Revised Common Lectionary (Semicontinuous)

⁸ परमेश्वर दयाळू आणि कृपाळू आहे.
    परमेश्वर सहनशील आणि प्रेमळ आहे.
⁹ परमेश्वर प्रत्येक मनुष्याशी चांगला वागतो.
    तो त्याने निर्माण केलेल्या प्रत्येक गोष्टीवर दया करतो.
¹⁰ परमेश्वरा, तू ज्या गोष्टी करतोस त्यामुळे तुला गौरव प्राप्त होतो.
    तुझे भक्त तुला धन्यवाद देतात.
¹¹ तुझे राज्य किती महान आहे हे ते सांगतात.
    तू किती महान आहेस हे ते सांगतात.
¹² म्हणून परमेश्वरा, तू ज्या महान गोष्टी करतोस त्याबद्दल इतर लोकांनाही कळते.
    तुझे राज्य किती महान आणि अद्भुत आहे हे त्या लोकांना कळते.
¹³ परमेश्वरा, तुझे राज्य सदैव राहील.
    तू सदैव राज्य करशील.

¹⁴ जे लोक खाली पडले आहेत त्यांना परमेश्वर उचलतो.
    जे लोक संकटात आहेत त्यांना परमेश्वर मदत करतो.
¹⁵ परमेश्वरा, सर्व प्राणीमात्र अन्नासाठी तुझ्याकडे बघतात.
    आणि तू त्यांना योग्य वेळी त्यांचे अन्न देतोस.
¹⁶ परमेश्वरा, तू तुझे हात उघडतोस
    आणि तू प्रत्येक प्राणीमात्राला जे लागेल ते सर्व देतोस.
¹⁷ परमेश्वर जे काही करतो ते सर्व चांगले असते.
    तो जे करतो ते सर्व तो किती चांगला आहे, ते दाखवते.
¹⁸ जे कोणी परमेश्वराला मदतीसाठी बोलावतात,
    त्या सर्वांच्या तो खूप जवळ असतो.
जो त्याची अगदी मनापासून प्रार्थना करतो,
    त्याच्या अगदी जवळ तो असतो.
¹⁹ भक्तांना जे हवे असते ते परमेश्वर करतो.
    परमेश्वर त्याच्या भक्तांचे ऐकतो.
तो त्यांच्या प्रार्थनेला उत्तर देतो
    आणि त्यांना वाचवतो.
²⁰ जे परमेश्वरावर प्रेम करतात त्यांचे तो रक्षण करतो.
    परंतु परमेश्वर वाईट लोकांचा नाश करतो.
²¹ मी परमेश्वराची स्तुती करेन.
    प्रत्येकाने त्याच्या पवित्र नावाचा सतत जयजयकार करावा असे मला वाटते.

“एकट्या असणाऱ्या बाईला. ^[a]
    नवरा असणाऱ्या बाईपेक्षा जास्त मुले होतील.”

² “तुझा तंबू मोठा कर.
    तुझी दारे सताड उघड.
    तुझ्या घराचा आकार वाढव
तुझा तंबू मोठा आणि मजबूत कर.
³     का? कारण तुझा पसारा खूप वाढणार आहे.
खूप राष्ट्रातील लोक तुझ्या मुलांना येऊन मिळणार आहेत.
    तुझे वंशज राष्ट्रांची व्यवस्था लावतील
    आणि नाश झालेल्या शहरातून पुन्हा तुझी मुले वस्ती करतील.
⁴ घाबरू नकोस.
    तुझी निराशा होणार नाही.
लोक तुझी निंदा करणार नाहीत.
    तुला ओशाळवाणे व्हावे लागणार नाही.
तू तरूण असताना तुला लज्जित व्हावे लागले.
    पण आता तू ते विसरशील.
पती गेल्यावर तुझी झालेली अप्रतिष्ठा
    तुला आठवणार नाही.
⁵ कारण तुझा पती हा तुझा निर्माता म्हणजेच देव आहे.
    त्याचे नाव सर्वशक्तिमान परमेश्वर आहे.
इस्राएलला वाचविणारा एक तोच आहे तो इस्राएलचा पवित्र देव आहे.
    आणि त्याला सर्व पृथ्वीचा पवित्र देव म्हटले जाईल.

⁶ “तू परित्यक्ता स्त्रीप्रमाणे होतीस.
    तू मनातून फार दुखी: होतीस.
    पण देवाने तुला आपली मानले.
पतीने तरूणपणीच सोडून दिलेल्या स्त्रीप्रमाणे तुझी अवस्था होती.
    पण परमेश्वराने तुला आपली मानले.”
⁷ देव म्हणतो, “मी तुला सोडले ते थोड्या वेळापुरतेच.
    मी तुला माझ्यात सामावून घेईन आणि तुझ्यावर कृपा करीन.
⁸ मला खूप राग आला होता म्हणून मी थोड्या वेळापुरता तुझ्यापासून लपून बसलो.
    पण मी तुझ्यावर अखंड कृपा करून तुझे दुख: हलके करीन.”
    परमेश्वर, तुझा तारणहार असे म्हणाला.

²⁰ “तुमचा शत्रू भुकेला असल्यास
    त्यास खावयास द्या,
तहानेला असेल तर
    प्यावयास द्या.
कारण असे केल्याने तुम्ही त्याच्या डोक्यावर निखाऱ्यांची रास कराल.” ^[b]