matuwid gawin sa araw ng sabbath?

³ At pagsagot sa kanila ni Jesus ay sinabi, Hindi baga nabasa ninyo ang ginawa ni David, nang siya'y magutom, siya, at ang mga kasamahan niya;

⁴ Kung paanong siya'y pumasok sa bahay ng Dios, at kumain ng mga tinapay na handog, at binigyan pati ang kaniyang mga kasamahan; na hindi naaayon sa kautusan na kanin ninoman kundi ng mga saserdote lamang?

⁵ At sinabi niya sa kanila, Ang Anak ng tao ay panginoon ng sabbath.

⁶ At ^(C)nangyari nang ibang sabbath, na siya'y pumasok sa sinagoga at nagturo: at doo'y may isang lalake, at ^(D)tuyo ang kaniyang kanang kamay.

⁷ At ^(E)inaabangan siya ng mga eskriba at ng mga Fariseo, kung siya'y magpapagaling sa sabbath; upang makasumpong sila ng paraan na siya'y maisakdal.

⁸ Datapuwa't ^(F)nalalaman niya ang kanilang mga kaisipan; at sinabi niya sa lalake na tuyo ang kamay, Magtindig ka at tumayo ka sa gitna. At siya'y nagtindig at tumayo.

⁹ At sinabi sa kanila ni Jesus, Itinatanong ko sa inyo, Matuwid bagang gumawa ng magaling, o gumawa ng masama kung sabbath? magligtas ng isang buhay o pumuksa?

¹⁰ At ^(G)minamasdan niya silang lahat sa palibotlibot, at sinabi sa kaniya, Iunat mo ang iyong kamay. At ginawa niyang gayon; at gumaling ang kaniyang kamay.

¹¹ Datapuwa't sila'y nangapuno ng galit; at ^(H)nangagsangusapan, kung ano ang kanilang magagawang laban kay Jesus.